Օքյուլ դավթարի. ԸՆԿԵՐ ՓԱՆՋՈՒՆԻ

ՕՔՅՈՒԼ ԴԱՎԹԱՐԻ

(ՆԻԿՈԼԻ` ԹՈՒՐՔ ԼՐԱԳՐՈՂՆԵՐԻ ՀՐԱՎԻՐԵԼՈՒ ԿԱՊԱԿՑՈՒԹՅԱՄԲ)

Կառավարության մամուլի ծառայությունից հայտնում են, որ Նիկոլն այլեւս ամբախ-զամբախ խոսող հայ լրագրողներին մամուլի ասուլիս չի տալու, քանի որ թուրքերի հետ ավելի խաղաղ ա անցնում։

**

 ՔՊ-ԱԿԱՆՆԵՐԻ ԿՐԵԴՈՆ

(ՆԻԿՈԼԸ` ԻԼՀԱՄԻՆ` ՆՐԱ ՊԱՀԱՆՋԱԾ ԲՈԼՈՐ ՆԱԽԱՊԱՅՄԱՆՆԵՐԸ ԸՆԴՈՒՆԵԼՈՒ ԿԱՊԱԿՑՈՒԹՅԱՄԲ)

Դու եղիր, ախպեր, մեր գլխի տերը,

Ու քո շվաքում, քանի որ մենք կանք,

 Քո ծառան լինենք ու խարջը միշտ տանք։

 **

 ՈՒԶՈՂԻ ՄԻ ԵՐԵՍՆ Ա ՍԵՎ, ՉՏՎՈՂԻ` ԵՐԿՈՒ

 ԱԳՆ-ից հայտնում են, որ Նիկոլը թուրքական լրատվամիջոցներին հարցազրույց է տվել, քանի որ նրանք շատ են ուզել։

**

 ՀԱՄԱՐՅԱ ՁԱԽՈՐԴ ՓԱՆՈՍ

(ԳԱՌՆԻԿ ԴԱՆԻԵԼՅԱՆԻՆ ԱԺ-ՈՒՄ ԾԽԵԼՈՒ ՀԱՄԱՐ` ՏՈՒԳԱՆԵԼՈՒ ԿԱՊԱԿՑՈՒԹՅԱՄԲ)

Էդ որ բոլորը ծխում են, տուգանք չի հասնում, հենց Գառնիկն ա ծխում, հասնու՞մ ա։

**

ՏԻՊԻԿ ՆԻԿՈԼԱԿԱՆ ՖՈՐՄԱՏՈՎ

Ըստ Մինսկի խմբի համանախագահների`  հայ-ադրբեջանական խաղաղության բանակցությունները իրականացվում են միայն SMS-ների միջոցով:

**

ԽԱՂԱՂՈՒԹՅԱՆ ՊԱՅՄԱՆԱԳՐԻ ԿՆՔՄԱՆ ՄԱՍԻՆ ՆԻԿՈԼԻ ՀԱՅՏԱՐԱՐՈՒԹՅՈՒՆԸ

Լոխ լավ ա, համա լացս կյամ ա:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝