Արշակունիների հայտնի դամբարանի` կիսատ թողնված պեղումների արդյունքում ուշագրավ մանրամասներ են բացահայտվել

Գլխավոր դատախազության պետական շահերի պաշտպանության վարչությունում Կրթության, գիտության, մշակույթի և սպորտի նախարարությունից ստացված փաստաթղթերի հիման վրա ուսումնասիրվել է «Աղձքի հայ արքաների դամբարանում և հարակից տարածքում» պեղումներ իրականացնելու համար հատկացված պետական միջոցների ծախսման գործըթնացը՝ վերաբերելի այլ փաստաթղթեր պահանջելով և ստանալով նաեւ «Պատմամշակութային արգելոց թանգարանների և պատմական միջավայրի պահպանության ծառայություն» ՊՈԱԿ-ից:

ԿԳՄՍ նախարարության կողմից ՊՈԱԿ-ում իրականացված ներքին աուդիտի արդյունքում պարզվել է, որ 2015-2018թթ. «Աղձքում» պեղումների համար պետական բյուջեից հատկացված միջոցներից «որպես այլ մասնագիտական ծառայությունների, այլ ծառայությունների և ապրանքների ձեռքբերում» տողերից պակաս վճարված 11.6մլն ՀՀ դրամն ուղղվել է ծառայողական գործուղումներին և ավտոմեքենաների վարձակալություններին»: 

Հատկանշական է, որ Քր, գործի հարուցման արդյունքում դադարեցվել են պեղումները: Որքանո՞վ են պեղումները խանգարելու քր, գործի օբյեկտիվ քննությանը, առհասարակ Աղձքի առեղծվածի շուրջ «Իրավունքը» զրուցել է հայտնի հնագետ ԲՈՐԻՍ ԳԱՍՊԱՐՅԱՆԻ հետ, ով նախ անդրադառնալով դամաբարանի շուրջ պեղումների դադարեցման պատճառներին եւ հետեւանքներին.

-Դա եղել եւ մնում է ԿԳՄՍ-ի ծրագիրը, այն մեր ինստիտուտի հետ բացարաձականապես կապ չունի: Աղձքում գտնվող Արշակունիների հայտնի դամբարանը համարվում է կարեւորագույն հուշարձան, որը բավականին մեծ ուսումնասիրության կարիք ունի իսկապես: Եվ պետությունը նպատակ ուներ այն բարեկարգելուն զուգահեռ նոր բացահայտումներ անել, որպեսզի դառնա զբոսաշրջային յուրահատուկ վայր պեղումների բուն նպատակը հենց դա էր: Պեղումներով, իսկապես բավականին հետաքրքիր արդյունքներ ի հայտ եկել են: Կոնկրետ մանրամասներ չեմ կարող ասել, դա պետական ծրագիր է, պեղումների համար գումարը հատկացվել է պետբյուջեից: 

Հ.Գ.Պեղումները կոնկրետ փուլում դադարեցնելը ի՞նչ վտանգներով է հղի եւ այլ մանրամասներ կարդացեք «Իրավունքի» առաջիկա տպագիր համարում:

ԻԼՈՆԱ ԱԶԱՐՅԱՆ