Այ՛ո, եկեղեցին պետք է մաքրվի, բայց պետք է խոսի այն մեկը, ով Աստծո մոտ տեղ ունի․ Վարդան Ղուկասյանը վերջին զարգացումների մասին

Գյումրիի քաղաքապետ Վարդան Ղուկասյանն իր աջակցությունն է հայտնել գործարար Սամվել Կարապետյանին։ Արդյո՞ք չի վախենում, որ բացահայտ աջակցությունից հետո նրա նկատմամբ բռնաճնշումների նոր ալիք կբարձրանա, հարցի պատասխանը փորձել ենք ստանալ աձնամբ Վարդան Ղուկասյանից, ով նկատեց․

-Մեր վախը բռնած է, հիշեք, այսքանից բանից հետո, որ էլի պետք է վախենաք էլ մեր ապրելը ում է պետք։ Ես որտեղ էլ լինեմ իմ խոսքը ասելու եմ, կա մարդկային տեսակ, որ իրենք ազատատենչ են ու իրենք չեն կարող իրենց խոսքը, կարծիքը չասեն, ինչ ռեժիմ ուզում է լինի այդ տեսակը իր խոսքը կասի, այդ տեսակի մեջ ես կամ։ Հետո էլ ինչքան նմանատիպ բաներ անեն իրենք են վարկաբեկվելու, բայց իրենք թող մտածեն, որ դիմացի ընտրություններ են, թող գոնե երես ունենան։

-Պարոն Ղուկասյան, ռուսական ռազմաբազայի ներկայացուցիչների աջակցությունը պտտահողմից հետո եւս հունից հանել է իշխանություններին․․․

-Հա հետո, նույն տարածքում, նույն քաղաքում ապրում ենք, ոնց կարող է նման արհավիրքների ժամանակ մեկը մյուսին ձեռք չմեկնի։ Երկրաշարժի ժամանակ առաջինը ռուս պագրանիչնիկներն են օգնել մեր հայերին, նույն մենք իրենց։ Իրենց երեխաները, որ ծնվում են ծննդականների մեջ գրվում է՝ ծնվել է Գյումրիում, իրենք իրենց գյումրեցի են համարում, ոնց կարելի է ռուսական զինվորի հանդեպ քամահրանքով խոսել։ Հենց բան է լինում արագ Պերմյակովին են առաջ բերում։ Այդ Պերմյակովին էլ դրսի ուժերը ներդրեցին ռուսների դեմ, թե չէ էդ հարիֆը անգամ խաբար չէր, թե ինչի մեջ է մեղադրվում, կանգնած շշմած նայում էր մարդկանց երեսին։ Այսինքն դա դիտավորյալ սարքեցին, որ հայ-ռուսական հարաբերությունների մեջ կոնֆլիկտ ստեղծեն, ցանկացած գիտակից մարդ հաականում է, որ Պերմյակովի հետեւում կանգնած են լուրջ արեւմտյան ուժեր, ասեմ, որ հանրության մեծ մասն է այդ կարծիքին։

-ՔՊ-ական պատգամավորները․․․

-Այդ ՔՊ պատգամավորները այնքան են խայտառակվել, որ իրենց խոսքերին լսող չկա, ինչո՞ւ նրանց խոսքերը արժե մեկնաբանել։ Մենակ ուշքները միտքները ռուսներից հեռանալն է։ Ռուսներից հեռանան, որ գնան Եվրոպական երկրներ այլասերված վարքուբարը բերեն ներմուծեն Հայաստան։ Այնպես որ մենք նրանց ոչ ուզում ենք ճանաչենք, ոչ մեկնաբանենք, իսկ հայ ազգի մեծամասնությունը ապագան կապում է ռուսների հետ, բայց ոչ գերի դառնալով, այլ ինքնությունը պաշտպանելով, հավասարարը հավասարի սկզբունքով։ Պետության վլաստի տակ այսօր մուկը դառնում է առյուծ, բայց մարդը ինքը իրենով պետք է առյուծ լինի, որ կարողանա հայ ազգի շահը պաշտպանել։

-Պարոն Ղուկասյան, ի՞նչ կասեք եկեղեցու դեմ իրականացվող արժավի մասին․․․ 

-Ես միանշանակ դեմ եմ, որ հայոց հոգեւորականությունը պետք է ամուսնացած լինի, միանշանակ դրան դեմ եմ, որովհետեւ մեր հայրապետները դրա վերաբերյալ ասել են, թե ինչ ձեւով պետք է իրենց դրսեւորեն եպիսկոպոսները։ Բայց, ո՞վ է այսօր ուզում, որ եկեղեցին մաքրվի՝ տրանսգենդերները, այն այլասերվածները ու նրանց պաշտպանները, ինչի իրենք սրբությունից խոսելու իրավունք ունե՞ն։ Սրբությունից կարող է խոսել Գրգրոր Լուսավորիչը, Հակոբ Հայրապետը, Մեսրոպ Մաշտոցը, Սահակ Պարթեւը, Ներսես Շնորհալին, նրանք կարող են գալ եւ կարգալույծ անել նմանատիպ հոգեւորականներին, բայց ով եք Դուք, որ եկեղեցու մասին եք խոսում։ Ես կարդում եմ սրանց գրած գրքերը ու խելագրավում եմ, էս սրբապիզծները վեր են կացել ու սրբությունից խոսում, ով եք Դուք, որ եկեղեցուն ու եկեղեցականին բան ասեք։ Կրկնում եմ կողմնակից եմ, որ եկեղեցին մաքրվի, բայց ոչ էսպես,  այո մեզ պետք է ոչ թե հարյուր եպիսկոպոս, այլ տասը կամ երեքը, որոնց աղոթքը կբարձրանա առ Աստված։ Այ՛ո, եկեղեցին պետք է մաքրվի, բայց պետք է խոսի այն մեկը, ով Աստծո մոտ տեղ ունի։ Ես Լենինականի ժոմանակ քահանայի մորուքը խուզեցի, ու դրանից մի քանի օր հետո ես խփվեցի, ու ես հասկացա, որ այո , ես իրավունք չունեի, որովհետեւ ես Հակոբ Հայրապետը չեմ, որովհետեւ ես էլ եմ մեղավոր։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝