Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԱՍՏՎԱԾ ԿԱՐՈՂԱՆՈՒՄ Է ՆԵՐԵԼ, ԲԱՐԴԱԿՉՅԱՆԸ` ՈՉ

Արխիվ 12-16

ԱՍՏՎԱԾ ԿԱՐՈՂԱՆՈՒՄ Է ՆԵՐԵԼ, ԲԱՐԴԱԿՉՅԱՆԸ` ՈՉ

 

Երեւանի Քանաքեռ-Զեյթուն ընդհանուր իրավասության դատարանում դատավոր ՌՈՒԲԵՆ ԱՓԻՆՅԱՆԻ նախագահությամբ այսօր տեղի ունեցավ Երեւանի Ավետարանական եկեղեցու խորհրդի նախագահ Լեւոն Բարդակչյանի հայցն ընդդեմ «Իրավունք մեդիա» ՍՊԸ-ի դատաքննական նիստը: «Իրավունքի» շահերը դատարանում պաշտպանում  է «Լեւ գրուպ» փաստաբանական գրասենյակի ղեկավար Լեւոն Բաղդասարյանը, իսկ Լ. Բարդակչյանի շահերը` փաստաբան Դիանա Գրիգորյանը: Բայց արի ու տես, որ նիստին Լ. Բարդակչյանը ներկայացավ ԱՐԹՈՒՐ ԱՅՎԱԶՅԱՆ անունով նոր փաստաբանով, ով միջնորդություն ներկայացնելով` նշեց. «Հայցվորի դատապաշտպանը փոխվել է իմ տեսքով»: Ապա խնդրեց նիստը հետաձգել, որպեսզի կարողանա ծանոթանալ գործին, քանի որ դատաքննական նիստից ընդամենը երկու օր առաջ էր նոր փաստաբանը ստանձնել գործը: Միջնորդությունը բավարարվեց եւ հաջորդ դատական նիստը նշանակվեց հունիսի 10-ին, ժամը` 12:30-ին: Սակայն, ուշագրավ քննարկում ծավալվեց նիստից հետո, երբ դատավորը հորդորեց հաշտության եզրեր գտնել` ասելով. «Քույր եկեղեցիներ եք, անհարմար է»: Ասվածը զարմացրեց անգամ հայցվորի փաստաբանին. «Ո՞վ»: Պարոն Ափինյանը շարունակեց. «Հայկական Առաքելաականը եւ Ավետարանականը: Աստված կարող է ներել, Դուք չե՞ք կարող»: Հարցից կարկամած Լ. Բարդակչյանը սկսեց խոսել. «Մենք ներելու խնդիր չունենք…»: Իսկ այդ դեպքում, թե ինչու է դատարան եկել Լ.Բարդակչյանը մեկ Աստված գիտի, մեկ էլ ինքը: Ինչեւէ, հիշեցնենք, որ «Իրավունքը» Մայր Աթոռ Սուրբ Էջմիածնի միաբան, Հայորդաց տների տեսուչ տնօրեն Տ. ԿՈՄԻՏԱՍ վարդապետ ՀՈՎՆԱՆՅԱՆԻՑ հետաքրքրվել էր, թե որքանով կարելի է դիտարկել Հայ Առաքելական եւ Երեւանի Ավետարանական եկեղեցիները որպես քույր եկեղեցիներ, որին ի պատասխան Հայր Սուրբը նշել էր. «Ոչ մի քույր թույլ չի տա իր քրոջ զավակներին գողանալ: Չեմ կարող հասկանալ մեկ բան` ինչպես մեկը կարող է հայտարարվել քույր եկեղեցի` գողանալով իր քույր եկեղեցու անդամներին` դարձնելով իր եկեղեցու անդամ: Այստեղ ես քույրություն չեմ տեսնում: Բառը օգտագործելուց առաջ նախ պետք է անդրադառնանք, թե գործն ինչպիսի ընթացքով է զարգանում: Դժբախտաբար, գործը բացասաբար է զարգանում»:

Հավելենք, որ հայցվոր կողմը, ի դեմս Բարդակչյանի, պահանջում է «Իրավունքից» ներողություն խնդրել «Լ. Բարդակչյանի կողմից  Կոմիտաս վարդապետի հասցեին արվել է նողկալի արտահայտություն» նախադասության համար, քանի որ, ըստ հայցվոր կողմի, «նողկալի» բառով ոտնահարվել է Ավետարանական եկեղեցու հովվի պատիվն ու արժանապատվությունը, իսկ «Իրավունք մեդիա» ՍՊԸ-ից` հօգուտ իրեն, Աստծո ծառա Բարդակչյանը պահանջում է բռնագանձել ո՛չ ավել, ո՛չ պակաս 1.000.000 դրամ:


ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ