• Նորություններ

  • Քաղաքական
  • Զարմանք
  • Մեջբերում
  • Հանդիպում
  • Թեմա
  • Տնտեսություն
  • Հանրություն
  • Մշակույթ
  • Փանջունի
  • Հետաքննություն

• Արխիվ

Թեմա

ՙՙՙՙԵՍ ՀԱՄՈԶՎԱԾ ԵՄ, ՈՐ ՙԲԱՐԳԱՎԱՃ ՀԱՅԱՍՏԱՆԸ՚ ՀԱՂԹԵԼՈՒ Է՚

Օրերս տեղեկացանք, որ քաղաքական գործիչ եւ գործարար Նապոլեոն Ազիզյանն արդեն մի քանի ամիս է, ինչ ՙԲարգավաճ Հայաստան՚ կուսակցության քաղաքական խորհրդի անդամ է: ՙԻնչն էր պատճառը, որ Դուք Ձեր հետագա քաղաքական գործունեության շարունակության համար ընտրեցիք հենց ՙԲարգավաճ Հայաստան՚ կուսակցությունը՚,- այս հարցով սկսվեց մեր զրույցը պրն Ազիզյանի հետ:
-Նախ ասեմ, որ ես ոչ միայն շատ լավ ճանաչում եմ Գագիկ Ծառուկյան անձին, այլ նաեւ քաջատեղյակ եմ նրա թե տնտեսական, թե քաղաքական գործունեությանը: Ավելին, երբ ես ԱԺ պատգամավոր էի, մի առիթով թերթի թղթակցի այն հարցին, թե ինչպես եմ վերաբերում այն փաստին, որ Գագիկ Ծառուկյանը որոշել է կուսակցություն հիմնադրել, ասացի, որ նրա փոխարեն ես նման բան չէի անի, քանի որ Ծառուկյանը կայացած բիզնեսմեն է եւ դժվար թե ժամանակ գտնի խորհրդարանական գործունեություն ծավալելու համար: Բայց նաեւ ավելացրի, որ եթե, այնուամենայնիվ, նման ցանկություն ունի, ապա անպայման կհաջողի նաեւ այդ գործում: Կարճ ժամանակ անց իմ ենթադրություններն իրականություն դարձան: Երեւի նորություն ասած չեմ լինի, եթե ընդգծեմ, որ Գագիկ Ծառուկյանն իր բոլոր նախաձեռնություններն ու ծրագրերը հաջողությամբ կյանքի է կոչում` լինի դա սպորտի, բիզնեսի, արտադրության թե, ի վերջո, քաղաքականության բնագավառում: Հենց այս է պատճառը, որ նրա ղեկավարած կուսակցությունը կարճ ժամանակահատվածում կարողացավ հասարակության բավականին լուրջ հատվածի վստահությունը նվաճել` այդպիսով դառնալով խորհրդարանում ներկայացված 2-րդ խմբակցությունը:
- Ասացիք, որ պարոն Ծառուկյանի անձնական որակներն եք կարեւորել ընտրություն կատարելիս, իսկ կուսակցության ծրագիրը դեր չի± խաղացել Ձեր որոշման հարցում:
- Դուք գիտեք, թե որքան կուսակցություններ են այսօր գործում Հայաստանում: Նրանց ծրագրերն էլ համարյա նույնն են: Այստեղ հարցն այն է, թե այդ ծրագրերից յուրաքանչյուրի հետեւում ով կամ ինչ թիմ է կանգնած: Կան քաղաքական ուժեր, որոնք իրենց հայտարարություններով եւ ամենօրյա քաղաքական գործունեությամբ հակասում են իրենց իսկ ծրագրերին: Այնպես որ, շատ կարեւոր է, որպեսզի մարդու խոսքն ու գործը համընկնեն, ինչը ՙԲարգավաճ Հայաստանի՚ դեպքում այդպես է: Ասացվածք կա` ՙԽաչն է տիրոջը զորավոր դարձնում՚: Հիմա այս դեպքում, ԲՀԿ-ի հզորության հանգամանքը պայմանավորված է առաջին հերթին նրանով, որ այդ կուսակցությունը ղեկավարում է Գագիկ Ծառուկյանը: Եվ ԲՀԿ ծրագրում գրված բոլոր դրույթներն իրականություն են դառնում հենց այն պարզ պատճառով, որ կա նպատակասլաց եւ խոսքը գործի վերածող ղեկավար: Այդ է պատճառը, որ հասարակությունն այս կուսակցությունն ընկալում է որպես ոչ թե խոսքի, այլ գործի կուսակցություն: Պատահական չէ, որ այսօր ՙԲարգավաճ Հայաստանն՚ ունի անդամագրվողների ստվար զանգված:
- ԲՀԿ-ում հիմնականում ներկայացված են գործարարներ ու գիտնականներ: Ձեր հասարակական ընկալումն էլ գործարարի է, սակայն Դուք վերջին տարիներին ներկայացված եք եղել քաղաքական կուսակցությունում, զբաղվել եք քաղաքականությամբ: Ինչպե±ս եք Դուք Ձեզ պատկերացնում այս թիմում:
- Ես իմ ամբողջ կյանքում զբաղված եմ եղել տնտեսական գործունեությամբ: Շատ երիտասարդ տարիքից աշխատել եմ տնտեսության բնագավառում, ավարտելով ԵՊՀ տնտեսագիտության ֆակուլտետը` ղեկավարել եմ բազմահազարանոց կոլեկտիվներ: Աշխատել եմ միութենական նշանակություն ունեցող Երեւանի պիտակ-փաթեթների կոմբինատում որպես տնօրեն, այնուհետեւ նշանակվել եմ ՙԲջնի՚ գործարանի տնօրեն, դրանից հետո նշանակվել եմ Մաշտոցի շրջանի (այսօրվա Աջափնյակ) 8-րդ սննդառի տնօրեն, ապա Երեւան քաղաքի գործվածք-հագուստ-կոշիկառի տնօրեն, որից հետո զբաղեցրել եմ Հայկոոպի մանրամեծածախ բազայի գլխավոր տնօրենի պաշտոնը: Դրանից հետո ութ տարի անընդմեջ, այսինքն` երկու գումարում, եղել եմ ՀՀ ԱԺ պատգամավոր եւ ներկայացված եմ եղել ԱԺ տնտեսական հարցերով մշտական գործող հանձնաժողովում: Չեմ կիսում Ձեր այն դիտարկումը, թե ԲՀԿ-ում հիմնականում գործարարներ ու գիտնականներ են: Կարծում եմ, որ ՙԲարգավաճ Հայաստան՚ կուսակցությունում ընդգրկված են հասարակական կյանքի բոլոր բնագավառները ներկայացնող, հարգված եւ վաստակաշատ մարդիկ, պրոֆեսիոնալ կադրեր: Մասնավորապես` շինարարներ, դերասաններ, նկարիչներ, երաժիշտներ, մշակույթի գործիչներ եւ այլն:
- Այսօր ամբողջ աշխարհի օրակարգում համաշխարհային ֆինանսատնտեսական ճգնաժամի մասին քննարկումներ են: Հայաստանում ճգնաժամի դրսեւորումներն այլեւս իրողություն են: Ըստ Ձեզ, մեր հասարակությունն իր վրա զգո±ւմ է ճգնաժամի ազդեցությունը, թե± ոչ:
- Փաստն այն է, որ ֆինանսատնտեսական ճգնաժամը համաշխարհային է եւ դրանով իսկ պարտադրված է նաեւ մեզ: Ճգնաժամի հետեւանքներն ուղղակի ազդում են հասարակության բոլոր շերտերի վրա: Խնդիրն այն է, թե ինչպես անել, որպեսզի այս ճգնաժամի հաղթահարումը շատ ցավոտ չլինի հասարակության լայն զանգվածների համար: Այդ հարցի պատասխանը վերջերս եթերից հնչեցրեց ՙԲարգավաճ Հայաստան՚ կուսակցության նախագահը, այն է` բոլոր այն մարդիկ, ովքեր հնարավորություն ունեն ինչ-որ ձեւով մեղմել ֆինանսատնտեսական ճգնաժամը, դա պետք է անեն նույնիսկ սեփական եկամուտների եւ դժվարությունների հաշվին: Հարկավոր է պահել աշխատատեղերը, որպեսզի հասարակությունը չգնա նոր ցնցումների: Եթե բոլոր գործարարները հետեւեն այս օրինակին, ապա էականորեն կհեշտանա ճգնաժամի հաղթահարումը:
- Մայիսի 31-ին Երեւան քաղաքում կայանալու են քաղաքապետի ընտրությունները: ԲՀԿ-ն այդ ընտրություններին մասնակցում է առանձին ցուցակով, որը գլխավորում է ՀՀ առողջապահության նախարար Հարություն Քուշկյանը: ԲՀԿ-ի հաղթանակի շանսերն, ըստ Ձեզ, ինչպիսի±ն են:
- Ես համոզված եմ, որ ՙԲարգավաճ Հայաստան՚ կուսակցությունը հաղթելու է, որովհետեւ Հարություն Քուշկյանի հետեւում կանգնած է կայացած մարդկանց թիմ` Գագիկ Ծառուկյանի գլխավորությամբ: Բացի դրանից, ԲՀԿ-ի թեկնածուն ոչնչով չի զիջում մյուս թեկնածուներին: Նա կարճ ժամանակահատվածում առողջապահության ոլորտում լուրջ բարեփոխումներ իրականացրեց, ինչը վկայում է նրա աշխատանքում բարեխիղճ եւ պրոֆեսիոնալ մոտեցման մասին: Երկրորդը` երեւանցիները լավ են ճանաչում Հարություն Քուշկյանին, նա իր անցած ճանապարհով վաստակել է բոլոր իրավունքները` հավակնելու Երեւանի քաղաքապետի պաշտոնին: Դժվար է գտնել մեկին, որ ԲՀԿ թեկնածուի մասին բացասական երանգներով արտահայտվի: Այնպես որ, բոլոր նախադրյալները կան, որ երեւանցիները մայիսի 31-ին իրենց վստահության քվեն տան ԲՀԿ-ի ցուցակին եւ նրա թեկնածուին:
- Եթե մի պահ պատկերացնենք, որ ԲՀԿ-ն արդեն հաղթել է առաջիկա ընտրություններում, ապա, ըստ Ձեզ, ո±րն է լինելու կուսակցության առաջին քայլը:
- Մենք հաճախ հեռուստացույցով տեսնում ենք աղբահանության կադրեր, որտեղ մանրամասն նկարագրում են, թե քանի մեքենա աղբ հավաքեցին, ով բարձեց, ինչով բարձեց, ինչքան բարձեց: Ցուցադրում են նաեւ ծառատունկից հատվածներ: Ինձ թվում է, դրանք ընդամենը տվյալ բնագավառի աշխատողների աշխատանքային ՙսուրբ՚ պարտականությունն են, այսինքն` նրանց ամենօրյա գործը: Վերադառնալով Ձեր հարցադրմանը, ասեմ, որ ՙԲարգավաճ Հայաստանն՚ (ըստ իս) պետք է անի հետեւյալը. փոխի Երեւանում առկա բարոյահոգեբանական մթնոլորտը. այսօր երեւանցիներին պակասում է միմյանց նկատմամբ հարգանքը, միմյանց ներելու եւ օգնելու պատրաստակամությունը: Երեւանցիները պետք է զգան, որ Երեւանն իրենց տունն է, եւ որ մենք բոլորս միասին պարտավոր ենք սիրել Երեւանն ու հոգ տանել նրա մասին: Ի վերջո, մաքուր չէ այնտեղ, որտեղ մաքրում են, այլ այնտեղ, որտեղ չեն կեղտոտում, կանաչ չէ այն տարածքը, որտեղ ծառ են տնկում, այլ այն վայրը, որտեղ ծառերը չեն կտրում, կանաչապատ տարածքները չեն ոչնչացնում, գազոնները չեն վերացնում: Այսինքն` ՙԲարգավաճ Հայաստանը՚ պետք է ստեղծի այնպիսի մթնոլորտ, որի պայմաններում ցանկացած երեւանցի կարող է աշխատել, արարել եւ իրեն տեր զգալ այս քաղաքում: Մնացած բոլոր բաները (աղբահանություն, ծառատունկ եւ այլն) ածանցյալներ են, որոնց իրականացումը մտնում է քաղաքային իշխանությունների ամենօրյա պարտականությունների մեջ: Այնպես որ, ԲՀԿ-ի անելիքները դեռ առջեւում են, եւ ես վստահ եմ, որ հենց այս թիմը կարող է իրականացնել այն, ինչի մասին նշեցի:

ԶԱՐՈՒՀԻ ԲԱԲՈՒԽԱՆՅԱՆ

 

 

ՙՏՊԱՎՈՐՈՒԹՅՈՒՆ Է ՍՏԵՂԾՎՈՒՄ, ՈՐ ՄԱՅՐԱՔԱՂԱՔԸ ԳՅՈՒՂ Է ԴԱՐՁԵԼ՚

ՙՎայ այն քաղաքական գործչին, ով հաղթանակի չի հավատում,- նկատում է ՀՅԴ խմբակցության անդամ, ԱԺ պատգամավոր ԱՐԾՎԻԿ ՄԻՆԱՍՅԱՆԸ եւ հավելում:- Երեւանի առաջիկա քաղաքային ընտրություններին ես գնում եմ բարձր տրամադրությամբ եւ գտնում եմ, որ իրականում ՀՅԴ-ի համար հավանականությունը մեծ է հասարակության մեծ մասի ծանրակշիռ քվեն ստանալու եւ կոնկրետ ծրագրեր իրականացնելու համար՚:
- Պրն Մինասյան, իսկ արդյոք չե±ք ուզում հաշվի առնել այն հանգամանքը, որ Դաշնակցությունն ավելի շատ ձայներ ունի մարզերում, քան Երեւան քաղաքում: Եվ այդ դեպքում ո±ւմ հույսով եւ ինչպե±ս եք կարողանալու Ձեր ասած այդ ծանրակշիռ քվեն ստանալ:
- Այո, իսկապես, Դաշնակցությունը, մարզերի համեմատ, քիչ վստահություն է ունեցել Երեւանում, բայց դա ոչինչ չի նշանակում, որովհետեւ Երեւանի ընտրազանգվածն ունի որոշակի առանձնահատկություն: Առաջինը` դա պայմանավորված է երեւանցիների բարձր, ինտելեկտուալ մակարդակով, երկրորդ, որ դա զուգակցվում է նաեւ որոշակի ընդդիմադիր կեցվածքով: Այսինքն` միշտ էլ Երեւանում ընդդիմադիր պահվածքն ունեցել է առավելագույն աջակցություն` ի տարբերություն մարզերի: Եվ երրորդ առանձնահատկությունն այն է, որ, որպես կանոն, վարչական ռեսուրսներն ու ֆինանսական լծակները Երեւանում ավելի շատ են գործադրվել: Եվ հենց այս ամենով էլ հանդերձ` Երեւանում ընտրությունները միշտ ավելի դժվար են եղել, քան այլ մարզերում:
- Մի մասն ասում է, որ Երեւանի ավագանու եւ քաղաքապետի ընտրությունները սովորական ընտրություններ են, եւ պետք չէ այն քաղաքականացնել, իսկ մի մասն էլ այն դիտարկում է որպես նախագահական ընտրությունների երկրորդ փուլ: Այս երկու ծայրահեղությունների դեպքում էլ ո±րն է Դաշնակցության տեսակետը, եւ մի±թե պարտադիր պայման է, որ քաղաքապետը պետք է նաեւ փորձառու քաղաքական գործիչ լինի:
- Իհարկե, սրանք քաղաքական ընտրություններ են: Իսկ նրանք, ովքեր դա բացառում են, չեմ կարծում, որ ճիշտ ուղու վրա են, չնայած սրանք զուտ կենցաղային ընտրություններ էլ չեն. Երեւանի ավագանու եւ քաղաքապետի ընտրությունները գտնվում են քաղաքական հարթության վրա, եւ սրանք քաղաքականության պրոֆեսիոնալ մենեջերի ու թիմի ընտրություններ են: Եվ այդ տեսանկյունից չպետք է ակնկալել, որ ապագա քաղաքապետը` իշխանությունը նվաճած կամ ավագանու գերակշիռ մասը վերցրած ուժը, արմատական փոփոխություններ պետք է անի: Այդպիսի բան չի կարող լինել, որովհետեւ ե°ւ օրենքով, ե°ւ գործառույթների բաշխման առումով դա հնարավոր չէ: Քաղաքապետը տեղական իշխանությունը իրականացնող անձ է, ավագանին` նույնպես, եւ նրանց ջանքերը պետք է ուղղված լինեն միմիայն մայրաքաղաքի առջեւ ծառացած խնդիրները լուծելուն: Քաղաքապետը պետք է նաեւ լավ կառավարիչ լինի, քանի որ նա ունի նաեւ թիմ. վարչական ղեկավարներ, հայեցողական այլ պաշտոնյաներ, ովքեր պետք է լինեն հմուտ, պրոֆեսիոնալ եւ հասարակության կողմից հարգանքի արժանի, որպեսզի կարողանան այդ թիմով լուծել մայրաքաղաքի հիմնական խնդիրները: Այս ընտրություններում ես ոչ թե կարեւորում եմ ամենամանր հարցի քննարկումը, այլ կոնցեպտուալ խնդիրների լուծումը: Դա վերաբերում է թե° քաղաքաշինական, թե° աղբահանության կազմակերպմանը, որի մեջ պետք է ներգրավվի նաեւ ազգաբնակչությունը: Մարդը վերջապես պիտի հասկանա, որ ինքը վճարում է արդյունավետ աղբահանության համար, այլ ոչ թե ինքը անընդհատ վճարում եւ այս ու այնտեղ նորից տեսնում է հավաքված աղբակույտերը: Նույնը վերաբերում է նաեւ սանմաքրման աշխատանքներին: Այսօր մենք տեսնում ենք, որ Երեւանի շենքերի բակերը տարիներ շարունակ չեն մաքրվել, չեն բարեկարգվել, եւ մի տեսակ տպավորություն է ստեղծվել, որ մեր մայրաքաղաք Երեւանը գյուղ է դարձել: Ըստ իս` բացի Կենտրոն համայնքից, Հյուսիսային պողոտայից մինչեւ Ազատության հրապարակ, մնացած տեղերում, հատկապես` արվարձանային վայրերում, չեք գտնի մի շենք, որի արտաքին պատերը մաքրված լինեն: Այս ամենը մեր քաղաքի դեմքն է, եւ մենք, եթե չենք կարողանում այն միշտ մաքուր պահել, ստացվում է, որ Երեւան այցելողը լավ տպավորություններով չի հեռանա:
- Իսկ կոնկրետ Դուք, ընտրվելու դեպքում, կարո±ղ եք լրացնել այդ բացթողումներն ու թերությունները, եւ արդյոք Ձեր հարազատ կուսակցության` ՀՅԴ-ի հետ միասին ի վիճակի կլինե±ք Ձեր պատկերացրած գյուղը քաղաք դարձնել:
- Իհարկե, ես այդ ամենի լուծումը տեսնում եմ եւ գտնում, որ Երեւանը` իբրեւ համայն հայության մայրաքաղաք, պետք է կառավարվի բոլորի կողմից` անկախ կուսակցական պատկանելությունից: Եվ դրանում պետք է ընդգրկվեն այն մարդիկ, ովքեր պրոֆեսիոնալ են, բանիմաց եւ ունեն հասարակության վստահությունը: Եվ այդ տեսանկյունից ես կարծում եմ, որ եթե ես այնքան քվե ստանամ, որ կարողանամ քաղաք ղեկավարել, եւ մեր կուսակցությունն էլ կստանա ավագանիների ծանրակշիռ մասը, ապա հետագայում աշխատելու առաջարկ լինելու է բոլորին. թե այս վեց քաղաքական միավորներին, ովքեր մեզ հետ միասին ընդգրկված են, եւ թե արտաավագանի ուժերին: Այստեղ ես անհրաժեշտություն չեմ տեսնում, որ պարտադիր պետք է առաջնորդվել կուսակցական խիստ նեղ շահերով: Ավելին, ՀՅԴ-ի աշխարհընկալումը այդ տեսանկյունից բոլորովին այլ է...- Իսկ ավելի կոնկրետ:
- Ասելիքս այն է, որ պրոֆեսիոնալ, արդյունավետ կառավարումը` մենեջմենթը, ամենահիմնական խնդիրն է Երեւանում: Տեսեք, օրինակ, Երեւանի 2009թ. սոցիալ-տնտեսական զարգացման ծրագիրը ներառում է 176 մլրդ դրամ, իսկ 12 համայնքների սեփական եկամուտները կազմում են 8,5 մլրդ դրամ. սա այն դեպքում, երբ Երեւանը ապահովում է ամբողջ Հայաստանի տնտեսական հարստության 46-48 տոկոսը: Հսկայական քանակությամբ անշարժ գույք, որը Երեւանում կառուցվել է, եւ որոնք գույքահարկով պետք է վճարվեին, բավարար չափով չեն ապահովել բյուջետային եկամուտները: Եվ որպեսզի հակասություն չլինի Երեւանի համայնքների եւ մարզերի համաչափ զարգացման միջեւ, ես գտնում եմ, որ հնարավոր է Երեւանի բյուջեն բազմապատկել: Եվ դա չի նշանակում, որ այդ դեպքում մենք այնքան առաջ ենք ընկնում մարզերից, որ մարզերը արհեստականորեն հետ են ընկնում: Հակառակը, բյուջեն բազմապատկելով, մենք մարզերին եւս հնարավորություն ենք տալիս առաջ շարժվելու եւ զարգացում ապրելու:
- Պրն Մինասյան, Դուք Ձեր խոսքի մեջ ասացիք, որ ՀՅԴ-ն հաղթանակ տանելու դեպքում ի վիճակի է համագործակցել նաեւ այլ ուժերի հետ, կարելի± է ենթադրել, որ Դուք ի նկատի ունեիք նաեւ ՀԱԿ-ին:
- Ես միշտ էլ հրապարակայնորեն ասել եւ ասելու եմ, որ քաղաքապետարանը ղեկավարելու դեպքում առաջին քայլը լինելու է այն, որ քաղաքապետարանի վերահսկողության ֆունկցիան հանձնվելու է ընդդիմությանը: Եվ եթե ես ուզում եմ արդյունավետ կառավարել քաղաքը, ինձ հսկողը պետք է լինի ոչ թե իմ թիմակիցը, այլ հակառակը` լինի մարդ, որը կկարողանա միշտ ինձ հսկել եւ տեղափոխել դեպի արդյունավետ կառավարման դաշտ:
- Չե±ք կարծում, որ այս պահին բավականին պատասխանատու հայտարարություն եք կատարում, թե± Դաշնակցության համար մեկ է` որ պահին ինչպես որ հարմար է, կարող եք դեմքով շուռ գալ, միայն թե...
- Ես համարում եմ, որ, այո, այս հայտարարությունը խիստ պատասխանատու է, բայց իմ կարծիքով` մեր կուսակցությունը այս կեցվածքով իրեն պահել է նաեւ խորհրդարանական գործունեության ընթացքում, եւ իսկապես արդյունավետ կառավարումը դա է ենթադրում: Հակառակ դեպքում` մենք անընդհատ լսելու ենք թույլ եւ անատամ քննադատությունը, որը չի բխելու գործի շահերից:
- Վերջերս ՀԱԿ ներկայացուցիչ Դավիթ Շահնազարյանը հայտարարել է, որ իրենք Երեւանում ձայների 70 տոկոսի հնարավորություն ունեն: Սա չի± խոսում այն մասին, որ ԼՏՊ-ն ու նրա թիմը նախապես հող են նախապատրաստում` իրենց ավանդական ՙհաղթանակի՚ դեպքում կրկին նոր պրոցես սկսելու համար:
- Ինչը որ ես ամենից շատ չեմ ուզում, դա մարտի 1-ի վտանգի առաջ կանգնելն է, ես պատրաստ եմ ամեն ինչ անելու, որպեսզի նման իրավիճակ չստեղծվի, եւ տա Աստված, որ մենք այս ընտրություններից դուրս գանք ավելի միաբան ու համերաշխ` առանց որեւէ աննախադեպ զարգացումների: Բայց զուգահեռաբար ես պետք է նշեմ, որ այս հարցում իրենց սեւ դերակատարումն ունեն նաեւ ԶԼՄ-ները:
- Բայց մամուլն ի±նչ անի, եթե քաղաքական ուժերը չեն կարողանում վճռական պահերին ճիշտ կողմնորոշվել:
- Բացեք թերթերը եւ տեսեք. նորից սեւ ու սպիտակի քարոզարշավ է գնում, իսկ սա մեզ նորից տանում է մարտի 1: Եթե այսօր նայում ես, իբր, սոցիոլոգիական հարցումներն ու հրապարակումները, հստակ տեսնում ես, որ հասարակությանը այնպես են տրամադրում, որ ընդամենը քաղաքական երկու բեւեռ կա, եւ ինչո±ւ ենք չուզենալով տանում այդ քաղաքականությունը եւ ամեն ինչ դարձյալ թողնում սեւ ու սպիտակի արանքում...

Զրուցեց ԳԱՅԱՆԵ ԶԱՐԳԱՐՅԱՆԸ