Ինչ են ուզում Սինանյանն ու Երիցյանը 18-35 տարեկան երիտասարդներից

ՀՀ սփյուռքի գործերի գլխավոր հանձնակատարի գրասենյակի նախաձեռնությամբ երեկվանից մեկնարկել է առաջին անգամ անցկացվող Ազգային երիտասարդական համաժողովը: «Երիտասարդների կողմից` երիտասարդների համար» կարգախոսի ներքո իրականացվող եռօրյա համաժողովին մասնակցում են 50-ից ավելի երկրներից ժամանած 18-35 տարեկան 600 սփյուռքահայ երիտասարդ` համայնքային, գիտական, կրթական, մշակութային եւ այլ շրջանակներից: Համաժողովին հրավիրված են նաեւ 100 բանախոսներ` 15-ից ավելի երկրներից: Ըստ պաշտոնական հաղորդագրության` համաժողովի նպատակն է հնարավորություն ընձեռել` սփյուռքի հայ երիտասարդությանը մասնակցելու Հայաստանի զարգացման գործընթացին, կապեր հաստատելու եւ հզորացնելու միմյանց, ինչպես նաեւ ոգեւորելու ընդլայնել իրենց աշխատանքը եւ ներգրավվածությունը համայնքներում:

Առաջին հայացքից այս ամենը տպավորիչ եւ նույնիսկ հուզիչ կարող է թվալ, սակայն իրականությունը տեսնելու համար բավարար է տեղեկանալ, որ համաժողովի առաջին օրվա ընթացքում գլխավոր բանախոսի, պանելային եւ համաժամանակյա քննարկումների ձեւաչափներում Հայաստանից ելույթ ունեցողների շարքում էր «Հայ առաջադեմ երիտասարդություն» ՀԿ նախագահ, Երեւանի ավագանու «Իմ քայլը» խմբակցության նախկին անդամ ԳՐԻԳՈՐ ԵՐԻՑՅԱՆԸ, որը, երբ ավագանու նիստին խոսք էր ասում, խաչակնքում էր Շինարարության եւ բարեկարգման վարչության պետ Գրիգոր Հարությունյանը: Երիցյանի հետ կապված ավելի սյուռ պատմություն կա: Ժամանակին «Ադեկվադ» կուսակցության համահիմնադիրներ Արթուր Դանիելյանը եւ Կոնստանտին Տեր-Նակալյանը նրան ծաղիկներ էին նվիրել` դատական նիստից հետո: Բանն այն է, որ Երիցյանը դատի էր տվել Կոնստանտին Տեր-Նակալյանին` հեռուստաեթերում հնչեցված ակնարկի համար:

«Երեւանի ավագանու «Իմ քայլը» պանծալի դաշինքի անդամ, խաղաղասիրության ջատագով, ԼԳԲՏ իրավունքների ռահվիրա, հայ-ադրբեջանական բարիդրացիականություն կերտող Գրիգոր Երիցյանը պահանջել էր, որ ես հրապարակայնորեն հերքեմ ու ներողություն խնդրեմ իրենից եթերում հնչեցրածս այն պնդման համար, որ ինքը՝ պատվելի Գրիգորը, ԼԳԲՏ քարոզչություն է իրականացրել Կոտայքի մարզի դպրոցներից մեկում: Այնուհանդերձ, ուզում եմ անել դա: Թեեւ Գրիգոր Երիցյանն ու իր ղեկավարած կազմակերպությունը ՀՀ տարածքում տարբեր հարամություններ են արել, այդ թվում՝ «ԼԳԲՏ երիտասարդության հզորացման ծրագիր», ադրբեջանական կողմի հետ համատեղ ծրագրեր եւ այլն, բայց կոնկրետ Կոտայքի մարզի այդ դպրոցում Գրիգորն ու իր կազմակերպությունը ԼԳԲՏ քարոզ չեն արել, ինչի համար ներողություն եմ խնդրում: Տո ներողությունը ո՞րն ա, նաեւ շնորհակալություն եմ հայտնում, որ գոնե էդ դպրոցում որեւէ պիղծ բան չի քարոզվել», - ընդգծել էր Կ. Տեր-Նակալյանը:

Այսքանից հետո` հարց է ծագում, թե Սփյուռքի գործերի գլխավոր հանձնակատար, Գլենդելի նախկին քաղաքապետ Զարեհ Սինանյանը, որը ԼԳԲՏ անձանց իրավունքները պաշտպանալու համար նույնիսկ մրցանակի է արժանացել, Գրիգոր Երիցյանին առաջին պլան է բերել, որ ի՞նչ լինի: Ի՞նչ կապ ունի նա ազգայինի հետ, ի՞նչ կապեր է հաստատելու, հզորացնելու եւ ինչպե՞ս է ոգեւորելու երիտասարդների աշխատանքի ընդլայնմանն ու ի՞նչ համայնքի ներգրավածութամբ:

ՀՐԱՆՏ ՍԱՐԱՖՅԱՆ

Այս թեմայով Այս շարժումը վեկտոր չունի, ուրիշ խնդիր մի՛ փնտրեք. Վահագն Մելիքյան Երևանի Սուրբ Գրիգոր Լուսավորիչ մայր եկեղեցում տեղի ունեցավ քահանայական ձեռնադրություն Արցախից բռնի տեղահանված Երվանդ Աղաբալյանը կալանավորվեց մեկ ամիս ժամկետով. փաստաբան Հայաստանը ԱՄՆ-ի համար կդառնա ռազմավարական գործընկեր. սա շանս է, թե հակառակը. Բալասանյան Ժամանակն է պատասխանել Իսրայելին. Հայաստանը պետք է ճանաչի Պաղեստին պետությունը. Բալասանյան