«Դուք միշտ երեխա կլինեք ձեր մոր համար, նույնիսկ երբ ունեք ձեր սեփական ընտանիքը եւ ձեր երեխան»․ Մարիամ Մելիքյանի եւ դստեր քնքուշ լուսանկարը

Տարբեր սիթքոմներից հանրությանը հայտնի դերասանուհի, մոդել Մարիամ Մելիքյանի, ով ամուսնությունից հետո բնակվում է Թուրքիայում,  Instagram-ի էջը պարզապես ողողված է հրապուրիչ լուսանկարներով, գայթակղիչ կադրերով, որոնք հիմնականում ներկայացնում են նրա հագեցած ու զվարճանքներով լի առօրյան:

Երկրորդ երեխայի ծնունդին սպասող երիտասարդ մայրիկը նոր լուսանկար է հրապարակել, որում պատկերված է դստեր հետ։ Մայր ու դուստր կրում են միանման զգեստ․ կանաչ երանգի, լայն։ Մարիամն արձակել է երկար վարսերը, իսկ կերպարն ամբողջացնում է արեւային ակնոցը։ Հրապարակմանը կից նա գրել է․ «Դուք միշտ երեխա կլինեք ձեր մոր համար, նույնիսկ երբ ունեք ձեր սեփական ընտանիքը եւ ձեր երեխան ...»։

Հիշեցնենք, որ ավելի վաղ հրապարակված լուսանկարում Մարիամը ներկայացել էր քնքուշ կերպարում: Երիտասարդ մայրիկը կրում էր ծաղկավոր պրինտով ամառային զգեստ։ Նա արձակել էր ուղիղ հարդարված վարսերը, նուրբ շպար ընտրել։ Հրապարակմանը կից նա դիմելով հետեւորդներին՝ գրել էր․ «Աղջիկ, թե տղուկ։ Ի՞նչ եք կարծում»

Աղբյուրը` https://style.news.am/arm/news/73491/duq-misht-erekha-klineq-dzer-mor-hamar-nuynisk-erb-uneq-dzer-sepakan-yntaniqy-ev-dzer-erekhan%E2%80%A4-mariam-meliqyani-ev-dster-qnqush-lusankary.html

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝