• Արխիվ

Լուրեր

ՙՙ««Կյանքի խոսքը» պետություն է՝ պետության մեջ». Հայկ Բաբուխանյան

ՀՀ Սահմանադրությամբ սահմանված է, որ կրոնը տարանջատված է պետությունից, սակայն դրան հակասում է «Կյանքի խոսք» կրոնական կազմակերպության գործունեությունը. «Կյանքի խոսքը» պետություն է՝ պետության մեջ։ Նման կարծիք հայտնեց ՍԻՄ նախագահ Հայկ Բաբուխանյանը՝ այսօր կայացած ասուլիսի ժամանակ։
«Կազմակերպության գործունեությունը հակասում է ՀՀ Կառավարության կողմից ընդունված մի շարք օրենքների, մասնավորապես՝ «Երեխաների իրավունքների պաշտպանության մասին օրենքին»,– հայտնեց բանախոսը։
Նրա փաստմամբ՝ կրոնական կազմակերպությունը սեփական կառույցի ներսում ունի առանձին ԶԱԳՍ, բուժսպասարկման համակարգ, որը պարզ չէ՝ լիցենզավորված է, թե՝ ոչ։ Բացի այդ՝ նրա խոսքով կազմակերպությունն ունի լիցենզավորված հանրակրթական դպրոց, որտեղ սովորում է 200 աշակերտ։
«Նույն մասնաշենքում կազմակերպվում են և՛ հավաքներ, և՛ դասընթացներ, ընդ որում, դասընթացների որակն անհամեմատ ցածր է։ Վերջերս աշակերտների շրջանում հարցում է անցկացվել գիտելիքները ստուգելու նպատակով, պարզվել է՝ նրանց գերակշիռ մեծամասնությունը թերի գիտելիքներ ունի մաթեմատիկայից»,– նշեց Հայկ Բաբուխանյանը՝ կոչ անելով պետությանը չլիցենզավորել նման կազմակերպությունների։

lurer.com 17.02.12

 

 

 

«Ընդդիմությունը սադրանքներ է պատրաստում՝ իշխանություն-ժողովուրդ կապը խաթարելու նպատակով». Հայկ Բաբուխանյան

Հրազդանյան ընտրությունները ցույց տվեցին, որ վերջին շրջանում մեր իշխանությունները ևս մեկ քայլ առաջ են գնում՝ ազատ և անկախ ընտրություններ անցկացնելու ճանապարհին։ Նման կարծիք հայտնեց ՍԻՄ նախագահ Հայկ Բաբուխանյանը՝ այսօր կայացած ասուլիսի ժամանակ՝ հավելելով, որ ընտրական այս գործընթացում կեղծիքներ չեն գրանցվել։
Նրա համոզմամբ՝ ընդդիմությունը սադրանքներ է պատրաստում՝ իշխանություն-ժողովուրդ կապը խաթարելու նպատակով։
Հայկ Բաբուխանյանն անդրադարձավ «Եվրատեսիլ–2012–ին» Հայաստանի մասնակցությանը՝ ընդգծելով, որ դա հայերի կողմից ճիշտ դիվանագիտական քայլ չէ։
«Հայ ժողովրդին կոչ եմ անում համախմբվել և պայքարել ցեղասպան Ադրբեջանում կայանալիք մրցույթին մեր երկրից մասնակից ներկայացնելու դեմ և բոյկոտել կայանալիք միջոցառումը»,- հայտարարեց ՍԻՄ նախագահը՝ ողջունելով շախմատիստ Լևոն Արոնյանի՝ Բաքվում կայանալիք մրցույթին մասնակցելուց հրաժարվելու քայլը։

lurer.com 17.02.12

 

 

 

 

ՍԻՄ-ը քննարկումներից հետո միայն կհանգի վերջնական որոշման

ՍԻՄ կուսակցությունը ընտրություններին` իր մասնակցության ձևաչափի, ինչպես նաև ընտրական գործընթացների հետ կապված այլ հարցերի վերաբերյալ որոշումը կհրապարակի երեք շաբաթից հետո: Անդրադառնալով ներքաղաքական զարգացումներին լրագրողների հետ հանդիպման ժամանակ ասաց ՍԻՄ ղեկավար Հայկ Բաբուխանյանը:
«Panorama.amե -ի այն հարցին, թե` ինչո՞վ է պայմանավորված նման որոշումը, Հայկ Բաբուխանյանը նշեց. «Այս ընթացքում կուսակցությունը կանցկացնի քննարկումներ իր մարզային և տեղական կառույցների հետ, ինչից հետո կհանգի վերջնական եզրակացություններիե:
Հայկ Բաբուխանյանը չբացառեց նաև ՍԻՄ-ի կողմից մեծամասնական ընտրակարգով թեկնածուներ առաջադրելու հնարավորությունը՝ նշելով, որ ՍԻՄ-ը ունի նման փորձ:

panorama.am
17.02.12

 

 

ՀԱԿ-ՈՒՄ ՙԲԱԶԱՐՆԵՐԸ՚ ՍՐՎԵԼ ԵՆ

Երեկ հաստատվեց, որ փետրվարի 17-ին նախատեսված ՀԱԿ-ի հանահավաքը չի կայանալու: Պաշտոնապես դա մեկնաբանվում է եղանակային վատ պայմաններով ու սառցակալած ճանապարհով. իբր թե մարդիկ մարզերից չեն կարող հասնել Երեւան: Սակայն ՀԱԿ-ին մոտ կանգնած մեր աղբյուրները հավաստիացնում են, որ դա ընդամենը պատճառաբանություն է: Նույն աղբյուրները վստահեցնում են, որ հատկապես Սասուն Միքայելյանի պատմությունից հետո բավականին սրվել են նախընտրական խմորումները ՀԱԿ-ի ներսում: Նույնիսկ ամենաթունդ ՀԱԿ-ականները եկել են այն համոզմունքին, որ խորհրդարանական ընտրություններում լավագույնը, որին կարելի է հասնել, 10-15 մանդատն է: Ուստիեւ, մի կողմից իրենց արդեն ԱԺ-ում պատկերացնող ՀԱԿ-ական կուսակցապետերն են փորձում նախընտրական ցուցակում իրենց համար անցողիկ տեղ ապահովել (հնարավորության դեպքում 1-2 կուսակցական ընկերոջ համար եւս), մյուս կողմից էլ` կուսակցություն չներկայացնող ՀԱԿ-ական հայտնի գործիչները: Ընդ որում, կուսակցապետերը այն թեզն են առաջ տանում, որ եթե իրենք` որպես կուսակցական միավոր, չմիանային ՀԱԿ-ին, ապա այն կլիներ ընդամենը ՀՀՇ եւ ոչ մի բանի չէր հասնի: Կուսակցություններ չներկայացնող գործիչներն էլ իրենց փաստարկն են բերում, թե` դուք ի±նչ կարող եք անել, մենք ենք ձայներ ապահովողը: Եվ ահա Սասուն Միքայելյանի պատմությունից հետո, ըստ մեր աղբյուրի, բողոքարկումների լուրջ հիմքեր էլ չգտնելով, ՀԱԿ-ի ներսում հասկացել են, որ ՙկեղծված ընտրություններ՚ վանկարկելով չեն կարող իրավիճակի մեջ արմատական բեկում մտցնել ու դրա հաշվին հավելյալ մանդատներ ձեռք գցել: Ուստիեւ եղած մանդատների համար կռիվը սրվել է այն աստիճան, որ պարզապես որեւէ բան փետրվարի 17-ին նախատեսված միտինգում հանրությանը ներկայացնել չէին կարող: Ուստիեւ փրկության է եկել փետրվարին տեղացած ՙանսպասելի՚ ձյունն ու մերկասառույցը:

ՔԵՐՈԲ ՍԱՐԳՍՅԱՆ

ԲՀԿ-Ի ՔՎԵՆ ՙԹՈՂ ՄՆԱ ԳԱՂՏՆԻՔ, ԵԹԵ ԿԱՐԵԼԻ Է՚

Կիրակի օրը, Հրազդանում տեղի ունեցած քաղաքապետի ընտրություններին մասնակցել են 25.000 ընտրողներ, որոնցից միայն 1.600 ավել ձայնով վերընտրվեց գործող քաղաքապետ Արամ Դանիելյանը: Այս կապակցությամբ հետաքրքիր է իմանալ, թե Հրազդանի ԲՀԿ-ական կառույցները ո±ւմ օգտին են տվել իրենց ձայնը: Հարցով նախ դիմեցինք ԲՀԿ նախագահի մամուլի պատասխանատու Խաչիկ Գալստյանին, ով մեզ այդ հարցի հետ կապված ուղղորդեց, որպեսզի դիմենք Հրազդանի իրենց կառույցի ղեկավար ՄԽԻԹԱՐ ՀԱՐՈՒԹՅՈՒՆՅԱՆԻՆ հիշեցնելով, որ ԲՀԿ-ն որեւէ թեկնածուին նախապատվություն չի տվել եւ միայն կողմնակից էր ազատ ու արդար ընտրություններին: Իսկ պարոն Հարությունյանը, հարցը լսելուն պես, սկսեց մեզ երկար-բարակ բացատրել, թե ինչը որից հետո պետք է լինի, բայց այդպես էլ պարզ չդարձավ, թե ում օգտին են քվեարկել Հրազդանի ԲՀԿ-ականները:
-Դա թող մնա գաղտնիք, եթե կարելի է:
- Իսկ ինչո±վ է պայմանավորված այդ գաղտնիությունը:
- Ոչ մի բանով էլ պայմանավորված չի, մենք իրավունք չունե±նք գաղտնիք ունենալու:
- Դուք, անշուշտ, իրավունք ունեք գաղտնիք ունենալու, բայց չենք կարծում, որ մեր հարցն այնպիսին է, որ չեք ցանկանում ասել:
- Էտ ամեն ինչը ընտրություններից առաջ են հարցնում ախր, իսկ հիմա ընտրությունները վերջացել են, դրանից հետո ի±նչ կարեւոր ա, թե մենք մեկնաբանենք ում ենք ընտրել, ես դրա կարեւորությունը չեմ հասկանում, եթե բացատրեք միգուցե...:
- Չեք կարծո±ւմ, որ հանրությանը եւս հետաքրքիր է, թե ում օգտին է քվեարկել ԲՀԿ-ն:
- ՙԲարգավաճ Հայաստան՚ կուսակցությունը արել է հայտարարություն այն մասին, որ որոշում կկայացնի որեւէ թեկնածուի օգտին այն դեպքում, երբ որ թեկնածուն կներկայացնի Հրազդանի ապագայի զարգացման ծրագիրը Հրազդանի տարածքային կազմակերպության քաղխորհրդին, կստանա հավանություն, որից հետո կանցկացվի քննարկում ծրագրի դրույթների վերաբերյալ, որից հետո կստանա հավանություն, կներկայացվի հանրապետական կառույցին, որից հետո կլինի հայտարարություն: ԲՀԿ-ն, որեւէ թեկնածուի օգտին հայտարարություն չի արել, որովհետեւ որեւէ թեկնածուի կողմից չի ներկայացվել Հրազդան քաղաքի զարգացման այնպիսի ծրագիր, կամ ընդհանրապես ծրագիր քննարկման համար եւ ըստ այդմ, ԲՀԿ-ն որեւէ մեկի օգտին որոշում չի կայացրել:
- Բայց արդեն ավարտվել են ընտրությունները եւ, բնականաբար, Հրազդանի տարածքի ԲՀԿ-ականները տվել են իրենց ձայնը երկու թեկնածուներից մեկին, մի±թե Դուք տեղյակ չեք, թե ում օգտին են քվեարկել:
- Հրազդանի տարածքային կառույցի ՙԲարգավաճ Հայաստան՚ կուսակցության անդամները ազատ են եղել իրենց ընտրության հարցում: Դուք ի±նչ եք ուզում, որ ես Ձեզ ասեմ, ասեք` ասեմ:
- Դուք պարզապես կոնկրետ հարցի կոնկրետ պատասխան չեք տալիս:
- Կներեք, բայց ոնց որ ես չեմ կարողանում Ձեր հարցի պատասխանին բավարար պատասխան տալ, եկեք հետո խոսենք, ես հիմա Տրնդեզի եմ մասնակցում ու քավոր եմ ու հարմար չի:

ԱՐՄԵՆՈՒՀԻ ՀԱԿՈԲՅԱՆ

ԱՐՏԸ ԽԱԽՈՒՏ, ՄԱՀԱՆԱՆ` ԿԱՐԿՈՒՏ

Փետրվարի 17-ին կայանալիք ՀԱԿ-ի հանրահավաքը հետաձգվեց մարտի 1-ին, պատճառը, ինչպես իրենք են նշել, եղանակային վատ պայմաններն են: Երեւի թե, վերջիններս նման որոշում են կայացրել մտածելով հայ ժողովրդի եւ իր համակիրների մասին, սակայն ինչպես պարզվեց, եղանակային մեծ փոփոխություն ամսի 17-ին չի ակնկալվում. այսօրվա հետ համեմատական անցկացնելով, ընդամենը մեկ աստիճան ջերմաստիճանի նվազում կլինի` ցերեկը պլյուս 2 աստիճան: Դժվար չէ հասկանալ, որ եղանակը այստեղ ամենեւին էլ կապ չունի, զի մեր նորագույն պատմության մեջ փետրվարյան եղանակը երբեւէ չի խանգարել հանրահավաքներ անցկացնելուն: Փետրվարին` 1988-ից ի վեր, միայն մեկ անգամ հանրահավաքներ չեն եղել` 1989-ին, երբ խորհրդային իշխանությունը արտակարգ դրություն էր մտցրել, ցույցերն ու հանրահավաքները խստիվ արգելված էին, եւ խորհրդային զորքերը մայրաքաղաքում թույլ չէին տալիս նույնիսկ մի քանի հոգով հավաքվել... Երեւի թե սեփական վարկանիշի անկումը ոչ պակաս խոչընդոտ է, քան պարետային ժամը:

ՍՈՍԵ ՉԱՆԴՈՅԱՆ

ԲԱՑԻ ՄԻՏԻՆԳԻՑ` ՆԻԽՏ ՊԱՏԱՍԽԱՆ

Հրազդանի քաղաքապետի թեկնածու Սասուն Միքայելյանը փետրվարի 12-ին կայացած քաղաքապետի ընտրությունների արդյունքները չի բողոքարկելու: Հարկ է նշել, որ գործող քաղաքապետը հավաքել է 13 079, իսկ Սասուն Միքայելյանը` 11506 ձայն: Թե արդյո±ք ՀԱԿ-ը կփորձի համոզել Սասուն Միքայելյանին, այնուամենայնիվ, բողոքարկել արդյունքները, փորձեցինք ճշտել ՀՀՇ նախագահ ԱՐԱՄ ՄԱՆՈՒԿՅԱՆԻՑ, սակայն վերջինս կարծես թե տրամադրություն չուներ.
- Հա իմացա, որ դու ես:
- Շատ հաճելի է, որ արդեն միանգամից ճանաչում եք:
- Ինձ համար հաճելի չի, որ 21 անգամ զանգում եք:
- Բա ի±նչ անեմ, միայն Դուք եք հեռախոսազանգերի պատասխանում:
- Ասուլիս եմ տալու` կգաք բոլոր հարցերին կպատասխանեմ: Հիմա կպատասխանեմ միայն հանրահավաքի հետ կապված հարցերին, աչիկո:
Հարցը լսելուն պես պարոն Մանուկյանն անջատեց հեռախոսը:

ՍՈՍԵ ՉԱՆԴՈՅԱՆ

 

 

 

 

ՔՈՉԱՐՅԱՆԻ ԽՈՍՆԱԿԸ ՕԶՈՒՄ ՉԻ ՕՍԿԱՆՅԱՆԻ ՄԱՍԻՆ ՊԱՏԱՍԽԱՆԵԼ

Շաբաթ օրը Վարդան Օսկանյանը դիմում է ներկայացրել ԲՀԿ-ին անդամակցելու համար: Արդյո±ք սա զուտ Օսկանյանի որոշումն է, թե± այդ քայլը Ռոբերտ Քոչարյանի հորդորով է տեղի ունեցել, քանզի, գաղտնիք չէ, որ Օսկանյանը ՀՀ երկրորդ նախագահի մերձավորագույն զինակիցներից է: Փորձեցինք ճշտել ՀՀ երկրորդ նախագահի խոսնակ Վիկտոր Սողոմոնյանից, որն էլ պատասխանեց.
-Կարծեմ, մենք այդ թեմայով մեկ անգամ խոսել ենք:
- Այո:
- Ինձ ուրիշ ոչինչ չի մնում, քան խորհուրդ տալ մեկ անգամ եւս խոսել Օսկանյանի հետ:
- Հարցը միայն նրան չի վերաբերվում:
- Ինչ ասեմ, ասելու ոչինչ չի մնում:
- Դուք եք լրատվականի պետ, բա այդպես ո±նց կլինի, ախր:
- Այսինքն, որ պետ եմ` պետք է բոլոր հարցերին պատասխանե±մ: Ես համարում եմ` սա սխալ հարցադրում է, եթե ուրիշ բան ունեք ասելու` խնդրեմ:
- Ներկա պահին սա է կարեւոր:
- Կարեւորը ի¯նչ կապ ունի սխալ հարցադրման հետ: Ես գտնում եմ, որ դա սխալ հարցադրում է եւ չեմ ուզում պատասխանել:
- Ուղղակի ասեք` այո կամ ոչ:
- Բայց սխալ հարց եք տալիս, ինչպե±ս ասեմ այո կամ ոչ: Ինչի± մասին է խոսքը գնում: Մտածեք` ինչ հարց եք ուղղում, նոր: Ես առաջին տարին չէ, որ մամուլի քարտուղար եմ, ոչ էլ առաջին օրն է, որ հարցեր եմ լսում լրագրողից, խնդրում եմ հարցի ձեւակերպման մասին մի քիչ մտածեք` նոր զանգեք:
- Բայց չէ± որ Օսկանյանը Քոչարյանի մերձավոր թիմակիցն է, թե± այդպես չէ:
- Դա ձեր եզրակացություն է, խնդրում եմ զանգեք Օսկանյանին, նա կպատասխանի: Ես ոչինչ չեմ ուզում ասել: Այդ հարցը ինձ չի առնչվում, զանգեք Օսկանյանին:

ՍՈՍԵ ՉԱՆԴՈՅԱՆ

ԱԳՆ-Ն ՍԻՐԻԱՀԱՅԵՐԻՑ ՆՈՐՈՒԹՅՈՒՆ ՉՈՒՆԻ

Անցյալ շաբաթ ՄԱԿ-ի անվտանգության խորհրդում տեղի է ունեցել քվեարկություն, որտեղ լսվել է Սիրիայի դեմ պատժամիջոցներ կիրառելու հարցը: Այդ կապակցությամբ Ադրբեջանը` որպես անվտանգության խորհրդի ոչ մշտական անդամ Սիրիայի հարցում, ամբողջական աջակցություն է ցուցաբերել ԱՄՆ-ի նախագծին եւ հակասության մեջ մտել ՌԴ-ի եւ Չինաստանի հետ: Իսկ Հայաստանի քվեարկության մասին տեղեկություններ իմանալու համար դիմեցինք ԱԳՆ մամուլի պատասխանատու ՏԻԳՐԱՆ ԲԱԼԱՅԱՆԻՆ, ով ասաց. ՙՀայաստանի դիրքորոշումը հիմնվում է այն հենքի վրա, որ մենք գտնում ենք, որ բոլոր հարցերը պետք է լուծվեն երկխոսության եւ ներազգային համերաշխության միջոցով եւ սա է մեր դիրքորոշման անկյունաքարը՚:
Այնուհետեւ, երբ հետաքրքրվեցինք Սիրիայի հայ համայնքով, պարոն Բալայանը նշեց. ՙՈրեւէ նոր բան, որ Ձեզ կարող եմ ասել, չկա՚:

Ա. ՀԱԿՈԲՅԱՆ

ՙԱՅ ՄԱՐԴ ՉԵՄ ՊԱՏԱՍԽԱՆԵԼՈՒ՚

ՙԿյանքի խոսք՚ աղանդի կողմից ստեղծված ՙԿյանքի խոսք՚ հանրակրթական դպրոցի մասին ՙԻրանունք՚-ի 14-րդ համարում զրույց էինք ունեցել ԱԺ կրթության հանձնաժողովի, ՙԺառանգություն՚ կուսակցության անդամ Անահիտ Բախշյանի հետ, ով մեզ հետ զրույցում նշել էր, որ այդ դպրոցի հետ կապված բավականին գործ է արվել, որի մասին երկու խոսքով ասել հնարավոր չէ:
Այս կապակցությամբ մենք կրկին դիմեցինք տիկին Բախշյանին, որպեսզի տեղեկանանք, թե այդ ի±նչ աշխատանքներ են տարվել վերը նշված դպրոցի հետ կապված, որը դեռ շարունակում է իր գործունեությունը հարցով: Սակայն հարցը լսելուն պես, ինչն էլ որ սպասելի էր, Ա. Բախշյանն ասաց. ՙԱ°յ մարդ, չեմ պատասխանելու, է, ես ժամանակ չունեմ, այդ հարցերով դիմեք ԿԳ նախարարությանը, ես գործ չունեմ՚: ՙԲայց չէ± որ դուք ինքներդ ասացիք, որ աշխատանքներ են կատարվել, որի մասին երկու խոսքով հնարավոր չէ պատմել, իսկ մենք ցանկանում ենք հարցազրույց ունենալ ձեզ հետ՚,- հարցին ՙԺառանգության՚ պատգամավորը որքան հայերենի չ տառով սկսվող ժխտողական բառեր կային, հիշատակեց` ասելով. ՙԵս այդքան ժամանակ չունեմ, չեմ ցանկանում, չեմ կարող՚:
Դե բնականաբար, որտեղից կարողանա տիկին Բախշյանը այդ հարցի հետ կապված ժամանակ ունենալ եւ ինֆորմացիա տրամադրել, քանի որ նախորդ անգամ մեր հետ զրույցի ժամանակ տիկին Բախշյանը հավանաբար մոռացել էր, որ ինչպես նշում էին որոշ լրատվամիջոցներ 2007 թվականի ԱԺ ընտրությունների ժամանակ ՙԿյանքի խոսք՚ աղանդի ներսում հրահանգ է եղել քվեարկել ՙԺառանգություն՚ կուսակցության օգտին: Այդ իսկ պատճառով հենց հաջորդ օրը մեր կողմից հնչեցրած հարցն այդքան տխրեցրեց եւ, ինչու չէ, նաեւ զայրացրեց Անահիտ Բախշյանին:
Իսկ նախորդ շաբաթ քայքայիչ աղանդներից տուժածների օգնության կենտրոնի ղեկավար Ալեքսանդր Ամարյանն իր ասուլիսում հայտարարել է հետեւյալը. ՙԿրոնական կառույցներում կան խմբեր, որոնք զբաղվում են քաղաքականությամբ: Աղանդավորական կառույցներում բոլորը միանշանակ ենթարկվում են իրենց հովիվին, իսկ վերջինս էլ սկսել է վաճառել ապագա ընտրողների ձայները կուսակցությունների ղեկավարներին: ՙԿյանքի խոսք՚ աղանդավորական կառույցը խարիզմատիկ եկեղեցի է, որի գործունեությունը համարվում է քայքայիչ: Վերջիններս ակտիվորեն մասնակցում են մեր քաղքականությանը՚: Իսկ թե ո±ր կուսակցությունն է համագործակցում աղանդավորական կառույցների հետ, Ամարյանն առայժմ չի նշել` պատճառաբանելով. ՙՀակառակ կուսակցությունն այս դեպքում առավելություն կունենա մյուսի նկատմամբ՚: Այնուհետեւ բանախոսը վստահեցրել է, որ կուսակցությունների անունները կհրապարակի ընտրություններից առաջ:

ԱՐՄԵՆՈՒՀԻ ՀԱԿՈԲՅԱՆ

ՙԼՅՈՎԱ ԽԱՉԱՏՐՅԱՆԸ ՇԱՏ ԲԱՆ ԿԱՐՈՂ Է ԱՍԵԼ՚

ԲՀԿ-ական ԱՐԱԳԱԾ ԱԽՈՅԱՆԸ, երեկ ՙԻրավունք՚-ի հետ զրույցում անդրադառնալով այն հարցին, թե, ի վերջո, ո±ր ընտրատարածքում է նա առաջադրելու իր թեկնածությունը, եւ, առհասարակ, պատրաստվո±ւմ է առաջադրվել թե ոչ, նկատեց.
- Նախ` դեռ անհայտ է, կառաջադրվեմ, թե ոչ, բայց առաջադրվելու դեպքում, բնականաբար, հավուր պատշաճի պայքար եմ տանելու:
- Իսկ հնարավո±ր է որ հանկարծ թիվ 14-ում առաջադրվեք, որտեղից, խոսակցություններ կան, որ առաջադրվելու է նաեւ ԱԺ անկախ պատգամավոր Լյովա Խաչատրյանը:
- Ես թիվ 14-ում չեմ առաջադրվելու, բայց Լյովա Խաչատրյանին էլ չգիտեմ, թե ինչ է ուզում անել: Ամեն դեպքում այնտեղ ավելի լուրջ մարդիկ են ուզում առաջադրվել: Բայց, ցավոք սրտի, այսօր որոշ մարդիկ, օգտվելով մեր հանգստությունից, սկսում են հայտարարություններ անել, ժողովրդի անունից հանդես գալ` մոռանալով իրենց հովանավորներին:
- Դե նման հայտարարություն, կարծես թե, արել է Լյովա Խաչատրյանը:
- Օրինակ` Լյովա Խաչատրյանը շատ բան կարող է ասել, նա մի պահ ՀՀԿ-ին էր հարում, հետո մի պահ սկսեց ՕԵԿ-ին հարել, հետո ասել` անկուսակցական եմ:

 

 

 

 

ՙՀԱԿ-Ը ՇԻՎԱՅԻ ՆՄԱՆ ՈՒԶՈՒՄ Է ՏԱՍԸ ԵՐԵՍ ՈՒՆԵՆԱԼ՚

Երեկ, ՍԻՄ-ի ՙԱզդակ՚ ակումբում սոցիոլոգ Ահարոն Ադիբեկյանը, ամփոփելով ներկա քաղաքական անցուդարձը եւ ներկայացնելով իր սոցիոլոգիական կանխատեսումներն ու ուսումնասիրությունները առաջիկա ընտրությունների հետ կապված, նշեց.
նտրություններին կուսակցությունների, մասնավորապես` ՀՀԿ-ի եւ ԲՀԿ-ի առանձին մասնակցությունը կկրճատի ՀԱԿ-ի հավակնությունները ընդդիմադիր դաշտի ձայների հաշվին: Իհարկե, ՀԱԿ-ը հավակնում էր գերիշխել ընդդիմադիր դաշտում, որի հետեւանքով ՀՅԴ-ն եւ ՙԺառանգություն՚-ը դուրս կմնային խաղից:
- Ավելի հստակ, ըստ Ձեր կանխատեսումների, ընդդիմադիր ուժերից որո±նց շանսերն են մեծ խորհրդարան անցնելու համար:
- Այս փուլում քաղաքական ուժերի առանձին գնալը նույնպես արդյունավետ է, որովհետեւ այս դեպքում ընդդիմադիր դաշտը եւս կձեւավորվի, եւ ՀԱԿ-ն էլ, ՙԺառանգությունն՚ էլ, ՀՅԴ-ն էլ հնարավորություն կունենան խորհրդարան անցնել: Բայցեւ նկատենք, որ ՀԱԿ-ն այսօր ծայրահեղ ընդդիմությունից փորձեց դառնալ կենտրոնամետ, նույնիսկ լեզուն փոխեց, սակայն տեսնելով, որ ՙիր կուտն՚ այստեղ ոչ ոք չի ուտում, դարձավ նորից ծայրահեղ ընդդիմադիր: ՀԱԿ-ը` որպես քաղաքական բրենդ, դեմք չունի, նա դիմազուրկ է, ուզում է միանգամից Շիվայի նման տասը դեմք ունենալ: ՀՀՇ-ի հին հիվանդությունն է` եկեք միացեք մեզ, մենք համահայկական շարժում ենք: Իրենք միավորում ասելով` հասկանում են, որ դու պետք է մտնես իրենց ՙկաբլուկի՚ տակ: Այնպես որ, ըստ իս, ՀԱԿ-ը կմնա որպես ծայրահեղ ընդդիմություն:
- Այդ դեպքում, ովքե±ր են չափավոր ընդդիմադիրները:
- Քաղաքական դաշտում չափավոր ընդդիմադիր են ՙԺառանգությունը՚, ՀՅԴ-ն, սակայն կան ընտրողներ, որոնք ո°չ ՀԱԿ-ին են սիրում, ո°չ ՀՅԴ-ին, եւ ո°չ էլ ՙժառանգությանը՚, հետեւապես, չի բացառվում, որ այդ ձայները անցնեն ԲՀԿ-ին:
- Բա, ՕԵԿ-ին ի±նչ կմնա:
- ՕԵԿ-ը ունի խորհրդարան անցնելու հնարավորություն, քանի որ, ոչ բոլորն են հիասթափվել ՕԵԿ-ից:
- Պրն Ադիբեկյան, իսկ որո±նք են դաշտի կայացած թիմերը, եւ ո±ւմ շանսերն են ավելի մեծ 2012-ի ընտրություններում:
- Միակ կայացած թիմը, որն ունի ռեսուրսներ` ՀՀԿ-ն է, որը կարողանում է օգտվել նաեւ իշխանական բոլոր լծակներից ու ռեսուրսներից: Իսկ ԲՀԿ-ի դեպքում պատկերը հետեւյալն է. Ծառուկյանին հանեք` ԲՀԿ-ը չկա, թիմ չկա այնտեղ, ի տարբերություն ՀՀԿ-ի, որտեղ տասնյակ դեմքեր կան:
- Իսկ ո±ր ուժերը կարող են դաշինքով գնալ ընտրությունների: Ի դեպ, չմոռանանք անդրադառնալ նաեւ ՙԱզատ դեմոկրատներ՚-ի ու ՙժառանգության՚ քաղաքական սիրավեպին…
- Այսօրվա դրությամբ ՙԱզատ դեմոկրատներ՚-ը ուղղակի ոչինչ են. ինքը Րաֆֆին իր էլեկտորատն ունի, բայց ՙԱզատ դեմոկրատներ՚-ի հետ միացումը նրան ոչինչ չի տա:
- Պրն Ադիբեկյան, ավելի պատկերավոր, 2012-ին քանի± մանդատ կհասնի ՀԱԿ-ին, եւ արդյո±ք ՀԱԿ-ը կհասնի խորհրդարան, թե± ոչ:
- Այդ մասին ես հաջորդ անգամ կասեմ, բայց շատ հնարավոր է, որ ՀԱԿ-ը խորհրդարանում դառնա երրորդը, նա կունենա մանդատներ, բայց դա, իհարկե, վճռորոշ չի լինի քաղաքական դաշտի համար: Նրանք կարող են հանձնաժողովներում աշխատել, միջազգային կառույցներում ինտեգրվել, բայց դրանից ոչ ավելին: Այ եթե նա գնալու լինի առճակատման, գրոհի, եւ այլն, հաստատ չի ընկալվի բնակչության կողմից:
- Բացի Ձեր մատնանշած ուժերից, էլ ի±նչ նոր ուժեր կլինեն խորհրդարանում:
- Դե արդեն ասացի, որ հինգ կուսակցությունները ռեալ շանսեր ունեն անցնելու ԱԺ, բայց այնտեղ մի կուսակցություն` 6-րդն էլ կա, եւ ես կարծում եմ, որ եթե ՍԻՄ-ը շատ լավ աշխատի` ռեալ հնարավորություն կունենա ԱԺ անցնելու համար:
- Կարծիք կա, որ այսօր ժողովրդի մեծ մասը հիասթափված է եւ որ 2012-ի ընտրություններում ակտիվ մասնակցություն չի ցուցաբերի:
- Չէ, դա այդպես չէ, կա ընտրողների ռեալ բանակ, որը մասնակցում է բոլոր համապետական ընտրություններին, բայց ինչ խոսք, որ պրոբլեմներ էլ կան:
- Հետաքրքիր է, նախընտրական տրամադրություններին ընդառաջ ՀՀԿ-ն կարիք կունենա± նոր սոցհարցումների, թե± ՀՀԿ-ի համար ամեն ինչ պարզից էլ պարզ է:
- Փոքր կուսակցությունները ինչու չեն ուզում պատվեր տալ, որովհետեւ այդ հարցումներից հետո երեւալու է նրանց փոքր դեմքը: Ես պատվիրատու եմ ունեցել, որը 1,5 տոկոս վարկանիշ է ունեցել ու դժգոհել, թե` էսքան գործ եմ անում ու էսքան տոկո±ս… Բայց չէ± որ այդ վարկանիշը, ըստ հարցումների է ներկայացվել եւ ժողովրդի ձայնին համապատասխան: Տիգրան Կարապետյանն ասում էր` 25 տոկոս կհավաքեմ, ասացի` տասը անգամ սխալվում ես, 2,5 էլ հավաքեց: Հնչակյանը` թե մենք 15 տոկոսի համար ենք աշխատում, բայց ինչ պարզվեց, որ զրո տոկոս էլ չունի: Բայց ինքը 15 տոկոսի մասին է խոսում, ու հետն էլ ասում, թե ընտրությունները անարդար են, եւ եթե ընտրությունները արդար լինեին, ես կհաղթեի, եւ այլն, եւ այլն: Բայց չէ± որ կա ռեալ հաշվարկ եւ ռեալ վարկանիշ:

ԳԱՅԱՆԵ ԶԱՐԳԱՐՅԱՆ

ԱՆԺԵԼԱ ՍԱՐԳՍՅԱՆԸ ԽՈՒՍԱՓՈՒՄ Է ԼՐԱԳՐՈՂՆԵՐԻՑ

ՀՀ քրեական օրենսգրքի 144-րդ` ՙԱնձնական կամ ընտանեկան կյանքի մասին տեղեկություններ ապօրինի հավաքելը, պահելը, օգտագործելը կամ տարածելը՚, եւ 263-րդ` ՙՊոռնոգրաֆիկ նյութեր կամ առարկաներ ապօրինի տարածելը՚, հոդվածների հատկանիշներով մեղադրվող Կարեն Արայանի գործի ՙչափազանց՚ դռնփակ դատաքննությունը շարունակվում է: Դրան զուգահեռ` շարունակում է աճել հանրության առանձնահատուկ հետաքրքրության առարկա հանդիսացող` անպատասխան մնացած եւ նոր հարցերի ցանկը:
Որքան էլ մասնագիտական տեսանկյունից այդ գործը չհամարվի եւ չփորձվի ներկայացվել որպես ՙտրիվիալ ու կենցաղային՚, հազարավոր ընթերցողների հետաքրքրությունը, այնուամենայնիվ, բացատրելի է: Դատեք ինքներդ. ՙտրիվիալ ու կենցաղային՚ այդ ոչ ծանր եւ առավելագույնս 2-3 տարի ազատազրկում նախատեսող հանցագործությունների վերաբերյալ մեղադրանքը պաշտպանում է ՀՀ Գլխավոր դատախազությունը:
Ընթերցողը հավանաբար հիշում է, որ ՙՀետաքննությունն՚ իր նախկին հրապարակումներից մեկում հարցադրել էր այդ հանգամանքի առթիվ: Պարզաբանումներ չստանալով` անմիջականորեն դիմեցինք ՀՀ ԳԴ լրատվական ծառայությանը: Պատասխանը հետեւյալն էր. ՙՄեղադրանքը պաշտպանում է Գլխավոր դատախազության դատախազը, քանի որ նախաքննությունն իրականացրել էր Քննչական գլխավոր վարչությունը…՚: Դե արի ու մեղադրի քաղաքացուն այն բանի համար, որ նրան հետաքրքրում է ՀԳՎ-ի կողմից քննված ՙտրիվիալ կենցաղային՚ գործը…
Համատարած հետաքրքրության մյուս պատճառներից քիչ կարեւոր չէ այն, որ քրեական գործն անմիջականորեն առնչվում է հանդիսատեսների շրջանում լայն ճանաչում ունեցող կինոդերասանուհու ՙկենցաղային՚ հարցերի հետ: Այսինքն, այն անձի, ով ոչ միայն սովոր է ազատ ու անկաշկանդ շփվել հասարակության հետ, այլեւ գիտակցում է, որ այդ շփումներն են հանդիսանում մասնագիտական հաջողության գրավականը:
Մինչդեռ, լրատվամիջոցները արձանագրել են, որ դատաքննության մեկ նիստին Ա. Սարգսյանը չէր ներկայացել, իսկ հաջորդ` փետրվարի 13-ի նիստին, ՙմեկ ժամ շուտ էր ներկայացել դատարան` լրագրողների հարցերից խուսափելու համար՚: Հավանաբար, դերասանուհու դիրքորոշման հարցում այս անգամ գերիշխել էր քրեական գործով տուժողի կարգավիճակը:
Նույնը, հավանաբար, չի կարելի ասել գործով մյուս տուժողի` Ա. Սարգսյանի նախկին ամուսին Ղազար Ավետիսյանի մասին. նրան ուղարկված դատական ծանուցագիրը վերադարձվել էր, իսկ Ղ. Ավետիսյանը նիստին չէր ներկայացել: Հաջորդ դատական նիստին նրան ծանուցելու պարտավորությունը ստանձնեց Ա. Սարգսյանը: Դրա անհրաժեշտությունն, անշուշտ, կա, քանի որ դատական համակարգի ՙԴատալեքս՚ ծրագրի ՙՆիստերի ժամանակացույց՚ էջում այդ դատաքննության մասին տեղեկություններ արդեն չեն տեղադրվում: Նկատենք, որ այս գործն ամիսներ առաջ արդեն մեծագույն աղմուկ էր բարձրացրել հենց այն պատճառով, որ դրա բոլոր մանրամասները հանրության քննության առարկա էին դարձել մինչեւ դատաքննությունը սկսվելը, եւ գոնե դատական նիստերի օրն ու ժամը գաղտնի պահելու ճիգերը եւ անիմաստ են, եւ աննպատակ:
Սակայն մեր հետաքրքրության բուն առարկան Անժելա Սարգսյանի եւ նրա ՙտղամարդու՚ անցյալ եւ ներկայիս հարաբերությունները չեն: Մեզ հիմնականում հուզել եւ հուզում է մեկ հանգամանք, որը վերաբերում է ՙԿյանքի խոսք՚ աղանդավոր կազմակերպության առնչությանը այս գործին: Կրկին հիշեցնում ենք, որ մեղադրյալ Կարեն Արայանը հրապարակայնորեն հայտարարել էր, որ իրեն մեղսագրվող արարքը, այն է` համացանցում պոռնոնկարահանումներ տեղադրելը, հետապնդել էր մեկ նպատակ. խուսափել բռնաբարության մեղադրանքից: Այդ վտանգը նրան ու նրա մորը թվացել էր այնքան իրական, որ նրանք անգամ մատնանշել էին, թե որտեղից է սպառնում այդ վտանգը` ՙԿյանքի խոսքից՚: Մինչդեռ, հանրությունը առ այսօր տեղյակ չէ, թե քրեական այս գործի նյութերում որեւէ մի կերպ հիշատակվո±ւմ է այդ հանգամանքը, թե± ոչ:
Ցավոք, այսօր էլ մենք չենք կարող այդ հարցի վերաբերյալ որեւէ տեղեկատվություն տալ մեր ընթերցողին, քանի որ գործի նյութերից առայսօր պարզ չէ, թե ներգրավված վկաների թվում կա±ն այդ կազմակերպության անդամները, թե± ոչ: Հետեւաբար, պարզ չէ նաեւ, թե դատարանը կանդրադառնա± ՙԿյանքի խոսքի՚ առնչությանը քրեական այս գործին, թե± հասարակության մեջ հերթական անգամ կամրապնդվի այն համոզմունքը, որ աղանդավորական այդ կազմակերպության դեմ քրիստոնյաները խաղ չունեն…

Ա. ԱԲԳԱՐՅԱՆ

ՀԱԲՌԳԱԾ ՊԱՐՍԻԿՆԵՐԻ ԵՎ ՄԵՐ ԱՆԹԱՍԻԲ ՉԻՆՈՎՆԻԿՆԵՐԻ ՄԱՍԻՆ

ՙՀետաքննության՚ նախորդ համարում ՙՊարսկական ակումբներ հայերի մուտքը արգելված է՚ վերնագրի ներքո ներկայացրել էինք պատմություն այն մասին, թե ինչպես են մեր իսկ երկրում պարսիկները հայերին արգելում մուտք գործել իրենց պատկանող հասարակական նշանակության օբյեկտներ: Եվ դա` այն դեպքում, երբ հայ կանանց համար որեւէ արգելք չկա:
Իսկ ի±նչ են մտածում այդ ամոթալի փաստի մասին մեր պատկան պետական կառույցները: Քաղաքապետարանի հասարակայնության եւ լրատվամիջոցների հետ կապերի վարչության բաժնի պետ ԱՐՏԱԿ ԳԵՎՈՐԳՅԱՆՆ, ի պատասխան մեր հարցադրման` նշեց. ՙԴա մեր գործառույթից դուրս է: Անկեղծ ասած` անգամ չեմ կարող ասել, թե ով այդ հարցը կարող է կանոնակարգել, որ հայերի կամ այլ ազգի ներկայացուցիչների մուտքը արգելվում է՚:
Լավ էլի. մի±թե քաղաքապետարանի համապատասխան վարչության գործը չէ, որ իրեն վերահսկված ոլորտում ակնհայտորեն ոտնահարվում են իրենց իսկ քաղաքի բնակիչների մի ստվար հատվածի իրավունքները: Եվ այն էլ` օտարերկրացիների կողմից: Հետո էլ քարոզում են, թե` ՙՄեր քաղաքը մեր տունն է՚:
Իսկ մարդու իրավունքների պաշտպանի գրասենյակից մեզ տեղեկացրեցին. ՙԵթե ազգային պատկանելության հետ կապված խտրականություն են դնում, ապա դա կարող է ընկալվել` որպես մարդու իրավունքների խախտում կամ ազգային կամ սեռական խտրականության: Բայց քանի որ նույն ՙբառերը՚, ՙկլուբները՚ հանդիսանում են մասնավոր մարմին, այլ ոչ թե պետական, այս դեպքում պաշտպանի լիազորության մեջ չի մտնում քաղաքացուն պաշտպանել մասնավոր մարմիններից կամ մասնավոր անձանցից: Այս դեպքում դա դատական կարգով է լուծվում: Եթե ինչ-որ մեկին չեն թողնում մտնել ակումբ` այդ խնդիրը պետք է լուծվի դատարանի միջոցով՚:
Դե ինչ, պարզվում է, որ պատկան մարմիններն անգամ չգիտեն, թե ում գործառույթի մեջ է մտնում վերահսկել այս քաոսը, էլ չենք խոսում լուծումների մասին: Իսկ լուծումը, որ առաջարկում է ՄԻՊ գրասենյակը, սա է` դատարան դիմելը, նույնիսկ ծիծաղելի է թվում. ո±ր մի խելքը գլխին մարդը ինչ-որ ակումբ կամ ժամանցի վայր մուտք գործել չթողնելու համար կգնա դատարանների դռները:
Մի խոսքով, ստացվում է, որ մեր պատկան կառույցների հեչ վեճն էլ չէ, թե մեր իսկ երկրում պարսիկներն ինչպես են փորձում վարվել հայերի հետ, ու հարց է ծագում, թե նման անթասիբ կառույցներն, առհասարակ, ո±ւմ են պետք: Իսկ Հայաստանում Իրանի Իսլամական Հանրապետության դեսպանատունը մեր կողմից գրավոր կերպով ուղղված նամակին օրենքով սահմանված ժամկետում այդպես էլ չպատասխանեց: Դե ինչո±ւ իրեն նեղություն տա պատասխանել, եթե գործ ունի մեր անթասիբ չինովնիկների հետ:

ՍՈՍԵ ՉԱՆԴՈՅԱՆ

ԵՐԵԽԱՆԵՐԻ ՄԱՀՎԱՆ ԴԱՏԱՎՃԻՌԸ ԿԱՅԱՑՎԵԼ ԷՐ 1 ՏԱՐԻ ԱՌԱՋ

2012թ. փետրվարի 8-ին, Արարատի եւ Վայոց Ձորի մարզերի ընդհանուր իրավասության դատարանը կայացրել էր Ռոզա Ալոյանի քրեական գործով ակտը: Դատարան ներկայացված մեղադրական եզրակացության ձեւակերպումն էր` ՙՌոզա Ալոյանին մեղադրանք է առաջադրվել այն բանի համար, որ նա անմեղսունակության վիճակում` 2011թ. սեպտեմբերի 6-ին իր դեռահաս երեխաներին` Վարդան Գարիկի Ալոյանին եւ Հայկ Գարիկի Ալոյանին խեղդամահ է արել՚:
Ցավում ենք, որ ընթերցողին ենք ներկայացնելու այդ օրվա դաժանագույն տեսարանը: Սակայն չենք թաքցնում, որ այդ քայլին ենք դիմում այն նպատակով, որպեսզի հայ հանրության, Հայաստանի Հանրապետության գործադիր, օրենսդիր, դատական իշխանության, Հայաստանում բնակվող յուրաքանչյուր քաղաքացու մեջ ծնվի սարսափ` մարդկային անտարբերության ու պաշտոնական ձեւականության հետեւանքների նկատմամբ…

ՄԻԱՅՆԱԿ ԷՐ, ԲԱՅՑ, ՑԱՎՈՔ, ՈՉ ՄԵՆԱԿ...

Այդ օրը Ռոզա Ալոյանը, հավանաբար` ոչ առաջին անգամ, իրեն միայնակ էր զգացել: Նրա կողքին էին մանկահաս երեխաները` 6-ամյա Վարդանիկն ու 4-ամյա Հայկը…
Սեպտեմբերի 6-ի կեսօրին Ռոզա Ալոյանը խոհանոցի ջրատար խողովակին էր կապել շարֆը եւ կախաղան հանել Վարդանիկին: Խոհանոցի պատին ամրացված կախիչից ամրացրել էր սավանը ու կախել Հայկին: Երեխաների դիակները տեղափոխել էր մահճակալի վրա, պառկել նրանց կողքին, սավանը փաթաթել իր պարանոցին եւ փորձել խեղդամահ լինել: Վերջին այդ ակցիան մինչեւ վերջ չէր հասցրել: Լքել էր մեռած տունը ու սպանված երեխաներին ու մեկնել Երեւան:
Դատարանը նույնպես համարել էր, որ կրկնակի սպանություն կատարած Ռոզա Ալոյանը եղել էր ՙանմեղսունակության վիճակում՚:

ՈՉ ԻՐԱՎԱԿԱՆ ՀԵՏԵՎՈՒԹՅՈՒՆՆԵՐ

ՙՔրեական պատասխանատվության ենթակա չէ այն անձը, ով հանրության համար վտանգավոր արարք կատարելու պահին գտնվել է անմեղսունակության վիճակում, այսինքն` քրոնիկ հոգեկան հիվանդության, հոգեկան գործունեության ժամանակավոր խանգարման, տկարամտության կամ հոգեկան այլ հիվանդագին վիճակի հետեւանքով չէր կարող գիտակցել իր գործողության (անգործության) վտանգավորությունը կամ ղեկավարել դա՚ (ՀՀ քրեական օրենսգիրք):
Ռոզա Ալոյանը հանցավոր արարքը կատարելու պահին չէ, որ եղել էր անմեղսունակ: 2010թ. նոյեմբերին, այդ կինը տեղափոխվել էր հոգեբուժարան, բժիշկները հետազոտել էին նրան եւ եզրակացրել, որ Ռ. Ալոյանը ենթակա է ստացիոնար բուժման, սակայն հոգեկան հիվանդությունից տառապող կնոջ քույրը ու ամուսինը չեն տվել իրենց համաձայնությունը: Այլ խոսքով, Ռ. Ալոյանի երեխաները առնվազն 1 տարի առաջ արդեն դատապարտված էին եղել կախաղանի` իրենց հոր ու մորաքրոջ կողմից…
Միայն` նրա±նց:
Դատական ակտին, որը հաստատել էր մեղադրական եզրակացությունը եւ որի համաձայն Ռ. Ալոյանը ուղարկվել էր հարկադիր բուժման, սույն հոդվածի հեղինակին ծանոթանալ չհաջողվեց` այն դեռ տեղադրված չէր դատական համակարգի կայքում: Սակայն իր այն հարցին, թե` դատարանը իր այդ կամ լրացուցիչ որոշմամբ որեւէ կերպ անդրադարձել էր մեկ տարի առաջ կայացված ՙմահապատժի դատավճռին՚, թե± ոչ` հեղինակը պատասխանը ստացել էր դատական նիստի քարտուղարից, ՙՆուբարաշեն՚ հոգեբուժարանից, հանրային պաշտպանից: Պատասխանը բացասական էր` ոչ, նման ակտ չէր կայացվել: Այլ խոսքով. երկու երեխաների սպանության դեպքով մեղադրական դատավճիռ կամ խոսք դատարանում չէր հնչել:

ՎԵՐՋԱԲԱ±Ն

Ես նույնպես ոչ մեկին չեմ մեղադրում: Բայց, ոչ այն պատճառով, որ դրա իրավունքը չունեմ: Պարզապես համոզված եմ, որ մեղադրանքիս ցուցակը սկսելու է ինձանից եւ աճման հաջորդականությամբ եզրափակվելու է երկրի նախագահով:
Այս դեպքը վերջաբան ունենալ չի կարող, այս գործին վերջակետ դնել չի կարելի: Հակառակ դեպքում, մենք կույր ենք այնքան, որ աչքներիս առաջ չի գալիս իր մոր ձեռքով կախաղան հանված իր եղբոր կողքին կախաղան հանվող երեխայի սարսափը…

Ա. ԱԲԳԱՐՅԱՆ

 

 

 

 

ՊԱՐՈՆ ԾԱՌՈՒԿՅԱՆԸ ԿԳԱ` ԿՔՆՆԱՐԿՎԻ՚

Շաբաթ օրը, ՀՀ արտաքին գործերի նախկին նախարար Վարդան Օսկանյանը դիմում է ներկայացրել ԲՀԿ-ի շարքերն անդամագրվելու մասին: Երեկ լրատվամիջոցներով եղավ տեղեկատվություն այն մասին, որ Վ. Օսկանյանը ԲՀԿ ընտրատարածքում ունենալու է անցողիկ տեղ, եւ որ դա կլինի առաջին հնգյակում: Արդյո±ք ԲՀԿ-ն կբավարարի պարոն Օսկանյանի դիմումը` հարցով դիմեցինք ԲՀԿ նախագահի մամուլի պատասխանատու ԽԱՉԻԿ ԳԱԼՍՏՅԱՆԻՆ, ով նշեց. ՙՆերկայացված դիմումը քննարկման փուլում է, պարոն Ծառուկյանը երկրում չէ, կվերադառնա, բնականաբար, կքննարկվի եւ որոշում կկայացվի՚:
Վ. Օսկանյանի ԲՀԿ ցուցակով անցողիկ տեղ ունենալու կապակցությամբ պարոն Գալստյանը ասաց. ՙԲարգավաճ Հայաստան կուսակցության ընտրացուցակը դեռեւս պատրաստ չէ, եւ կգա ժամանակը դուք կիմանաք, թե ով ինչ տեղ է գրավում: Այս պահին կարող եմ ասել առաջին համարի մասին, ով լինելու է պարոն Ծառուկյանը, իսկ մնացածի մասին դեռ պարզ չէ՚:
Իսկ ահա Վարդան Օսկանյանը երեկ տարածեց հայտարարություն` հաստատելով, որ, այնուամենայնիվ, պատրաստվում է անդամակցել ԲՀԿ-ին. ՙԵրեկ ես դիմում եմ ներկայացրել ՙԲարգավաճ Հայաստան՚ կուսակցությանն անդամակցելու համար: Այդ որոշումը կայացրել եմ, քանի որ համոզված եմ, որ ՙԲարգավաճ Հայաստան՚ կուսակցությունը, այլ քաղաքական ուժերի հետ միասին, կարող է քաղաքական մրցակցության շնորհիվ ապահովել ազատ եւ արդար ընտրություններ, հետեւաբար նաեւ նոր խորհրդարան` քաղաքական ուժերի նոր դասավորությամբ...՚: Պարոն Օսկանյանի այս հայտարարությունը թերեւս արդեն վկայում է, որ նրան, այնուամենայնիվ, ԲՀԿ ցուցակի առաջին հորիզոնականներում նրան տեղ վերապահված է:

Ա. ՀԱԿՈԲՅԱՆ

 

 

 

ԻՄ ԿԱՐԾԻՔՈՎ, ՄԵՆՔ ԱՅԴ ՕՐԻՆԱԳԻԾԸ ՈՒՇԱՑՆՈՒՄ ԵՆՔ՚

ՙԿյանքի խոսք՚ աղանդի կողմից հիմնադրված ՙԿյանքի խոսք՚ հանրակրթական դպրոցի ստեղծման մասին որոշեցինք կարծիքներ վերցնել ՀՀ ԱԺ կրթության հանձնաժողովից: Մի քանի օր շարունակ, փորձում էինք կապ հաստատել հանձնաժողովի նախագահ ՀՀԿ-ական պատգամավոր ԱՐՏԱԿ ԴԱՎԹՅԱՆԻ հետ, սակայն ապարդյուն, քանի որ պարոն Դավթյանը կամ ժամեր շարունակ գտնվում էր նիստերի դահլիճում կամ հյուրեր էր ընդունում իր աշխատասենյակում եւ այդպես էլ ժամանակ չգտավ մեր հարցերին պատասխանելու համար` նույնիսկ այն դեպքում, երբ մենք փոխանցել էինք, թե ինչ հարցով ենք զանգահարում:
Իսկ նույն հանձնաժողովի կրկին ՀՀԿ-ական անդամ ԿԱՐԻՆԵ ԱՃԵՄՅԱՆԸ նույնիսկ տեղյակ չէր, որ Երեւան քաղաքում գործում է նմանատիպ հանրակրթական դպրոց` նշելով հետեւյալը. ՙԵս տեղյակ եմ այդ ուղղության մասին, բայց առաջին անգամ եմ լսում, որ մեզ մոտ գոյություն ունի աղանդավորական դպրոց, հնարավոր է, որ ես լավ տեղեկացված չեմ: Ես հետեւում եմ լրատվամիջոցների հրապարակումներին, բայց քանի որ այս քանի օրը նիստերի օրեր են, շատ չեմ հետեւել: Կծանոթանամ այդ ամենի հետ եւ հետո կասեմ իմ կարծիքը, իսկ ընդհանուր առմամբ վատ եմ վերաբերվում նմանատիպ երեւույթներին եւ ինձ թվում է, որ մենք այդ օրինագիծը ուշացնում ենք, որովհետեւ աղանդները արդեն շատ են ակտիվանում, եւ շատ լուրջ ուշադրության պետք է արժանացնի ե°ւ կառավարությունը, ե°ւ Ազգային ժողովը: Պետք չէ այդ հարցը բարձիթողի անել, քանի որ այն շատ վտանգավոր է մեր երկրի համար, ես անպայման կդիմեմ կառավարությանը, մեր հանձնաժողովին: Դրա մասին մենք նամակներ չենք ստացել, բայց այդ հարցերով ես կդիմեմ նաեւ ԿԳ նախարարին՚:
ԱԺ-ում ընդդիմություն ներկայացնող ՙԺառանգություն՚ կուսակցության վերը նշված հանձնաժողովի անդամ ԱՆԱՀԻՏ ԲԱԽՇՅԱՆԸ մեզ հետ զրույցում ասաց հետեւյալը. ՙԱյդ դպրոցի հետ կապված բավականին գործ է արվել, բայց թե ինչու է շարունակում այդ դպրոցը իր գործունեությունը` հարցրեք ԿԳ նախարարությանը: Ծնողները բողոքեցին այդ դպրոցի համար, բայց արմատական լուծում չի իրականացվել եւ դժվարանում եմ ասել, թե ինչպես պիտի տրվի: Ես առաջիկայում նախապատրաստում եմ կլոր սեղան քրիստոնեական դաստիարակության կենտրոնի հետ, որտեղ անպայման կբարձրացնեմ այդ հարցը՚: Կդիմե±ք այդ հարցով ՀՀ կառավարությանը` հարցին տիկին Բախշյանը տարակուսեց եւ ասաց. ՙՉեմ մտածել, չգիտեմ: Այդ դպրոցի հետ կապված ԳԹԿ-ի կողմից անցկացված արտաքին գնահատման արդյունքները բացարձակ վատն են եղել եւ այդ դպրոցի քննությունների որակի համար գրավոր հարցում է արվել՚: Երբ մենք տիկին Բախշյանին ասացինք, որ ՙԿյանքի խոսք՚ հանրակրթական դպրոցի տնօրենը բացարձակ սուտ է համարել ԳԹԿ-ի արդյունքները, վերջինս զարմացած նշեց. ՙՈ±նց թե սուտ են ասում, այդ տվյալները ինձ մոտ կան եւ շատ հավաստի են, որոնք բավականին մտահոգիչ են եւ, անշուշտ, պետք է ինչ-որ բան մտածի ԿԳ նախարարությունը, քայլեր անի եւ անում է, բայց առայժմ Հայաստանում գործում է խղճի ազատության մասին օրենքը՚: Իսկ չե±ք կարծում, որ այդ խղճի ազատության օրենքի տակ, այդ երեխաներն են փչանում` հարցին ի պատասխան Ա. Բախշանը ասաց. ՙԱյո, մեր երկրի շատ օրենքների տակ շատ մարդիկ են փչանում, որոնցից մեկն էլ հենց դա է, որին պետք է արմատական լուծում, իսկ թե որն է դա այս պահին ես էլ չգիտեմ՚:

ԱՐՄԵՆՈՒՀԻ ՀԱԿՈԲՅԱՆ

 

 

 

 

ԲՀԿ-Ն ՎԱՐՉԱՊԵՏԻ ԱՍԱԾՆԵՐԸ ՉԻ ՄԵԿՆԱԲԱՆՈՒՄ

Այս երեքշաբթի, ԱԺ ԲՀԿ խմբակցությունը բոյկոտել է ԱԺ նիստը, իսկ մինչ այդ, չի մասնակցել կառավարության կողմից ներկայացված օրինագծի քվեարկությանը: Այդ մոտեցումը, ըստ ԱԺ ԲՀԿ խմբակցության անդամ Նաիրա Զոհրաբյանի, պայմանավորված է եղել նրանով, որ նիստի ժամանակ ՀՀԿ մի շարք անդամներ ոչ կոռեկտ գնահատականներ են տվել: Իսկ երկու օր առաջ, ՀՀ վարչապետ Տիգրան Սարգսյանը` օրինագծի քվեարկությանը չմասնակցելու մասին ասել է հետեւյալը. ՙԱյդ հարցը գտնվում է քաղաքական դաշտում, որովհետեւ օրինագծի վերաբերյալ գրավոր կամ բանավոր որեւէ առաջարկություն չի հնչել ԱԺ-ում, թե այս կամ այն հոդվածը պետք է վերանայել: Այդպիսի դիտողություններ կամ առաջարկություններ չենք ստացել՚: Արդյո±ք ՙԲարգավաճ Հայաստան՚ կուսակցությունը եւս այն կարծիքին է, որ այս ամենը գտնվում է քաղաքական դաշտում` հարցի պատասխանի համար դիմեցինք ԲՀԿ հասարակայնության հետ կապերի վարչության պատասխանատու ԲԱՂԴԱՍԱՐ ՄՀԵՐՅԱՆԻՆ, ով ասաց. ՙԱյդ հարցին արդեն պատասխանել է Նաիրա Զոհրաբյանը, եւ ես ավելացնելու բան չունեմ: Իսկ վարչապետը հայտարարությունը արել է, այդ հարցով դիմեք իր մամուլի խոսնակին, այդ հարցը ինձ չի վերաբերվում, ես վարչապետի ասածները չեմ մեկնաբանում՚:

Ա. ՀԱԿՈԲՅԱՆ

 

 

 

 

ԼԱՎԱՏԵՍՈՒԹՅԱՆՍ ՀԻՄՔՈՒՄ ՀՐԱԶԴԱՆՑԻՆԵՐԻ ՈՂՋԱՄՏՈՒԹՅՈՒՆՆ Է ԵՎ ԽԵԼԱՑԻՈՒԹՅՈՒՆԸ՚

Երեկ Հրազդանի քաղաքապետի թեկնածու Սասուն Միքայելյանը Հրազդանի Կենտրոնական հրապարակում, կարելի է ասել, տվեց իր նախընտրական քարոզի վերջին ակորդները, որի ընթացքում իր ծրագրերը ներկայացնելու փոխարեն, եւս մեկ անգամ, իր ելույթի ժամանակ նշանակետի տակ առավ Կոտայքի մարզպետ Կովալենկո Շահգալդյանին` փորձելով նրան քննադատելու հաշվին հերթական դիվիդենտները ՙշահել՚, ու ՀԱԿ-ական սցենարով նոր շփոթ առաջացնել Հրազդան քաղաքում: Հերթական անգամ Սասուն Միքայելյանը, փորձեց իր նախընտրական արշավը, եթե դա կարելի է արշավ անվանել, ուղեկցել ՀԱԿ-ի հարվածային ջոկատի մասնակցությամբ, որոնց բան ու գործի անունը նույնպես իշխանությանը փնովելն էր: Իսկ թե ի±նչպիսին էր Կոտայքի մարզպետի վերաբերմունքը ՀԱԿ-ի ու նրա հրազդանյան ՙտեղական դիրիժոր՚ Սասուն Միքայելյանի վերաբերյալ, փորձեցինք այս եւ այլ հարցերի շուրջ մեկնաբանություն ստանալ հենց մարզպետ Կ. Շահգալդյանից:
-Պարոն մարզպետ« ասում են« որ Սասուն Միքայելյանը բազմահազարանոց հանրահավաք է արել Հրազդանում« արդյո±ք չեք վախենում« որ այդ հանրահավաքը վճռորոշ կլինի ընտրություններում:
- Երեւի 550¬600 հոգանոց հանրահավաքի լուրը մինչեւ հասավ մայրաքաղաք` դարձավ բազմահազարանո±ց: Այդ հանդիպմանը մասնակցել են հինգ-վեց հարյուր մարդ« ափսոս, որ Դուք չեք մասնակցել© կգայիք ու կտեսնեիք այդ բազմահազարանոցը: Ձեր հարցի մեջ էլ մի բառ կիրառեցիք« որն ինձ ու մեր թիմին հարիր չէ: Այդ անձնավորության ոչ հանրահավաքները« ոչ որեւէ գործողություն մեզ երբեք չեն վախեցրել ու չեն էլ վախեցնելու« ինչի± մասին է խոսքը:
- Պարոն Շահգալդյան« ասում են« որ Սասուն Միքայելյանը այդ հրապարակային հանդիպմանը վիրավորանքի խոսքեր է հնչեցրել Ձեր հասցեին: Ի±նչ կասեիք այդ ուղղությամբ:
- Այդ խեղկատակը« համոզված եմ, տառապում է վերջին ստադիայի հոգեկան հիվանդությամբ« որը, կարծում եմ, այլեւս անբուժելի է: Բայց խնդրում եմ պատասխաններս նույնությամբ դնեք: Ոչ միայն այդ հանդիպմանը« այլ նաեւ այս օրերին քաղաքում կայացած բոլոր հանդիպումներին աչքի է ընկել բազմաթիվ գռեհիկ արտահայտություններով եւ դրանով ցույց տվել իր իրական դեմքը: Մարզպետին վիրավորելով ընտրարշավ չեն անում« մարզպետի հետ հաշիվներ պարզելով հեղինակություն ձեռք չեն բերում: Եվ հիմա հրապարակային հայտարարում եմ Կոտայքի մարզպետ Կավալ Շահգալդյանը Սասունին մշտապես հաղթել է բոլոր ընտրություններում, հիմա էլ կհաղթի« բայց Սասունին հաղթելով ես երբեք դեմ դուրս չեմ եկել ժողովրդին« այլ առաջին իսկ օրվանից շփվել եմ մարդկանց հետ« հասկացել« որ այն ժամանակվանից այդ անձնավորությունը չարիք ու սարսափ է եղել մարդկանց համար եւ բոլորն էլ ուզեցել են« որ լինի մեկը« որ նրան ՙզսպի՚: Մենք էլ ճիշտ ենք ներկայացել հասարակությանը« ընկալվել ու կարողացել ենք հաղթաթուղթը մեր ձեռքում պահել« որը հիմա Սասունի միակ ցավն է եւ ինձ վիրավորելու միակ պատճառը© իմացա°ք: Իսկ նրա վիրավորանքները« այսինքն` հոգեկան հիվանդի զառանցանքները, չեմ ցանկանում մեկնաբանել: Եթե Դուք ներկա լինեիք այդ հանդիպմանը, տեսնեիք այդ մոլագարի դեմքի արտահայտությունը եւ ջղաձգությունները, ինքներդ կհամոզվեիք, որ նա անբուժելի հոգեկան հիվանդ է: Իհարկե ասում են, որ դա մանկությունից էլ ունեցել է: Եթե մարդն իր հայրենիքին դավաճանել է, իսկ դա պատմական ճշմարտություն է, ուրեմն ամեն ինչի ընդունակ է: Ընդունակ է նաեւ նրան, որ անչափահաս, անմեղ երեխաներին այսօր տարբեր շահագրգռող միջոցներով ներքաշում է իր կեղտոտ խաղերի մեջ:
- Պարոն մարզպետ« համենայն դեպս Սասուն Միքայելյանի այս վերջին հանրահավաքից հետո« որեւէ բան Ձեզ մոտ չի փոխվել© չե±ք կարծում« որ նա առավելություն կունենա:
- Ընդհանրապես այդպիսի բան մտքիս ծայրով էլ չեմ անցկացրել« իսկ հիմա ավելի համոզված եմ ասում« որ հատկապես այս վերջին հանդիպումը ավելի շատացրեց Հրազդանի գործող քաղաքապետ« ՀՀԿ կողմից առաջադրված քաղաքապետի թեկնածու Արամ Դանիելյանի ձայները:
- Արդյոք շատ չէ± լավատեսությունը:
- Լավատեսությանս հիմքում հրազդանցիների ողջամտությունն է: Ես մեկ անգամ ասել« հիմա եւս կրկնում եմ արդեն 11 տարի, ամեն առավոտ այս քաղաքում եմ սկսում իմ աշխատանքային օրը եւ հիացած եմ հրազդանցիների խորաթափանցությամբ ու վստահ եմ« որ այս անգամ եւս հրազդանցիները` միայն իրենց հատուկ խելացիությամբ, կգնան ու կկատարեն ճիշտ ընտրություն:

ԳԱՅԱՆԵ ԶԱՐԳԱՐՅԱՆ

 

 

 

ՀԻՄՆԱԿԱՆ ՙՎԵՃԸ՚` ՀՐԱՆՏԻ ՈՒ ԳԵՆԵՐԱԼԻ ՄԻՋԵՎ

2012-ի փետրվարի 12-ը վճռորոշ օր է լինելու ոչ միայն Կոտայքի մարզի Հրազդան քաղաքի համար, այլ նաեւ, կարելի է ասել, որ այդ օրը ճակատագրական է լինելու Արմավիրի մարզի Արշալույս համայնքի համար, ուր ոչ միշտ, եւ ոչ բոլոր դեպքերում են արշալույսները խաղաղ բացվում: Գուցեեւ առաջին հայացքից շատերին թվա, որ այս համայնքում գյուղապետի աթոռի եւ արշալույսցիներին վաղվա պայծառ օրվա համար անձնազոհ պայքարում են առաջադրված թեկնածուներ` Գիրգոր Գրիգորյանն ու գործող գյուղապետ Զարզանդ Գրիգորյանը, բայց այդտեղ իրական խաղացողները լրիվ ուրիշ մարդիկ են: Դե ուրիշը, այնքան էլ ուրիշ չեն, քանի որ այստեղ հիմնական մրցակցությունը գնում է ԵԿՄ նախագահ գեներալ ՄԱՆՎԵԼ ԳՐԻԳՈՐՅԱՆԻ եւ վերջինիս պատգամավոր եղբորորդի ՀՐԱՆՏ ԳՐԻԳՈՐՅԱՆԻ միջեւ, որոնց տարաձայնության պատմությունը բավականին հին ակունքներ ունի:
Ու մինչ մի երկու տարով ետ կգնանք ու վերստին կհիշենք, թե ով, ինչի եւ ո±ւմ համար էր ուզում ՙվիզ՚ դնել 2008-ի նախագահական ընտրությունների ժամանակ եւ թե ով այդ ժամանակ ինչ շահեց, առայժմ խոսենք այն մասին, թե ո±ւր կարող է հասնել Արշալույս համայնքում գյուղապետ դառնալու ախորժակ ունեցող թեկնածուների` Զարզանդ Գրիգորյանի ու Գրիգոր Գրիգորյանի միջեւ սկսված նյարդերի պատերազմը, որոնցից ամեն մեկը յուրովի է ներկայացնում հակառակորդի թերություններն ու անցած ճանապարհը` խորապես համոզմունք ունենալով, որ ինչքան շատ լինի իրար մրոտելու ՙդոզան՚, այնքան բոլ-բոլ ձայներ կլինեն փետրվարի 12-ին: Այժմ` փոքրիկ էքսկուրս...
Նախ սկսենք Գրիգոր Գրիգորյանից, որի ստվերային աջակիցը, ըստ մամուլում տեղ գտած բազում հրապարակումների, ԵԿՄ նախագահ գեներալ Մանվել Գրիգորյանն է: Արշալույսի գործող գյուղապետ Զարզանդ Գրիգորյանի եղբայր` պատգամավոր Հրանտ Գրիգորյանի օգնականից մի լուրջ թղթապանակ ստացանք, ուր գյուղապետի թեկնածու Գրիգոր Գրիգորյանի անցյալի մասին նյութեր կան, ուր հստակ նշված էր, որ տարիներ առաջ Գ. Գրիգորյանին դատարանը մեղավոր էր ճանաչել ՀՀ քր. օրենսգրքի 179 հոդվածի 3-րդ մասի 1-ին կետով, 308 հոդվածի` 2-րդ մասով, 309 հոդվածի` 3-րդ մասով եւ 38-314 հոդվածի 2-րդ մասով նախատեսված արարք կատարելու մեջ: Նույն փաստաթղթի մեջ նաեւ նշված էր, որ Գրիգոր Գրիգորյանը զղջացել է իր արարքի համար, ընդունել եւ հատուցել էր համայնքին պատճառած 60 մլն դրամի վնասը, իսկ մնացած մասն էլ պարտավորվել էր հատուցել. ՙՀասկացա, որ սխալվել եմ եւ չպետք է անեի այդ բանը՚: Սա մեղայականի հետ կապված, իսկ ինչ վերաբերում է ԵԿՄ նախագահ Մանվել Գրիգորյանի հնարավոր հովանավորյալ Գրիգոր Գրիգորյանի անցած մարտական փառապանծ ուղուն, ապա ԱԺ պատգամավոր Հրանտ Գրիգորյանը մեզ էր ուղարկել այն փաստաթուղթը, որտեղ նաեւ հստակ նշված էր, որ Գրիգոր Գրիգորյանը 2006-ին պարգեւատրվել էր ՙՄարտական երախտագիտություն՚ մեդալով, ՀՀ պաշտպանության նախարարի հրամանով Մարշալ Բաղրամյանի անվան մեդալով, եւ Գրիգոր Գրիգորյանը` ըստ Հրանտ Գրիգորյանի ուղարկած ՙբարաթ՚-ի, ԵԿՄ անդամ է: Դարձյալ ըստ նույն աղբյուրի, 2005-ին Գրիգոր Գրիգորյանը պարգեւատրվել է ՙՀայաստանի երկրապահ հուշամեդալով՚:
Ինչ մնում է մյուս թեկնածուի` Զարզանդ Գրիգորյանի անցած մարտական ու աշխատանքային ուղուն, ապա Գրիգոր Գրիգորյանը մամուլով հայտարարեց այն մասին, որ եթե ինքը բերանը բացի Զարզանդ Գրիգորյանի մարտական անցյալի ու նրա վիրավորվելու մասին, ապա շատ հետաքրքիր պատմություններ դուրս կգան դրա տակից: Եվ որպեսզի հասկանայինք եւ ճշտեինք, թե ի±նչ հետաքրքիր դրվագների մասին է ակնարկում Գ. Գրիգորյանը, պարզաբանման համար կապվեցինք ընտրական ֆոնի վրա բուռն քաղաքական ակտիվություն ապրող պատգամավոր Հրանտ Գրիգորյանի հետ, որն էլ մեր հարցը լսելուն պես, նախ հարցադրում արեց. ՙԳայանե ջան, էս ոնց որ դու կողմնակալ ես, հա±, մեր նկատմամբ՚, իսկ հետո էլ շարունակեց, ասելով. ՙԽոսքը գնացել ա Գրիգորի ուղեղի մասին, ինքը ուղեղի հետ կապված խնդիրներ ունի, իմ եղբայրը փառապանծ մարտական ուղի ա անցել, ու դրա մասին բոլորն էլ գիտեն, նա մի քանի անգամ չի, որ վիրավորվել ա: Իսկ Գրիգորի ուղեղի հետ կապված խնդիրներ կան, ո±նց կարող ա խնդիրներ լինի, երբ որ իմ ախպերը ամբողջ Հադրութի շրջանով, Ֆիզուլիով մասնակցել ա պատերազմին: 17 տարեկան տղա ա եղել ՙԴՇԿ՚-ի պոստի հրամանատար ա եղել: Ո±նց կարա նման բան լինի՚: Դիտարկմանը, թե այդ դեպքում, ինչի± հիման վրա է Գ. Գրիգորյանը նման հայտարարություն արել, Հրանտ Գրիգորյանը հակադարձեց. ՙԴե ինքը, որ ուղեղի հետ խնդիր ունի, ուղեղը մի քիչ մթագնել ա, ու խանգարվել ա, այ դրա համար ա: Ես պատրաստ եմ իմ ախպոր մարտական ընկերներին ուղարկեմ ձեզ մոտ, գան ասեն, թե ոնց ա ծառայել՚: Իսկ երբ փորձեցինք պատգամավորից մեկնաբանություն ստանալ, թե այդ ինչպե±ս է ստացվել, որ ԵԿՄ-ական Գրիգոր Գրիգորյանը բազում անգամներ պարգեւատրվել է իր անցած մարտական ուղու համար, մինչդեռ կարող էր իր եղբայրն էլ ԵԿՄ-ի գծով ժամանակին պարգեւատրվել, Հ. Գրիգորյանը արձագանքեց. ՙԴե նվեր ա` տվել են, էլի ինքը սկի մարտական գործողության չի մասնակցել, ինքը իրա ծրագրում գրում ա, որ մասնակցել ա մարտական գործողությունների: Մարտական գործողությունը նա է որ, զենքը ձեռքը գնում են մարտի: Ճիշտն ասած, չգիտեմ ինչ ա ստացել, կարող ա հենց ընենց գրել ա, Գայանե ջան: Իմ եղբորը առաջադրել է ՀՀԿ-ն, եւ նա արժանի թեկնածու է՚: ԹԵ ինչպես էր պարգեւատրում ստացել տարիներ առաջ համայնքի փողերը վատնած Գրիգոր Գրիգորյանը, եւ, ո±ր քաջագործության համար էր պարգեւատրվել ԵԿՄ նախագահի կողմից, եւ ի վերջո, պաշտպանո±ւմ է ԵԿՄ-ն ոչ այնքան անբասիր անցյալ ունեցող Գրիգորին, այս հարցի պատասախանն էլ մնաց օդից կախված: Եվ քանի որ մշտապես գեներալ Գրիգորյանի հետ կապ հաստատելը անհնարին է, որոշեցինք մեզ հուզող հարցերի պատասխանը ստանալ ԵԿՄ երեւանյան գրասենյակից, որտեղից էլ ծայր առավ մի այլ անեկդոտիկ իրավիճակ կամ կարճ ասած այնպիսի մի ժամ էինք ընտրել ԵԿՄ-ին անհանգստացնելու համար, որ այնտեղի աշխատակիցների մուսան ուղղակի եկել էր ու նրանց հանգիստ չէր տալիս. մի խոսքով ԵԿՄ-ում պոեզիայի ժամ էր…. Եվ երբ ընդամենը ԵԿՄ գրասենյակին խնդրեցինք հեռախոսազրույց ունենալ իրենց մամլո խոսնակ Հակոբի հետ, փոխարենը մեզ պատասխանեց մի երիտասարդ, ասելով. ՙՄինչեւ Հակոբին գտնեմ, Գայանե ջան, Ձեզ համար ուզում եմ մի բանաստեղծություն գրել՚: ԵԿՄ-ից ինձ զանգահարեց Հակոբի օգնականներից մեկը, ու ասաց. ՙՆա շատ զբաղված է, դուք չեք կարող նրա հետ խոսել, վաղը ժամը 11:00-ին եկեք ԵԿՄ՚: Սրանով էլ չպրծանք, չանցած 20 րոպե, նորից ԵԿՄ-ական մի ՙպատասխանատու՚ զանգեց, որից փորձեցի ճշտել, արդյոք մեծն պո±ետն է ինձ զանգահարողը, թե± Հակոբի հերթական օգնականներից մեկը, ու սկսվեց այս պատմության երկրորդ արարը. ՙՔո ուզածն ի±նչ ա մեզանից, քո հետ Ռոմիկն ա խոսում, դու ո±վ ես, որ ես քո համար բանաստեղծություն գրեմ, ես սկի հորս համար բանաստեղծություն չեմ գրում, այ լակոտ, ի±նչ ես վրներս ՙկայֆավատ՚ լինում: Նայի հա, քեզ էլ, քո թերթին էլ ինչ կանեմ: Մի փորձի քո գրական բանը փորձել մեր վրա: Դու հիմա որտե±ղ ես, չափդ ճանաչիր, լակոտի պես քեզ մի պահի, աղջիկ ջան, մեր վրա բաներ մի ման արի: Դու չփորձես թերթի միջոցով ուրիշ բաներ անես, բան ես սարքում մարդու գլխին: Ես բանաստեղծություն գրում էի սրանից 25 տարի առաջ, իսկ հիմա բանստեղծություն չեմ գրում՚: Սա այն դեպքն է, որ մեկնաբանություններն իրոք ավելորդ են, բայց այն, որ ԵԿՄ-ում նյարդային վիճակ է եւ որ ինչ-ինչ չլուծված հարցեր կան, կարծում ենք դրա մասին էլ չարժե խոսել, քանի որ պարզ է, որ փետրվարի 18-ից առաջ, այսպես էլ պիտի լիներ…
Եվ այդուհանդերձ, եթե վերադառնանք գեներալ Մանվել Գրիգորյանի ու պատգամավոր Հրանտ Գրիգորյանի արշալույսյան ՙդյուցազներգությանը՚, ապա ի±նչ պայմաններում եւ ի±նչ երաշխիքների պարագայում ընտրություն կանեն իշխանությունները այս երկուսից` դա եւս հետաքրքիր հարց է, քանի որ գեներալ Մանվելի թեկնածուին նորից ՙպրախոդ՚ տալու դեպքում, ստացվում է, որ իշխանությունները պայմանականորեն կկորցնեն գեներալով քաղաքականություն մտած Հրանտին ու նրա Զարզանդ եղբորը եւ էլի հարց է, թե այդ դեպքում, ո±ւմ կողքը կկանգնի պատգամավոր Հրանտը, կշտապի± հրապարակ, ու սիրտը հեղափոխություն կուզի±, թե … Դե իսկ գեներալ Մանվելի դեպքում նույնպես հեշտ չէ որեւէ բան ասելը, քանի որ Հրանտին մեծ ՙպրախոդ՚ տալու դեպքում էլ մեծագույն հարց է, թե իշխանության հետ կգնա± կոմպրոմիսի պարոն գեներալը` 2012-ի ու 2013-ի մասով, թե… նորից իր սիրտը կգտնվի ԼՏՊ-ի լեռներում… Անկեղծորեն ասած, շատ խառն են տրամադրություններն ու իրողությունները, բայց երեւի թե մի քիչ էլ սպասենք, տեսնենք, թե ինչ կլինի փետրվարի 12-ին, որից հետո նոր կասենք, թե կոմպրոմիսների դաշտ գնա±ց ԵԿՄ-ն, համաձայնություն ձեռք բերե±ց իշխանությունների հետ...

ԳԱՅԱՆԵ ԶԱՐԳԱՐՅԱՆ

 

 

 

 

ՈՎՔԵՐ ԵՆ ԱՂԱՆԴԱՎՈՐԱԿԱՆ ԴՊՐՈՑԻ ԳԵՐՀԶՈՐ ՀՈՎԱՆԱՎՈՐՆԵՐԸ

Շարունակում ենք ընթերցողի ուշադրությանը ներկայացնել ՙԿյանքի խոսք՚ աղանդի կողմից հիմնադրված ՙԿյանքի խոսք՚ հանրակրթական դպրոցի մասին տեղեկություններ: Այդ քայքայիչ աղանդի կողմից հիմնադրված հանրակրթական դպրոցը այսօր շարունակում է իր գործունեությունը Երեւան քաղաքում, եւ այդ դպրոցը գտնվում է այն նույն շենքում, որտեղ գործում է նաեւ ՙԿյանքի խոսք՚ աղանդը: Դպրոցի տնօրեն` տիկին Խաչատրյանը, մեր կողմից հնչեցրած հիմնական հարցադրումներին ի պատասխան նշում էր, որ եթե ցանկանում ենք, որեւէ բան իմանալ իրենց դպրոցի մասին, ապա դիմենք ԿԳ նախարարությանը:
ՆԱԽԱՐԱՐՈՒԹՅՈՒՆԸ ԹԱՔՑՆՈՒՄ Է ԲՈԼՈՐ ՀԵՏՔԵՐԸ
Վերջերս, ՀՀ ԿԳ նախարար Արմեն Աշոտյանը Facebook սոցիալական ցանցի իր էջում դիմել էր օգտատերերին ասելով, որ. ՙ2011-ի վերջին եղան լուրեր, որ որոշ հաստատություններում, խախտելով գործող օրենքը, ակտիվացել են աղանդավորները: Խնդրում եմ ձեզ անմիջապես ինձ ահազանգել ուսումնական հաստատություններում աղանդավորների հնարավոր ապօրինի գործողությունների մասին՚: Այս կապակցությամբ նշենք, որ ՙԻրավունքի-Հետաքննության՚, նախորդ համարում լույս տեսավ ՙԴպրոցը աղանդի ենթակայության տակ՚ հոդվածը, որտեղ մանրամասն նկարագրվում է ՙԿյանքի խոսք՚ աղանդի կողմից հիմնադրված ՙԿյանքի խոսք՚ հանրակրթական դպրոցի մասին, սակայն զարմանալիորեն մինչ օրս ո°չ ԿԳ նախարարությունը, եւ ո°չ էլ նախարարը որեւէ կերպ չեն արձագանքել այս խնդրին: Վերը նշված հոդվածի շուրջ, օրերս, բուռն քննարկումներ եղան Facebook սոցիալական ցանցում, որտեղ մի շարք օգտատերեր խիստ քննադատության ենթարկեցին այդ դպրոցի գոյությունը, իսկ նրանցից ոմանք մատնանշում էին, որ այդ դպրոցի լիցենզիան տվել է ԿԳ նախկին դաշնակցական նախարար Լեւոն Մկրտչյանը եւ որ դրա մասին շատ լավ տեղյակ են եղել նախարարությունում:Ավելին, օգտատերերից մեկը նշում էր նաեւ, որ այդ դպրոցի սաները այցելում են մանկատներ, շփվում իրենց հասակակիցների հետ եւ պրոպագանդում իրենց դպրոցի գործունեությունը: Բացի այդ, Լ. Մկրտչյանի նախարար եղած ժամանակ վերը նշված դպրոցի տարածքները տրամադրվել են աղանդավորների հավաքման համար:
Այնուամենայնիվ, մենք դիմեցինք ԿԳ նախարարությանը եւ այն հարցին թե. ՙՔանի± աշակերտ է սովորում եւ քանի± ուսուցիչ աշխատում, Քանաքեռ-Զեյթուն համայնքում գտնվող ՙԿյանքի խոսք՚ դպրոցում՚ նախարարության աշխատակազմի ղեկավար Մ. Ղազարյանը տվել է հետեւյալ պատասխանը. ՙՀՀ ԿԳ նախարարի 2010 թվականի փետրվարի 22-ի N71-Ա հրամանով` 2010 թվականի փետրվարի 25-27-ը լիցենզիայի պարտադիր պահանջների եւ պայմանների պահպանման նպատակով, ստուգում է իրականացվել ՙԿյանքի խոսք՚ ՍՊԸ-ում: Ընկերությունում սովորում էր 223 աշակերտ, որից 84-ը` տարրական հանրակրթական ծրագրով: Ընկերությունում հանրակրթական ծրագրերն իրականացնում են միջին մասնագիտական եւ բարձրագույն մասնագիտական կրթությամբ 29 մանկավարժներ՚:
Արդյոք դպրոցում ուսումը վճարովի է, թե± ոչ, ապա ինչպիսի± ֆինանսական աղբյուրներ ունի դպրոցը հարցերին Մ. Ղազարյանը չի տվել որեւէ պատասխան:
ՀՀ սահմանադրության 8/11 հոդվածում սահմանված է, որ կրթությունը անջատ է եկեղեցուց եւ, ըստ էության, կրոնական քարոզը արգելված է հանրակրթական հաստատություններում: Ինչո±ւ է ԿԳ նախարարությունը թույլ տալիս այդ աղանդավորական կազմակերպությանը իրականացնել կրթական գործունեություն հարցին նախարարությունը նշել է. ՙՏեղեկացնում եմ, որ կրթական ծրագրերով գործունեություն իրականացնելու լիցենզիաներ են տրվել ՙԿյանքի խոսք՚ ՍՊԸ-ին, այլ ոչ թե ՙԿյանքի խոսք՚ եկեղեցուն: Համաձայն ՙԼիցենզավորման մասին՚ ՀՀ օրենքի 7-րդ հոդվածի` լիցենզավորման ենթակա գործունեության տեսակներով զբաղվելու իրավունք ունեն իրավաբանական եւ ֆիզիկական անձինք, ինչպես նաեւ անհատ ձեռնարկատերերը: Տվյալ պարագայում ՙԿյանքի խոսք՚ ՍՊԸ-ն ունի համապատասխան գրանցում ՀՀ արդարադատության նախարարությունում եւ իրավաբանական անձ է՚:
Արդյոք ուսումնասիրվե±լ են վերոհիշյալ դպրոցի ուսումնական ծրագրերը եւ ֆակուլտատիվ դասընթացները եւ, եթե այո, ապա ո±վ է այն անցկացրել, կարո±ղ ենք ծանոթանալ այդ տեղեկագրերին հարցերին ԿԳ աշխատակազմի ղեկավարը եւս չէր տվել որեւէ պատասխան, ինչով ի դեպ խախտել են ՀՀ օրենքը: Սա, հավանաբար, վկայում է մի բանի մասին, որ ինչպես ՙԿյանքի խոսք՚ հանրակրթական դպրոցը, այնպես էլ ԿԳ նախարարությունը թաքցնում են այն կարեւոր ինֆորմացիան, որը կտա հնարավորություն բացահայտելու ճշմարտությունը այդ դպրոցի կասկածելի գործունեության մասին: Սակայն, հանուն արդարության, նշենք, որ պարոն Աշոտյանը 2 տարի առաջ կարծես թե փորձում էր պայքարել այդ դպրոցի գործունեության դեմ, սակայն թվում է անբացատրելի, որ այդ դպրոցը շարունակում է իր գործունեությունը, իսկ այսօր նախարարությունը կարծես փորձում է արդարացնել դպրոցի առկայությունը եւ մի բան էլ այն առնում իր թեւերի տակ:

ԱՂԱՆԴԸ ՄՏՆՈՒՄ Է ՔԱՂԱՔԱԿԱՆՈՒԹՅԱՆ ՄԵՋ

Առավել անբացատրելի է այդ իրավիճակը այն պարագայում, որ ՙԿյանքի խոսք՚ աղանդը բնավ էլ չի սահմանափակվում հոգեւոր խնդիրներով, այլ ակտիվորեն մասնակցում է նաեւ քաղաքական գործընթացներին: Ընդ որում, իրեն բացահայտ կերպով դրսեւորում է որպես երկրի նախագահի եւ իշխանությունների քաղաքական հակառակորդը: Մենք արդեն նշել ենք, որ ՙԿյանքի խոսք՚ աղանդի հովվապետ` Արթուր Սիմոնյանը, 2010թ. հոկտեմբերի 9-ին տեղի ունեցած իր քարոզի ժամանակ բացահայտ հայտարարել է, որ ՙՇուտով իշխանության են գալու հավատացյալները՚: Բացի այդ 2008թ. նախագահական ընտրությունների ժամանակ ՙԿյանքի խոսքը՚ ակտիվորեն աշխատում էր Լեւոն Տեր-Պետրոսյանի օգտին, իսկ ընտրություններից հետո այդ աղանդի կայքում հայտնվեցին հետեւյալ խոսքերը. ՙՄեծամասնությունը համոզված է, որ ընտրությունների արդյունքները կեղծված են... վարչապետի (այն ժամանակ Սերժ Սարգսյանն էր.- խմբ.) կողմնակիցները ցանկացած ձեւով ցանկանում են պահել իշխանությունը եւ դրա հետ կապված սկսել են ընդդիմության գործիչների եւ նրանց կողմնակիցների հետապնդումները՚:
Տպավորություն է ստեղծվում, որ գործ ունենք ոչ թե կրոնական կազմակերպության կայքի հետ, այլ ՀՀՇ-ականների քարոզչամիջոցի:
Այսպիսով, ակնհայտ է, որ.
ա) ՙԿյանքի խոսքը՚ բացահայտ խախտում է ՀՀ սահմանադրությունը,
բ) ապօրինաբար զբաղվում քաղաքականությամբ` նպատակ ունենալով երկրում կատարել իշխանափոխություն:
Սակայն այսքանից հետո, չգիտես թե ինչ գերհզոր ուժի հովանավորությամբ, աղանդը ոչ միայն շարունակում է գործել այլեւ ոտնձգություններ է կատարում անգամ իրեն քննադատող մամուլի ազատության հանդեպ: Ի դեպ, ԶԼՄ-ներում հայտնվել են մի շարք ազդեցիկ մարդկանց անուններ, նշելով, որ նրանք ՙԿյանքի խոսքի՚ ստվերային հովանավորներն են: Հենց վերջերս, այս առումով շոշափվեց ԱԽՔ Արթուր Բաղդասարյանի անունը, իսկ մինչ այդ Տեր Եսայի քահանա Արթենյանը շոշափել է ՙԿյանքի խոսքի՚ եւ ՀՅԴ-ի հնարավոր առնչությունը: Գուցե եւ հենց այստեղ է թաքնված այն գաղտնիքը, թե ինչու ՙԿյանքի խոսքի՚ դպրոցը պետական լիցենզիա ստացավ հատկապես այն ժամանակ, երբ ՀՅԴ-ն էր տնօրինում կրթության ոլորտը:

ԱՐՄԵՆՈՒՀԻ ՀԱԿՈԲՅԱՆ

 

 

 

ՙԸՆՏՐՈՒԹՅՈՒՆՆԵՐԻՆ ՌՈՒԲԼԻ-ԴՈԼԱՐ ՉԻ ԼԻՆԵԼՈՒ՚

Երեկ, Սիսիան քաղաքում Սյունաց մարզպետ Սուրեն Խաչատրյանը հանդիպում է ունեցել Սիսիանի իր կուսակիցների հետ: Հանդիպումը տեղի է ունեցել Սիսիանի մշակույթի պալատում, որտեղ մարզպետի հետ հանդիպման են եկել շուրջ 300 քաղաքացիներ: Ինչպես մեզ հայտնեց մեր Սիսիանի թղթակից Սամվել Մանուչարյանը. ՙԴահլիճում մեծամասնություն էին կազմում գյուղապետերը, դպրոցի տնօրենները, Սիսիանի հիմնարկ-ձեռնարկությունների ղեկավարները իրենց կոլեկտիվի անդամներով, ուսանողները, եւ անգամ բարձր դասարանի երեխաները: Երբ հարց ուղղեցինք ներկաներից մի քանիսին, թե ինչո±ւ եք եկել այսօր այստեղ, նրանք պատասխանեցին, որ բերել են` եկել ենք: Նշեմ նաեւ, որ դահլիճում մեծամասնությունը Հանրապետական կուսակցության ներկայացուցիչներ չէին, այլ տարբեր կուսակցությունների եւ անգամ անկուսակցականներ էին: Հանդիպումը տեղի ունեցավ 14:00-ին եւ այն տեւեց մոտ 30 րոպե, եւ մարզպետի ելույթը ավել շուտ նման էր հաշվետվության, եւ վերջինս խոսեց նաեւ ՀՀԿ-ի առաջիկա ծրագրերի մասին: Ս. Խաչատրյանը խոստացավ, որ 2012 թվականին կվերանորոգվեն Սիսիան քաղաքի մի շարք փողոցներ: Պարոն մարզպետը վերջում ամփոփելով իր մտքերը նշեց նաեւ, որ առաջիկա խորհրդարանական ընտրությունների ժամանակ ռուբլի-դոլար հասկացություն չի լինելու, եւ որ գնալու են արդար ընտրությունների՚:

ԱՐՄԵՆՈՒՀԻ ՀԱԿՈԲՅԱՆ

 

 

 

ԲՀԿ-Ն ԱՌԱՆՑ ԵՆԹԱՏԵՔՍՏԻ± Է ԲՈՅԿՈՏԵԼ

Երեկ ԲՀԿ պատգամավորները բոյկոտել են ԱԺ նիստը եւ դուրս եկել դահլիճից` պատճառաբանելով նախօրեին իրենց նկատմամբ ՀՀԿ ներկայացուցիչների ՙոչ կոռեկտ՚ արտահայտություններով: ԹԵ ինչո±վ է պայմանավորված ՀՀԿ-ից նեղանալն ու նիստը բոյկոտելը` փորձեցինք ճշտել ՀՀԿ խմբակցության անդամ ՀՈՎՀԱՆՆԵՍ ՍԱՀԱԿՅԱՆԻՑ, որն էլ նկատեց. ՙՔաղաքական գործընթաց ու դրսեւորում է, որը քաղաքական կյանքին հարիր է: Այն չունի որեւէ ենթատեքստ կամ տողատակ: Եթե նիստերին չեն մասնակցում, ուրեմն նեղացե±լ են: Դա դիրքորոշման, տեսակետի հայտնելու ձեւ է՚:

ՍՈՍԵ ՉԱՆԴՈՅԱՆ

 

 

 

ՆՐԱՆՔ ՌՈԲԵՐՏ ՔՈՉԱՐՅԱՆ ԵՆ ՈՒԶՈՒՄ

Արդեն հունվարի երկրորդ կեսից սկսած, Ռոբերտ Քոչարյանի ոչ պաշտոնական կայքէջը Երեւանի փողոցներում փնտրում է մարդկանց, որոնք ցանկանում են ՀՀ նախագահի պաշտոնում տեսնել Ռոբերտ Քոչարյանին, եւ շաբաթը մեկ կարճ ՙժողովրդական՚ հարցազրույցների տեսաշարեր է պատրաստում` ՙԺողովուրդը Քոչարյանի մասին՚ անվանումով: Այնուհետ դրանք տեղադրվում են ՙՅութուբում՚ եւ տարածվում ՙՖեյսբուք՚ եւ ՙՕդնոկլասնիկի՚ սոցիալական ցանցերով: Ուշագրավ է, որ թեեւ ՀՀ երկրորդ նախագահը պաշտոնապես չի հայտարարել խորհրդարանական կամ առավել եւս` նախագահական ընտրություններին այս կամ այն ձեւով առնչվելու իր ցանկության մասին, սակայն համացանցում արդեն բավականին ինտենսիվ քարոզչություն է ընթանում նրա` կրկին ՀՀ նախագահի պաշտոնը ստանձնելու ՙցանկալիության՚ թեմայի շուրջ:

ՍԵՓ. ԼՐԱՏՎՈՒԹՅՈՒՆ

 

 

 

Ի±ՆՉ Է ԿԱՏԱՐՎՈՒՄ ՊԱՐՍԿԱԿԱՆ ԱԿՈՒՄԲՆԵՐՈՒՄ

Արգելված պտուղը քա±ղցր է: Ինչո±ւ են պարսիկները արգելում հայերին մուտք գործել մեր իսկ հանրապետության տարածքում գտնվող պարսկական ակումբներ: Ինչպե±ս եղավ, որ չնայած Իրանում ոգելից խմիչքներն արգելված են, սակայն այդ փակ ակումբներում, այնուամենայնիվ, վաճառվում են: Եվ արդյո±ք այդ ակումբների փակ դռների ետեւում գործում են ՀՀ օրենքները: Այս ու այլ հարցերի պատասխանները կարդացեք վաղվա ՙՀետաքննություն՚ հավելվածում:

ՍՈՍԵ ՉԱՆԴՈՅԱՆ

 

 

 

ԱՅԴ ՀՀԿ-ԱԿԱՆԸ ԵՍ ԵՄ

Երեկ խորհրդարան ժամանած ՀՀԿ-ական Մանվել Բադեյանից, երբ փորձեցինք ճշտել, թե ինչպե±ս են երկու ՀՀԿ-ականներ` Մանվել Բադեյանն ու Տիգրան Արզաքանցյանը պայքարի մեջ մտնելու այն նույն ընտրատարածքում, որտեղից պատգամավոր է ընտրվել Տիգրան Արզաքանցյանը, Բադեյանը հակադարձեց. ՙԳնացեք իրանից հարցրեք՚:
- Իսկ ո±ւմ է սատարելու ՀՀԿ-ն, տեղյա±կ եք:
- Ինձ: Բայց կարա կուսակցությունը երկուսին էլ սատարի. չի կարա±:
- Դե մեկին երեւի պետք է սատարեն:
- Դե որոշում են կայացրել ինձ սատարեն: Կուսակցության որոշումը` իմն ա: Ինձ առաջարկել են, ազիզ ջան, տարբերությունը մեծ ա: Ինձ առաջարկել են, որ ես պատգամավոր դառնամ էդ տարածքում: Ես էլ ընդունել եմ այդ առաջարկը:
- Չնայած Տիգրան Արզաքանցյանը աչքներիս լույսը չի, բայց ամոթ չլինի հարցնելը. Դուք ինչքանո±վ կապ ունեք այդ տարածքի հետ:
- Ես մի անգամ արդեն էդ տարածքում դրել եմ` 1999-ին, իսկ Դուք ի±նչ ա, դրան դե±մ եք: Վերջ, ես Ձեզ էլ բան չեմ պատասխանում:

ԳԱՅԱՆԵ ԶԱՐԳԱՐՅԱՆ

 

 

 

 

ԱՇՈՏՅԱՆԻ ՀՈՒՄՈՐԸ ԼՈՒ±ՐՋ ԸՆԴՈՒՆՎԵՑ

Փետրվարի 4-ին, Սուրբ Սարգսի օրվա կապակցությամբ ՙԲարգավաճ Հայաստան՚ կուսակցությունը կուսակցական պաստառները փակցրած մեքենային շրջում էր Երեւանի կենտրոնական փողոցներով ու աղի բլիթներ բաժանում անցորդներին: Դե, իսկ օրվա խորհրդանիշ Սուրբ Սարգիսն էլ ձի հեծած ձեռքով էր անում ու շնորհավորում բոլորին: Այս ամենը ուշադրության էր արժանացել ոչ միայն քաղաքացիների, այլ նաեւ կրթության ու գիտության նախարար ԱՐՄԵՆ ԱՇՈՏՅԱՆԻ կողմից, որն էլ սոցիալական կայքերից մեկում ՙՏեսնես, ԲՀԿ կողմնակիցներն աղի բլիթ ուտելուց հետո ո±ւմ են տեսել երազում` որպես գալիք նախագահական ընտրություններին իրենց թեկնածու՚ վերնագրով գրառում էր արել: Կարծես թե հումորային երանգով գրառումը լուրջ դժգոհություն էր առաջացրել սոցկայքի ԲՀԿ-ական օգտատերերի մոտ. ինչպես արտահայտվել էր ՙՈւրվագիծ՚ հաղորդաշարի վարող Պետրոս Ղազարյանը` ՙԲՀԿ-ին մոտ աղբյուրներն ասում են, տեսել են, որ եկող ընտրությունները ՀՀԿ-ն տոնի է վերածում` դհոլ-զուռնայով՚:

ՍՈՍԵ ՉԱՆԴՈՅԱՆ

 

 

 

 

 

ՄԻԱՅՆ ՄԱՆԿԱԿԱՆ ՊՈՌՆՈՆ ԷՐ ՊԱԿԱՍ...

Արարատի 32-ամյա մի բնակիչը Անժելա Սարգսյանի պոռնո նկարների միջոցով փորձել է գումար վաստակել: Լուրջ մոտենալով գործին, անգամ հայտարարություն է տեղադրել առք ու վաճառքի կայքերից մեկում: Տվյալ անձի շուրջ փորձեցինք տեղեկություն ստանալ ոստիկանության հասարակայնության հետ կապերի վարչության աշխատակից ԱՐՄԵՆ ՄԱԼԽԱՍՅԱՆԻՑ, որն էլ նշեց. ՙՏվյալ անձը` Արման Վ-ն ծնվել է 1981 թվին: Մանկական պոռնոգրական բնույթի նյութեր պահելու ու տարածելու կասկածանքով բերման է ենթարկվել: Նրա բջջային հեռախոսի հիշողության սարքի զննությամբ հայտնաբերվել են պոռնոգրական բնույթի նկարներ, այդ թվում, ակնհայտ անչափահաս երեխաների մասնակցությամբ: Ըստ Արման Վ-ի, վերջինս ներբեռնել է նյութերը ինտերնետային տարբեր կայքերից, նաեւ հայտարարել է, որ իր անձնական օգտագործման էլեկտրոնային փոստով իր կողմից տեղադրված հայտարարության միջոցով երկու տարբեր քաղաքացիների 1000 դրամով վաճառել է Անժելա Սարգսյանի թվով 48 հատ պոռնոգրական նկարներ: Իր կողմից ներկայացված նկարները ուղարկվել են փորձաքննության, Փորձաքննությունների ազգային բյուրո ՊՈԱԿ-ից եկել է պատասխան, ըստ փորձագետի եզրակացության` ներկայացված նյութերի մեջ առկա են բազմաթիվ մանկական եւ այլ պոռնոգրաֆիական բնույթի նյութեր: Նախապատրաստված նյութերը ուղարկվել են ոստիկանության քննչական գլխավոր վարչություն՚:

ՍՈՍԵ ՉԱՆԴՈՅԱՆ

 

 

 

Ո±Վ Է ՄԵՂԱՎՈՐ ԵՐԵԽԱՅԻ ՄԱՀՎԱՆ ՄԵՋ

Շատերն արդեն գիտեն, որ հունվարի 28-ին ՙՀրազդան՚ բժշկական կենտրոնում, մի այնքան հասարակ թվացող վիրահատությունից` նշագեղձերի հեռացումից հետո մահացավ չորսամյա Միլենա Մարտիրոսյանը: Մինչ օրս ծնողները ուշքի չեն գալիս, թե ինչպես եղավ, որ իրենց փոքրիկն այլեւս իրենց հետ չի:
Միլենայի հայրը` Գեւորգը, հազիվ արցունքները զսպելով, մանրամասներ պատմեց կատարվածից: Նրա խոսքերով` երեխան 3,5 տարեկանում բողոքում էր ոտքերի ցավից, եւ տանը երեխայի մայրը մասսաժներ էր անում: Այդ ժամանակ տարել էին բժշկի. ընտանեկան բժիշկը խորհուրդ էր տվել, որ երեխային նայի վիրաբույժը: Վիրաբույժը նայել էր երեխային եւ ասել` որ 4 տարին լրանա, կբերեք նշիկները հեռացնենք:
Ըստ հարազատների` 4 տարեկանում ծնողները երեխային տանում են բժշկի: Նա զննում է երեխային, ասում. ՙՎաղը չէ մյուս օր բերեք վիրահատության: Երեկոյան 8-ից հետո ոչ մի բան չկերցնեք՚:
Հաջորդ օրը հանձնում են բոլոր անալիզները, եւ բժիշկ Աֆյանը ասում է, որ ամեն ինչ նորմալ է` առավոտյան բերեք վիրահատության: Գեւորգի խոսքերով` վիրահատությունից հետո մոտենում է բժշկին` հարցնելու, թե ինչպես անցավ երեխայի վիրահատությունը: Բժիշկը.
- Կարճ, կոնկրետ` դու կտաս 30.000 դրամ,
- Մոտս 20.000 դրամ է, էս վերցրեք,- ասել էր Գեւորգը:- Երբ երեխային դուրս գրեք` մնացածն էլ այդ օրը կտամ:
Չնայած այն ամենին, որ երեխային ուղեգրով էր տարել հիվանդանոց:
Նարինեի` Միլենայի մոր խոսքերով. ՙԵրբ վերջացավ վիրահատությունը, որը տեւել էր 45 րոպե, ՙնարկոզից՚ դուր եկավ երեխան, ՙնարկոզի բժիշկը՚ ասաց, որ երեխայի կյանքն արդեն մայրիկի ձեռքերում է: Հաջորդ օրը վիրահատող բժիշկը եկավ պալատ, առանց զննելու երեխային` հարցրեց. ՙՈրտե±ղ ա ամուսինդ, այսօր երեխային դուրս եմ գրում, թող գա՚: Գեւորգը եկավ հիվանդանոց, տեսավ երեխային, ում բերանից վատ հոտ էր գալիս եւ գունատ էր: Մտածեցինք` կարող ա նարկոզի հոտն ա: Գեւորգը պատմում էր, որ բարձրացել է բժշկի կաբինետ, տվել ա մնացած 10.000 դրամը, ու զարմացել ա, որ դեռ 24 ժամը չլրացած` երեխային դուրս են գրել: Երեխային բերում ենք տուն, որտեղ անգամ ջուր կուլ տալ չի կարողանում՚:
Երեխայի մայրը, շարունակելով պատմությունը, ասաց նաեւ, որ հաջորդ օրը Միլենան շատ թույլ էր, հազիվ կարողանում էր խոսել. ՙՀանկարծ երեխայի քթից ու բերանից շթի նման արյուն սկսեց հոսել, անգամ չենք սպասել շտապ օգնության մեքենային, նույն պահին երեխային հասցրել ենք հիվանդանոց: Այնտեղ կես ժամ էր` ոչ մի բժիշկ չեկավ: Երեխաս ջուր էր ուզում, հետո նայեցի, տակը մի փոքր թրջել էր: Կես ժամ հետո իջնում ա բժիշկ Մելիքյանը, զննում երեխային, հարցնում ա` ե±րբ են վիրահատել: Ասում եմ` երեկ: Նա էլ, թե` երեխան մահացել ա...՚: Գեւորգ խոսքերով` կինը հղի վիճակում ուշաթափվել է. ՙՈչ մեկը մոտ չեկավ ու օգնություն ցույց չտվեց՚:
Իսկ վիրահատող բժիշկը անհասանելի էր…..
Բժշկական կենտրոնի տնօրեն Ռոբերտ Սահակյանը մեզ հետ զրույցում նշեց. ՙԵրեխայի վիրահատությունը անցել է շատ լավ, ավելի լավ, քան մյուս երեխաներինը: Հարազատները ուզեցել են երեխային տուն տանել, քանի որ մայրը հղի է: Բժիշկը համաձայնվել է, կամ չի համաձայնվել` չեմ կարող ասել. ես նրան չեմ հարցաքննել, քանի որ նա կատարել է 250 վիրահատություն եւ բարդություններ չեն եղել: Տուն տանելուց հետո հաջորդ օրը` ժամը երկուսին, երեխային բերում են հիվանդանոց արդեն մահացած: Բժիշկ Մելիքյան փորձել է սրտի մասաժ անել, օգնություն ցույց տալ, բայց արդեն ուշ է եղել: Եթե շուտ բերեին` դեպքը չէր լինի:
Չկա չափանիշ, որ ասեմ, թե վիրահատությունից քանի օր հետո պետք է դուրս գրվի, կարող ա 1օր, 2 օր, կախված հիվանդի վիճակից՚:
Ո±վ է մեղավոր` կպարզեն համապատասխան մարմինները: Իսկ դատաբժշկական փորձաքննության արդյունքները պարզ կլինեն 10 օրից:

ՆԵԼԼԻ ԿԱՐԱՊԵՏՅԱՆ

 

 

 

 

ՙՙՙՙՙՙՙՙՏՂԱՅԻՍ ՍՊԱՆՈՒԹՅԱՆ ԳՈՐԾԸ ԳՏՆՎՈՒՄ Է ՀՀ ՆԱԽԱԳԱՀԻ ՀՍԿՈՂՈՒԹՅԱՆ ՏԱԿ՚

Այսօր լրանում է ՀՀ փոխոստիկանապետ Գեւորգ Մհերյանի սպանության երրորդ տարին, սակայն սպանության բացահայտումը դեռ չի մոտեցել իր ավարտին: Հիշեցնենք նաեւ, որ 2011 թվականի հոկտեմբերի 9-ին եւ 10-ին, Գ. Մհերյանի հայրական տանը տեղի էր ունեցել տարօրինակ դեպք, երբ տան բոլոր չափահասները կեսգիշերվա ժամը 4:00-ի սահմաններում, անհայտ պատճառներով ուշագնաց են եղել իրենց իսկ բնակարանի միջանցքում եւ միայն հրաշքով փրկվել: Այդ առումով, Գ. Մհերյանի հայրը, Պետրոս Մհերյանը մեզ հետ զրույցում նշել էր, որ նրանք, ոչ մի գազի հոտ եւ գազի արտահոսք չեն նկատել եւ որ այն ինչ տեղի ունեցավ երկու օր շարունակ իրենց տանը, շատ կասկածելի է իրենց համար: Այնուամենայնիվ, Պ. Մհերյանը դեպքի կապակցությամբ դիմել էր ոստիկանությանը եւ երեկ մեզ հետ զրույցում փոքր-ինչ վրդովված նշեց, որ. ՙԵզրակացության մեջ նշված է, որ ամեն ինչ նորմալ է, բայց մենք ինչից թունավորվեցինք, մնաց հարցական: Գրված է նաեւ, որ եթե կես մետր բարձր գտնվեր գազօջախի ծխատարը, ապա նորմալ կլիներ: Եզրակացությունում ասվում է նաեւ, որ մեր բնակարանի գազի անվտանգության համակարգը, խոհանոցում տեղադրված ջրատաքացուցիչ կաթսան, գազօջախը սարքին են, սակայն վթարային անջատիչի կափույրը տեղադրված է գազոջախի խցանային անջատիչից առաջ եւ սարքավորման աշխատանքի ժամանակ կարող է անջատվել միայն գազօջախ մտնող գազը, այնինչ այն պետք է տեղադրված լիներ գազի հաշվիչի բնակարան մտնող գազատար խողովակի վրա, որպեսզի անհրաժեշտության դեպքում անջատվեն ջրատաքացուցիչ կաթսան եւ գազօջախը: ՙԱրդյո±ք խախտված է բնակարանի գազի անվտանգության կանոնները, թե ոչ, եւ եթե այո, ապա ո±ւմ կողմից՚,- հարցին եզրակացության մեջ նշված է, որ գազօջախի խցանային փականը տեղադրված է թույլատրելի նորմերից ավելի բարձր, իսկ խոհանոցի օդատարի քաշը ապահովելու համար անհրաժեշտ էր ավելացնել օդատարի ուղղաձիգ մասը: Այս պատասխանից հետո հարկավոր էր ընդամենը մեկ հարց եւս բարձրացնել, որ եթե ավելացվեր այդ ուղղաձիգ մասը, կթունավորվեի±նք, թե± ոչ, որը չի տրվել: Իսկ ամենահետաքրքիրն այս եզրակացության մեջ այն է, որ ներտնային գազասպասարկման համակարգի անվտանգ շահագործման համար պատասխանատվություն է կրում միայն բաժանորդը, այնինչ այդ ամենը տեղադրում են իրենք: Բացի այդ, այնտեղ նշված է նաեւ այն, որ մեր բնակարանում շմոլ գազի թունավորման վերաբերյալ նախապատրաստված նյութերով քրեական գործ հարուցելը մերժվում է՚:
Մեզ հետ ունեցած վերջին զրույցի ժամանակ Գ. Մհերյանի հայրը իր գոհունակությունն էր հայտնում, նորանշանակ ոստիկանապետի կողմից, իր որդու սպանության բացահայտման գործընթացի մասին, իսկ ՙԻ±նչ կարող է ասել ամիսներ անց՚ հարցին Պ. Մհերյանը ասաց. ՙՆշեմ, որ այդ նույն ոգով շարունակվում է աշխատանքը, բավականին ինտենսիվ աշխատանք է տարվում եւ այդ գործը գտնվում է ՀՀ նախագահի հսկողության տակ, իսկ թե ի±նչ ընթացք կստանա, դեռ չեմ կարող ասել՚:

ԱՐՄԵՆՈՒՀԻ ՀԱԿՈԲՅԱՆ

 

 

 

 

ԲՀԿ-Ն ՄԱՄՈՒԼԻ ՏԵՍԱԿԵՏՆԵՐ ՉԻ ՄԵԿՆԱԲԱՆՈՒՄ

ԱԺ ԲՀԿ խմբակցության անդամ Վադան Բոստանջյանի ասուլիսից հետո, երեկ, որոշ քարոզչամիջոցներ նրան անվանել են ՀՀ նախագահ Սերժ Սարգսյանի կողմից ԲՀԿ-ում նշանակված ական: Կա± նման բան, թե ոչ` հարցով դիմեցինք ԲՀԿ մամուլի պատասխանատու ԽԱՉԻԿ ԳԱԼՍՏՅԱՆԻՆ, ով ասաց. ՙԱմեն դեպքում ես կարող եմ ասել, որ պարոն Բոստանջյանը ներկայացրել է իր սեփական տեսկետը եւ այն հարցին, թե ի±նչ պատժիչ գործողություններ եք իրականացնելու նրա հանդեպ, կարող եմ միայն ասել, որ մեզ մոտ անձնական կարծիքի համար ոչ ոք չի պատժվում: Ինչ վերաբերվում է լրատվամիջոցներում գրվածներին, ապա այդ հարցը ուղղեք իրենց եւ ես մամուլի տեսակետներ չեմ մեկնաբանում՚:

Ա. ՀԱԿՈԲՅԱՆ

 

 

 

ՀՅԴ-Ն ՊԱՏԱՍԽԱՆ ՉՈՒՆԻ

ՙԻրավունք հետաքննութուն՚, թիվ 10 -ում, անդրադարձել էինք ՙԿյանքի խոսք՚ աղանդի կողմից հիմնադրված ՙԿյանքի խոսք՚ հանրակրթական մասնավոր դպրոցի գոյության մասին, որոնք իրենց գործունեությունը, ըստ մեր ունեցած տեղեկությունների, սկսել են դեռեւս 2002 թվականից, իսկ այդ տարիներին ԿԳ նախարարության պորտֆելը պատկանում էր Դաշնակցություն կուսակցությանը: Այս առումով մեկնաբանություն ստանալու համար դիմեցինք 2002 թվականի ԿԳ նախարար ԼԵՎՈՆ ՄԿՐՏՉՅԱՆԻՆ:
-Լավ կլինի դուք դիմեք լիցենզավորման կոմիտե եւ ճշտեք, նրանք մակագրում են, նյութերը պատրաստում եւ հետո նախարարը մեխանիկորեն մակագրում Է:
- Ինչպե±ս կարող եք դուք նման բաները մեխանիկորեն ստորագրել:
- Իսկ ի±նչ է ներկայացնում այդ ՙԿյանքի խոսք՚-ը:
- Դա աղանդ է, որն ունի նաեւ հանրակրթական դպրոց:
- Եթե աղանդ է, ուրեմն հնարավոր չի, որ մենք լիցենզիա տված լինենք:
- Ըստ մեր ունեցած տեղեկությունների, ՙԿյանքի խոսք՚ դպրոցը լիցենզիա է ստացել 2002 թվականին, երբ դուք էիք նախարար:
- Հնարավոր չէ, քանի որ ես կրոնի կոմիտեում եւ ամեն տեղ աղանդի դեմ մշտապես պայքարել եմ: Լավ կլինի պաշտոնապես դիմեք ԿԳ նախարարությանը, ճշտեք իրական տարեթիվը, այնուհետեւ կխոսենք, քանի որ այդ անունը ինձ մոտ կասկած առաջացրեց եւ այն ժամանակ եւս կասկած կառաջացներ:
Այս հարցով դիմեցինք նաեւ ԱԺ գիտության, կրթության, մշակույթի, երիտասարդության եւ սպորտի հարցերի մշտական հանձնաժողովում դաշնակցություն խմբակցության ներկայացուցիչ ԼԻԼԻԹ ԳԱԼՍՏՅԱՆԻՆ, ով հարցը լսելուն պես, նախ նշեց, որ զարմացած է եւ այդ դպրոցի անունը լսում է առաջին անգամ: Այնուհետեւ խնդրեց ժամանակ տալ, որպեսզի ծանոթանա հարցի հետ եւ միայն երեկոյան կպատասխանի: Բայց, երբ կրկին փորձեցինք լսել Լ. Գալստյանին, վերջինս այս ու այն թեմաներով, երկար-բարակ խոսելուց հետո, վերջում հայտնեց, որ ժամանակ չունի մեր կողմից հնչեցրած կոնկրետ հարցին պատասխանելու, եւ որ նա զբաղված է այլ գործերով:
Դե բնականաբար, ՀՅԴ-ն ոչ մի անգամ, կոնկրետ հարցերի համար, կոնկրետ պատասխաններ չի ունեցել, իսկ իր ազգային գործունեությունը հավանաբար պատկերացնում է գինովցած վիճակում, 19-րդ դարի հայդուկային երգեր երգելով:

ԱՐՄԵՆՈՒՀԻ ՀԱԿՈԲՅԱՆ

 

 

 

 

ՀՀԿ-ՈՒՄ ՄԻՇՏ ԷԼ ԿԳՏՆՎԻ ԱՍԵՂ...

Օրերս ԱԺ փոխնախագահ ԷԴՈՒԱՐԴ ՇԱՐՄԱԶԱՆՈՎԸ, խոսելով 100 տոկոսանոց համամասնական ընտրակարգին անցնելու ԲՀԿ-ի հայտնած դիրքորոշման մասին, ասել էր, որ ԲՀԿ-ն իր հայտարարությունների մեջ ազնիվ չէ. ՙՔաղաքականության մեջ հաջողում են այն ուժերը, ում այո-ն այո է, ոչ-ը ոչ: Սա քաղաքական հնարք է, եւ այստեղ մենք տեսնում ենք խոսքի ու գործի հստակ տարբերություն: Ավելի լավ բան կարող էին հորինել՚: ԲՀԿ-ական ՆԱԻՐԱ ԶՈՀՐԱԲՅԱՆՆ էլ, մեկնաբանելով ԱԺ փոխնախագահի այդ գնահատականը, ասել էր. ՙԽորհուրդ եմ տալիս ձեռնպահ մնալ խոսքի ու գործի անհամապատասխանության մասին դատողություններ անելուց՚: Ներկայացնելով իր դիտարկումները` Ն. Զոհրաբյանը նաեւ հավելել էր, որ իր հորդորները համառորեն չհասկացողներին պատրաստ են իրենց իսկ խոսքի ու գործի անհամապատասխանության մի ամբողջ ժողովածու նվիրել, միայն թե ժողովածուն կարող է բազմահատոր ստացվել: ԲՀԿ-ական Նաիրա Զոհրաբյանի ակնարկած բազմահատոր ժողովածուի վերաբերյալ էլ երեկ ՙԻրավունք՚-ի հետ զրույցում իր մեկնաբանությունը տվեց ՀՀԿ խմբակցության քարտուղար ԳԱԳԻԿ ՄԵԼԻՔՅԱՆԸ` նշելով. ՙՏիկին պատգամավորը ասելիքի բացակայության պատճառով սկսել է կրկնվել ու խորհուրդներ տալ: Իսկ խորհուրդներ տալիս են նրանք, ովքեր ավելի շատ խորհուրդների կարիք ունեն: Բազմահատորյակ նվիրելու փոխարեն տիկին Զոհրաբյանը ճիշտ կանի գիտակցի, որ ՀՀԿ-ում միշտ էլ կգտնվի ասեղ, որ ցանկացած պահի կարող է պայթեցնել նույնիսկ քաղաքական ամենամեծ փուչիկը՚:

ԳԱՅԱՆԵ ԶԱՐԳԱՐՅԱՆ

ԹՈՂ ԱՅԴՊԵՍ ՀԱՐԻՖ ԷԼ ՄՆԱՆ

ՀՀԿ խմբակցության քարտուղար Գագիկ Մելիքյանը, օրերս ՍԻՄ-ի ՙԱզդակ՚ ակումբում գնահատական տալով Ֆրանսիայի Սենատի կողմից կայացված կարեւորագույն որոշմանը եւ մեկնաբանություն տալով Թուրքիայի կողմից տրվող սպառնալիքներին, հատկապես, որ վերջիններս իրենց երկրում թույլ չեն տալու, որ այսուհետ ունկնդրեն ֆրանսիական երաժշտությունը, հակադարձեց. ՙԹող նրանք գնան իրենց մուղամը լսեն ու այդպես հարիֆ էլ մնան՚:

Գ. ԶԱՐԳԱՐՅԱՆ

 

 

 

ԲՀԿ-Ն ՈՉ ՇՈՐ, ՈՉ ԷԼ ԿՈՇԻԿ Է ԲԱԺԱՆՈՒՄ

Երեկ մայրաքաղաք Երեւանում ակտիվ խոսակցություններ էին պտտվում այն մասին, որ ԲՀԿ-ի Սարի Թաղ համայնքի տարածքային կառույցը տնետուն ընկած անձնագրերի տվյալներ են հավաքում, որպեսզի փաստերի հիման վրա տվյալ թաղամասի բնակչությանը բաժանեն ՙսեքընդ հենդ՚ եվրոպական խանութների արտադրանքը` համարելով, որ հագած շոր ու կոշիկ բաժանելով կարող են մարդկանց հոգսը քիչ թե շատ թեթեւացնել: Իրականում ԲՀԿ-ն մայրաքաղաք Երեւանում նմանատիպ նախաձեռնություն սկսե±լ է ցուցաբերել, թե± ոչ, եւ արդյոք ԲՀԿ-ն այս կե±րպ է փորձելու ժողովրդին տանել իր ետեւից հարցին ի պատասխան, ԲՀԿ մամլո քարտուղար Բաղդասար Մհերյանը մի լավ ծիծաղելուց հետո նշեց. ՙԱխր նենց բան ասեցիր` ԲՀԿ-ի անդամները Սիլաչիում, հա±... Գայանե ջան, տենց բան չկա: Դե, այդպիսի խոսակցությունները ակտիվանում են ամեն մի ընտրությունից առաջ՚: Դե, բոլոր դեպքերում համառ են լուրերը այն մասին, որ, այնուամենայնիվ, ԲՀԿ-ն հին շոր ու կոշիկ է բաժանում ակնարկին ի պատասխան, Բ. Մհերյանը արձագանքեց. ՙԲայց եվրոպակա±ն, դե, եթե եվրոպական է, ուրեմն լավ է: Բայց ԲՀԿ-ն ոչ կոշիկ, ոչ էլ շոր է բաժանում՚:

ԳԱՅԱՆԵ ԶԱՐԳԱՐՅԱՆ

ՆԱԽԸՆՏՐԱԿԱՆ ՄՇՈՒՇ

Թիվ 26 ընտրատարծքում մեծամասնական ընտրակարգով առաջադրվող թեկնածուների շուրջը նախընտրական մշուշը դեռեւս խտանում է: Վերջերս հայտնի դարձավ, որ այդ ընտրատարծքից ընտրված ԲՀԿ-ական պատգամավոր Ռոբերտ Թովմասյանը չի պատրաստվում մասնակցել մեծամասնականի ընտրապայքարին, քանի որ նա համամասնականում արդեն ապահովել է իր տեղը: Խոսակցություններ են շրջանառվում, որ տղամարդ փնտրելուց եւ չգտնելուց հետո Վարդան Այվազյանն էլ է իր տեղը ապահովել ՀՀԿ-ի համամասնական ցուցակում, ուստի նա էլ չի մասնակցի մեծամասնականի պայքարին: Չհաշված այդ ընտրատարծքի եղվարդյան թեւի ներկայացուցիչներին` Չարենցավանում շրջանառվում են եւս 2 թեկնածուի անուն` ոմն Հովիկի, ում համար համառորեն լուրեր են տարածում, թե նա արդեն ապահովվել է իշխանութանը մոտ կանգնածների քեռիփեսայբաջանաղական հովանավորությունը, եւ Արցախյան ազատամարտի հենց առաջին օրերից իրեն հայրենիքին նվիրած եւ մինչեւ օրս Հայաստանի զինված ուժերում ծառայող փոխգնտապետ Խաչիկ Ավետիսյանը, ով, ի դեպ, ոչ միայն Չարենցավանում ունի բարձր հեղինակություն:

ՇԱՀԱՆԵ ԽԱՉԱՏՐՅԱՆ

 

 

 

ԱՐԱԲՈՅԻ ՀՐԱՄԱՆԱՏԱՐԸ ԵՎՍ ՊԱՏՐԱՍՏՎՈՒՄ Է ԱՌԱՋԱԴՐՎԵԼ

Մայրաքաղաքի Էրեբունու հատվածում, ավելի ճիշտ` թիվ 13 ընտրատարածքում` որպես պատգամավորության թեկնածու, կարծես թե առաջադրվել են Էրեբունու նախկին թաղապետ Մհեր Սեդրակյանն ու ՀՀԿ-ական Արմեն Պուրտոյանը: Սակայն կային նաեւ խոսակցություններ, որ այդ տարածքում կարող է իր թեկնածությունն առաջադրել լեգենդար ՙԱրաբո՚ ջոկատի հրամանատար Մանվել Եղիազարյանը, ով այդ տարածքի հին բնակիչներից է, եւ այդ առաջադրումը կարող է բավականին հաշվարկներ խառնել: Մեզ հետ հեռախոսազրույցում պարոն Եղիազարյանը հաստատեց, որ ինքը պատրաստվում է առաջադրվել որպես թեկնածու. ՙԱյո, անպայման առաջադրվելու եմ: Բայց թե կոնկրետ որ ընտրատարածքում, դեռ դժվարանում եմ ասել՚:

ՔԵՐՈԲ ՍԱՐԳՍՅԱՆ

ՔՈՉԱՐՅԱՆԸ ԿԱՊ ՈՒՆԻ... ԲԱՅՑ ԵՍ ԳՈՐԾ ՉՈՒՆԵՄ

Օրերս Վարդան Օսկանյանը հայտարարել էր, որ ենթադրվում է, թե ինքը կլինի ԲՀԿ-ի համամասնական ցուցակի 2-րդ համարը: Այն հարցին, թե արդյոք այս հայտարարությունը համաձայնեցվել է Ռոբերտ Քոչարյանի հետ, վերջինիս մամլո խոսնակ ՎԻԿՏՈՐ ՍՈՂՈՄՈՆՅԱՆԸ պատասխանեց.
- Բայց ինձ ինչո±ւ եք հարցնում, պարոն Օսկանյանին հարցրեք, էդպես ավելի ճիշտ չի± լինի:
- Բայց չէ± որ Դուք եք Ռոբերտ Քոչարյանի մամլո խոսնակը:
- Բայց պարոն Օսկանյանը հայտարարություն է արել իր գործողությունների մասին, դուք ինձ հարցնում եք, թե ինչպես է այդ քայլը կատարել` համաձայնեցնելո±վ, թե± ոչ, իրեն հարցրեք, կարծում եմ` ինքը կասի ավելի հստակ, սա էն դեպքը չի, որ ես Քոչարյանի գրասենյակի ղեկավարն եմ ու կարող եմ Ձեր այդ հարցին պատասխանել: Խնդրում եմ, իրեն հարցրեք, ես ստեղ գործ չունեմ, իր հետ քննարկեք` առանց ինձ: Օսկանյանի գործողությունների մասին է խոսքը:
- Փաստորեն, այս հարցը Ձեզ չի± վերաբերվում:
- Կոնկրետ ինձանից այդ հարցի պատասխանը, կարծում եմ, սխալ է ակնկալել. պարոն Օսկանյանին զանգեք, հարցրեք, այ ինձ ո±նց եք զանգում, հարցնում: Սա վերաբերվում է Օսկանյանի կատարած գործողություններին:
- Այո, բայց դա նաեւ պարոն Քոչարյանին չի± վերաբերվում:
- Էնպես, ինչպես հարցը դուք եք դնում` վերաբերվում է, բայց հարցադրումը կարող է սուբյեկտիվ լինել: Վստահ եմ` փիլիսոփայությունից գիտեք, չէ±, օբյեկտիվ իրականության մասին, դա այս պարագայում այն է, որ պարոն Օսկանյանը գործողություն է կատարել, որի վերաբերյալ փորձում եք տեղեկատվություն ստանալ, խնդրում եմ, իրեն դիմեք, էլի, ոչ թե ինձ:

 

 

 

ՖՐԱՆՍԻԱՅԻ ՍԵՆԱՏԻ ՈՐՈՇՈՒՄԸ
ՀԱՅԱՍՏԱՆԻ ՆԱԽԱՁԵՌՆՈՂԱԿԱՆ
ՔԱՂԱՔԱԿԱՆՈՒԹՅԱՆ ՀԵՏԵՎԱՆՔՆ Է

Սահմանադրական իրավունք միության՚ նախագահ ՀԱՅԿ ԲԱԲՈՒԽԱՆՅԱՆԸ, օրերս ՙՊոստ Սկրիպտում՚ ակումբում անդրադառնալով առաջիկայում սպասվող խորհրդարանական ընտրություններին, եւս մեկ անգամ վերահաստատեց նախկինում արված այն հայտարարությունը, որ ՍԻՄ կուսակցությունն անկասկած մասնակցելու է ընտրություններին. ՙԻնչ վերաբերում է մասնակցության ձեւաչափին, ապա այն պարզ կդառնա փետրվարի վերջին կայանալիք համագումարից հետո: Կասկածից վեր է, որ 23 տարի քաղաքական ասպարեզում գոյություն ունեցող կուսակցությունը կարող է դուրս մնալ ընտրական գործընթացներից՚,- իր խոսքում ընդգծեց Հայկ Բաբուխանյանը:
-Պրն Բաբուխանյան, իսկ ընդհանրապես ինչպե±ս եք գնահատում ներկա քաղաքական իրավիճակը:
- Ընդհանուր առմամբ` ՍԻՄ-ը գնահատում է, որ Հայաստանը կամաց-կամաց մտնում է նախընտրական փուլ, եւ այն տրամադրվածությունը եւ իշխանությունների կամքը, որպեսզի ընտրությունները անցկացվեն բարձր մակարդակով, արդեն իսկ արտահայտված է, եւ ակնհայտ է, որ աշխատանքներն էլ այդ ուղղությամբ կատարվում են: Մենք հույս ունենք, որ նման կամք կդրսեւորի նաեւ ամբողջ քաղաքական դաշտը, այդ թվում նաեւ` արմատական ընդդիմությունը, եւ ընտրություններն էլ զերծ կմնան տարբեր տեսակի սադրանքներից, որոնք, ինչպես հայտնի է, վնաս են հասցնում ե°ւ մեր ժողովրդին, ե°ւ մեր երկրի արտաքին քաղաքականությանը: Իսկ մեր կուսակցությունն էլ իր հերթին կանի ամեն ինչ, որպեսզի ընտրություններն անցնեն ժողովրդավարական բոլոր չափանիշներին համապատասխան:
Ո±ՐՆ Է ՀԱՐՅՈՒՐ ՏՈԿՈՍ ՀԱՄԱՄԱՍՆԱԿԱՆ ՏԱՐԲԵՐԱԿԻ ՎՏԱՆԳԸ
-Հետաքրքիր է, թե Դուք ինչ կարծիք ունեք որոշ քաղաքական ուժերի այս վերջին ՙնորամուծության՚` հարյուր տոկոս համամասնական ձեւաչափին անցնելու վերաբերյալ, այն էլ` ընտրություններից ընդամենը մի քանի ամիս առաջ:
- Կարծում եմ` այդ համամասնականի ու մեծամասնականի հետ կապված աղմուկը արհեստական է, քանի որ դա չի բխում ՀՀ-ի ներկա քաղաքական համակարգի զարգացվածության աստիճանից, եւ այդ զարգացվածությունը եւս աճելու տեղ ունի: Խոսքս Հայաստանում կուսակցական համակարգի մասին է, եւ չէի ասի, որ այն կուսակցությունները, որոնք այդ հարցը բարձրացնում են, կարող են ապահովել շրջանների ներկայացվածութան հարցը խորհրդարանում կամ, թեկուզեւ, հենց այդ կուսակցություններում: Օրինակի համար, եթե վերցնենք ՙԺառանգությանը՚, ապա, ըստ իս, Երեւանից դուրս այդ կուսակցությունը գրեթե հայտնի էլ չէ, իսկ կառույցներն էլ զարգացած չեն, ինչը նշանակում է, որ նման պարագայում, ներկայացվածության տեսակետից, մենք խնդիր կունենանք ՀՀ-ի տարբեր շրջաններում, եւ մասնավորապես` սահմանամերձ գյուղերում: Այսօր այդ խնդիրը կա. մենք ունենք խնդիր տարածքների համաչափ զարգացման, որի հետ կապված հատուկ շեշտադրում է արել ՀՀ նախագահ Սերժ Սարգսյանը: Երկրորդ` չէի ասի, որ այն ցուցակները, որոնք կազմվում են կուսակցությունների կողմից կամ կազմվել են նախկինում, այդ ցուցակները անթերի են: Եվ եթե հենց վերցնենք նույն Դաշնակցության ցուցակը, ապա այնտեղ կան մարդիկ, ովքեր հայտնի չեն հասարակությանը` որպես քաղաքական գործիչներ, եւ երբեմն տպավորություն է ստեղծվում, որ համամասնական ցուցակում որոշ բիզնեսմենների տեղերը տրամադրվում են այն նպատակով, որպեսզի նրանք ֆինանսավորեն կուսակցության նախընտրական փուլը: Մեզ հայտնի է, որ այդպիսի բաներ կատարվել են շատ անգամ, եւ համամասնականի վրա շեշտը դնող կուսակցությունները, մեղմ ասած, զերծ չեն այդ թերություններից: Անպայման կուզենայի շեշտել նաեւ, որ երբեմն այնպիսի մարդիկ են ԱԺ-ում հայտնվում այդ կուսակցությունների ցուցակներով, որոնք հետագայում սկսում են այցելել տարբեր երկրներ` այնտեղ դասընթացներ ստանալու` լինելով ՀՀ-ի ԱԺ պատգամավորներ: Ես չեմ կարծում, որ ժողովուրդը, ձայն տալով այս կամ այն կուսակցությանը, նաեւ թույլ է տալիս, որպեսզի այդ կուսակցության` համամասնական ցուցակով անցնող մարդիկ այցելեն անգլիաներ, ամիսներով կուրսեր ստանան ու գան այստեղ ՙդասեր՚ տան` արտահայտելով ոչ թե տվյալ կուսակցության ընտրողների կամ հայ ժողովրդի շահերը, այլ դրսի կամքը` դառնալով օտար ազդեցության գործակալներ: Սա, թերեւս, այն վտանգն է, որը պարունակում է հարյուր տոկոս համամասնական տարբերակը: Երբ որ ՀՀ-ում կուսակցական համակարգը կզարգանա այն աստիճան, որ կուսակցությունները կկարողանան համակողմանիորեն տիրապետել ամբողջ երկրի իրավիճակին, կամ որոշ կուսակցությունները միաժամանակ չեն տրվի գայթակղություններին, ու իրենց կուսակցության ցուցակի մեջ ֆինանսական ՙօգնության՚ դիմաց չեն ընդգրկի բիզնեսմեններին, եւ կամ երբ որ այդ կուսակցությունները կաշխատեն ՀՀ կուսակցությունների մասին օրենքին համապատասխան, այսինքն` զերծ կմնան նաեւ արտասահմանյան ֆինանսավորումներից ու ազդեցություններից, այդ ժամանակ էլ մենք կարող ենք այդ հարցը քննարկել, եւ գուցե այդ ժամանակ այդ ձեւաչափը կարող է արդիական լինել: Հետեւաբար, այդ ամենը այսօր ընդամենը աղմուկ բարձրացնելու եւ երկու-երեք ավել տեղ ԱԺ-ում կորզելու առիթ է այն կուսակցությունների համար, ովքեր հույս ունեն մի կերպ անցնել հինգ տոկոսանոց շեմը, բայց գիտեն, որ վեց տոկոսին չեն հասնելու: Հետեւաբար, որպեսզի այդ հինգ տոկոսի դեպքում նրանք ունենան ոչ թե 5 պատգամավոր, այլ գոնե 7 ու միեւնույն ժամանակ իրենց գործընկերներին ապահովեն երկու ավել աշխատատեղով, մի մեծ աղմուկ են բարձրացրել` հասարակությանը շեղելով շատ ավելի կարեւորագույն խնդիրներից, որոնք որ առկա են:
ՍԻՄ-Ի ՀԱՄԱՐ ԱՌԱՋՆԱՅԻՆԸ ԳԱՂԱՓԱՐԱԿԱՆ ԸՆԴՀԱՆՐՈՒԹՅՈՒՆՆ Է
-Վերջերս շատ է խոսվում Ձեր, Արտաշես Գեղամյանի եւ Խոսրով Հարությունյանի ՀՀԿ ցուցակ ընդգրկվելու մասին հարցը, հետեւապես կասե±ք, թե այդ համատեքստում պաշտոնական քննարկումներ եղե±լ են, թե± ոչ:
- Այս պահի դրությամբ` ՍԻՄ կուսակցությունը ՀՀԿ-ի կամ որեւէ այլ կուսակցության հետ նախընտրական խնդիրների վերաբերյալ որեւէ բանակցություն չի վարել: Հետեւաբար, այս պահի դրությամբ` ես չեմ կարող նման որեւէ հայտարարություն անել կամ նմանատիպ խոսակցությունները հաստատել: Այլ բան է, որ շատերը կարող են դա ենթադրել, քանի որ ՍԻՄ-ի դեպքում ՀՀԿ-ի հետ համագործակցությունը ձեւավորվել է դեռեւս 1989 թ., երբ ՍԻՄ-ը եւ ՀՀԿ-ն Հայաստանի քաղաքական դաշտում ստեղծված առաջին կուսակցություններն էին, որոնք 20 տարուց ավել քաղաքական դաշտում գործում են եւ մշտապես ներկայացված են եղել խորհրդարանում, տեղական ինքնակառավարման մարմիններում: Իսկ մեր կուսակցությունների համագործակցությունը շատ փայլուն էջեր ունի. մենք միասին մասնակցել ենք ընտրություններին, դաշինքներ ենք ունեցել, անգամ, եթե հիշում եք` 92 թ. ես ղեկավարել եմ ՀՀԿ-ի պաշտոնաթերթը` լինելով ՍԻՄ-ի փոխնախագահ: Այսինքն` այդքան սերտ էին հարաբերությունները: ՍԻՄ-ի, համոզված եմ, ՀՀԿ-ի համար նույնպես ամենակարեւորն ընտրություններում գաղափարական ընդհանրությունն է: Տվյալ դեպքում այդ երկու կուսակցությունը ՀՀ-ում ներկայացնում են ազգային պահպանողական գաղափարախոսությունը, որի դրոշակակիրն ու առաջնորդը երկրի նախագահ Սերժ Սարգսյանն է: Եվ այդ գաղափարախոսական դաշտում մենք տեսնում ենք, որ, այո, մենք ունենք համագործակցության լուրջ հնարավորություններ ՀՀԿ-ի հետ:
- Էլ ո±ր ուժերի հետ եք տեսնում կամ բացառում համագործակցության եզրերը:
- Կրկնում եմ, որ մեզ համար առաջնայինը գաղափարական ընդհանրությունն է: Երեւի թե հիշում եք, որ մենք շատ արդյունավետ համագործակցություն ունեցել ենք ՙԻրավունք եւ Միաբանություն՚ դաշինքի շրջանակներում ՙԱզգային միաբանություն՚ կուսակցության հետ: Ժամանակին մենք մտել ենք ՙԱզգային դաշինք՚ միավորման մեջ, որի մեջ ներկայացված էին մի շարք կուսակցություններ: Դեմոկրատական կուսակցության հետ սերտ համագործակցություն ենք ունեցել հատկապես Արցախի ու սոցիալական հարցերին վերաբերող խնդիրների շուրջ:
Իսկ թե որ ուժերի հետ ենք բացառում համագործակցությունը, ապա առաջնահերթ ու կատեգորիկ ձեւով բացառում ենք համագործակցությունը ՀԱԿ-ի ու ՀԱԿ-ի մեջ մտնող ցանկացած կուսակցության կամ քաղաքական գործչի հետ: Մենք համարում ենք, որ ՀԱԿ-ը ՙհինգերորդ շարասյունն՚ է Հայաստանում, որը ոչ թե հայ ժողովրդի շահերով ու խնդիրներով է մտահոգված, այլ ակնհայտորեն կատարում է օտարների կողմից թելադրված քաղաքական պատվերը` ի վնաս ՀՀ-ի: ՀԱԿ-ի հետ որեւէ խնդրում, որեւէ անգամ եւ որեւէ պարագայում ՍԻՄ-ը բանակցային սեղանի շուրջ չի նստի: Այստեղ կընդգծեմ նաեւ ժառանգությանը, որը նույնպես բացառությունների շարքում է, իսկ մնացած կուսակցությունների պարագայում այս կամ այն հարցի վերաբերյալ կարող ենք ունենալ քննարկումներ, բայց, իհարկե, ոչ նախընտրական գործընթացների վերաբերյալ:
- Իսկ ՀՅԴ-ի հետ:
- Դաշնակցության հետ մենք կարող ենք ունենալ որոշակի քննարկումներ, որոշակի շփումներ ինչ-ինչ հարցերի վերաբերյալ. մենք չենք բացառում այդ կուսակցության հետ համագործակցությունը որոշակի լոկալ խնդիրների շուրջ: Բայց, ինչ խոսք, մենք բացառում ենք նրանց հետ ընտրություններին միասնական գնալու հարցը:
- Եթե դեմ չեք, մի քանի խոսքով էլ անդրադառնանք արտաքին քաղաքական զարգացումներին, եւ հատկապես հետաքրքիր կլիներ լսել նաեւ Ձեր տեսակետը Ֆրանսիայի Սենատի կողմից կայացրած քաղաքական կարեւորագույն եւ աղմկահարույց որոշման վերաբերյալ:
- Իհարկե, սա մեծ հաղթանակ է, կեցցե° Ֆրանսիան, մեր կուսակցությունն այդ առիթով Ֆրանսիային ողջունել է, սակայն ես կուզենայի ձեր ուշադրությունը հրավիրել հետեւյալի վրա. երբ որ սկսվում էր նախաձեռնողական քաղաքականությունը, որի հիմքը դրեց երկրի նախագահ Սերժ Սարգսյանը, նա ե°ւ աջից, ե°ւ ձախից ենթարկվեց քննադատության: Նույն ՀԱԿ-ը եւ նմանատիպ այլ ուժեր Ս. Սարգսյանին մեղադրում էին նրա մեջ, որ նա քիչ զիջումներ է անում Թուրքիային եւ, փաստորեն, շատ խիստ է դնում մեր ազգային պահանջները, իսկ ՀՅԴ-ն ընդհակառակը` մեղադրում էր, որ իբր շատ զիջումներ է արվում Թուրքիային, եւ իբր մեր ազգային խնդիրները մնում են ստվերի մեջ: ՍԻՄ-ն անմիջապես իր հայտարարությամբ աջակցություն հայտնեց նախաձեռնողական քաղաքականությանը: Եվ այսօր, երբ մենք Ֆրանսիայում նման հաղթանակ ունենք, ապա դա հենց այնպես չեղավ, քանի որ այդ հաղթանակը այդ նույն նախաձեռնողական քաղաքականության տրամաբանական հետեւանքներից մեկն էր, եւ ես ուզում եմ նշել, որ դրա համար մենք պետք է շնորհակալ լինենք երկրի նախագահին, որ նա նախաձեռնեց այդ քաղաքականությունը: Եվ կարող եմ ասել, որ 2008-ին, երբ ՍԻՄ-ն աջակցեց այդ նախաձեռնողական քաղաքականությանը, ճիշտ դուրս եկավ:
Ինչ վերաբերում է ԱՄՆ-ի դիրքորոշմանը այս հարցում, ապա ափսոսանք է առաջացնում նրանց պատեհապաշտական կեցվածքի հերթական դրսեւորումը:

ԳԱՅԱՆԵ ԶԱՐԳԱՐՅԱՆ

 

 

 

ԱԱԾ-Ն ԵՎ ԴԱՏԱԽԱԶՈՒԹՅՈՒՆԸ ՀԱՂՈՐԴՈՒՄ ՉԻ ՍՏԱՑԵԼ

Օրերս Երուսաղեմի ՙՍուրբ Հրեշտակապետաց՚ վանքի տեսուչ հայր Ղեւոնդ վարդապետ Հովհաննիսյանը սպառնալիքներ էր ստացել այն բանից հետո, երբ իր անձնական բլոգում տեղադրել էր ՙԿյանքի խոսք՚ աղանդի մասին տեսանյութ, որը ապացուցում է պոռնոսկանդալի ՙաստղ՚ Անժելա Սարգսյանի անդամակցությունն այդ աղանդին: Նախապես ներողություն խնդրելով` ընթերցողին ենք ներկայացնում այն սպառնալիքները, որն ուղղված է եղել վարդապետին. ՙԱյ սրիկա, քեզ թվում ա, որ դու սենց հանգիստ կարաս հազարավոր մարդկանց անպատվես, մեղադրես սեռական անբարոյականության մեջ ու հանգիստ մարսե±ս: Չհավատաս, պարզելու ենք, ու մի լավ համտեսելու ես օրենքի ուժը վրեդ: Քեզ ժամանակվա տրված, տես, հետո չփոշմանես, որովհետեւ, եթե հետո էլ հանես, մեկ ա, մինչեւ վերջ գնալու ենք: Քեզ 24 ժամ ժամանակ, եթե այդ ստահոդ, պատվիրված, զրպարտող մարդկանց ինքնասիրությունը, պատիվն ու արժանապատվությունը վարկաբեկող տեսանյութը ինքդ չհանես, սրանով զբաղվելու են դատախազությունն ու Ազգային անվտանգությունը: Բացի այդ, դատի ենք տալու ու ոչ միայն մի հոգի, այլ շատերս ենք դատի տալու, որ ոնց որ պետքն ա, պատժենք քեզ քո արած այս այլանդակության համար: Մեկ ա մենք չէ, դատախազությունն ա հայտնաբերելու, թե դու ով էս ու ով ա սրա հետեւում կանգնած: Ու հաստատ քո համար ներում-բեկում չի լինելու, լավ իմացի՚:
Իսկ թե որքանով են իրավասու նմանատիպ շանտաժի լեզվով խոսել ԱԱԾ-ի եւ դատախազության անունից ինչ-որ մարդիկ, իսկ տվյալ դեպքում, կարելի է ասել նաեւ աղանդավորները, հարցով դիմեցինք վերը նշված կառույցներին: ԱԱԾ հասարակայնության հետ կապերի վարչության պետ ԱՐԾՎԻՆ ԲԱՂՐԱՄՅԱՆԸ նշեց. ՙՄենք նման հաղորդում ոչ մեկից չենք ստացել՚:
Իսկ ՀՀ գլխավոր դատախազի մամուլի պատասխանատու ՍՈՆԱ ՏՌՈՒԶՅԱՆԸ այս կապակցությամբ ասաց. ՙՄենք չգիտենք, թե ինչ բլոգի մասին է խոսքը, որովհետեւ մեր կայքերում բլոգերները մի փոքր ավելի շատ են, եւ դատախազությունը դա մոնիտորինգ չի անում: Եթե եղել է հանցագործության մասին ահազանգ, ապա անձը պիտի դիմի դատախազություն, որ տրվի համապատասխան ընթացք, եւ գործը ուղարկվի ոստիկանություն ստուգելու համար: Իսկ տվյալ պահին դատախազությունը հանցագործության մասին հաղորդում չի ստացել՚:
Ի դեպ, այս անգամ Ղեւոնդ վարդապետը չէ տեսանյութի հեղինակը, իսկ աղանդավորները նյութը ջնջել են տվել ՙՅութուբ՚-ից` ՙհեղինակային իրավունքի խախտման՚ չարչրկված պատրվակով: Դրա առնչությամբ վարդապետն իր բլոգում դիպուկ նկատել է. ՙՊարզվում է` Անժելայի մասին չէր կարելի խոսել, նա սրանց սեփականությունն է եւ ՙքոփիռայթ՚-ը՚:

Ա. ՀԱԿՈԲՅԱՆ

 

 

 

 

 

ԽՈՍՔԸ ԿՏՈՒՐԸ ԳՑՈՂ ՔԱՂԱՔԱՊԵՏԱՐԱՆԸ

ՙԻրավունք՚ թերթը բազմիցս անդրադարձել եւ անդրադառնալու է մեր երկրում իրենց օլիգարխի տեղ դրած պատգամավորների կողմից իրականացվող ապօրինություններին: Ամենացավալին այն է, որ նման անօրինականություններին երբեմն մասնակից է դառնում մեր պետական համակարգը:
Հիշատակված երեւույթի հետ կապված քանիցս անդրադարձել ենք Աջափնյակ համայնքի Գ-1 թաղամասի հ.10 հասցեում կատարված ապօրինի հողազավթման, շինարարության փաստին, որն իրականացվել է ՀՀ ԱԺ պատգամավոր Կորյուն Նահապետյանի կողմից: Այս փաստը հաստատել է նաեւ քաղաքապետարանը` այն գնահատելով որպես ապօրինի շինություն, սակայն մի քանի ամիս է, ինչ այն քանդելու ընթացք չի տրվում: Քաղաքապետարանի տեղեկատվության եւ հասարակայնության հետ կապերի վարչությունից երբ փորձեցինք ճշտել, թե ինչու քաղաքապետարանից մի քանի ամիս, այսինքն` օրենքով սահմանված ժամկետում ¥քաղաքացիները քաղաքապետարան են դիմել 2011 թվականի սեպտեմբերի 14-ին¤ չի տրվում որեւէ պատասխան բողոք-նամակով քաղաքապետարան դիմած քաղաքացիների այն հարցերին, թե ինչ պատճառով չի ապամոնտաժվում ապօրինի շինությունն ու հողազավթման հարցն ինչու չի կարգավորվում, ստացանք հետեւյալ ցնցող պատասխանը. ՙԻ պատասխան Երեւանի քաղաքապետարանին ուղղված Ձեր հարցման` աշխատակազմի քաղաքաշինության եւ հողի վերահսկողության վարչությունը տեղեկացնում է, որ Աջափնյակ վարչական շրջանի Գ-1 թաղամասի հ.10 հասցեի հողամասի կառուցված պարսպին վերաբերող հարցին Երեւանի քաղաքապետարանը կանդրադառնա Գ-1 թաղամասի կառուցապատման ենթակա ճանապարհների քաղաքաշինական մոտեցումները հստակեցնելուց հետո՚:
Դե ինչ, եթե այլեւս զարմանալու բան չունեք, հավանաբար, ձեզ ե°ւ զարմացրեց, ե°ւ զայրացրեց, ինչո±ւ չէ` նաեւ զվարճացրեց Երեւանի քաղաքապետարանի հողի վերահսկողության վարչության հակաօրինական, օդային եւ ոչինչ չասող պատասխանը: Նշենք, որ այդ թաղամասի գլխավոր հատակագիծը հաստատված է եղել դեռեւս 2002 թվականին, երբ անց էր կացվում հողատարածքների աճուրդ եւ գնորդներին ներկայացվել է կոնկրետ հատակագիծ, որտեղ նշված է եղել ապագա լայն փողոցները եւ գեղեցիկ մարգագետինները: Սակայն այսօր գործող մի շարք պաշտոնյաների կողմից այդ փողոցները զավթվել են, եւ թաղամասը կամաց-կամաց վեր է ածվել հետամնաց մի գյուղի: Իսկ Երեւանի քաղաքապետարանը, չունենալով համարձակություն, փորձում է օրենքը հարմարեցնել ապօրինությանը եւ հաշվի է առնում բացառապես պատգամավորի քմհաճույքը` թույլ տալով կառուցել ծուռումուռ փողոցներ: Հավանաբար, Երեւանի քաղաքապետարանը սպասում է, թե ով ինչ անօրինական կամ ապօրինի շինություն կիրականացնի, իսկ հետո տակն էլ ինչ կմնա, դա էլ փողոցներին կտրամադրի, իսկ մարդիկ ոնց ուզում են, թող քայլեն կամ ապրեն:
Սա է մեր իրականությունը. մեր երկրում կան մարդիկ, ովքեր աշխատում եւ աշխատավարձ են ստանում բացառապես մեր հարկատուների հաշվին եւ թքած ունեն այն ապօրինությունների վրա, որոնք կառուցվել եւ շարունակվում են կառուցվել այս օրերին թուրը աջ ու ձախ կտրող օրենսդիրների կողմից:
Ցանկանում ենք նշել նաեւ, որ վերը նշված հարցերի պատասխանը մենք ստացանք օրենքով սահմանված ժամկետից դուրս, եւ այդ ընթացքը պարզապես համընկել էր քաղաքապետի ընտրություններին, եւ Երեւանի քաղաքապետարանի հասարակայնության հետ կապերի վարչությունից մեզ խնդրեցին, որպեսզի հարգանքով մոտենանք քաղաքապետի ընտրություններին, որից հետո խոստացել էին հնարավորինս շուտ տալ մեր հարցերի պատասխանը: Բայց դե, ոնց կարող են շուտ տալ պատասխան, երբ նույն քաղաքապետարանը չի կարողանում երկուսուկես ամսից ավելի արդեն իրականացնել իր իսկ որոշումը, այսինքն` քանդել ԱԺ պատգամավոր Կորյուն Նահապետյանի կողմից իրականացած ապօրինի շինությունը:

ԱՐՄԵՆՈՒՀԻ ՀԱԿՈԲՅԱՆ

 

 

 

ՆՈՐ ՑԵՂԱՍՊԱՆՈՒԹՅՈՒՆՆԵՐԸ ԿԱՆԽԱՐԳԵԼՈՂ ԿԱՐԵՎՈՐ ԳՐԱՎԱԿԱՆ

ՙՍահմանադրական իրավունք միություն՚ կուսակցության նախագահ Հայկ Բաբուխանյանը կուսակցության անունից նամակ է հղել ՀՀ-ում Ֆրանսիայի դեսպան Անրի Ռենոյին: Նամակում ասված է.
- Մեծարգո պարոն դեսպան
ՙՍահմանադրական իրավունք միություն՚ կուսակցությունը ողջունում եւ իր երախտիքն է հայտնում Ֆրանսիայի Հանրապետությանը` Թուրքիայի կողմից կատարված հայերի Ցեղասպանությունը ժխտելու համար քրեական պատիժ սահմանելու մասին Ֆրանսիայի Սենատի կողմից ընդունած օրենքի առթիվ:
Մեծարգո պարոն դեսպան, մենք, ի սկզբանե գնահատելով եւ վստահ լինելով ֆրանսիացի ժողովրդի դավանած համընդհանուր մարդկային եւ մարդասիրական արժեքների առաքինության եւ անբեկանելիության վրա, վստահ ենք եղել, որ Ձեր երկիրը, Ձեր ժողովուրդը չի կարող անտարբեր գտնվել ուրիշի տառապանքի նկատմամբ եւ, առավել եւս, չպատժել այդ տառապանքը ծանակողներին ու ժխտողներին: Եվ այդ ժխտողներն ու ծանակողները, ովքեր հիմնականում հանդիսանում են 19-րդ դարից սկսած հայերի նկատմամբ Ցեղասպանություն իրականացնողների հետնորդները, այսօր էլ` Սեւրի պայմանագրից ավելի քան 90 տարի հետո, անտեսելով այդ իրավական ակտի դրույթները, կատարելով իրենց սեւ գործը, շարունակում են օկուպացված պահել Հայաստանի Հանրապետության տարածքները: Եթե ¥ինչպես բազմիցս հնչեց Ձեր Սենատում¤ Ցեղասպանությունը ժխտելը նույնպես ցեղասպանություն է, ապա նրանք ոչ միայն այդ կերպ, այլեւ տարատեսակ այլ միջոցներով շարունակում են իրենց մարդատյաց քաղաքականությունը: Բավական է հիշել միայն ազատ խոսքի ջատագով, հայազգի լրագրող Հրանտ Դինքի սպանությունը, էլ չենք խոսում տխրահռչակ 301-րդ հոդվածի մասին, որպեսզի պատկերացնենք, թե ինչ երանգներ եւ դրսեւորումներ է ստանում հայատյացությունը Թուրքիայում: Լինելով ցեղասպանածին պետություն` այսօր էլ նրանք, դավանելով ռասիզմի, ֆաշիզմի, նացիզմի, քսենոֆոբիայի եւ տարատեսակ այլ նսեմ արժեքների, շարունակում են աշխարհի պետությունների անտարբեր եւ այսրոպեական շահին խոնարհվող աչքի առաջ հայ ժողովրդի նկատմամբ իրենց ծրագրած Ցեղասպանությունը տանել մինչեւ վերջ: Շարունակվում է Հայաստանի Հանրապետության շրջափակումը եւ դեպի նեոօսմանիզմ ընթացող քաղաքականության ճանապարհին փորձ է արվում ոչնչացնել Արցախի ժողովրդին:
Մեծարգո պարոն դեսպան, ավարտելով մեր խոսքը` եւս մեկ անգամ ուզում ենք հավատալ, որ Ձեր երկրի ցույց տված օրինակը, որով Դուք ստորադասեցիք շանտաժը, շահը եւ պատեհապաշտությունը ճշմարտությունից եւ արդարությունից, կդառնա խթան եւ օրինակ այլ երկրների համար եւս, ինչպես նաեւ` կդառնա նոր ցեղասպանությունները կանխարգելող կարեւոր գրավական:

 

 

 

 

ՀԱԿ-Ը ԴԵՌ ՉԻ± ԿՈՂՄՆՈՐՈՇՎԵԼ

Վերջերս լուրեր էին պտտվում, որ մոտակա ընտրություններին ՀԱԿ-ի շտաբի պետ է նշանակվելու Գագիկ Ջհանգիրյանը: Լուրի հավաստիությունը ճշտելու համար փորձեցինք կապ հաստատել ՀԱԿ-ի մի շարք ներկայացուցիչների հետ, սակայն վերջիններս կամ անջատել էին բջջային հեռախոսները, կամ էլ, ով գիտե, երեւի Նոր տարվա գերծանր սեղանների պատճառով չէին կարողացել ժամանակին վճարումներ կատարել, դե, իսկ Ստեփան Դեմիրճյանը, իր սովորության համաձայն, խուսափեց մեր հարցադրումներից: Վերջապես մեզ հաջողվեց կապ հաստատել ՀՀՇ նախագահ ԱՐԱՄ ՄԱՆՈՒԿՅԱՆԻ հետ, որն էլ պատասխանեց. ՙՈչ, նման բան չկա, քանի որ Հայ ազգային կոնգրեսում չի եղել շտաբի պետի վերաբերյալ որեւէ քննարկում: Թեկնածու եւս չկա՚: Իսկ ՀԱԿ-ի վերջին խորհրդի նիստում տեղի ունեցած վեճի մասին տեղեկությունը Մանուկյանը հերքեց եւ հավելեց. ՙՆման բան չկա, ընդամենը քննարկումներ են գնում, որոնք դեռ շարունակվելու են, եւ վերաբերվում են Սասուն Միքայելյանին օգնելու եւ առաջիկա հանրահավաքները կազմակերպելու, ընտրություններին մասնակցելու վերաբերյալ: Նախընտրական ցուցակներում էլ ընդգրկվելու են այն մարդիկ, ովքեր ժողովրդի կողմից ընդունված, հարգված ու կայացած լիդերներ են: Դեռ որոշում չունենք, պետք է նշեմ, որ սա իմ մոտեցումն է: Որեւէ անուն մինչ այսօր չի քննարկվել՚:

ՍՈՍԵ ՉԱՆԴՈՅԱՆ

ՀԱՆՈՒՆ ՍՏԱՏՈՒՍ-ՔՎՈՅԻ ՊԱՀՊԱՆՄԱՆ

Երեկ Սոչիում կայացավ Սարգսյան-Մեդվեդեւ-Ալիեւ հերթական եռակողմ հանդիպումը` Ղարաբաղյան հարցի կարգավորման թեմայով: Այս ամենի վերաբերյալ ԼՂՀ նախագահի մամլո խոսնակ ԴԱՎԻԹ ԲԱԲԱՅԱՆԸ նկատեց. ՙՑանկացած նման հանդիպում ինչ-որ ձեւով նպաստում է կայունությանը ու խաղաղության պահպանմանը: Ռուսաստանի նախագահի միջնորդությամբ այդ հանդիպումը հիմնականում ուղղված է դրան: Հակամարտության շուտափույթ կարգավորումը դեռեւս շատ ու շատ վաղաժամ է ակնկալել: Սակայն իրավիճակի կայունության պահպանման տեսակետից կարեւոր է: Դա քայլ էր ստատուս-քվոյի պահպանման համար, քանի որ չկա այլընտրանք ու տարբերակ` ընդունելի բոլորի համար՚:

ՍՈՍԵ ՉԱՆԴՈՅԱՆ

 

 

 

ՕԵԿ-ԱԿԱՆ ՙԱՎՏՈՏԵՌՈՐ՚

Շրջայց կատարելով ՀՀ մի շարք քաղաքներում` փորձում էինք տեղեկանալ բնակիչներից, թե ինչ տրամադրություններ են տիրում ԱԺ ընտրություններից առաջ, եւ պատահաբար Սպիտակ քաղաքում հերթական զրույցի ժամանակ 60 տարեկան մի տղամարդ սկսեց վրդովված պատմել, թե ինչպես են իրեն վերջերս ազատել աշխատանքից: Երբ հարցրեցինք, թե կոնկրետ ինչի համար, վերջինս պատասխանեց. ՙԲա ոնց չջղայնանամ, երկար տարիներ է, ինչ աշխատում եմ Սպիտակի ավտոկայանում եւ ոչ մի օր ոչ մեկ իմ թանին թթու չի ասել, իսկ հիմա ինձ ասում են` եթե ուզում էս մնաս ու աշխատես, ուրեմն պետք է դառնաս ՕԵԿ-ի անդամ, իսկ եթե ոչ, ապա քեզ հաջողություն: Իսկ ես չեմ ուզում դառնալ էդ կուսակցության անդամը, էդ զոռով չի, էդ ցանկությունով է, ու հիմա, երբ ես հրաժարվեցի, ինձ անհիմն ազատեցին աշխատանքից: Այսօր մեր ավտոկայանում աշխատում են այն մարդիկ, ովքեր ՕԵԿ-ական են, տնօրենը սաղ իրա բարեկամներին, ովքեր ՙօրինացից՚ են, բերել, էդտեղ է տեղավորել աշխատանքի, ու հիմա ես գործազուրկ եմ՚:
Այս դիպվածն, իհարկե, որքան տարօրինակ է, այնքան ցավալի, եւ չմոռանանք, որ ՀՀ տրանսպորտի եւ կապի նախարարի պորտֆելը պատկանում է ՕԵ կուսակցությանը:

Ա. ՀԱԿՈԲՅԱՆ

 

 

 

Ո±Վ Է ԱՅՆ ՏՂԱՄԱՐԴԸ...՚
ՀԱՐՑԻՆ ՀՀՇ-Ն ՊԱՏԱՍԽԱՆ ՉՈՒՆԻ

Վարդան Այվազյանը իր վերջին ասուլիսի ժամանակ մի հարցադրում էր արել, թե արդյոք ՀԱԿ-ում կգտնվի մի տղամարդ, որը Չարենցավանի ընտրատարածքում մեծամասնական ընտրակարգով կմրցակցի իր հետ: Նույն հարցը ուղղեցինք ՀՀՇ նախագահ ԱՐԱՄ ՄԱՆՈՒԿՅԱՆԻՆ, որն էլ պատասխանեց. ՙԱյդ հարցին ես պատասխան չունեմ: Եթե նա տղամարդ է փնտրում` դա իր գործն է՚: Իսկ պատասխանի փակագծերը բացելու վերաբերյալ Մանուկյանը հավելեց. ՙԴուք տենց էլ գրեք` ինքը կհասկանա՚:
Հիշեցնենք, որ ժամանակին ՙՈ±վ է այն տղամարդը...՚ հարցադրումը Ռոբերտ Քոչարյանն ուղղել էր ամբողջ ընդդիմությանը:

ՍՈՍԵ ՉԱՆԴՈՅԱՆ

 

 

 

ԿԱՏԱՂԻ ՄԱՐՏԵՐ ՔԱՆԱՔԵՌ-ԶԵՅԹՈՒՆՈՒՄ

Ինչպես ասում են, շատը գնաց, քիչը մնաց: Հաշված օրեր ու խորհրդարանական ընտրությունների ՙտուրուդմփոց՚-ը կարելի է հայտարարել ազդարարված: Այս պահին դժվար է ասել, թե 41 ընտրատարածքներում էլ քանի հայտնի ու անհայտ անուններ ու դեմքեր ի հայտ կգան` իրենց սուտի-մուտի լոզունգներով ու ժողովրդի աչքին թոզ փչելու ՙլավագույն՚ գործով, բայց ոմանք իրենց ակտիվությամբ ու նախաձեռնողականությամբ փորձում են ՙմեջ՚ ընկնել: Այսօր խոսենք հենց այդ ՙակտիվիստների՚ մասին, որոնց մանկական երազանքներից մեկն էլ մնացել է խորհրդարան հասնելը: Եվ այսպես, Քանաքեռ-Զեյթունի թիվ 3 ընտրատարածքում մանդատ ունենալու նկատմամբ լուրջ հավակնություններ ունեն Զեյթունի նախկին թաղապետ Ռուբեն Սինոյանն ու ԴԱՀԿ պետի ՙաջ ձեռք՚, ՙՔեթրին՚ ընկերության գործադիր տնօրեն, քիչ հայտնի Քեթրինի Արտակը` ՙՉախկալ՚ մականունով, ով, ըստ պտտվող լուրերի, ուզում է պայքարի մեջ մտնել Զեյթունի նախկին թաղապետ Ռուբեն Սինոյանի հետ ու նրան ցույց տալ, թե ոնց է հաղթում իսկական տղամարդը: Դե, իսկ ԲՀԿ-ական Ռուբեն Սինոյանին էլ, ում այսօր զեյթունցիները շատ աղոտ են հիշում, քանի որ վերջինս աշխատելու փոխարեն ժամանակին միայն կյանքի ՙբուրմունք՚ էր վայելում, ով ասես կարող է ՙկրել՚...

ԳԱՅԱՆԵ ԶԱՐԳԱՐՅԱՆ

ԴԵ, ԵԹԵ ԲԻՐԴԱՆ ԲԱՐԵՐԱՐԸ ՍԿՍԵԼ Է ԲԱՆՏԻԿ ԿՏՐԵԼՈՒՑ,
ՈՒՐԵՄՆ...

Չնայած նրան, որ գործարար շերտի մի զգալի մասը պետք է ձեռ քաշի պոլիտիկայից ու գնա իր բիզնեսով զբաղվի, հարկեր ու տուրքեր վճարի, սակայն երեւում է, որ որոշ գործարարների համար պատգամավորական մանդատների վրա ՙմեղր՚ է քսած, որից հագենալ չկա ու չկա: Եվ թե հիմա որ հանգամանքից ելնելով եւ թե ինչից դրդված է, օրինակ, ՙՍԱՍ՚ սուպերմարկետների սեփականատեր Արտակ Սարգսյանը` ՍԱՍ-ի Արտակը, որոշել ոչ ավել, ոչ պակաս իր թեկնածությունը առաջադրել Արաբկիր համայնքի թիվ 5 ընտրատարածքում, փոքր-ինչ դժվար է ասել, քանի որ մի անգամ պատգամավորի աթոռի վրա տեղավորված Արտակ Սարգսյանը պիտի որ իմանա, թե ինչ է նշանակում մեծամասնական ընտրակարգով պատգամավոր դառնալն ու աշխատելը… Արտակ Սարգսյանի իմացած էն հին ՙփոստեր՚-ը չեն լինելու, որ պարոն պատգամավորը գա խորհրդարան ու բերանը ջուր առնի, նստի: Իսկ թե այսքանը իմանալով, ժամանակին ՕԵԿ-ի գրկում պատգամավոր դարձած եւ նույն ՕԵԿ-ի գրկից ՙթռիչք՚ արած Սարգսյանը ինչու է հանկարծ որոշել դեպուտատ դառնալ ու բոլոր տեղերը չափչփելուց հետո հանգրվանել այս անգամ էլ արդեն իշխող կուսակցության` ՀՀԿ-ի կողքին, սա արդեն, իրոք, հետաքրքիր է իմանալ: Ի դեպ, Արտակ Սարգսյանը արդեն ձեռնամուխ է եղել ՙժապավեն կտրելու՚ տարատեսակ արարողություններին, դե իսկ, եթե պատգամավորական նկրտումներ ունեցող այս գործարարը, բիրդան բարերարը իր ակցիաները սկսել է ՙբանտիկ՚ կտրելուց, ուրեմն կարելի է ասել, որ ճիշտ եւ ճիշտ նախընտրական ուղու վրա է, մնում է փափուկ վայրէջք կատարելն ու խորհրդարանում ՙկնոպկաներ՚-ի տեղը գտնել: Էդ էն հին խորհրդարանը չի, է, պրն Սարգսյան, էնքա¯ն բան ա փոխվել, որ էլ դու սուս:

ԳԱՅԱՆԵ ԶԱՐԳԱՐՅԱՆ

ՙԴԱ ՇԵՎԱՐԴՆԱՁԵԻ ԵՐԵՎԱԿԱՅՈՒԹՅԱՆ ԱՐԴՅՈՒՆՔՆ Է՚

Երեկ Վրաստանի նախկին նախագահ Է. Շեւարդնաձեն հանդես է եկել հայտարարությամբ, ըստ որի` Վրաստանի ներկայիս նախագահ Մ. Սահակաշվիլին պատրաստ է Իրանի հետ պատերազմելու հանուն իր պաշտոնի, իսկ դա բավականին վտանգավոր քայլ է Վրաստանի համար: Ի±նչ է սա, Շեւարդնաձեի երեւակայության արդյո±ւնք, թե± կա իրոք վտանգ այդպիսի պատերազմ սկսվելու դեպքում: Հարցի մեկնաբանության համար դիմեցինք քաղաքագետ ԼԵՎՈՆ ՄԵԼԻՔ-ՇԱՀՆԱԶԱՐՅԱՆԻՆ, ով այս առումով ասաց. ՙԻհարկե, պատերազմի վտանգը կա, բայց ես կարծում եմ, որ ոչ թե Սահակաշվիլին կմասնակցի պատերազմին, այլ թույլ կտա, որ օգտագործեն Վրաստանի տարածքը կոալիցիայի համար: Իրանը անպայման կպատժի այն երկրներին, որոնց տարածքը կօգտագործի, բայց պետք է հաշվի առնել, որ դեռ պատերազմ չի սպասվում: Ինչ վերաբերվում է Շեւարդնաձեի հայտարարությանը, ապա դա, իհարկե, երեւակայության արդյունք է, ինչպես նաեւ` ներքաղաքական նպատակներով է ասված՚:

Ա. ՀԱԿՈԲՅԱՆ

ՙՔԱՂԱՔԱԿԱՆ ԴԱՇՏՈՒՄ ԲՈԼՈՐԸ ՄՐՑԱԿԻՑ ԵՆ՚

Երեկ ԱԺ փոխխոսնակ Է. Շարմազանովը իր ասուլիսի ժամանակ հնչեցրած այն հարցին, թե հնարավոր է, որ մի օր ՀՀԿ-ին բոլորը դեմ լինեն, վերջինս պատասխանել է, որ նոր չէ, որ բոլորը դեմ են ՀՀԿ-ին: Արդյոք սա չի± նշանակում, որ ՀՀԿ-ին դեմ են նաեւ ԲՀԿ-ն եւ ՕԵԿ-ը հարցով` դիմեցինք ԱԺ ՀՀԿ խմբակցության քարտուղար ԳԱԳԻԿ ՄԵԼԻՔՅԱՆԻՆ, ով տվեց հետեւյալ մեկնաբանությունը. ՙԴա նշանակում է, որ քաղաքական դաշտում բոլորը իրար մրցակիցներ են, եւ յուրաքանչյուրն ամեն բան անում է իր համար, եւ մեզ համար շատ կարեւոր է, որ ժողովուրդն է մեզ հետ՚:

Ա. ՀԱԿՈԲՅԱՆ

 

 

 

Հայկ Բաբուխանյան. ՀՀԿ-ի հետ մերձեցման հնարավորություն տեսնում ենք

Լրագրողների հետ հանդիպման ժամանակ անդրադառնալով ՀՀԿ ցուցակում իր հայտնվելու հավանականությանը ՍԻՄ նախագահ Հայկ Բաբուխանյանն ասել է. «Այս պահի դրությամբ ՍԻՄ-ը ՀՀԿ-ի կամ այլ կուսակցության հետ որևէ բանակցություններ չի վարում և ես չեմ կարող հաստատել շրջանառվող լուրերը»:
Միաժամանակ ՍԻՄ նախագահն ընդգծել է, որ ՍԻՄ-ի և ՀՀԿ-ի դեպքում համագործակցությունը ձևավորվել է դեռ 1989թ. «Մեր համագործակցությունը շատ փայլուն էջեր ուներ, դաշինքներ ենք ունեցել: ՍԻՄ-ի համար և, կարծում եմ, նաև ՀՀԿ-ի համար ամենակարևորը գաղափարական ընդհանրությունն է: Մենք երկուսս ազգային պահպանողական գաղափարախոսությունն ենք ներկայացնում ու տեսնում ենք որ ունենք մերձեցման հնարավորություն ՀՀԿ-ի հետ»:
Հայկ Բաբուխանյանը նաև նշել է այն կուսակցությունները, որոնց հետ բացառում է համագործակցությունը. «Առաջին հերթին և ամենաբացառիկ ձևով բացառում ենք համագործակցությունը ՀԱԿ-ի հետ: ՀԱԿ-ը 5-րդ շարասյուն է և կատարում է այլ երկրների պատվերներ: ՀԱԿ-ի հետ որևէ պարագայում ՍԻՄ-ը չի նստի բանակցությունների: Բացառությունների մեջ ՀԱԿ-ի կողքին կդնեմ Ժառանգությանը` նույն հիմնավորումով»:
Մնացած բոլոր կուսակցությունների հետ Հայկ Բաբուխանյանը չի բացառել համագործակցությունը առանձին հարցերի շուրջ. «ՀՅԴ-ի հետ լոկալ համագործակցությունը հնարավոր համարում ենք, բայց ընտրություններին միասին գնալը` չենք բացառում»:
Ինչ վերաբերում է չթվարկված ուժերին, ՍԻՄ նախագահը նրանց հետ ընտրություններին միասնաբար հանդես գալը չի բացառել, սակայն վերջնական որոշումը պետք է կայացնի կուսակցությունը:

emedia.am 27.01.12

 

 

 

Համամասնական-մեծամասնական թեման արհեստական է. ՍԻՄ նախագահ

«Համամասնական-մեծամասնական թեման արհեստական է»,- «Պոստ Սկրիպտում» ակումբում, անդրադառնալով 100% համամասնական ընտրակարգին անցնելու ընդդիմության նախաձեռնությանը, ասել է ՍԻՄ նախագահ Հայկ Բաբուխանյանը ու նշել, որ այն չի բխում քաղաքական դաշտի զարգացվածության աստիճանից:
«Չէի ասի, որ այդ հարցը բարձրացնող կուսակցությունները կկարողանան ապահովվել շրջանների ներկայացվածությունը խորհրդարանում: Oրինակ «Ժառանգությունը» Երևանից դուրս գրեթե գոյություն չունի: Չէի ասի նաև, որ այն ցուցակները, որոնք մինչ օրս կազմվել են կուսակցությունների կողմից` անթերի են: Նույն Դաշնակցությունում եղել են մարդիկ, ովքեր հայտնի չեն հասարակությանը: Հաճախ տպավորութուն է ստեղծվում, որ համամասնական ցուցակներում ընգրկվում են բիզնեսի ներկայացուցիչներ այդ կուսակցություններին ֆինանսավորելու համար»,- ասել է ՍԻՄ նախագահը:
Բացի այդ, ըստ նրա, կուսակցության ցուցակներով խորհրդարանում հայտնվում են մարդիկ, «ովքեր սկսում են հետագայում այցելել արտերկիր ու դասընթացներ անցնել անգլիաներում, լինելով ՀՀ ԱԺ պատգամավոր».
«Կան օրինակներ, գնում են ամիսներով Անգլիա, հետո գալիս են ու արտահայտում են այդ երկրների դիրքորոշումները, դառնում են ագենտ»,- ընդգծել է Հայկ Բաբուխանյանն ու հավելել, որ 100% համամասնական ընտրակարգին անցնելու շուրջ աղմուկը` աղմուկ է մի 2-3 ավել տեղ կորզելու համար:

emedia.am 27.01.12

 

 

 

 

Հայկ Բաբուխանյանը եւ Արտաշես Գեղամյանը չբացառեցին ՀՀԿ համամասնական ցուցակում հայտնվելու հավանականությունը

Հունվար 26, 2012 | 03:31
«Սահմանադրական իրավունք» միության նախագահ Հայկ Բաբուխանյանը, Քրիստոնեա-դեմոկրատական միության նախագահ Խոսրով Հարությունյանը եւ «Ազգային միաբանության» նախագահ Արտաշես Գեղամյանը NEWS.am-ի թղթակցի հետ զրույցում հերքեցին ՀՀԿ համամասնական ցուցակում արդեն իրենց տեղերն ունենալու մասին տեղեկությունները: «Ազգային միաբանության» նախագահ Արտաշես Գեղամյանը NEWS.am-ի թղթակցի հետ զրույցում ասաց, որ ՀՀԿ-ի խորհրդի անդամներն այսօր էլ հայտարարել են, որ այդ հարցը դեռ չի քննարկվել: «Ուստի ես չեմ կարող մեկնաբանել այդ լուրը հրապարակած թերթի սկզբնաղբյուրների հավանական լինելու հարցը»,- ասաց Արտաշես Գեղամյանը:
Հարցին, թե դուք բացառո՞ւմ եք ձեր` ՀՀԿ համամասնական ցուցակով հայտնվելու հավանականությունը, նա պատասխանեց. «Մեր փոթորկահույզ պայմաններում ոչ մի բան բացառել չի կարելի»:
ՍԻՄ նախագահ Հայկ Բաբուխանյանը NEWS.am-ի թղթակցի հետ զրույցում ասաց, որ ՀՀԿ-ի հետ այս պահին որեւէ պաշտոնական եւ ոչ պաշտոնական բանակցություններ ընտրությունների վերաբերյալ չեն վարում: «ՀՀԿ-ի հետ մենք ունենք գաղափարական ընդհանրություն` որպես ազգային, պահպանողական ուժեր, դեռ 1989թ մենք համատեղ աշխատել ենք, համագործակցություն ենք ունեցել, մասնակցել ենք ընտրություններին, 1992թ ես ղեկավարել եմ ՀՀԿ-ի պաշտոնաթերթը: Այդ կուսակցության հետ համագործակցությունը համարում եմ շատ բնական եւ չեմ բացառում ՀՀԿ-ի հետ ավելի սերտ համագործակլցությունը ընտրությունների հետ կապված,սակայն առայժմ նման բան չկա»,- ասաց Հայկ Բաբուխանյանը:
Ի տարբերություն Արտաշես Գեղամյանի եւ Հայկ Բաբուխանյանի` այս հարցը լսելով վրդովվեց եւ իրեն ոչ ադեկվատ դրսեւորեց ՔԴՄ նախագահ Խոսրով Հարությունյանը: Նա նշեց, որ չի կարող որեւէ մեկնաբանություն տալ, իսկ երբ հետաքրքրվեցինք, թե ինչո՞ւ որեւէ մեկնաբանություն չի կարող տալ, չէ՞ որ անմիջապես իր հետ է կապված, նա զայրացավ ու պարզապես անջատեց հեռախոսը:
Նշենք, որ «Երկիր» թերթը գրել էր, որ ՀՀԿ համամասնական ցուցակում իրենց տեղերն արդեն ունեն ՍԻՄ նախագահ Հայկ Բաբուխանյանը, եւ ԱՄԿ նախագահ Արտաշես Գեղամյանը: «Ըստ մեր աղբյուրների՝ դժվար է Վազգեն Մանուկյանի հարցը: Շշուկներ կան, որ ՀՀԿ ղեկավարությունը փոշմանել է նրան խորհրդարան բերելու մտադրությունից: Փակված է ՀՀԿ-ի համամասնական ցուցակում ԱԻՄ նախագահ Պարույր Հայրիկյանին ընդգրկելու հարցը»,-գրել է «Երկիր»-ը:

news.am

 

 

 

Հայկ Բաբուխանյանը դեմ չէ «Պուտին» ակումբի ստեղծմանը

Այսօր ԱՊՀ երիտասարդական միությունը հաղորդագրություն էր տարածել, որում նշել էր, որ մի քանի քաղաքական ուժեր արդեն սատարում են իրենց նախաձեռնությունը Հայաստանում «Պուտին» ակումբների ստեղծման առումով, այդ թվում՝ Հայկ Բաբուխանյանի ՍԻՄ կուսակցությունը։ Հաշվի առնելով այն փաստը, որ նշված քաղաքական ուժերից ևս մեկը՝ Արամ Գասպարի Սարգսյանը ժխտել է իր և իր կուսակցության՝ այդ նախաձեռնությանը սատարելը, ԼՈՒՐԵՐ.com–ը փորձեց ՍԻՄ նախագահից ճշտել, թե ի՞նչ առնչություն ունի ինքն այդ ամենին։ Հ.Բաբուխանյանը ևս հերքեց տեղեկություններն այն մասին, որ ինքն աջակցում է «Պուտին» ակումբի ստեղծմանը և ոչ մի կապ կամ նախնական պայմանավորվածություն չունի նախաձեռնությունն իրականացնողների հետ։ Վեջինս, սակայն, նշեց, որ ակումբի ստեղծմանը դեմ չէ։
- Ինչքան որ ես մամուլից տեղյակ եմ այդ ակումբի նպատակների և գործելաոճի վերաբերյալ, ապա կարծում եմ, որ բանավեճային ակումբ է լինելու, իսկ բանավեճը, իհարկե, գտնում եմ, որ դրական երևույթ է։ Ինչքանով մենք փորձենք բանավիճել, այնքանով կունենանք ինչ–որ հետաքրքիր արդյունքներ այդ բանավեճերի, եթե այդ բանավեճերը կլինեն պատշաճ, գիտական և քաղաքական մակարդակի վրա։ Կարծում եմ, որ այստեղ, ինչքանով, որ ես տեղեկացել եմ մամուլից, որովհետև այս նախաձեռնության հետ կապ չունեմ, այդ նախաձեռնության մասնակիցների հետ որևէ խոսակցություններ կամ քննարկումներ չեմ ունեցել երբևէ։ Պարզապես կարծում եմ, որ այդ ակումբները պետք է քննարկեն հայ–ռուսական հարաբերությունները, Հայաստանի մասնակցությունը ՀԱՊԿ–ին, նախագահ Պուտինի կողմից առաջ քաշված այն գաղափարը, որը վերբերում է Եվրասիական միությանը, և բազմաթիվ հարցեր, որոնք վերաբերում են Հայաստանի քաղաքական օրակարգին։ Եթե դա լինի նորմալ բանեավեճային հարթակ, ապա գտնում եմ, որ դա մեզ օգուտ կբերի։ Այլ բան է, որ մի փոքր զարմացա, որ հենց հանրապետության ղեկավարի անունով է բանավեճային ակումբը անվանվել։ Բայց դա էլ երևի թե, քանի որ դա մեզ բարեկամ պետություն է, մեզ ստրատեգիական գործընկեր պետություն է, երևի այդքան սարսափելի որևէ բան դրա մեջ չկա։ Հրապարակային եղել է իմ այն վերաբերմունքը, որ ես գտնում եմ, որ այդ ակումբները կարող են նաև օգուտ տալ մեր հասարակական կարծիքի ձևավորմանը, մշակմանը, բանավեճային ինչ–որ հիմքի ստեղծմանը...
- Իսկ ռուսական գործոնի ազդեցությունն այդ դեպքում մեծ չի՞ լինի մեր հասարակական կարծիքի ձևավորման հարցում։
- Կարծում եմ, որ բանավեճային ակումբները նրա համար են, որ այստեղ բանավեճ լինի և եթե այդ բանավեճում կլինեն կողմ կարծիքներ, կլինեն դեմ կարծիքներ, եթե մի հատ էլ Սարկոզիի ակումբ ստեղծվի, ես էլի դեմ չեմ լինի, եթե այդտեղ էլ Հայաստանի քաղաքական օրակարգը քննարկվի, բանավեճ լինի և այլն։ Մենք խոսում ենք մեր բարեկամ պետության մասին, կարծում եմ, որ մեկ ակումբ կամ մեկ բանավեճային հարթակ ավելանա կամ պակասի, դրանով չէ, որ Ռուսաստանի հետ մեր սերտ հարաբերությունները ձևավորվում են, այլ մենք ունենք և՛ միջպետական շատ սերտ հարաբերություններ, և՛ ՀԱՊԿ–ի շրջանակներում շատ սերտ հարաբերություններ, և՛ ԱՊՀ շրջանակներում։ Այսինքն՝ չեմ կարծում, որ մեկ բանավեճային ակումբ այդքան մեծ ազդեցություն կարող է ունենալ, որպեսզի այդքան լուրջ համագործակցության շրջանակները դնենք մի կողմ, ասենք, որ այդ ակումբը իր գերակշռությամբ կգերազանցի։
- Լավ, պարոն Բաբուխանյան մամուլում նաև կարծիք է շրջանառվում, որ դա մեր «ստրկամիտ եղբայրասիրության» դրսևորումներից մեկն է, և որ դա հյուծում է Հայաստանի պետական ու հասարակական պոտենցիալը։ Ձեր արձագանքը դրան։
- Կտրականապես դեմ եմ այդպիսի կարծիքների։ Ես դա կանվանեի բանավեճային ակումբը կանվանեի «հայ–ռուսական բարեկամության ակումբ» կամ «հայ–ռուսական քաղաքական օրակարգի ակումբ»։ Բայց կարելի է նաև անվանել «Պուտինի» ակումբ։ Եթե դա լիներ ինչ–որ մեզ թշնամի պետություն, որը չէր ճանաչել Հայոց ցեղասպանությունն առաջիններից մեկը, որը որ մեզ հետ չլիներ ստրատեգիական դաշնակից և այլ, ես գուցե կմտածեի, որ դա շատ տարօրինակ է։ Բայց տվյալ դեպքում, որևէ ստրկամտության մասին խոսելն ավելորդ է, որովհետև խոսքը գնում է կոնկրետ հայ–ռուսական բարեկամության մասին, իսկ բարեկամությունը, եթե ոմանց մոտ որպես ստրկամտություն է ընկալվում, դա՝ իմ կարծիքով, այդ մարդկանց նախապես պատվիրված կարծիքի ձևավորման արդյունք է։
- Պարոն Բաբուխանյան, իսկ եթե դուք նախնական համաձայնություն չունեք այդ ակումբի նախաձեռնողների հետ, որտեղից է գալիս ձեր այդպիսի համոզվածությունը, որ դա հենց բանավեճային հարթակ է լինելու և ոչ թե քարոզչամեքենայի մի մաս։
- Ես, ինչպես երևի, և դուք, մամուլի հրապարակումներից եմ տեղեկացել, թե ինչ ծրագրեր ունի այդ ակումբը։ Եթե դա այն է, ինչը որ ես պատկերացնում եմ, ինչ որ գրված է մամուլում, այսինքն՝ բանավեճային ակումբ, որտեղ քննարկվելու են հայ–ռուսական հարաբերությունները, ապա իմ վերաբերմունքն այսպիսին է։ Իսկ եթե դա այլ նպատակներ ունի, որոնց ես տեղյակ չեմ, որովհետև, էլի եմ ասում, ես ոչ մեկի հետ չեմ խոսել, նախաձեռնության հետ որևէ առնչություն չունեմ, ապա դա իհարկե այլ ձևով պետք է քննարկել, տեսնենք՝ այդ ինչ նպատակներ են, լավն են, վատն են։ Այն, ինչ մինչ այժմ հնչել է մամուլում, դա նորմալ է։ Ես ուղղակի ասեմ, որ միգուցե շփոթմունք է եղել։ Ես ԱՊՀ երկրների գլխավոր խմբագիրների ակումբի խորհրդի անդամ եմ, Հայաստանն եմ ներկայացնում այդ խորհրդում։ Հավանաբար ինչ–որ տեղ սխալմունք է եղել, շփոթմունք է եղել այդ ակումբի և «Պուտին» ակումբի միջև։ Բայց այդ երկու ակումբները բացարձակապես ոչ մի առնչություն չունեն։

Օվսաննա Գևորգյան
lurer.com

 

 

 

ՀՌԱԿ ատենապետը “նորմալ է” վերաբերվում «Պուտին» ակումբին, ՍԻՄ նախագահը եւս «դրանում վատ բան չի տեսնում»

Երեւան: Մեդիամաքս: "Սահմանադրական իրավունք” միության /ՍԻՄ/ նախագահ Հայկ Բաբուխանյանը այսօր Մեդիամաքս-ին ասել է, որ «առնչություն չունի «Պուտին» ակումբի հետ ու թերեւս այնքան էլ ճիշտ չէ ասել, որ ինքն «աջակցել է» այդ գաղափարին:
“Մի փոքր զարմանալի է, որ այլ պետության ղեկավարի անունով ակումբ է ստեղծվում, նույն տրամաբանությամբ կարելի է նաեւ, օրինակ, Սարկոզիի անունով ակումբ բացել: Բայց եթե խոսքը գնում է մեր բարեկամ երկրի, մեր ռազմավարական գործընկերոջ ապագա նախագահի քաղաքական վերլուծությունների, իր բավականին հետաքրքիր պլատֆորմի, վերջին շրջանում նրա հրապարակումների եւ Եվրասիական միության գաղափարախոսության մասին լուրջ քննարկումների մասին, եւ եթե այն գործի որպես բանավիճային ակումբ, ես դրա մեջ վատ բան չեմ տեսնում”,- Մեդիամաքս-ին ասել է Հայկ Բաբուխանյանը:
Իսկ Ռամկավար-Ազատական կուսակցության /ՌԱԿ/ ատենապետ Հարություն Առաքելյանը Մեդիամաքս-ին ասել է, որ նորմալ է վերաբերվում «Պուտին» ակումբի ստեղծման գաղափարին եւ իսկապես աջակցություն է հայտնել դրան:
“Կուսակցությունում առանձին որոշում չի կայացվել, քանզի խոսքը ազատ հասարակական նախաձեռնության մասին է, բայց իմ համակիրներից եւ ընկերներից որեւէ մեկը դեմ չէ նման նախաձեռնությանը, քանի որ ակումբի միջոցով հնարավորություն է ստեղծվելու ծանոթանալ Եվրասիական միության ծրագրերին նույնիսկ այն մարդկանց համար, որոնք թշնամանքով են վերաբերվում դրան: Հետեւաբար, նորմալ եմ գնահատում այս նախաձեռնությունը: Եթե Հայաստանում գործում են տարատեսակ արեւմտյան խմբակներ, եւ վերջերս հայտարարվել է, որ բացվելու է Կոնրադ Ադենաուերի քաղաքական ակումբ, ես գտնում եմ, որ “Պուտին” ակումբի գաղափարը շատ նորմալ է”, - Մեդիամաքս-ի հետ զրույցում նշել է Հարություն Առաքելյանը:
“ԱՊՀ երկրների երիտասարդական միության” այսօր տարածած հաղորդագրության մեջ ասվում էր, որ «Պուտին» ակումբ հիմնելու գաղափարին սատարել են տասնյակ հասարակական գործիչներ ու կազմակերպություններ, ինչպես նաեւ երեք քաղաքական ուժերի առաջնորդներ` Հայաստանի Դեմոկրատական կուսակցության նախագահ Արամ Սարգսյանը, «Սահմանադրական իրավունք» միության նախագահ Հայկ Բաբուխանյանն ու Ռամկավար-ազատական կուսակցության նախագահ Հարություն Առաքելյանը»:
Հայաստանի Դեմոկրատական կուսակցության նախագահ Արամ Սարգսյանն այսօր ավելի վաղ հերքել էր լուրն այն մասին, որ ինքը աջակցություն է հայտնել «Պուտին» ակումբ հիմնելու գաղափարին:

mediamax.am

 

 

 

Հայկ Բաբուխանյանը ողջունում է «Պուտին» ակումբների ստեղծումը

Ակումբների նպատակը ՌԴ վարչապետ, նախագահի թեկնածու Վլադիմիր Պուտինի գաղափարների մասսայականացումն է, մասնավորապես` ռուս-հայկական հարաբերությունների, երկու ազգերի ընդհանուր հաղթանակների, ԵվրԱզԷՍ համայնքի ստեղծման, ինչպես նաև աճող սերնդի դաստիարակության վերաբերյալ:

maxinfo.am

 

 

 

Հայկ Բաբուխանյանը չի բացառել ընտրություններին ՀՀԿ–ի հետ համագործակցության հնարավորությունը

Մամուլում տեղեկություններ կան, որ «Սահմանադրական իրավունք միություն» կուսակցության նախագահ Հայկ Բաբուխանյանը կարող է ընդգրկվել ՀՀԿ համամասնական ցուցակում։
«7օր»-ի հետ զրույցում Հայկ Բաբուխանյանը նշել է, թե ՍԻՄ կուսակցության և ՀՀԿ-ի միջև այս պահին ընտրություններին հանդես գալու վերաբերյալ որևէ պաշտոնական բանակցություն չկա։
Հարցին, թե հավանականությո՞ւն էլ չկա, որ նման բան կլինի, նա պաստասխանել է.
–Այն, որ ՍԻՄ–ն ու ՀՀԿ–ը, սկսած 1989–90թթ., ներկայացրել են ազգային պահպանողական գաղափարախոսությունը, համագործակցել են միմյանց հետ, դաշինքներով մասնակցել են տարբեր ընտրությունների, և այն, որ անձամբ ես և մեր կուսակցության մի շարք ղեկավար անձինք ժամանակին ղեկավարել են ՀՀԿ–ի թերթը, ցույց է տալիս, որ մեր կուսակցություններն ունեն գաղափարական մերձեցման դաշտ, և դա չի բացառում մեր ավելի սերտ համագործակցությանը։
Ըստ Հայկ Բաբուխանյանի՝ ՍԻՄ կուսակցությունը դեռ չի որոշել, թե ինչ ձևաչափով է մասնակցելու ընտրություններին։
–Հավանաբար փետրվարի վերջին կլինի մեր կուսակցության հերթական համագումարը, որը և կճշտի կուսակցության մասնակացության ձևաչափը, բայց այն, որ կուսակցությունը հաստատ մասնակցելու է ընտրություններին, պարտադիր է,–ասել է նա։

7or.am

 

 

 

 

ՀՈՒՅՍ ՈՒՆԵՆ ԱՎԵԼԱՑՆԵԼ ՄԱՆԴԱՏՆԵՐ ՎԱՃԱՌԵԼՈՒ ՀՆԱՐԱՎՈՐՈՒԹՅՈՒՆՆԵ՞ՐԸ ՙ

Հարցազրույց «Սահմանադրական իրավունք» միության նախագահ ՀԱՅԿ ԲԱԲՈՒԽԱՆՅԱՆԻ հետ
   
   -Պարոն Բաբուխանյան, բացարձակ համամասնական ընտրակարգին անցնելն իրո՞ք նախընտրական փուլի ամենակարեւոր քաղաքական պահանջն է: 
   -Եթե 100 % համամասնական ընտրակարգին անցնելու խնդիրը դիտենք ոչ թե տեսական, այլ կոնկրետ քաղաքականության դիրքերից, ապա օբյեկտիվորեն հարց է առաջանում, թե այս պահանջը ներկայացնողներն ինչպե՞ս են օգտագործել համամասնական ընտրակարգը նախկինում: Այս դիտակետից պարզ է դառնում, որ, օրինակ, այդ կուսակցությունների համամասնական ցանկերում շատ տարօրինակ անձինք են հայտնվել, ովքեր երբեւէ քաղաքականության հետ կապ չեն ունեցել, բայց եղել են բիզնեսի ոլորտի մարդիկ: 
   Ստացվում է, որ այս կուսակցությունները իրենց համամասնական ցուցակներում ներգրավումներ են կատարել ոչ թե քաղաքական դաշտը զարգացնելու, այլ կուսակցության ֆինանսական վիճակը բարելավելու նկատառումներով: 
   ՀԱԿ-ի պարագայում զավեշտալի է խոսել ժողովրդավարական ընտրությունների կամ համամասնական ընտրակարգի նախապատվության մասին, քանի որ այս ուժը երբ դեռ իր անունից չէր հրաժարվել ու իր անցյալը մոռացության չէր տվել, մեր երկրում ընտրակեղծարարության հիմնադիրն էր եւ բացարձակ մեծամասնական ընտրակարգի մարտնչող պաշտպանը: Հիմա ՀԱԿ կոչվող ՀՀՇ-ի իշխանության օրոք հենց ՍԻՄ ու Հանրապետական կուսակցություններն էին պայքարում համամասնական ընտրակարգը ներմուծելու եւ այն գերակշռող դարձնելու համար: 
   Բացարձակ համամասնական ընտրակարգին անցնելը չի կարող ընկալվել ու համարվել քաղաքական լուրջ պահանջ, ճակատագրական խնդիր, քանի որ չունի իրոք քաղաքական նպատակադրություն եւ պայմանավորված չէ հասարակական պահանջարկով: Իսկ ընդհանրապես երկու ընտրակարգերն էլ ունեն իրենց դրական ու բացասական դրսեւորումները, եւ երկրում տվյալ պահին գործող ընտրական մեխանիզմները պայմանավորվում են քաղաքական, կուսակցական համակարգերի զարգացվածության աստիճանով:
   -Ինչո՞ւ են ընդդիմադիր որոշ ուժեր այդչափ կարեւորում նոր ընտրակարգի անցնելու հանգամանքը: 
   -Պարզապես այդ ընդդիմադիր ուժերն այնքան սնանկ են քաղաքականապես, որ ընդունակ չեն ավելի լուրջ ու կարեւոր խնդիրների հետամուտ լինել, դրանք դարձնել հասարակության քննարկման առարկա: Անհրաժեշտ եմ համարում շեշտել, որ մեր քաղաքական բազմակուսակցական համակարգը, ցավոք, այն աստիճանի զարգացած չէ, որ հնարավոր լինի ամբողջությամբ հրաժարվել մեծամասնական ընտրակարգից: Քսան տարին շատ կարճ ժամանակ է առողջ ու կայացած կուսակցական-քաղաքական համակարգ ունենալու համար: 
   Իսկ եթե որոշ կուսակցություններ համամասնական տեղերն ավելացնելու միջոցով հույս ունեն մեծացնել մանդատներ վաճառելու իրենց հնարավորությունները, ապա ազնիվ չէ այդ մերկանտիլ շահերը ներկայացնել որպես ազգափրկիչ ծրագիր: 
   Մասնավորապես «Ժառանգության» ցանկը դիտարկելու դեպքում ակներեւ է, որ ընդգրկված են անձինք, ովքեր «պարում ու երգում են» հիմնականում անգլիական «դուդուկների» տակ: Որպես Հայաստանի քաղաքացի, ես ուղղակի դեմ եմ, որ մեր երկրում նման գործունեություն ծավալող անձինք կուսակցական տարբեր ընտրացուցակներ խցկվելու հնարավորություն ունենան եւ պատգամավորի մանդատ ստանալուց հետո դասընթացներ անցնեն Լոնդոնում կամ այլ օտարերկրյա կենտրոնակայանում: 
   Եթե «Ժառանգությունը» ունենար իր կառույցները, գրասենյակները մարզերում, ապա կհամարեի, որ համամասնական ընտրակարգին անցնելու նրանց պահանջը արդարացված է ինչ-որ ձեւով: Մինչդեռ փաստ է, որ բոլոր մարզերում ու համայնքներում կուսակցական կառույցներ ունեն թերեւս միայն Հանրապետական ու «Բարգավաճ Հայաստան» կուսակցությունները: 
   Հայտնի է նաեւ, որ բոլոր համայնքների, սահմանամերձ գյուղերի համաչափ զարգացման խնդիրն առաջադրել է երկրի նախագահը, ինչը իրոք ճակատագրական նշանակություն ունի ողջ պետության համար: Իսկ այդ պարագայում մեծամասնական ընտրակարգը պահպանելը ռազմավարական անհրաժեշտություն է դառնում: 
   -Համաձայն չե՞ք պնդմանը, որ մեծամասնականով ընտրվում են թաղային հեղինակություններն ու օլիգարխները: 
   -Փաստորեն այդպես չէ, քանի որ նման անձինք պատգամավորական մանդատ ստանում են ցանկացած ընտրակարգով: Այդպիսի պնդում կատարող ընդդիմադիր ուժերը, ըստ էության, խոստովանում են, որ ոչ մի ընտրատարածքում չեն կարող առաջադրել թեկնածու, որը հաջողության հասնելու համար բավարար քաղաքական հեղինակություն է վայելում: 
   Հիշեցի մի տխուր պատմություն նախորդ ընտրություններից, երբ Րաֆֆի Հովհաննիսյանը Թալինի գյուղերում դռնեդուռ ընկավ, բայց չկարողացավ պատշաճ քվեներ ստանալ: 
   Իհարկե, ամեն համայնքում այդ ընդդիմադիրները կարող են իրենց հեղինակության համեմատ՝ 2-3% ստանալ, սակայն մեծամասնական ընտրակարգով հաջողության հասնելու արդարացված հավակնություններ, իրոք, չեն կարող ունենալ: 
   Միանգամայն բնականոն է, որ մեծամասնական ընտրակարգով առավելագույն քվեներ ստանում են այն քաղաքական ուժի թեկնածուները, որոնք առավելագույն ձայներ են հավաքում համամասնական ընտրակարգով: Եթե հակառակը լիներ եւ որեւէ կուսակցության մեծամասնական թեկնածու ստանար քվեների մեծամասնությունը, երբ կուսակցությունն ստացել է զգալիորեն պակաս քվեներ, նոր միայն կարող էին կասկածներ առաջանալ, թե ընտրողի հավաքական կարծիքը սխալ է արտահայտված:
   -Լուրեր են շրջում, թե ընտրությունների ժամանակ ՍԻՄ-ը համագործակցելու է ՀՀԿ-ի հետ։
   -Հանրապետականի ու ՍԻՄ-ի միջեւ այս պահին որեւէ պաշտոնական բանակցություններ չկան: Այլ բան է, որ ՀՀԿ-ն ու ՍԻՄ-ը ստեղծման օրվանից նույն գաղափարական՝ ազգային-պահպանողական դաշտում են: ՀՀԿ-ն ու ՍԻՄ-ը նորանկախ Հայաստանի առաջին կուսակցություններից են եւ մշտապես շատ սերտորեն են համագործակցել: 
   Եթե որոշ վերլուծաբաններ ենթադրում են, որ ՍԻՄ-ը կարող է ընդգրկվել Հանրապետականի ընտրացանկում, ապա հավանաբար այս գործոններն են նկատի առել: ՍԻՄ-ը, անկասկած, մասնակցելու է խորհրդարանական ընտրություններին, իսկ ձեւաչափը կհստակեցնի ՍԻՄ համագումարը: Մեկ ամիս անց ամեն ինչ պարզ կլինի։

Հայոց աշխարհ 24.01.12թ.

ՔԱՂԱՔԱԿԱՆ ՍՆԱՆԿՈՒԹՅՈՒՆԸ ԲԱՑԱՀԱՅՏ Է

 «Ինքնին հասկանալի է, որ 100 տոկոս համամասնական ընտրակարգի դեպքում մի կերպ նվազագույն շեմը հաղթահարած ընդդիմադիր ուժը ավելի շատ՝ 2 կամ 3 մանդատ ավելի կստանա, քան գործող կարգի պարագայում:
   Եթե ընդդիմության բարձրացրած ողջ աղմուկը 6-ի փոխարեն 8 մանդատ ստանալն ու յուրայինների համար երկու նոր աշխատատեղ ստեղծելն է, ուրեմն ընդդիմութան քաղաքական սնանկությունը բացահայտ է: 
   Իսկ եթե ընդդիմությունն, իրոք, հավատացած լիներ, որ կարող է ժողովրդի վստահության քվեն ստանալ, ապա հենց մեծամասնական ընտրակարգի կողմնակից կլիներ»,- մեր թղթակցի հետ զրույցի ընթացքում ասաց «Սահմանադրական իրավունք» միության նախագահ ՀԱՅԿ ԲԱԲՈՒԽԱՆՅԱՆԸ:

Հայոց աշխարհ 24.01.12թ.

 

Ընտրություններ -2012. ՍԻՄ-ը հստակություններ կմտցնի

«Սահմանադրական իրավունք միություն» կուսակցությունը մասնակցելու է գալիք խորհրդարանական ընտրություններին: Այս մասին Panorama.am-ի հետ զրույցում անդրադառնալով մայիսին կայանալիք խորհրդարանական ընտրություններին, ասաց կուսակցության նախագահ Հայկ Բաբուխանյանը:

Վերջինս պատասխանելով այն հարցին, թե ի՞նչ ձևաչափով է պատրաստվում մասնակցել ընտրություններին, նշեց, որ «ձևաչաձի վերաբերյալ քննարկումները կուսակցության ներսում ընթանում են, և դեռևս վերջնական որոշում չի կայացվել:

Նախնական որոշման համաձայն՝ փետրվարի սկզբին կուսակցությունում տեղի կունենան համապատասխան մարմինների նիստեր, և հետագա գործելակերպի մեջ հստակություն կմտցվի»:

Աղբյուր` Panorama.am

 

 

ԹՈՒՐՔ-ԱԴՐԲԵՋԱՆԱԿԱՆ ՆԱՑԻԶՄԸ ՊԵՏՔ Է ՊԱՏԺՎԻ

Հունվարի 19-ին ՍԻՄ կուսակցության ակտիվի նիստին նախագահ ՀԱՅԿ ԲԱԲՈՒԽԱՆՅԱՆԸ ներկայացրեց կուսակցության նախաձեռնությունների այն դրույթները, որոնք մշակել է կուսակցությունը հայ-ադրբեջանական ու հայ-թուրքական փոխհարաբերությունների վերաբերյալ:
Եվ այսպես, ՍԻՄ կուսակցությունը գտնում է, որ մոտակա ժամանակներս ՀՀ խորհրդարանը պետք է ընդունի երկու կարեւորագույն օրենք: Առաջին օրենքը կուսակցությունն առաջարկում է անվանել ՙ1988-92ԹԹ. ԱԴՐԲԵՋԱՆՈՒՄ ԵՎ ԱԴՐԲԵՋԱՆԻ ԿՈՂՄԻՑ ՕԿՈՒՊԱՑՎԱԾ ՀՀ ԵՎ ԼՂՀ ՏԱՐԱԾՔՆԵՐՈՒՄ ՀԱՅԵՐԻ ՑԵՂԱՍՊԱՆՈՒԹՅԱՆ ՄԱՍԻՆ՚: Ըստ Հ. Բաբուխանյանիª այդ օրենքի իմաստը եւ նպատակը հետեւյալն է. ՙԱյս օրերին, ինչպես գիտենք, 22 տարի առաջ Բաքվում սկսվեց հայերի ջարդը: Ջարդեր տեղի ունեցան Սումգայիթում, Գանձակում, Շահումյանում եւ այլուր` ամբողջ Ադրբեջանում: Ադրբեջանական բանակը, երբ գրավեց ԼՂՀ-ի մի շարք տարածաշրջաններ եւ ՀՀ-ի Արծվաշենի ենթաշրջանը, այդտեղ եւս հայերը ենթարկվեցին ցեղասպանության: Այդ ամենը մենք պետք է տեսնենք որպես Ադրբեջանի ղեկավարության կողմից իրականացվող նախապես մշակված ծրագիր եւ տանք դրա քաղաքական ու իրավական գնահատականը, որը Ցեղասպանությունն է: Ինչպես գիտեք, ՀՀ դատախազությունը քր. գործ է հարուցել Սումգայիթի հետ կապված: Մենք գտնում ենք, որ այս օրենքը պետք է պարտադրի դատախազությանը 1988-92թթ. այդ բոլոր իրադարձությունները դիտել մեկ քրեական գործի շրջանակում: Երբ կավարտվի քր. գործը, եւ հայտնի կլինեն մեղավորները, ապա ՀՀ-ն պետք է դիմի Հաագայի միջազգային տրիբունալին , որպեսզի արդեն կոնկրետ պատժի ենթարկվեն այն ադրբեջանցի հանցագործները, ովքեր կազմակերպել էին հայերի Ցեղասպանությունը: Ինչպես ժամանակին այդ դատարանի առջեւ կանգնեցրին ու դատապարտեցին Միլոշեւիչին ու Կարաջիչին՚,- նշեց ՍԻՄ նախագահը: Այս ամենից զատ` Հ. Բաբուխանյանը կարծում է, որ Հայաստանը պետք է ստանա դրամական փոխհատուցում:
Կուսակցության հաջորդ օրենսդրական նախաձեռնությունը կոչվում է ՙԹՈՒՐՔԱԿԱՆ ԵՎ ԱԴՐԲԵՋԱՆԱԿԱՆ ՆԱՑԻԶՄԻ ԶՈՀԵՐԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ ՄԱՍԻՆ՚.
ՙ1988-92թթ. Ցեղասպանության հետեւանքով` 500 000 մարդ փախել է Ադրբեջանիցª տեղ գտնելով մեր երկրում կամ այլ երկրներում: Մարդիկ ցանկանում են վերադարձնել իրենց կորցրած բնակարանները եւ այլ ունեցվածքը եւ չգիտեն, թե ինչպես դա անել: Հայաստանի համապատասխան մարմինները, ըստ ներկայիս օրենսդրության, տվյալ դեպքում իրավասություն չունեն իրենց վրա վերցնելու փախստականների իրավունքները ներկայացնելու պարտականությունը: Առաջարկվող օրենքով նշվի պետական լիազոր մարմինը, եւ սահմանվեն նրա պարտականությունները: Ադրբեջանահայության կորցրած գույքը, որը մի քանի տասնյակ միլիարդ դոլար է կազմում, պետք է գույքագրել, ու մեր պետությունը պետք է համակարգի այս գործընթացը՚:
ՍԻՄ նախագահը կարծում է, որ շատ կարեւոր է, որ այն ամենը, ինչ տեղի ունեցավ եւ շարունակվում է տեղի ունենալ Թուրքիայում ու Ադրբեջանում, կոչվի թուրքական ու ադրբեջանական նացիզմ, քանի որ, եթե կա Ցեղասպանությունը, ապա դա նացիզմի քաղաքականության ու գաղափարախոսության հետեւանքն է. ՙԱյսօր աշխարհում թափ է հավաքում նացիզմի դեմ շարժումը: Մեր կուսակցությունը մասնակցում է ՙԱշխարհն առանց նացիզմի՚ միջազգային շարժմանը, որտեղ կան ավելի քան 48 երկրների ներկայացուցիչներ: Ինչպես գիտեք, որոշ երկրներում առաջ է գալիս հակաքրիստոնեական նացիզմը, եւ Հռոմի պապը հայտարարություն էր արել այդ առումով: Իսկ մեր պետությունը պետք է պաշտպանվի թուրք-ադրբեջանական նացիզմից: Արդարադատության նախարարությանը պետք է հանձնարարվի, որ նրանք սկսեն համակարգել այդ աշխատանքը, թե ինչպես պետք է աջակցություն ցուցաբերվի նացիզմի զոհերին եւ վերականգնվի նրանց նյութական ու բարոյական կորուստները: Այդ աշխատանքն ավարտելուց հետո թուրք-ադրբեջանական նացիզմի զոհերը կամ նրանց ժառանգները համատեղ հայց պետք է ներկայացնեն Մարդու իրավունքների եվրոպական դատարան:
Հաջորդ քայլն այն է, որ մենք կդիմենք ԼՂՀ իշխանություններին եւս` առաջարկելով ընդունել օրենք նացիզմի զոհերին աջակցության համար, որոնց պետք է տրվի վերաբնակվելու հնարավորություն ազատագրված տարածքներում՚:

ՍԻՄ ԼՐԱՏՎԱԿԱՆ ԾԱՌԱՅՈՒԹՅՈՒՆ

 

 

 

 

Արթուր Բաղդասարյանը հույսը դրել է «Կյանքի խոսք աղանդավորների՞ ձայների վրա

«Հայացք»-ը գրում է, որ աղանդավորական «Կյանքի խոսք կազմակերպության նոր, մեծ ու շքեղ գրասենյակի տարածքում (Քանաքեռ) մարդիկ արդեն բազմիցս տեսել են ՕԵԿ առաջնորդ Արթուր Բաղդասարյանին:

Արդյոք ՕԵԿ-ը հույսը դրել է աղանդավորների՞ ձայների վրա: Կարող է, չէ՞, մարդ է, պարզապես շամպայն գինիների գործարանի մոտով մի քանի անգամ գնացել-եկել է: Հո կրակը չի՞ ընկել: Ինչ բանսարկու է էս ժողովուրդը:

emedia.am
11:09, Հունվարի 19, 2012

 

 

ՙՎՐԱՍՏԱՆԸ ԵՂԵԼ Է ՈՒ ԿԼԻՆԻ ԲԱԶՄԱԶԳ ՊԵՏՈՒԹՅՈՒՆ՚

Օրերս Վրաստանի նախկին նախագահ Է. Շեւարդնաձեն հանդես էր եկել հայտարարությամբ, որտեղ մասնավորապես նշում էր, որ Վրաստանի ներկա իշխանությունները չգիտակցելով կիրառում են ՙՎրաստանն` առանց վրացիների՚ քաղաքականությունը եւ որ իրենց երկրում հայերն ու ադրբեջանցիները ավելի շատ են, քան բուն վրացիները: ՙԱրդյո±ք սադրիչ բնույթ չի կրում պարոն Շեւարդնաձեի այս հայտարարությունը՚ հարցի մեկնաբանության համար դիմեցինք ջավախքցի պատգամավոր ՇԻՐԱԿ ԹՈՐՈՍՅԱՆԻՆ, ով նշեց հետեւյալը. ՙՎրաստանն, ի սկզբանե, եղել է բազմազգ պետություն, որտեղ շատ հայեր ու ադրբեջանցիներ են ապրել, եւ մինչ 1989թ. բնակչության 10 տոկոսը կազմել են հայերը: Շեւարդնաձեի կարծիքին գնահատական տալ չեմ ցանկանում, սակայն կարող եմ ասել, որ այսօրվա Վրաստանի իշխանությունները հետամուտ են լինում, որպեսզի իրենց պետությունը դարձնեն ունիտար, մաքրելով երկիրը ազգային փոքրամասնություններից, մասնավորապես` հայերից: Վստահ եմ, որ նման գործընթացը նրանց պարզապես հաջողություն չի բերի եւ արդյունքում Վրաստանը կկանգնի նոր խնդիրների առջեւ, քանի որ այդ ազգային փոքրամասնությունները պատահական չեն հայտնվել իրենց երկրում, այլ պատմականորեն հայտնի է, որ դարերով նրանք բնակվում են Վրաստանի կազմում, եւ այդ պետությունը պարտավոր է հարգել նրանց իրավունքները, բոլոր առումներով, ինչպես նաեւ` միջազգային նորմերի պահանջներով: Իսկ եթե Վրաստանն ուզում է հեռանկար ունենալ, ապա պետք է հաշվի նստի այն հանգամանքի հետ, որ իրենց երկիրը եղել եւ լինելու է բազմազգ, ու ելնելով այդ իրողությունից` պետք է մշակի ու իրականացնի իր ազգային քաղաքականությունը՚:

Ա. ՀԱԿՈԲՅԱՆ



ՔԱՆԻ± ՊԱՐՍԻԿ ԿԱՐ ԱՄԱՆՈՐԻՆ ՀԱՅԱՍՏԱՆՈՒՄ

Պարզվում է` մեր երկրում Ամանորին ուրախանում են ոչ միայն հայերը, այլ նաեւ օտարազգիները, մասնավորապես` Իրանի քաղաքացիները, որոնց Ամանորը, կամ, իրենց լեզվով ասած, Նովրուզը նշում են մարտ ամսին: Եվ այսպես, այս նոր տարվա գիշերը, Հանրապետության հրապարակը ողողված է եղել պարսիկներով, եւ ըստ ականատեսների` նրանք ավելի շատ էին, քան մեր քաղաքացիները: Այս առումով մեզ հետաքրքիր էր ճշտել, թե որքան օտարազգի քաղաքացիներ են գտնվել Ամանորի նախաշեմին մեր երկրում, եւ պատասխանը իմանալու համար նախ դիմեցինք ՀՀ ոստիկանության հասարակայնության հետ կապերի վարչություն, որտեղից նշեցին, որ դա իրենց գործառույթների մեջ չի մտնում. ՙՈստիկանությունը երբեք չի զբաղվել այդ գործով, դրա համար սահմանապահ զորքեր գոյություն ունեն կամ հատուկ նախարարություններ, որոնք գրանցում են այդ տվյալները: Եթե չկա հանցագործություն, ապա ոստիկանությունը անելիք չունի՚:
Այդ հարցով փորձեցինք դիմել նաեւ ԱԱԾ-ի լրատվական ծառայություն, որտեղից նշեցին, որ իրենք եւս կապ չունեն դրա հետ եւ որ այդ հարցով պետք է դիմենք ՀՀ էկոնոմիկայի նախարարությանը: Եվ այսպես, ՙզբոսնելով՚ մենք հասանք եւ դիմեցինք վերը նշված նախարարությանը, որտեղից հասարակայնության հետ կապերի վարչության ղեկավար ԱՆԱՀԻՏ ԲԵՂԼՈՅԱՆԸ ասաց. ՙԱյդ տվյալները սովորաբար լինում են ավելի ուշ, օրինակ` տարվա կտրվածքով մենք տվյալները ստանում ենք փետրվարի սկզբին, իսկ այս պահին մենք չունենք այդ տվյալները, քանի որ մենք եւս օգտվում ենք պաշտոնական վիճակագրությունից՚:
Ի դեպ, նշենք, որ ի տարբերություն մեր երկրի համապատասխան գերատեսչություններին, Վրաստանը արդեն իսկ հրապարակել է իր վիճակագրական տվյալները` նշելով, որ 2010 թվականի համեմատ, 2011 թվականին 2 տոկոսով աճել է Իրանի քաղաքացիների հոսքը Վրաստան` կազմելով ավելի քան 60.000 մարդ:

Ա. ՀԱԿՈԲՅԱՆ



ՈՎՔԵՐ ՉԵՆ ՀԱՄԱՊԱՏԱՍԽԱՆԻ ՊԵՏԱԿԱՆ ՉԻՆՈՎՆԻԿԻ ԿԵՐՊԱՐԻՆ...

ԱԺ փոխխոսնակ էդուարդ Շարմազանովը, ՙԻրավունք՚-ի հետ զրույցում պատասխանելով այն հարցին, թե արդյոք 2012-ին, ավելի ճիշտ` մինչ խորհրդարանական ընտրությունները կլինեն նոր պաշտոնանկություններ ու կադրային փոփոխություններ, ասաց.
- Կադրային փոփոխությունները երբեք ինքնանպատակ չեն լինում: ՀՀ նախագահը մեկ առիթով խոսել է պետական չինովնիկի կերպարի մասին. այն մարդիկ, ովքեր չեն համապատասխանի պետական չինովնիկի կերպարին եւ ոչ բարեխղճորեն կկատարեն իրենց պարտականությունները, կլինի դա ԱԺ փոխխոսնակ Էդուարդ Շարմազանովը, թե մեկ այլ պաշտոնյա, բնականաբար, չեն շարունակի զբաղեցնել իրենց պաշտոնը: Իսկ մենք բոլորս քաղաքական թիմի անդամ ենք, եւ քաղաքական թիմն է որոշում` ՀՀ նախագահի գլխավորությամբ, թե ով որտեղ կարող է ավելի արդյունավետ աշխատել: Բնականաբար, յուրաքանչյուրն էլ պետք է կարողանա ՀՀ նախագահի բնորոշած պետական չինովնիկի կերպարի մեջ հստակ տեղավորվել եւ աշխատել: Եթե ես չեմ տեղավորվի, ես չեմ աշխատի, Պողոսը չի տեղավորվի, Պողոսը չի աշխատի: ՀՀԿ-ի համար երբեք ոչ մի բան ինքնանպատակ չի եղել:

ԳԱՅԱՆԵ ԶԱՐԳԱՐՅԱՆ



ՙՀԱՅԿԱԿԱՆ ԼՈՒՄԱՆ ԹՈՒՐՔԱԿԱՆ ԷՋԻ ՓԱԿՄԱՆ ԳՈՐԾՈՒՄ ԿԱՐՈՂ Է ԼԻՆԵԼ՚

Վերջերս Facebook սոցիալական կայքում փակվել է 5.5 միլիոն անդամ ունեցող ՙԹուրքիայի դրոշ՚ անունով էջը, ինչը, բնականաբար, ողջունելի է, սակայն շատ հետաքրքիր է իմանալ, թե որքանով կապ ունեն դրա հետ հայերը: Հարցի պատասխանի համար դիմեցինք տեղեկատվական անվտանգության գծով փորձագետ ՍԱՄՎԵԼ ՄԱՐՏԻՐՈՍՅԱՆԻՆ, ով այս մասին ասաց հետեւյալը. ՙFacebook-ը ունի մի քաղաքականություն, որ չի ասվում այն մեխանիզմները, թե ինչպես է փակվում որեւէ էջ, չնայած որ ունի բողոքարկման ձեւեր` նշելով, թե ինչով է խախտում տվյալ էջը այդ կայքի կանոնները համամարդկային օրենքները եւ այլն: Դրա համար այս կայքը ունի ներքին ալգորիթմներ, որոնցով ինչ-որ դեպքերում բողոքները սկսում են աշխատել, եւ հիմնականը այս դեպքում կապ ունի բողոքների քանակը` դրան գումարած այն, թե ինչքանով է այդ էջի վրա խախտող տեղեկատվությունը շատ: Կարող եմ նշել, որ կան հայկական խմբեր, որոնք զբաղված են Facebook-ը մաքրելով, գտնելով հակահայկական էջեր: Սակայն, կան նմանատիպ հունական, բուլղարական եւ այն բոլոր ազգերը, որոնք տուժվել են Օսմանյան կայսրությունից, թուրքական էջերի դեմ բողոքներ են անում: Կան նաեւ համատեղ խմբեր, օրինակ, հայ-հունական, որոնք միանում եւ պայքարում են, ու հավանական է, որ հայկական լուման այդ էջի փակման գործում կա՚:

Ա. ՀԱԿՈԲՅԱՆ

 

 

ԱՄԵՐԻԿԱՆ ՀՈԳԵՈՐՍՈՒԹՅՈՒՆԸ ՀԱՍՑՐԵՑ ՄԱՆԿԱՊԱՐՏԵԶ

Դեկտեմբերի 2-ին ՙԿենտրոն՚ հեռուստաընկերության լուրերով ցուցադրվեց մի տեսանյութ, որտեղ ՀՀ-ում ԱՄՆ նորանշանակ դեսպան Ջոն Հեֆֆերնը Երեւանի թիվ 161 մանկապարտեզում օգնություն էր բաժանում, իսկ նրան զուգահեռ` ՙՀիսուսի վերջին օրերի սրբերը՚ կամ, այլ կերպ ասած, ՙՄորմոններ՚ աղանդավորական շարժումը բաժանում էր իրենց կրոնական տեսանյութերն ու գրականությունը:
ՙԻրավունքը՚ այս պահին գտնվելով ՙԿյանքի խոսք՚ աղանդի հետ դատավարության գործընթացում` ՀՀ-ում ԱՄՆ դեսպանի նման մոտեցմանը չէր կարող չարձագանքել: Այդ առումով մենք պարզաբանման համար դիմեցինք ԱՄՆ դեսպանատուն: Այն հարցերին, թե ինչպես ստացվեց, որ ԱՄՆ դեսպանին զուգահեռ, մանկապարտեզում բարեգործական միջոցառմանը իրենց մասնակցությունն ունեին նաեւ աղանդավորական շարժման ներկայացուցիչները, եւ ինչպիսի վերաբերմունք ունի դեսպանատունը նման երեւույթների նկատմամբ, տրվեց հետեւյալ պատասխանը.
ՙԱՄՆ կառավարությունն աշխատում է, որպեսզի գործընկերություններ ձեւավորվեն կառավարության եւ տարբեր ուղղությունների հարող դավանական կազմակերպությունների միջեւ, որոնք ծառայում են կարիքավոր անհատներին, ընտանիքներին եւ համայնքներին: Աշխարհիկ եւ կրոնական շահույթ չհետապնդող, համայնքային կազմակերպությունների եւ թաղային համայնքների ներգրավմամբ հնարավոր է դառնում ծառայությունները հասանելի դարձնել այն անձանց, ովքեր ամենաշատն են դրանց կարիքը զգում՚:Ծանոթանալով սույն գլուխկոտրուկ գրությանը, անկեղծ ասած, ցանկանում ենք ներողություն խնդրել մեր ընթերցողից վերը նշված` հավանաբար անգրագետ թարգմանություն ունեցող տեքստը առանց խմբագրման ներկայացնելու համար, որի բովանդակությունից շատ բան հասկանալի չէ: Օրինակ` պարզ չէ, թե որ երկրի կառավարության եւ որ երկրի աղանդների միջեւ է ձեւավորվում գործընկերությունը, կամ ինչ է նշանակում ՙհամայնքային կազմակերպություն՚ հասկացությունը եւ այլն:
Սակայն մի բան պարզ է, որ Միացյալ Նահանգները, իրենց երկրի բանն ու գործը թողած, արդեն մտնում են մեր երկրի մատի ու մատանու արանքը: Իրենք իրենց գործն են համարում երկրի կառավարության եւ ՙտարբեր ուղղությունների հարող դավանական կազմակերպությունների՚ միջեւ փոխհարաբերություններ կամ, ինչպես իրենք են նշել, ՙգործընկերություններ՚ ստեղծելուն: Փաստորեն Միացյալ Նահանգները դարձել են միջնորդ հին շոր ու կոշիկ բաժանող աղանդների ու հայ մանուկների միջեւ` մատուցելով, թե որ աղանդին դավանեն կամ հարեն: Հակառակ պարագայում` ի±նչ կապ ունի կարիքավորներին աջակցություն ցուցաբերելը աղանդավորական գրականություն բաժանելու հետ: Ըստ էության` մանկապարտեզում օգնություն բաժանելը դարձավ պատրվակ ֆունդամենտալիստական եւ քայքայիչ կրոնական քարոզի ու հոգեորսության համար: Այստեղ պարզապես տեղին է մեջ բերել աստվածաշնչյան խոսքերը. ՙԲայց դու, որ ողորմություն անես, թող չիմանա քո ձախ ձեռքը, թե ինչ է գործում քո աջը՚ (Մաթ. Զ:3): Իսկ տվյալ դեպքում, ոչ միայն ձեռքերն են իմանում այդ մասին, այլ նաեւ այդ ձեռքերը բարեգործության անվան տակ մատուցում են աղանդը ճաշակելու ՙծառայություններ՚ եւ պղտորում մանուկների անմեղ հոգիները: Մեկ այլ կարեւոր հարց է` արդյոք Երեւանի քաղաքապետարանը մեր քաղաքը համարո±ւմ է ՙկարիքավոր համայնք՚, որ թույլ է տալիս նմանատիպ ողորմությունների մատուցումը: Իսկ եթե քաղաքապետարանը ու մանկապարտեզի տնօրինությունը այնքան տկար են, որ համաձայն են աչք փակել աղանդների ներթափանցման վրա, ինչ է` մի քանի կոպեկ ստանան, ապա ավելի լավ է վերացնեն ՙանվճար՚ մանկապարտեզ հասկացությունը, քանի որ տվյալ դեպքում տեղին է ՙԱնվճար պանիրը լինում է միայն թակարդում՚ ասացվածքը: Միայն թե, այս թակարդում հայտնվելու ենք բոլորս` անկախ ՙանվճար պանրին՚ ձգտողներից կամ այն անտեսողներից, քանի որ ժանգը հասել է սրբություն սրբոց մատաղ սերնդին...
Վերը նշված տագնապալի հարցի հետ կապված` մենք դիմեցինք նաեւ ԱԳՆ, ԿԳՆ, Երեւանի քաղաքապետարան եւ ՀՀ գլխավոր դատախազություն: Եվ մեր այն հարցին, թե ինչ վերաբերմունք ունի դատախազությունը ԱՄՆ դեսպանի նմանատիպ գործողությանը, գլխավոր դատախազի մամուլի պատասխանատու ՍՈՆԱ ՏՌՈՒԶՅԱՆՆ ասաց. ՙԵթե դուք հարցը տայիք, որպեսզի մասնավոր կարծիք լսեք, ապա դա կհնչեր, իսկ այլապես ՀՀ դատախազության գործառույթները հստակորեն սահմանված են ՀՀ սահմանադրության 103-րդ հոդվածով եւ ձեր կողմից բարձրացված հարցը ուղղակիորեն չի առնչվում դատախազության գործառույթներին՚:
Իսկ ահա ՀՀ ԱԳՆ մամուլի պատասխանատու Տիգրան Բալայանն ասաց, որ այդ մասին առաջին անգամ լսում է մեզանից եւ ճիշտ կլինի, որպեսզի պաշտոնապես գրավոր ուղղենք այդ հարցը: Ի դեպ, նմանատիպ պատասխան մենք ստացանք նաեւ Երեւանի քաղաքապետարանից եւ ԿԳ նախարարությունից, որոնց պատասխանները կներկայացնենք առաջիկայում: Հույս ունենք նաեւ, որ այս հրապարակմանը կարձագանքի ՀՀ անվտանգության խորհուրդը:

ԱՐՄԵՆՈՒՀԻ ՀԱԿՈԲՅԱՆ

ՙՀԻՍՈՒՍ ՔՐԻՍՏՈՍԻ ՎԵՐՋԻՆ ՕՐԵՐԻ ՍՐԲԵՐԻ ԵԿԵՂԵՑԻՆ՚- ՙՄՈՐՄՈՆՆԵՐ՚ ԱՂԱՆԴ

Աղանդավորական խմբավորումների շարքում թե° աշխարհում եւ թե° Հայաստանում իր շեղվածությամբ եւ վտանգավորությամբ առանձնապես աչքի է ընկնում ՙՀիսուս Քրիստոսի վերջին օրերի սրբերի եկեղեցին՚ կամ մորմոնները, որը տոտալիտար աղանդներից ամենահինն է: Մորմոնները Հայաստան ներխուժեցին 1988թ. հետո, երբ զանազան բարեգործությունների անվան տակ, ի թիվս այլոց, այստեղ հաստատվեցին նաեւ մորմոնները: Աստվածաբանական տեսանկյունից` մորմոնականությունը կարելի է բնութագրել որպես սինկրետիկ նեոհեթանոսական օկուլտային աղանդ, որը զբաղվում է ակտիվ հոգեորսությամբ: Աղանդի հիմնադիրը ժոզեՖ Սմիթն է: ԺոզեՖը վաղ հասակից զբաղվել է օկուլտիզմով` գանձ գտնելու նպատակով դիմելով ոգիների օգնությանը: 1826թ. նրան դատել են օկուլտիզմով զբաղվելու, նաեւ խաբեբայությամբ փող կորզելու համար: 1830թ. Սմիթը հրատարակում է ՙՄորմոնի Գիրքը՚, որը դառնում է իր հետեւորդների ՙԱստվածաշունչը՚: Նրանք այն կոչում են ՙՀիսուս Քրիստոսի մեկ այլ Ավետարան՚: Մորմոնների համաշխարհային կենտրոնը գտնվում է ԱՄՆ-ում` Յուտա նահանգի մայրաքաղաք Սոլթ Լեյք Սիթիում:
Մորմոնները սովորություն ունեն մկրտվել նաեւ մահացածների փոխարեն: Ընդունված է նաեւ նրանց փոխարեն ՙձեռնադրվելը՚ ու ՙամուսնական կնիք ստանալը՚, որոնք ավանդական եկեղեցու տեսանկյունից սարսափելի սրբապղծություն են: Մահացածների մասին ճշգրիտ տվյալներ ձեռք բերելու համար մորմոնների հատուկ ջոկատները բոլոր երկրներում թափանցում են պետական արխիվներ:
hzorhayastan.do.am