Ինչո՞ւ չեն կարողացել փրկվել հրդեհից 15 զինվորները․ Ինչ նոր վարկածի վրա է ընթանում քննությունը․ Մանրամասներ
Հանդիպում
Ազատ գյուղի 15 զինվորների կացարանում բռնկված ողբերգական հրդեհի գործով դատաբժշկական եզրակացություններից մեկի համաձայն՝ ժամկետայինների մի մասը շմոլ գազից և այրվածքային շոկից են մահացել, իրավապահները դեռ քննում են կրակի տարածման, կացարանից զինծառայողների դուրս գալու հնարավորության հանգամանքները։ Իսկ ծնողներն ավելի քան 3 ամիս է՝ ուզում են իմանալ՝ ի վերջո ի՞նչ է տեղի ունեցել հրդեհից առաջ։ Դեպքից ժամեր անց շրջանառության մեջ մտած պաշտոնական վարկածին չեն հավատում, թե կապիտանը վառարանն է ուզել թեժացնել, ինչից հրդեհ է բռնկվել։ Պաշտոնական վարկածի մասին առաջինը հենց վարչապետն էր խոսել։
Արդյո՞ք բացի պաշտոնական վարկածից այլ, օրինակ, դիվերսիոն փորձի վարկած եւս քննվում է հարցի պատասխանը փորձեցինք պարզել ըստ պաշտոնական վարկածի, հրդեհի պատճառ դարձած կապիտան Եղիշե Հակոբյանի փաստաբան ՀՈՎՍԵՓ ՍԱՐԳՍՅԱՆԻՑ, ով փաստեց հետեւյալը․
-Այ՛ո, բացի պաշտոնական վարկածից այլ վարկածի վրա են այս պահին շատ լուրջ քննություն տանում, չեմ կարող քննության գաղտնիությունից ելնելով այլ մանրամասներ հայտնել։ Կարող եմ ասել, որ ընդհանուր առմամբ քննությունը շատ դանդաղ է ընթանում, ակնհայտ է, որ զինվորները ի վիճակի չեն եղել դուրս գալու, պարզապես չեն կարողացել, ինչո՞ւ չեն կարողացել, ինչո՞ւ բացահայտված չեն այս հանգամանքները, տուժողները սա են ասում, մենք էլ ենք դա ասում և դա ասում ենք ոչ թե նոր, այլև ասում ենք արդեն երեք ամիս։
Հարցին, եղե՞լ են առերեսումներ ողջ մնացած զինվորների եւ կապիտանի միջեւ փաստաբանը ընդգծեց․
-Կապիտանը ցուցմունք տվել է, մանրամասն պատասխանել է քննիչի բոլոր հարցերին, բայց առերեսումներ դեռ չեն եղել։ Վաղը դատարանը եւս երկու ամսով Եղիշեի կալանքը երկարացնելու միջնորդությամբ կդիմի դատարան։
ԻԼՈՆԱ ԱԶԱՐՅԱՆ
Բաժանորդագրվե՛ք https://t.me/iravunk
1
2532 դիտում
2
2195 դիտում
3
1940 դիտում
4
1899 դիտում
5
1882 դիտում
1
17591 դիտում
2
7984 դիտում
3
6245 դիտում
4
5167 դիտում
5
4019 դիտում
2
8240 դիտում
4
7488 դիտում
5
6961 դիտում
