ԿԱՐՃ ԼՈՒՐԵՐ

«Մեր երկիրը ներկայացնող մասնակիցը մարտահրավեր կնետի մոլորակի ամենագեղեցիկ մայրիկներին»

17.11.2017 22:56 ՕՐՎԱ ՊԱՏԿԵՐ ՄՇԱԿՈՒՅԹ ԱԽ ԿԱՆԱՅՔ
«Մեր երկիրը ներկայացնող մասնակիցը  մարտահրավեր կնետի մոլորակի ամենագեղեցիկ մայրիկներին»

Երկու օր անց` նոյեմբերի 19-ին Բուլղարիայի մայրաքաղաք Սոֆիայում կմեկնարկի մայրիկների համար նախատեսված՝ «Միսսիս Մոլորակ 2017» գեղեցկության, նորաձեւության միջազգային մրցույթը: «Թոփ մոդել Հայաստան» ազգային ասոցիացիայի շնորհիվ` այս տարի վերոնշյալ հեղինակավոր մրցույթին կմասնակցի նաեւ Հայաստանը, եւ երկու փոքրիկների մայր 25-ամյա Նանա Մանուչարյանը կմրցի մոլորակի ամենագեղեցիկ մայրիկների հետ:

Սամվել Կարապետյանն աննախադեպ ակտիվ է. Ցանկանում են համազգային համախմբման իմիտացիա ստեղծել. «Ժամանակ»

Մրցույթի մեկնարկին ընդառաջ «Իրավունքը» «Միսսիս Մոլորակ 2017» մրցույթի եւ հայաստանյան մասնակցության մասին մանրամասներ պարզեց «Թոփ մոդել Հայաստան» ազգային ասոցիացիայի գործադիր տնօրեն ԼՈՒՍԻՆԵ ԲԱՂԴԱՍԱՐՅԱՆԻՑ:

ՀԱՅԱՍՏԱՆՆ ԱՌԱՋԻՆ ԱՆԳԱՄ ՄԱՍՆԱԿՑՈՒՄ Է «ՄԻՍՍԻՍ ՄՈԼՈՐԱԿ 2017»  ՄՐՑՈՒՅԹԻՆ

- «Թոփ մոդել Հայաստան» ազգային ասոցիացիան բավական լուրջ փորձ ունի «Միսս Մոլորակ» մրցույթում, իսկ «Միսսիս Մոլարակ» մրցույթին, եթե չեմ սխալվում, առաջին անգամ եք մասնակցում: Հետաքրքիր է՝ ի՞նչ ակնկալիքներ ունեք առաջին մասնակցությունից:

- Այո, «Միսսիս մոլորակ 2017» մրցույթին Հայաստանն առաջին անգամ է մասնակցում: Բայց մենք, որպես ազգային տնօրեն եւ միջազգային ժյուրի, անցյալ տարի ներկա ենք գտնվել «Միսսիս մոլորակ 2016» մրցույթին: Անկեղծ ասած, այդ պահից շատ մեծ էր ցանկությունս տեսնել մեր երկրի մասնակցին այս մրցույթում: Անցյալ տարվա մրցույթից բավական տպավորված էի: Շատ ուրախ եմ, որ նոր ձեւաչափով նաեւ այսուհետ կներկայանանք: Կարծում եմ` մեր երկիրը ներկայացնող մասնակիցը շատ լուրջ մարտահրավեր կնետի մյուս մայրիկներին, որովհետեւ շատ հմայիչ է, գեղեցիկ:

- Դուք բազմաթիվ միջազգային մրցույթների եք ներկայացրել հայ մոդելներին, փորձն ի՞նչ է հուշում, այս անգամ ո՞ր երկրներն են մեր մասնակցի գլխավոր մրցակիցները:

- Այնպես չէ, որ ամեն անգամ նույն երկրները կարող են ուժեղ մրցակիցներ ներկայացնել: Նկատել եմ, որ Բուլղարիան, Ուկրաինան, Հարավային Աֆրիկան գրեթե բոլոր մրցույթներում ուժեղ մասնակիցներ են ներկայացնում:
Ի՞ՆՉ ՀԱԳՈՒՍՏՆԵՐՈՎ ԿՆԵՐԿԱՅԱՆԱ ՄՐՑՈՒՅԹԻՆ ՆԱՆԱ ՄԱՆՈՒՉԱՐՅԱՆԸ

«էս ո՞ւմ եք ուզում վարչապետ ընտրել, ժողովո՛ւրդ». Լիլի Մորտոն զարմացած է

- Ի՞նչ հագուստներով ու կերպարով է Հայաստանը ներկայացնող մասնակիցը՝ Նանա Մանուչարյանը, հանդես գալու ժյուրիի առաջ:

- Հայաստանը ներկայացնող մասնակցի հագուստները պատրաստում է դիզայներ Անի Ավակյանը: Նանան ներկայանալու է ավանգարդ հայկական տարազով, երեկոյան հագուստով եւ «Կանաչ մոլորակի» հետ ասոցացվող, հետաքրքիր դիզայներական լուծումներ պահանջող հագուստով: Վերջինս տնային առաջադրանքի պես մի բան է, եւ բոլոր երկրների մասնակիցները հետաքրքիր լուծումներով հագուստներով ներկայանալու են բարեգործական մի նախագծի, որի հիմքում մեր մոլորակի պահպանումն է:

- Մրցույթի մասնակցության համար կայի՞ն հատուկ չափանիշներ, թե՞ միայն մայրիկ լինելը բավարար էր:

- Բնականաբար միայն մայրիկ լինելուց բացի կան չափանիշներ: Մասնակիցը պետք է ունենա 1.70 սմ բարձր հասակ (մեր մասնակցինը` 175 սմ է), գեցեցիկ արտաքին, սլացիկ կեցվածք, ներքին մշակույթ, ինչպես նաեւ կրթվածություն, քանի որ բեմում ներկայանալուց բացի, մայրիկները պետք է անցնեն հարցազրույցի փուլը, կարողանան շփվել միջազգային ժյուրիի անդամների հետ:

«ԿԱՆ ՇԱՏ ՄԱՅՐԻԿՆԵՐ, ՈՎՔԵՐ ԻՐԵՆՑ ՍՐՏԻ ՄԻ ԱՆԿՅՈՒՆՈՒՄ ՈՒՆԵՆ ՆՄԱՆ ԵՐԱԶԱՆՔ»

- Եվ ինչո՞ւ հենց Նանա Մանուչարյանին ընտրեց «Թոփ մոդել Հայաստան» ազգային ասոցիացիան:

- Առաջին իսկ հանդիպումից աչքի ընկնողն արտաքինն էր, ապա բազմաթիվ հանդիպումներից հետո գնահատեցինք ներքին կուլտուրան, կանացիությունը: Այս ամենն ի մի բերելով ասոցիացիան հենց իր թեկնածության հայտն ուղարկեց մրցույթի կազմակերպիչներին: Վերջիններս եւս համակարծիք էին մեր որոշմանը: Ես ավելի քան վստահ եմ, որ Նանան արժանապատվորեն կներկայացնի Հայաստանն առաջին անգամ նման հեղինակավոր մրցույթում եւ դեռ բազում առիթներ կունենանք անդրադառնալու մրցույթին:

Բերման է ենթարկվել «Հիմնադիր խորհրդարանի» ղեկավար Գարեգին Չուգասզյանը

- Արդյո՞ք այս նախադեպի շնորհիվ հայկական մոդելինգը հնարավոր է սկսի համալրվել մայրիկներով:

- Իսկ ինչու ոչ... Վստահ եմ` կան շատ մայրիկներ, ովքեր իրենց սրտի մի անկյունում ունեն նման երազանք, ցանկություն: Մնում է մի փոքր համարձակություն: Նման մրցույթների մասնակցությունը սեփական անձին նոր անկյունից նայելու, բազմաթիվ հանդիպումների, շրջագայելու, նոր ընկերներ ձեռք բերելու հնարավորություն է ընձեռում:

ՀՐԱՆՏ ՍԱՐԱՖՅԱՆ

 

КОМСОМОЛЬСКАЯ ПРАВДА