ԿԱՐՃ ԼՈՒՐԵՐ

Սերժ Սարգսյանը Պելեից ինքնագրով մարզաշապիկ է ստացել. նախագահն ընդունեց ՖԻՖԱ-ի ոսկե գավաթը (Ֆոտո)

08.02.2018 10:56 ՍՊՈՐՏ
Սերժ Սարգսյանը Պելեից ինքնագրով մարզաշապիկ է ստացել. նախագահն ընդունեց ՖԻՖԱ-ի ոսկե գավաթը (Ֆոտո)

Հայաստանի համար մեծ պատիվ է տեսնել ու հիանալ այս գավաթով, որի համար հռչակավոր մարդիկ պայքարել են եւ դեռեւս պայքարելու են: Այս մասին նախագահ Սերժ Սարգսյանն ասել է այսօր Ալ.Սպենդիարյանի անվան օպերայի եւ բալետի ազգային ակադեմիական թատրոնում ՖԻՖԱ-ի աշխարհի առաջնության գավաթի ընդունման հանդիսավոր արարողության ժամանակ: Ի դեպ՝ նախագահը միջոցառմանը մասնակցել է ֆուտբոլասեր թոռան՝ փոքրիկ Սերժի հետ:

Ճապոնացի գեղասահորդը նվաճել է ձմեռային օլիմպիական խաղերի պատմության 1000-րդ ոսկե մեդալը

Форекс начинается здесь!Яндекс.ДиректПерейтиalpari.comООО «Альпари Брокер», ООО «Альпари Форекс»Скрыть рекламу:Не интересуюсь этой темойТовар куплен или услуга найденаНарушает закон или спамМешает просмотру контента
Спасибо, объявление скрыто.

Ընդունված արարողակարգի համաձայն, որի համաձայն՝ գավաթի միջազգային շրջագայության ժամանակ հյուրընկալող երկրում այն ընդունում են երկրների ղեկավարները եւ ՖԻՖԱ-ի աշխարհի առաջնության չեմպիոնները, Սերժ Սարգսյանը ոսկե գավաթն ընդունել է 1998 թվականի ՖԻՖԱ-ի աշխարհի առաջնության չեմպիոն Ֆրանսիայի ազգային հավաքականի կազմում հանդես եկած Քրիստիան Կարամբյոյից:

Հայաստանի հավաքականը նահանջել է ՖԻՖԱ-ի դասակարգման աղյուսակում

Ֆուտբոլի ամենանշանավոր մրցանակը՝ ոսկե գավաթը, արդեն 4-րդ անգամ է ուղեւորվում միջազգային շրջագայության, որը կտեւի 220 օր եւ կներառի ավելի քան 50 երկիր, որից 24-ում, այդ թվում՝ Հայաստանում, գավաթը ներկայացվելու է առաջին անգամ:

Արարողության ավարտին ՖԻՖԱ-ի ներկայացուցիչ Լուկաս Ռախովը Սերժ Սարգսյանին Ֆուտբոլի միջազգային ֆեդերացիայի կողմից նվիրել է ոսկե գավաթի փոքր կրկնօրինակը, իսկ Հայաստանում Բրազիլիայի դեսպան Աժեմար դե Մենդոնսա Սանկտոսը նախագահին է փոխանցել լեգենդար ֆուտբոլիստ Պելեի կողմից ուղարկված ֆուտբոլային շապիկը՝ նրա ինքնագրով:

Իսկ հանդիսության ընթացքում ունեցած ելույթում Սերժ Սարգսյանը, մասնավորապես, նշել է. «Ես շատ ուրախ եմ, որ 2018 թվականի աշխարհի առաջնությանն ընդառաջ՝ մենք Հայաստանում ընդունում ենք այս նշանավոր գավաթը:

Ֆուտբոլը մի յուրահատուկ աշխարհ է, որը միավորում է միլիարդավոր մարդկանց՝ անկախ մաշկի գույնից, անկախ կրոնից, սեռից, տարիքից եւ կրթությունից: Նրանց ընդամենը մի բան է միավորում՝ սերը այս աննման խաղի նկատմամբ: Աշխարհի բոլոր ֆուտբոլասերները շատ լավ գիտեն, որ ցանկացած վայրում, աշխարհի ցանկացած կետում ֆուտբոլն ունի միատեսակ եւ անխախտելի կանոններ: Եվ մենք մեր ժամանակի, մեր կյանքի հաճույքների մի հիմնական մասը, երեւի, ստանում ենք այս խաղը դիտելուց՝ տեսնելով ֆուտբոլիստների կամային հատկությունները, նրանց համառությունը, նրանց նպատակասլացությունը, շատ դեպքերում նաեւ շատ նուրբ կատարողականը:

Պատահական չէ, որ ֆուտբոլային աստղերին երկրպագում են հարյուր միլիոնավոր մարդիկ: Եվ այդ մարդիկ մեզ բավականություն են պատճառում, այդ մարդիկ իրենց երկրները ճանաչելի են դարձնում: Իհարկե, ֆուտբոլը քաղաքականացված չէ, բայց այդ մարդիկ մեծ հաշվով քաղաքականությունն էլ են որոշում: Մենք դա շատ լավ գիտենք մեր Հենրիխ Մխիթարյանի օրինակով: Վստահ եմ, որ գոնե այս պահին աշխարհում չկա երկրորդ հայը, որ կարողանա այդքան ճանաչելի դարձնել մեր ժողովրդին: Մենք Հենրիխին, իհարկե, հաջողություն ենք մաղթում: Վստահ եմ, որ այստեղ հավաքվածների մեծ մասը դիտել է վերջին խաղը՝ Հենրիխի մուտքը «Արսենալ»: Կարծում եմ՝ հաջողված խաղ էր: Սա, վստահ եմ, որ նոր կարիերայի սկիզբն է: Թող Հենրիխն իմանա, որ բոլորս իրեն հաջողություն ենք մաղթում, որ բոլորս հոգով, սրտով իր հետ ենք, և նա դեռևս շատ անելիքներ ունի: Հենրիխը մեր հավաքականի ավագն է, առաջատարը, և մեր հավաքականի մնացած տղաներն էլ են մեր երիտասարդների համար ծառայում են որպես օրինակ, ինչը շատ կարևոր հանգամանք է:

«Արսենալի» հավանական մեկնարկային կազմը «Էստերսունդի» դեմ խաղում (ֆոտո)

Ես վստահ եմ, որ բոլոր երիտասարդները, երեխաները, դիտելով ֆուտբոլ, մտքներում ասում են՝ որքան լավ է առողջ ապրելակերպով կյանք վարելը: Ուզում եմ շնորհակալություն հայտնել այս գաղափարի հեղինակներին եւ, իհարկե, իրականացնողներին: Ես հաճույքով սպասում եմ ամռանը, երբ կսկսվի աշխարհի հերթական առաջնությունը, վստահ եմ՝ նաեւ դուք: Հաճույքով դիտելու եմ հնարավորինս կարեւոր խաղերը եւ գրեթե վստահ եմ, որ հնարավորություն եմ ունենալու դա անել մարզադաշտում, իսկ մնացած մասը՝ հեռուստացույցի առջեւ:

Շատ շնորհակալ եմ ձեզ: Մենք, իրոք, երախտապարտ ենք: Հայաստանի համար մեծ պատիվ է տեսնել Ձեզ, պարո՛ն Կարամբյո, Հայաստանում եւ, իհարկե, հիանալ այս գավաթով, որի համար հռչակավոր մարդիկ պայքարել են եւ դեռեւս պայքարելու են»:

 

 

КОМСОМОЛЬСКАЯ ПРАВДА