ԵՐԵՎԱՆ, 25 օգոստոսի – Sputnik. Հայաստանում առայժմ կապիկի ծաղիկ հիվանդության ոչ մի դեպք չի գրանցվել։ Տեղեկությունը հայտնում է ՀՀ առողջապահության նախարարության մամուլի ծառայությունը` պատասխանելով Sputnik Արմենիայի գրավոր հարցմանը։
Ավելի վաղ հայտնի էր դարձել, որ Իրանում գրանցվել է կապիկի ծաղիկ հիվանդությամբ վարակվելու առաջին դեպքը։ Վարակի դեպքեր են հայտնաբերվել նաև Ռուսաստանում, Վրաստանում և Թուրքիայում։
«Առողջապահության համաշխարհային կազմակերպության կանխատեսմամբ՝ կապիկի ծաղիկի տարածման վտանգ կա (ոչ էնդեմիկ երկրներում)»,- նշված է պատասխանում։
Միաժամանակ առողջապահության նախարարությունը հայտնում է, որ ՀՀ սահմաններում շարունակվում են կանխարգելիչ միջոցառումները՝ վարակի ներմուծումը կանխելու համար։ Ավելին, երկիրն արդեն համալրվել է թեստերով` վարակի դեպքերը հայտնաբերելու և վերահսկելու համար։
ՀՀ սննդամթերքի անվտանգության տեսչական մարմնի ղեկավարի հրամանով` մայիսի 28-ից մինչև նոյեմբերի 28-ը արգելվել է ՀՀ տարածք պրիմատների և կրծողների կարգին պատկանող կենդանատեսակների ներմուծումը և դրանց փոխադրումը ԵԱՏՄ անդամ երկրից կամ տարանցիկ փոխադրումը հանրապետության տարածքով։
Հիշեցնենք, որ օգոստոսի 17-ի դրությամբ աշխարհի 92 երկրներում գրանցվել է կապիկի ծաղիկի 35 հազար դեպք, մահացել է 12 մարդ։
1
25036 դիտում
2
3743 դիտում
3
1867 դիտում
4
1630 դիտում
5
1623 դիտում
1
41258 դիտում
3
8972 դիտում
4
8133 դիտում
5
5054 դիտում
3
17262 դիտում
4
10520 դիտում
5
9917 դիտում
