ԿԱՐՃ ԼՈՒՐԵՐ

2018-ին Խնկո Ապոր գրադարանը Մանկական գրքի 14-րդ տոնավաճառ կիրականացնի նոր շնչով

29.12.2017 15:05 ՕՐՎԱ ՊԱՏԿԵՐ ՄՇԱԿՈՒՅԹ ՀԱՆՐՈՒԹՅՈՒՆ
2018-ին Խնկո Ապոր գրադարանը Մանկական գրքի 14-րդ տոնավաճառ կիրականացնի նոր շնչով

2018 թվականի փետրվարի 18-21-ը Խնկո Ապոր անվան ազգային մանկական գրադարանը արդեն 14-րդ անգամ կիրականացնի մանկական գրքի տոնավաճառ։ Այս մասին «Իրավունքի» հետ զրույցում տեղեկացրեց գրադարանի տնօրեն ՌՈՒԶԱՆ ՏՈՆՈՅԱՆԸ։

«Համակարգային խնդիրների լուծման ճանապարհը փողոց դուրս գալն ու տարերային այս ու այն կողմ գնալը չէ»

    «Այդ օրերին 3000-ից ավելի այցելուներ են գալիս գրադարան, տոնավաճառին զուգահեռ տարբեր միջոցառումներ ենք իրականացնում՝ հեքիաթապատումներ, կլոր սեղան քննարկումներ, զրույցներ»,-նշեց տնօրենը։

   Այս տարի տոնավաճառի կազմակերպիչները պատրաստվում են արտասահմանից հյուրեր հրավիրել, ովքեր կանցկացնեն վարպետաց դասեր տարբեր տարիքային խմբերի և տարբեր հետաքրքրություններ ունեցող անձանց համար, ինչպես նաև իրենց մայրենի լեզուներով հեքիաթ կպատմեն երեխաների համար։

   «Տոնավաճառում ներկայացվում է մանկապատանեկան գրականության ողջ դաշտը: Այն ասես տարվա ընթացքում վերոնշյալ գրականության հետ կապված կատարված աշխատանքի յուրօրինակ հաշվետվություն լինի»,-ընդգծեց Տուզան Տոնոյանը։

    Հրատարակիչները ներկայացված գրքերը տոնավաճառի ընթացքում  վաճառում են   20-30 տոկոս զեղչով։  Նախորդ տարիներին այն իրականացվել է Հրատարակիչների ասոցացիայի հետ համատեղ, այս տարի անցկացվելու է  IBBY Հայաստանի (Մանկապատանեկան գրքի միջազգային կոմիտեի հայաստանյան մասնաճյուղ)-ի աջակցությամբ Արտբրիջ գրախանութում։

    Տոնավաճառի շրջանակներում գրադարանը հայտարարել է ստեղծագործական աշխատանքների մրցույթ 16-25 տարեկան ստեղծագործողների համար։

   «Մրցույթի նպատակն է նպաստել մանկագրության զարգացմանը, խթանել երիտասարդ հեղինակների հետաքրքրությունը մանկական գրքի նկատմամբ, ինչպես նաև հանրությանը ներկայացնել մանուկների համար ստեղծագործող պատանիներին և երիտասարդներին»,-ասաց Ռուզան Տոնոյանը։

   Մրցույթի արդյունքում լավագույնը ճանաչված ստեղծագործությունները մինչև տարեվերջ նախատեսվում է տպագրել մեկ գրքով։

   «Ցանկանում ենք՝ մրցույթը դարձնել ամենամյա: Դրա միջոցով մենք կարող ենք երիտասարդ մանկագիրների գտնել, խրախուսել և ինչ-որ չափով լրացնել դաշտում առկա բացը»,-նշեց գրադարանի տնօրենը:

   Նշենք, որ մրցութային աշխատանքները կարող են ներկայացվել հետրյալ ժանրերով՝ մանկական պատմվածք, հեքիաթ կամ բանաստեղծություն։ Աշխատանքները ներկայացնելու ժամկետը 2017թ․-ի դեկտեմբերի 15-ից մինչև 2018 թ․-ի հունվարի 25-ն է։

Մանկական մրցույթում վիճում են մեծերը

ՀԵՐՄԻՆԵ ՂԱՐԻԲՅԱՆ

 

КОМСОМОЛЬСКАЯ ПРАВДА