ԳՅՈՒՄՐԵՑԻ ԾԱՆՐԱՄԱՐՏԻԿ ՎԱՐԱԶԴԱՏ ԼԱԼԱՅԱՆԸ ԴԱՐՁԱՎ ԱՇԽԱՐՀԻ ԳԱՎԱԹԻ ՀԱՂԹՈՂ ՈՒ ՆՎՍՃԵՑ ՓԱՐԻԶԻ ՕԼԻՄՊԻԱԿԱՆ ԽԱՂԵՐԻ ՈՒՂԵԳԻՐ

Թաիլանդական Պուկետում, այսօր ապրիլի 11-ին ծանրամարտի Աշխարհի գավաթի վարկանիշային խաղարկությունում վերջինը պայքարի մեջ մտան գերծանր քաշային կարգի ծանրորդները։

Հայաստանը ներկայացրեցին անվանի ծանրորդներ ՍԻՄՈՆ ՄԱՐՏԻՐՈՍՅԱՆԸ և ՎԱՐԱԶԴԱՏ ԼԱԼԱՅԱՆԸ։ Եվրոպայի արծաթե մեդալակիր Սիմոն Մարտիրոսյանը սկսեց 195 կգ ֊ից, ապա մոտեցավ 202֊ին, սակայն երկու մոտեցմամբ այն գրանցել չհաջողվեց։ Եվրոպայի չեմպիոն, ծնունդով գյումրեցի Վարազդատ Լալայանը, նախ հեշտությամբ բարձրացրեց 205 կգ ծանրաձողը, երկրորդի համար 5 կգ ֊ոց քայլ արեց ու նորից այն պահեց գլխավերևում, իսկ վերջին մոտեցմամբ 215 կգ չկարողացավ իրեն ենթարկել։ Հրման ժամանակ, նախ Լալայանը գրանցեց 243 կգ, Մարտիրոսյանը պատասխանեց 245 ֊ով, Եվրոպայի չեմպիոնը 10 կգ ավելացրեց ու հաջողությամբ բարձրացրեց։ Նա երկամարտի 463 կգ արդյունքով ոսկե մեդալ նվաճեց։ Վարազդատ Լալայանը, նաև պոկման և հրման փոքր ոսկե մեդալակիրն է։ Մարտիրոսյանը երկու անգամ մոտեցավ 253 ֊ին, սակայն ձախողեց փորձերը, նա 440 կգ֊ով ելույթը ավարտեց ու զբաղեցրեց 4֊րդ տեղը։ Նշենք, որ սա Վարազդատ Լալայանի երկրորդ ոսկե մեդալն էր այս տարվա, նա Եվրոպայի չեմպիոնի բաղձալի տիտղոսն էր նաև նվաճել։Լալայանը, Գյումրեցի անվանի մարզիչ Կարեն Կարապետյանի սանն է։ Քանի որ այս մրցաշարը Աշխարհի գավաթի խաղարկությունը վարկանիշային էր, ուստի Լալայանը նվաճեց նաև ամռանը Փարիզում կայանալիք Օլիմպիական խաղերի ուղեգիր։ Հավելենք, որ այս միջազգային մրցաշարն վերջինն էր, որը վարկանիշային էր Օլիմպիական խաղերի համար։

Շնորհավորում ենք Վարազդատին ու սպասում կրկին ոսկե մեդալ արդեն Փարիզից։

ՀՈՎՀԱՆՆԵՍ ՍԱՐԳՍՅԱՆ