Վրաստանում ծափահարում են ՀՀ-ում տեղի ունեցող զարգացումներին․Վրաստանի խորհրդարանի նախկին պատգամավոր Վան Բայբուրդ

ՀՀ նախագահը պաշտոնական այցով Վրաստանում էր նոյեմբերի 19-ից 20-ը: Ինչպե՞ս են գնահատում Վրաստանում հայ-վրացական հարաբերությունները, ինչպիսի՞ արձագանք ունեցավ այցը Վրաստան,- «Իրավունքը» հետաքրքրվել Վրաստանի խորհրդարանի նախկին պատգամավոր Վան Բայբուրդից, ով այսպես արձագանքեց․

- Վրաստանի հարաբերությունները Հայաստանի Հանրապետության հետ հարաբերություններն օրինակելի են ինչպես երբեւէ։ Եթե տաս բալանոց համակարգով գնահատենք ՀՀ նախագահի այցի արդյունքները Վրաստան, ապա ես այն կգնահատեմ առնվազն 12 բալ, ա՛յ այդքան հիանալի է գնահատվել։ Հայ-վրացական հարաբերությունները զարգանում են օրեցօր։ Այն ինչ-որ ես նկատեցի ՀՀ-ի պաշտոնական այցից հետո՝ անախադեպ էր, Դուք պետք է ականատես լինեիք, թե ինչ մեծ հարգանքով եւ առանձնահատուկ պատասխանատվությամբ էր ՀՀ-ի մասին խոսում  Վրաստանի նախագահ  Միխեիլ Ղավելաշվիլին։ Նման հանդիպում չի արձանագրվել ողջ հայ-վրացական հարաբերությունների պատմության մեջ։ Հայաստանի և Վրաստանի երկկողմ հարաբերություններն իսկապես օրինակելի են։  Երկու երկրները համագործակցում են բազմաթիվ հարթակներում. այս համատեքստում հատկապես կարևոր է Հայաստանի Հանրապետության անսասան աջակցությունը Վրաստանի տարածքային ամբողջականությանը, ինչի համար շնորհակալություն է հայտնել Վրաստանի նախագահը Հայաստանին ինչպես իր, այնպես էլ՝ վրաց ժողովրդի անունից։

-Իսկ առհասարակ, ի՞նչ արձագանք է ունենում ՀՀ-ում տեղի ունեցող ներքաղաքական զարգացումները Վրաստանում։

-Կարող եմ ասել, որ Հայաստանում տեղի ումեցող զարգացումները ամենօրյա արձագանք են ստանում նաեւ Վրաստանում։ Այստեղ ամեն օր անդրադարձ է կատարվում հայաստանյան ներքաղաքական կյանքին։ Մամուլը պարբերաբար տարբեր կոնտեսքստներից դրական լույսի ներքո անդրադառնում Հայաստանի ղեկավարի վարած ինչպես ներքին այնպես էլ արտաքին կուրսին։ Այլ կերպ ասած, ՀՀ վարչապետը վայելում Վրաստանի անմիջական աջակցությունը, այստեղ շատ կարեւորում են ՀՀ-ի՝ դեպի Եվրոպա գնալու ջանքները։ Արռահասարակ, Վրաստանում ամեն օր ծափահարում են ՀՀ-ում տեղի ունեցող զարգացումներին՝ ինչպես ներքին, այնպես էլ արտաքին քաղաքական առումով։ 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝