ԱԳՆ-Ն ԼՌՈՒԹՅԱՄԲ ՀԵՏԵՎՈՒՄ Է ՌԻԳԱՅՈՒՄ ՏԵՂԻ ՈՒՆԵՑՈՂ ԶԱՐԳԱՑՈՒՄՆԵՐԻՆ
Արխիվ 12-16Լատվիայի մայրաքաղաք Ռիգայում երեկ մեկնարկեց Արեւելյան գործընկերության անդամ երկրների գագաթնաժողովը: Նշենք, որ ՀՀ նախագահը նույնպես ժամանել է Ռիգա, մինչդեռ, կարծես թե, գագաթնաժողովը բոյկոտել է Ադրբեջանի նախագահն ու ներկայացել արտգործնախարարի մակարդակով: Ի դեպ, արդեն իսկ շրջանառության մեջ է դրված գագաթնաժողովի հռչակագրի ամփոփիչ տեքստը, որում տեղ է գտել նաեւ Ուկրաինայի ամբողջականության հարցը: Վերոնշյալ կետում մասնավորապես օգտագործված է Ռուսաստանի կողմից "Ղրիմի եւ Սեւաստոպոլի ապօրինի բռնակցում" արտահայտությունը, ինչին կտրականապես դեմ են գագաթնաժողովին մասնակցող ԵՏՄ անդամ Հայաստանն ու Բելառուսը: Ի դեպ, ամփոփիչ հռչակագրում նախնական տվյալների համաձայն, հատուկ կետ կա ԼՂ հակամարտության կարգավորման վերաբերյալ: Այս իրավիճակում, թե ինչպիսի՞ որոշում կկայացնի հայաստանյան պատվիրակությունն ու ընդհանրապես ի՞նչ կարելի է ակնկալել Ռիգայի գագաթնաժողովից, "Իրավունքը" փորձեց պարզել ՀՀ արտաքին գործերի փոխնախարար ՇԱՎԱՐՇ ՔՈՉԱՐՅԱՆԻՑ, բայց ապարդյուն. "Հայտարարություն պիտի լինի: Ընդհանուր տեքստը շատ շուտ կլինի, կտեսնեք":
Հավանեցի՞ր հոդվածը, կիսվիր ընկերներիդ հետ
