Ինչի՞ համար են Նիկոլն ու Աննան գնացել Հռոմի Պապի մոտ

Այսօր հայտարարվեց որ ՀՀ վարչպետի պաշտոնը զբաղեցնող Նիկոլը անսպասելիորեն մեկնեց Հռոմ, Հռոմի Պապի հետ հանդիպելու նպատակով:  Թվում էր, թե այս խառը իրավիճակում  ի՞նչ այդքան անհետաձգելի հարցեր ուներ Նիկոլը կաթոլիկ եկեղեցու առաջնորդի հետ, որ  ուժայինների հրաժարականի, ավելի ճիշտ պաշտոնանակության հաջորդ առավոտ Նիկոլը բոլոր գործերը թողած մեկնում է Հռոմ: Այս հարցի պատասխանը գտնելու համար  պետք է հիշեցնել մի քանի  իրադարձություններ, որոնք տեղի ունեցան այս այցի նախաշեմին:

Նախ հիշեցնենք Նիկոլի կերպարանափոխությունը` սափրվելը, որը համընկավ սատանայական 666 թվի հետ: Եվ ապա` իր հարազատ Ենոքավան գյուղում  մատաղի (արդյո՞ք դա իրական մատաղ էր) արարողությունից հետո  լիալուսնի օրոք (որը միստիկ ուսմունքներում կապվում է տարբեր սատանայությունների հետ) կիրակի օրով 6 ուժային  ղեկավարների պաշտոնանկությունը: Ընդհանրապես Նիկոլի ու իր կնգա եկեղեցի այցելելը  իր հետ բերում է  տարօրինակ իրավիճակներ: Հիշեցնենք, թե  Սուրբ Զատիկի օրով այս հակաեկեղեցական զույգը ինչպես էր այցելել կիսաքանդ, լքված մի եկեղեցի, իսկ  Արցախի  Մեծ Ելքի (հիշո՞ւմ եք ինչպես էր անվանել Նիկոլը իր պատգամավորական խումբը ԱԺ-ում) նախօրեին Նիկոլը Աննայի հետ կրկին այցելել էին եկեղեցի:

Հիմա անդրադառնանք Հռոմի Պապին` Ֆրանցիսկոսին: Նախ հայտնի է, որ  Հռոմը դարեր շարունակ երազում էր  իրեն ձուլել Հայ Առաքելական եկեղեցին: Ավելին, կան տեղեկություններ, որ նեկայումս Հայաստանում գործող  առաջին հայացքից ոչ կաթոլիկ աղանդները իրականում կառավարվում են հենց Հռոմի Պապի կողմից: Համենայնդեպս, փաստ է, որ այդպիսի  աղադներից մեկի` «Կյանքի խոսքի» համաշխարհային ղեկավարներից մեկը  այդ աղանդում իր գործունեությունը դադարեցնելուց հետո հայտարարեց իր  կաթոլիկ  լինելու մասին:

Օրերս հայտնի հակաքրիստոնեա, համաշխարհային կառավարության կողմնակից  Բիլլ Գեյթսը առաջարկեց  ստեղծել  նոր կրոն, որը պետք է իր կարծիքով դառնա համաշխարհային կրոն այն պայմաններում, երբ  արհեստական ինտելեկտը շատ մեծ տեղ կզբաղեցնի մարդկության կյանքում: Այն, որ  այդ առաջարկը  աջակցություն ստացավ  համաշխարհային կառավարության մեկ այլ ջատագով  Կլաուս Շվաբի կողմից  բնական էր: Սակայն Բիլլ Գյեթսի առաջարկությունը հավանություն ստացավ նաեւ Հռոմի Պապ Ֆրանցիսկոսի կողմից: Հիշեցնենք, որ Ֆրանցիսկոսը դեռ 2017 թվականին  հանդես էր գալիս հօգուտ համաշխարհային կառավարություն ձեւավորելու գաղափարին: Ըստ կրոնի մասնագետների Հռոմի Պապի նման հայտարարությունները հակասում են  կաթոլիկ եկեղեցու  հիմնադրույթներին եւ տանում են դեպի կաթոլիցիզմի ոչնչացում: Այսինքն` խոսքը գնում է կաթոլիկ երկներում քրիստոնեության վերացման մասին այնպես, ինչպես  եղավ բողոքական եկեղեցիների հետ, որոնք թույլ տվեցին գրանցել միասեռականների «ամուսնությունը»: Ըստ կրոնի մասնագետների այս ամենը ոչ այլ ինչ է, քան վերջին հինգ հարույր ամյակների ընթացքում վարվող ավանդական կրոնների դեմ պայքարի դրսեւորում, որի նպատակն է մարդկանց մեջ ոչնչացնել հոգեւորը եւ ընդհանրապես մարդկային հանրությունը: 

Ըստ «նոր կրոնի» ջատագովների,  ավանդական կրոնների ոչնչացումը  եւ դրա փոխարեն արհեստական բանականության  շուրջ  ինչ-որ կրոնի  ձեւավորումը  կբերի նոր ռացիոնալ  որոշումներ ընդունելու դարաշրջան, որը սակայն կբերի մարդկության  ոչնչացմանը` ապոկալիպսիսի: 

Միաժամանակ  «նոր կրոնի» հիմքում դրվում է  մարդու  ֆիզիկական գոյության, այսինքն` մարմնի անմահությունը եւ բոլոր  ջանքերը, այդ թվում` արհեստական բանականության կիրառման, դրվում են այդ խնդրի լուծման վրա: Եթե  ավանդական կրոններում խոսվում է հոգու անմահության մասին եւ հետեւապես առաջնային է դառնում մարդու հեգեւոր կյանքը, ապա «նոր կրոնի» մեջ այն փոխարինվում է ֆիզիկականի: Եվ այսօր նոր համաշխարհային կառավարության  ծրագրերում  քննարկվում է մեկ ֆիզիկական մարմնից  մյուս  մարմնի մեջ  մարդու գիտակցության տեղափոխումը: Այսինքն` մարդկային  մարմնի պահպանության անհնարինության դեպքում  գիտակցության տեղափոխումը մեխանիկական մարմնի մեջ եւ այդ կերպ անմահության ձեռքբերումը: Այդ «նոր կրոնի» կողմնակիցները հույս ունեն, որ արհեստական բանականության  միջոցով  խնդիրը կլուծվի արդեն 21-րդ դարում: Սակայն հասկանալի է, որ այդ «անմահությունը» չի կարող լինել բոլորի համար, այլ կլինի միայն  ընտրյալների շնորհը: 

Նշենք, որ Միացյալ Նահանգներում արդեն կա «եկեղեցի», որը  պաշտում է արհեստական բանականությունը, աստվածացնելով նրան: Այսինքն`  Բիլլ Գյեթսի ասած  «նոր կրոնը» արդեն իսկ ձեւավորվում է եւ այս կապակցությամբ հայտնի ռուս փիլիսոփա, պատմաբան, պրոֆեսոր Սերգեյ  Պերեվեզենցովը նշում է, որ  լիբերալները  շարունակելով 500  տարվա հակաքրստոնեական պայքարը,  հորինելով «նոր կրոն» իրականում  բացահայտում են իրական նպատակը, որը ո՛չ թե արհեստական բանականությունն է եւ ո՛չ էլ կրոնի նոր ստեղծումը, այլ սատանիզմի կրոնի ձեւավորումը: 

Այսպիսով Նիկոլի գորոծողությունները, որոնք շատ անգամ թվում են  անհասկանալի ու անբացատրելի քրիստոնեական մտածելակերպի տեսանկյունից կարող են ունենալ շատ պարզ  ու  հասկանալի բացատրություն եւ այդ թվում`  իր այսօրվա անսպասելի այցը Հռոմի Պապի մոտ: Հավանաբար Նիկոլն ու Աննան պետք է ստանան  Հռամի Պապի օրհնությունը, միայն թե հարց է ծագում` ի՞նչ ծրագրի ու  գործողությունների համար:

Ա. Հովհաննիսյան

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝