Վաղեմի կարգին Հայկոյի թիմի լոկոմոտիվը ԼԳԲՏ պրոպագանդիստ է

Երեւանի ավագանու ընտրությունների նախընտրական քարոզարշավի ընթացքը ցույց տվեց, որ «Ազգային առաջընթաց» կուսակցության քաղաքապետի թեկնածու, բեմում եւ քաղաքապետարանում քաղաքապետի դերակատար ՀԱՅԿ ՄԱՐՈՒԹՅԱՆԻ թիմի լոկոմոտիվը ցուցակի 4-րդ համար, Երեւանի ավագանու «Իմ քայլը» խմբակցության անդամ ԳՐԻԳՈՐԻ ԵՐԻՑՅԱՆՆ է: Նա է հիմնականում հայտնվում էկրանների առաջ նախընտրական բանավեճերի, կլոր-սեղանների ժամանակ: Միայն թե, իմիջային փոփոխությունից հետո՝ կարծես թե, շատերն են մոռացել նրա կենսագրության ոչ միայն սորոսական, այլեւ «գունագեղ» էջերը:

Այսպիսով՝ «Հայ առաջադեմ երիտասարդություն» ՀԿ նախագահ Գրիգորի Երիցյանը Երեւանի իմքայլական այն ավագանու անդամն էր, որի ելույթի ժամանակ խաչակնքում էր Շինարարության եւ բարեկարգման վարչության պետ Գրիգոր Հարությունյանը եւ դատական նիստից հետո ծաղիկներ էին նվիրում «Ադեկվադ» կուսակցության համահիմնադիրներ Արթուր Դանիելյանը եւ Կոնստանտին Տեր-Նակալյանը՝ նրան անվանելով՝ «ավագանու «Իմ քայլը» պանծալի դաշինքի անդամ, խաղաղասիրության ջատագով, ԼԳԲՏ իրավունքների ռահվիրա, հայ-ադրբեջանական բարիդրացիականություն կերտող»: Սակայն, այս ամենը դեռ անոնսն է, թե ընտրապայքարի մեջ մտած քաղաքական ուժը «Ազգային առաջընթաց» անվան տակ ինչ ական է դրել:

Դեռեւս 2019 թվականին, լինելով Երեւանի ավագանու անդամ, նույն Գ. Երիցյանը դիմել էր ոստիկանություն, որպեսզի արգելեն ընդդեմ չարաբաստիկ Ստամբուլյան կոնվենցիայի ստորագրահավաքները մայրաքաղաքում: Մի կողմ թողնենք այն, որ ԼԳԲՏ-ական ծրագրերում Երիցյանը ներգրավվելով՝ անունը դնում է ժողովրդավարություն, բայց հակաժողովրդավարական չի համարում ստորագրահավաք իրականացնելն արգելելը, բայց նկատենք, որ երբեմնի Կարգին Հայկոյի թիմում, փաստորեն, այս անձը առաջինների շարքում է: Այո, ժամանակին «Ես լավ տղա եմ» երգող Հայկոն հիմա կարգին երեւանցիներին ներկայանում է ԼԳԲՏ դրոշի ներքո լուսանկարվող Գրիգորի Երիցյանով: Բայց այս հարցում «Քաղաքացիական պայմանագիր» կուսակցության քաղաքապետի թեկնածու Տիգրան Ավինյանն էլ բոլորովին «գլուխ գովելու» տեղ չունի: Չէ որ նա էր ՔՊ-ականների մեջ այն անձը, որը ԼԳԲՏ-ականներին հանդուրժելու վերաբերյալ ասուլիս էր տալիս ԼԳԲՏ ջատագով ՀԿ ներկայացուցիչների հետ, իսկ նրա պարեկ եղած ժամանակ բոլորին արգելված էր առանց դիմակ փողոց դուրս գալը, մինչդեռ համացանցում հայտնվեց տեսանյութ, թե ինչպես են տրանսվեստիտները մայրուղում ազատ վայելում գիշերային Երեւանը:

Ի դեպ, չար լեզուներն ասում են, որ մեկը մեկից թունդ լիբերալ Հայկոյի ու Տիկոյի միջեւ ընտրապայքարի շրջանում տեղի ունեցող հեռահար լեզվակռիվն էլ առանձնապես լուրջ չէ: Պարզապես, ընտրապայքարը կենտրոնացնելով հենց երկուսի վրա՝ փորձում են մեկը մյուսի անվան շուրջ ավելի մեծ ուշադրություն հրավիրել, իրար վարկանիշ բարձրացնել, վերջում էլ ավագանիում տեղավորվել գլխավորապես հենց երկուսով՝ հաշտ ու խաղաղ. մեկն իշխանություն, մյուսն՝ իբրեւ ընդդիմություն, իսկ իրականում՝ ընդամենը նեոլիբերալ խայտառակություն:

Այս թեմայով Բանակցություն չկա. Ալիեւը պահանջում է, Երեւանը տալիս, իսկ որտե՞ղ է ԵԱՀԿ-ն. Բալասանյան Հայ Ազգային Ռամկավար կուսակցությունն իր լիակատար զորակցությունն է հայտնում «Տավուշը հանուն Հայրենիքի» համաժողովրդական շարժմանը. հայտարարություն 102-րդ ռազմաբազան դուրս չի գալիս. սահմանապահների հետ կապված խնդիրը հանգուցալուծվեց. Բալասանյան Միջազգայնագետը բաց նամակ է հղել Բագրատ սրբազանի գլխավորած շարժմանը Հայեր ջան, էրթանք Հայաստան. Հայկ Կասպարով (Պրեմիերա)