«Վաղն առավոտյան ամենայն հավանականությամբ ԱԺ արտահերթ նիստում Գագիկ Ծառուկյանին կզրկեն պատգամավորական անձեռնմխելիությունից». Շաքե Իսայան

Բարգավաճ Հայաստան կոսակցության առաջնորդ Գագիկ Ծառուկյանն այս պահին գտնվում է ԱԱԾ-ում, նա հացաքննվում է: ԱԱԾ-ի դիմաց մարդկանց մեծ բազմություն է հավաքվել: Այնտեղ են նաև Բարգավաճ Հայաստան կուսակցության պատգամավորները, որից Շաքե Իսայանը լրագրողների հետ զրույցում հայտնեց. «Այս ամենն ակնհայտ քաղաքական ճնշում է, և մենք չենք բացառում, որ հենց վաղն առավոտյան, ամենայն հավանականությամբ , ԱԺ արտահերթ նիստում Գագիկ Ծառուկյանին կզրկեն պատգամավորական անձեռնմխելիությունից»:

Հիշեցնենք, որ Ծառուկյանի նկատմամբ հնարավոր հետապնդումների մասին հայտարարվեց այն բանից հետո, երբ նա հունիսի 5-in քննադատեց իշխանությունների հակամաճարակային գործողությունները` նշելով, որ այն տապալել են: Գ.Ծառուկյանը նշել էր, որ ձախողումներ են գրանցվել բոլոր ոլորտներում` բարձրացնելով իշխանությունների 100 տոկոսի փոփոխության հարց:

Մասնավորապես՝ հունիսի 5-ին Նիկոլ Փաշինյանի խոսնակ Մանե Գևորգյանը ֆեյսբուքյան իր էջում նախազգուշացրել էր քրեական գործերի մասին՝ նշելով, թե Գագիկ Ծառուկյանը պարզապես մտահոգված է մի շարք քրեական գործերի ընթացքով, որոնք վերաբերում են փողերի լվացմանը, ընտրակաշառք բաժանելուն, հարկերից խուսափելուն, կոռուպցիային: Իսկ Փաշինյանի տիկնոջ՝ Աննա Հակոբյանի եղբայրը, «Իմ քայլը» խմբակցության պատգամավոր Հրաչյա Հակոբյանի ֆեյսբուքում հանդես էր եկել մեկ այլ գրառմամբ՝ «Խմբակային բռնաբարության համար դատապարտված ընտրակեղծարարը Հյուսիս-հարավից ինչքա՞ն լափած կլինի: Այո կամ ոչ»։ Այս հայտարարություններին հաջորդեցին Գագիկ Ծառուկյանի վերաբերյալ խմբակային բռնաբարության գործի փաստաթղթերի տարածումը սոցիալական ցանցերով։

Այսօր վաղ առավոտից ԱԱԾ-ն խուզարկություն է սկսել Գագիկ Ծառուկյանի տանը, բերման են ենթարկվել կուսակցության Գեղարքունիքի պատասխանատուները:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝