Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՀԱՅԱՍՏԱՆ-ՎՐԱՍՏԱՆ` ԵՐԿՐՈՐԴ ԱՆԳԱՄ` ԿԵՍ ՏԱՐՎԱ ԸՆԹԱՑՔՈՒՄ

Արխիվ 12-16

ՀԱՅԱՍՏԱՆ-ՎՐԱՍՏԱՆ` ԵՐԿՐՈՐԴ ԱՆԳԱՄ` ԿԵՍ ՏԱՐՎԱ ԸՆԹԱՑՔՈՒՄ

Վրաստանի հետ հարաբերությունները Հայաստանի կառավարության առաջնահերթություններից են, ինչի մասին վկայում է կես տարվա ընթացքում Հայաստանի վարչապետի երկրորդ այցելությունը Վրաստան: Անցյալ տարվա դեկտեմբերին Հովիկ Աբրահամյանը պաշտոնական այց էր կատարել Թբիլիսի:
Այս անգամ Հայաստանի վարչապետը Վրաստանի վարչապետ Իրակլի Ղարիբաշվիլիի հետ աշխատանքային հանդիպում է ունեցել Բաթում քաղաքում: Առանձնազրույցի ընթացքում նրանք քննարկել են հայ-վրացական հարաբերություններին, երկկողմ տնտեսական համագործակցության զարգացմանն ու խորացմանն առնչվող հարցեր:
Հանդիպման ավարտից հետո Հայաստանի եւ Վրաստանի վարչապետները շրջել են Բաթումի զբոսայգում` ոչ պաշտոնական մթնոլորտում շարունակելով զրույցը:
Այն, որ երկու հարեւան երկրների միջեւ քիչ չեն համատեղ ծրագրերն ու փոխադարձ շահավետություն ներկայացնող հարցերը, գաղտնիք չէ:
Նկատի ունենալով Հայաստանի անդամակցումը ԵՏՄ-ին եւ Վրաստանի ասոցացումը ԵՄ հետ, իրատեսական է երկու երկրների ակտիվ համագործակցությունը այս երկու խոշոր միություններում փոխշահավետ ծրագրեր իրականացնելու ուղղությամբ: Տարածաշրջանային համագործակցության համար լավ հնարավորություններ կարող է առաջացնել Հայաստանում Հյուսիս-հարավ մայրուղու կառուցումը:
Հայտնի է, որ մեր մյուս հարեւան Իրանը շահագրգռված է այս նախագծի իրականացմամբ, որը հնարավորություն կտա նրան ավելի կարճ ճանապարհով դուրս գալ դեպի Սեւ ծով եւ եվրոպական շուկա: Այս դեպքում Հայաստանն ու Վրաստանը նաեւ տարանցիկ ճանապարհ կդառնան մերձավորարեւելյան ու ԱՊՀ երկրների միջեւ:
Հայաստանից դեպի մեր ապրանքների հիմնական շուկա` Ռուսաստան տանող միակ ցամաքային ճանապարհն անցնում է Վրաստանով, ուստի կարեւորվում են Բագրատաշեն, Բավրա եւ Գոգավան սահմանային անցակետերի շինարարության ու արդիականացման եւ նոր` "Բարեկամություն" կամրջի շինարարական աշխատանքների իրականացումը, Վերին Լարսի սահմանային անցակետի անխափան գործունեությունը:
Բնական է, որ իր վրացի պաշտոնակցի հետ Հովիկ Աբրահամյանի հանդիպման ժամանակ այս հարցերը պետք է լինեն օրակարգում: "Բարեկամություն" կամրջի շինարարությունն ակնկալվում է ավարտին հասցնել այս տարի: Նախորդ հանդիպման ժամանակ կարեւորվել էին Էներգետիկ ոլորտում Հայաստան-Վրաստան 400 կիլովոլտ լարման էլեկտրահաղորդման գծի կառուցումը, Երեւան-Թբիլիսի եւ Երեւան-Բաթում կանոնավոր չվերթերի գործարկումը: Ինչ վերաբերում է երկու երկրների առեւտրաշրջանառության ծավալներին, ապա այն կազմում է մոտ 156 մլն դոլար (2014 թ.):
Հայաստանից դեպի Վրաստան արտահանումը կազմել է մոտ 84 մլն դոլար, ներմուծումը` մոտ 72 մլն դոլար: Արտահանում ենք լեռնարդյունահանող սարքավորումներ, բուսաբուծական եւ թռչնաբուծական ապրանքներ, գյուղմթերք, սննդարդյունաբերական արտադրանք: Վրաստանից ներմուծման մեջ զգալի ծավալ են կազմում գյուղմթերքներն ու ավտոմեքենաները, ինչպես նաեւ քիմիական, դեղագործական արտադրանքը, հանքային ջրերը:
Ակնհայտ է, որ երկու հարեւան երկրների տնտեսական կապերի խորացման ներուժն ավելին է, քան 156 մլն դոլար առեւտրաշրջանառության ծավալը, եւ այս առումով նույնպես վարչապետների հանդիպումը կարող է դրական ազդեցություն ունենալ ապրանքաշրջանառության ծավալների ավելացման վրա:

Վ. ՔՈՉԱՐՅԱՆ

Հավանեցի՞ր հոդվածը, կիսվիր ընկերներիդ հետ