Финансы поют Романосы. ԸՆԿԵՐ ՓԱՆՋՈՒՆԻ

ԼՈՒՅՍՆ ԷՐ ՄԵՂԱՎՈՐ

(ՖՈՒՏԲՈԼԻ ՀԱՅԱՍՏԱՆԻ ՀԱՎԱՔԱԿԱՆԻ ԿՈՂՄԻՑ` ՊՈՐՏՈՒԳԱԼԻԱՅԻ ՀԱՎԱՔԱԿԱՆԻՑ 9-1 ՀԱՇՎՈՎ ՊԱՐՏՈՒԹՅԱՆ ԿԱՊԱԿՑՈՒԹՅԱՄԲ)

Ըստ քաղտեխնոլոգների, եթե ՔՊ-ն այդ հանդիպման ժամանակ մարզադաշտում լույսերը անջատեր, հայ ֆուտբոլիստներն էլ Էջմիածնի ընտրությունների նման կհաղթեին:

**

30 ԱՐԾԱԹԻ ԽՈՐՀՈՒՐԴԸ

(ՆԻԿՈԼԱԿԱՆ ՃԱՄԲԱՐՈՒՄ ՆՈՐ «ՀՈԳԵՎՈՐԱԿԱՆՆԵՐԻ» ՀԱՅՏՆՎԵԼՈՒ ԿԱՊԱԿՑՈՒԹՅԱՄԲ)

Ըստ հուդայագետների, եթե անգամ 12 առաքյալների մեջ մեկը գայթակղվեց եւ դավաճանեց, ապա հարյուրավոր վանականներից քանիսը կգայթակղվեն:

 **

ՀԱՑՓՈՐԻ ԻՐԱՎԻՃԱԿ

(ՌՈՒՍԱՍՏԱՆԻ ՓՈԽԱՐԵՆ ՈՒԿՐԱԻՆԱՅԻՑ ՑՈՐԵՆ ՆԵՐԿՐԵԼՈՒ` ՆԻԿՈԼԻ ՈՐՈՇՄԱՆ ԼՈՒՐԵՐԻ ԿԱՊԱԿՑՈՒԹՅԱՄԲ)

Էկոնոմիկայի նախարարությունից հայտնում են, որ ղազախական ցորեն ներկրելուց հետո` Նիկոլը ուկրաինական ցորենը օրակարգ բերելով, փորձում է հասկանալ, թե որ տարբերակն է բավարարում` «որտեղ հաց, այնտեղ կաց» կարգախոսին:

 **

ՀԻՆ ԱՍԱՑՎԱԾՔԸ` ՆՈՐՈՎԻ

(ՀԷՑ -ԻՆ ԼԻՑԵՆԶԻԱՅԻՑ ԶՐԿԵԼՈՒՑ ՀԵՏՈ` ՌՈՄԱՆՈՍ ՊԵՏՐՈՍՅԱՆԸ ԿՇԱՐՈՒՆԱԿԻ ԿՐԿԻՆ ԲԱՐՁՐ ԱՇԽԱՏԱՎԱՐՁՈՎ ՊԱՇՏՈՆԱՎԱՐԵԼ ԼՈՒՐԻ ԿԱՊԱԿՑՈՒԹՅԱՄԲ)

 Финансы поют Романосы!

 **

 ՀԱՍՏԻՔԱՅԻՆ ԸՆԴԴԻՄՈՒԹՅՈՒՆ

 Ըստ քաղտեխնոլոգների`Վաղարշապատի ընտրությունները ցույց տվեցին, որ «Նիկոլի սիրած նվեր ընդդիմությունը» պրոյեկտը տենդերով շահել է նաեւ 2026թ. ԱԺ ընտրությունների ընդդիմադիր թեւի տեղը:

**

ԼԱՎԱԳՈՒՅՆ ԱՎԱՆԴՈՒՅԹՆԵՐԸ ՇԱՐՈՒՆԱԿՎՈՒՄ ԵՆ

ՔՊ-ն  Վաղարշապատի ավագանիում ունեցավ հա՛մ մեծամասնություն, հա՛մ էլ ԱԺ-ի նման գանձ ընդդիմություն։

**

ԺՈՂՈՎՐԴԻ ՏՐՏՈՒՆՋԸ

(«ՀԱՍԱՐԱԿՈՒԹՅՈՒՆԸ Ո՛Չ ԻՇԽԱՆՈՒԹՅԱՆ, Ո՛Չ ԸՆԴԴԻՄՈՒԹՅԱՆ ՀԱՄԱՐ ԱՅԼԵՎՍ ՓՈՂՈՑ ԴՈՒՐՍ ՉԻ ԳԱ, ՓՈՂՈՑԸ ԱՅԼԵՎՍ ԳՈՐԾՈՆ ՉԷ»` ԱՐՄԵՆ ԲԱԴԱԼՅԱՆԻ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

Էս ինչ զուլում երկիր ա, 2018թ.ին փողոցից իշխանություն բերեցինք` հա՛մ թքում են, հա՛մ ստում են, հա՛մ կալանավորում են, հա՛մ էլ արտաքին  պարտքը դուբլում են։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝