Ռոմելա Սարգսյանը՝ ամուսնալուծության և Գևորգ Գրիգորյանի հետ հարաբերությունների մասին

«Իմ բաժանությունն իմ ամուսնուց ոչ մի կապ չուներ իմ և Գևորգի հարաբերությունների հետ: Չնայած երբ «Ամեն տարի գարնանը» սերիալը սկսվեց, ես դեռ ամուսնացած էի, բայց միևնույն է, երբ հարաբերությունները չեն սնվում երկկողմանի սիրով, որպեսզի քո դիմացինին թույլ տաս, որ երջանիկ լինի, և նա էլ քեզ թույլ տա երջանիկ լինել, դուք պետք է իրար բաց թողնեք: Ես այդ որոշմանը եկել եմ երկար, որովհետև բաժանվելը 1-2 օրվա որոշելու բան չէ: Դա ժամանակի հետ է գալիս և տարբեր բացթողումների հետևանքով է գալիս: Ինձ համար շատ բարդ էր այդ որոշմանը հանգելը: Դրան նպաստում էր և՛ հասարակության կարծիքը, և՛ տարբեր պիտակավորումներ, որոնք հնչում են կանանց հասցեին: Բայց եկավ ժամանակ, որ ես հասկացա՝ անիմաստ է քո կողքին պահել մի մարդու, ում դու չես երջանկացնում ու ինքն էլ քեզ չի երջանկացնում:

Ըստ իս՝ տղամարդիկ ավելի դժվար են գալիս այդ որոշմանը, քան կանայք, որովհետր կանանք այս հարցում շատ ավելի համարձակ են: Նա ինչ որ պահի համաձայն չէր, բայց ես հիմա տեսնոմ եմ, որ նա երջանիկ է:

Գևորգի հետ հարաբերությունները եղել են պաշտոնական բաժանումից հետո:

Նրա հետ սկսվել են հարաբերությունները, որովհետև ես Գևորգի մեջ տեսել եմ այն հատկանիշները, որոնք ես կարևորում եմ տղամարդու մեջ և սա որևէ կապ չունի իմ նախորդ հարաբերությունները լրացնելու հետ:

Ընթացքում շատ էմոցիոնալ տատանումներ են եղել ինձ մոտ, բարդույթներ, մեղքի զգացում, բազում մտքեր»,- Tete A Tete հաղորդման շրջանակներում՝ խոսելով Աշոտ Պետրոսյանի հետ ամուսնալուծության և Գևորգ Գրիգորյանի հետ հարաբերությունների մասին, անկեղծացել է դերասանուհի Ռոմելա Սարգսյանը:  

Աղբյուրը՝ tert.am-ի

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝