Մասնագետը նշել է՝ որ դեպքերում է հակացուցված արևայրուքը
Հասարակություն
Չչարաշահելու դեպքում արևային լոգանքները կարող են դրական ազդեցություն ունենալ մարդու առողջության վրա՝ հագեցնելով օրգանիզմը վիտամին D-ով, սակայն ոմանց համար արևայրուքը կարող է վտանգավոր լինել։ Այս մասին գրում է «Դոկտոր Պիտեր» պորտալը՝ վկայակոչելով մաշկավեներոլոգ, տրիխոլոգ Տատյանա Սուլիմային։
Մասնագետի խոսքով՝ արևայրուքը կտրականապես հակացուցված է օնկոլոգիական հիվանդություններով, գայլախտով ու սրման փուլում գտնվող փսորիազով հիվանդներին, քանի որ նման դեպքերում արևային լոգանքը կարող է էլ ավելի վատթարացնել հիվանդի վիճակը։ Բացի այդ, արևայրուքն արգելված է նաև գինեկոլոգիական խնդիրներով, մասնավորապես՝ արգանդի մկանուռուցքով (միոմա) կանանց։
«Գոյություն ունեն դեղամիջոցներ, որոնք բարձրացնում են օրգանիզմի ընկալունակությունն արևի ճառագայթների նկատմամբ։ Դրանց շարքին են դասվում հակաբիոտիկները, զարկերակային ճնշումը կարգավորող դեղերը, հակասնկային դեղամիջոցներն ու յուղեր պարունակող կոսմետիկ միջոցները», - նախազգուշացրել է Սուլիման։
Նա նաև հավելել է, որ տևական ժամանակ արևի ճառագայթների տակ մնալուց հարկավոր է հրաժարվել նաև մարմնին մեծ քանակությամբ խալերի առկայության դեպքում, քանի որ ուլտրամանուշակագույն ճառագայթների ազդեցության տակ դրանք կարող են բորբոքվել ու նպաստել մելանոմայի՝ մաշկի քաղցկեղի ագրեսիվ տեսակներից մեկի զարգացմանը։
Հավանեցի՞ր հոդվածը, կիսվիր ընկերներիդ հետ՝
Հետևեք մեզ նաև տելեգրամում՝
Ներբեռնեք Iravunk հավելվածը և եղեք միշտ տեղեկացված՝
1
25036 դիտում
2
3743 դիտում
3
1867 դիտում
4
1630 դիտում
5
1623 դիտում
1
41258 դիտում
3
8972 դիտում
4
8133 դիտում
5
5054 դիտում
3
17262 դիտում
4
10520 դիտում
5
9917 դիտում
