Որոնք են գլխացավի ամենավտանգավոր տեսակներն ու որ դեպքերում են դրանք ի հայտ գալիս
Հասարակություն
Գլխացավը բավական տարածված խնդիր է, որի դեպքում մարդիկ սովորաբար պարզապես ցավազրկող դեղամիջոցներ են ընդունում, սակայն նյարդաբան Ալեքսանդր Կոմարովը վստահ է, որ կան գլխացավի տեսակներ, որոնք չի կարելի անտեսել։
«Ներուղեղային անոթալայնանքը վտանգավոր խնդիր է, որը կարող է ուղեկցվել գլխացավով՝ հատկապես զարկերակային բարձր ճնշում ունեցող մարդականց մոտ։ Այս դեպքում գլխացավը բաբախուն է լինում», - նշել է մասնագետը «Москве 24»-ի հետ զրույցում։
Բժշկի խոսքով՝ գոյություն ունեն նաև ցավի այլ տեսակներ, որոնք ևս չի կարելի անուշադրության մատնել։ Բանն այն է, որ գլխուղեղի ուռուցքը ևս կարող է ուղեկցվել գլխացավով։ Այս դեպքում այն սովորաբար տեղային է լինում և ուղեկցվում է գիտակցության կորստով։
«Կարող է լինել ինֆեկցիոն ցավ՝ կապված մենինգիտի կամ գլխուղեղի ու դրա թաղանթների այլ ինֆեկցիոն վիրուսային հիվանդությունների հետ։ Նման գլխացավին ոչ մի դեպքում չի կարելի դիմակայել՝ հատկապես, եթե այն ուղեկցվում է գիտակցության կորստով կամ խանգարմամբ, մարմնի ջերմաստիճանի բարձրացմամբ։ Հարկավոր է դիմել բժշկին ու բուժզննում անցնել», - հավելել է նյարդաբանը։
Բժշկի խոսքով՝ նման ցավի դեպքում բարձր է լինում նաև գլխուղեղի կաթվածի վտանգը, իսկ այս խանգարումը կարող է հանգեցնել հաշմանդամության կամ անգամ մահվան։ Սա է պատճառը, որ բաբախուն կամ տեղային գլխացավերի դեպքում հարկավոր է անհապաղ դիմել մասնագետին ու պարզել պատճառը։
Հավանեցի՞ր հոդվածը, կիսվիր ընկերներիդ հետ՝
Հետևեք մեզ նաև տելեգրամում՝
Ներբեռնեք Iravunk հավելվածը և եղեք միշտ տեղեկացված՝
1
24948 դիտում
2
3715 դիտում
3
1858 դիտում
4
1623 դիտում
5
1561 դիտում
1
41226 դիտում
3
8972 դիտում
4
8133 դիտում
5
5054 դիտում
3
17228 դիտում
4
10520 դիտում
5
9917 դիտում
