Մեր պետական քարտեզներով որեւէ անկլավ չկա. Քարտեզագիրը բացառիկ մանրամասներ է ներկայացնում
Հանդիպում
«Որեւէ անկլավ գոյություն չունի մեր պետական քարտեզներում»,-«Իրավունքի» հետ զրույցում անդրադառնալով ադրբեջանական պահանջներին, ասաց հայտնի քարտեզագիր Շահեն Շահինյանը, ընդգծելով.
-Անկլավները Խորհրդային միության տարիներին ի հայտ են եկել մոտավորապես 50-ական, 60-ական թվականների քարտեզներից, բայց դրանց իրավական հիմքը մինչ օրս հայտնի չէ: Ինչ վերաբերում է Արծվաշենին, ապա առաջին քարտեզներում Արծվաշենը անկլավ չի եղել, այն եղել է Հայաստանի մաս: Արծվաշենի անկլավը ի հայտ է եկել նույն քարտեզներում, որտեղ սկսել են երեւալ մյուս ադրբեջանական անկլավները: Բայց ի սկզբանե անկլավ չի եղել Արծվաշենը:
-Ո՞ր թվականի քարտեզներն են այսօր համարվում ՀՀ պաշտոնական քարտեզներ:
-ՀՀ պաշտոնական քարտեզները մշակվել են ՀՀ-ի կողմից Խորհրդային միության փլուզմից հետո` 90-ականներից սկսած մինչեւ 2000-2015թթ.: Այսինքն անընդհատ այդ քարտեզները թարմացվել ու մշակվել են, բայց համաձայն այդ քարտեզների մեր տարածքում անկլավներ չկան:
-Այդ դեպքում, ըստ Ձեզ, ի՞նչ հիմքով են ՀՀ իշխանությունները պնդում ադրբեջանական պնդումը, որ Ոսկեպարը ու մնացած պահանջվող անկլավները ադրբեջանական են:
-Չեմ կարող ասել, որովհետեւ իմ տեսակետից հայկական իշխանությունները պետք է բարձրաձայնի բացառապես հայկական շահը եւ փորձի ցանկացած խնդիր լուծել ի օգուտ իր պետության: Այսինքն, եթե կան ինչ-որ մարդիկ, ովքեր ուզում են ապացուցել, թե ինչու է Ադրբեջանը ճիշտ, կարծում եմ, դա առնվազն պետականամետ գործողություն չէ: Ադրբեջանը ինքը պետք է ապացուցի, թե ի՞նչ իրավական հիմքերով է այդ տարածքները իրենցը: Եթե նրանք դա հիմնավորում են նրանով, որ ադտեղ, օրինակ, ապրել են ադրբեջանցիներ, այդ դեպքում նույն սկզբունքով մերը պետք է լինեն ադրբեջանական մի քանի շրջաններ, մերը պետք է լինեն ամբողջական թաղամասեր Բաքվում, Սումգայիթում, Գանձակում: Այսինքն ցանկացած պահանջ պետք է ունենա իրավական հիմք:
Ինչ վերաբերում է կոնկրետ Ոսկեպարին, ապա այն ցանկացած թվականի քարտեզներում հայկական է, Ոսկեպարը միշտ եղել է ՀՀ խորհրդային հանրապետության տարածքում:
Նարեկ Կարապետյանը պատրաստ է գնալ ընտրության, ցավդ էլ տանեմ, բայց դա հո դուել չէ, որ ասես՝ դավայ ժամ ու տեղ ասեք՝ գնանք կռվենք. Թարվերդյան
Ո՞վ ասաց՝ «ԹՐԻՓՓ»-ը կյանքի կկոչվի, ավելի ձեռնտու կլիներ նոյեմբերի 9-ի փաստաթղթի կյանքի կոչումը․ Մաթեւոսյան
ԹՐԻՓՓ-ի անվան տակ Հայաստանին ներկայացվածը բոլորովին այլ փաստաթուղթ էր․ Էդգար Ղազարյան
Հրաժարվիր կինոյի տղա լինելուց՝ դու չես կարող դեւի դեմն առնել մենակ քո փողերով․ Աղազարյանը՝ ուժեղների շեֆին
1
2449 դիտում
2
2130 դիտում
3
1680 դիտում
4
1491 դիտում
5
1391 դիտում
1
4975 դիտում
2
4931 դիտում
3
4322 դիտում
4
4192 դիտում
5
4109 դիտում
1
31534 դիտում
2
19717 դիտում
3
11539 դիտում
4
11489 դիտում
5
10382 դիտում
