Հայաստանի հոգեբուժական հաստատություններում հաշվառված է մոտ 60 հազար մարդ․ Հայկական հոգեբուժական ասոցիացիայի նախագահ

 Հայաստանի հոգեբուժական հաստատություններում հաշվառված է մոտ 60 հազար մարդ-անդրադառնալով ՀՀ-ում հոգեկան հիվանդությամբ տառապող անձանց վիճակագրական տվյալներին, ասաց Հայկական հոգեբուժական ասոցիացիայի նախագահ, համաշխարհային հոգեբուժական ասոցիացիայի պատվավոր անդամ Արմեն Սողոյանը, ընդգծելով․

-Հոգեկան խանգարումներ կամ հոգեկան խնդիրներ ունեցողների թիվն իրականում ավելի շատ է, քան հաշվառված են: Կյանքի արագացող տեմպը հնարավոր չէ, որ շատերի մոտ չառաջացնի որոշակի հոգեկան խնդիրներ։ Ամբողջ աշխարհում հոգեկան խանգարում ունեցողների աճի միտում կա.2020թ-ից հետո ՀՀ-ում նկատվում է ոչ միայն դեպրեսիաները, այլև շատ հոգեկան խանգարումներ ավելի մեծ տարածվածություն են ձեռք բերում։

Վերջին տարիներին հասարակական վերաբերմունքը հոգեկան խնդիրներ ունեցող մարդկանց հանդեպ մեծ փոփոխության է ենթարկվել: Հասարակության վերաբերմունքն այսօր ավելի շատ հասկացողի վերաբերմունք է, քան ծաղրողի։

Հարցին, թե Հայաստանում սթրեսային որ խանգարումներն են առավել շատ տարածված Սողոյանը նկատում․

-Կպչուն, սևեռուն մտքերի նևրոզը և հետտրավմատիկ սթրեսային խանգարումները Հայաստանում ամենահաճախ հանդիպող հոգեկան առողջության խնդիրներն են: Հետաքրքիր է, որ կպչուն, սևեռուն մտքերի նևրոզը տարածված է նաև Իսրայելում: Կպչուն, սևեռուն մտքերը կարող են նաև ուղեկցվել կպչուն, սևեռուն գործողություններով։ Մարդիկ կան, որ չափից ավելի շատ լվացվում են, մարդիկ, ովքեր մտքում անընդհատ հաշվում են, մարդիկ, ովքեր ավելորդ իրեր են հավաքում: Ընդ որում` այս ամենն անում են առանց գիտակցելու, չհասկանալով պատճառը:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝