Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՀԱՅԿԱԿԱՆ ԱՎԱՆԴԱԿԱՆ «ՔՈՉԱՐԻՆ» ԿՆԵՐԿԱՅԱՑՎԻ ՅՈՒՆԵՍԿՕ

Արխիվ 12-16

ՀԱՅԿԱԿԱՆ ԱՎԱՆԴԱԿԱՆ «ՔՈՉԱՐԻՆ» ԿՆԵՐԿԱՅԱՑՎԻ ՅՈՒՆԵՍԿՕ



ՀՀ մշակույթի նախարարությունը «Քոչարի» հայկական ավանդական պարը ոչ նյութական մշակութային ժառանգություն ճանաչելու համար կներկայացնի ՅՈՒՆԵՍԿՕ: Այս անգամ էլ չի բացառվում, որ մեր հարեւանները բարձրացնեն վայնասուն եւ աշխարհով մեկ աղաղակեն, թե «Քոչարին» իրենց "ավանդական" պարն է: Այս հանգամանքը հաշվի առնելով նախարարությունը նախատեսել է բոլոր միջոցները` հարեւաններին հակառակը ապացուցելու համար:

Նշենք, որ նախորդ տարի, երբ հայկական լավաշը ՅՈՒՆԵՍԿՕ-ի կողմից ճանաչվեց որպես հայկական ոչ նյութական մշակութային ժառանգություն, հարեւան Ադրբեջանը տեղը չէր գտնում, դիմեց հնարավոր եւ անհնար բոլոր միջոցներին, որպեսզի ձախողի գործընթացը, սակայն չկարողացավ: Ադրբեջանից եւ Թուրքիայից մեր մշակութային ժառանգությունը պահպանելու միակ ձեւը սա է, քանի որ վերջիններս արդեն սովորություն են դարձրել սեփականաշնորհել հայկական մշակույթը` փոխանակ իրենց սեփականը ստեղծեն: Այս թեմայի շուրջ «Իրավունքը» զրուցեց հայկական ավանդական պարի մի շարք մասնագետների հետ եւ փորձեց պարզել, թե բացի "Քոչարի" պարից, հայկական որ պարերն են վտանգված:

«ՉՊԵՏՔ Է ԴԱՆԱԿԸ ՈՍԿՈՐԻՆ ՀԱՍՆԻ»

«Սասուն» ազգագրական երգի-պարի համույթի գեղարվեստական ղեկավար ԱՆԴՐԱՆԻԿ սարկավագ ՄԱՆՈՒԿՅԱՆ.
- Հայկական մշակույթի հետ կապված` չպետք է դանակը ոսկորին հասնի` նոր մտածեն, այլ բոլորս պետք է գիտակցենք, որ ցանկացած ժամանակ վտանգ կա, որ մեր մշակույթը կգողանան: Շատ լավ է, որ այս հարցը բարձրացվել է, ինձ դիմել են, եւ բոլոր հնարավորություններով` նյութերով օգնել եմ: Այն ժառանգությունը, որը մեզ է փոխանցվել նախնիներից, պետք է պահպանվի: Շատ պարեր ունենք, օրինակ Վանի քոչարին, մարտական գեղեցիկ պարեր, «Թամզարան», «Յարխուշտան», որի համար էլ մեծ պայքար է գնում: Այս պարերի հետ կապված` միշտ էլ խնդիրներ եղել են եւ կլինեն, այդ պատճառով էլ դիմել եմ, որպեսզի դրանք նկարահանվեն եւ պահպանվեն, բայց կարելի է ասել` ստացել եմ չնչին պատասխաններ: Միանշանակ, այս անգամ էլ հարեւան երկրները կսկսեն անհանգստանալ, թշնամին միշտ էլ ձգտել է լինել առաջին դերում, բայց չենք թողնելու, որ ստանձնի այդ դերը:

«ԱՎԱՆԴԱԿԱՆ ՔՈՉԱՐԻԻ ԲՈԼՈՐ
ՏԵՍԱԿՆԵՐԸ ՎՏԱՆԳՎԱԾ ԵՆ»


«Սասնա ծռեր» ազգագրական համույթի գեղարվեստական ղեկավար ՀՈՎՀԱՆՆԵՍ ՄԿՐՏՉՅԱՆ.
- Այսօր հայկական ավանդական քոչարիի բոլոր տեսակները վտանգված են: Ունենք գովնդների շարաններ, որոնք նույնպես վտանգված են: Թե՛ ադրբեջանցիները, թե՛ թուրքերը մեզ հետ ապրել են մեկ տարածաշրջանում, մեր հայկական պարերը կարծես թե դարձել են բոլորինը, ճիշտ է կողք կողքի են ապրել տարբեր ազգեր, բայց մշակույթ ունեցել են միայն հայերը: Երբ սկսվեցին հայերի հալածանքները, հայը մտածում էր միայն կյանքի մասին, եւ մի պահ մշակույթը մոռացության մատնվեց: Հենց այդ ժամանակ էլ մեր հարեւանները սկսեցին յուրացնել հայկական ծեսերը, մշակույթը: Ահա թե ինչու են նրանք միաձայն բողոքում, թե մենք ենք նրանցից մշակույթը վերցրել: Նույնիսկ մասնագետները հետ չեն նայում, որպեսզի հասկանան, թե իրենց մշակույթը որտեղից է եկել: Պետք է տեր լինենք մեր երկրին, բանին ու գործին` մեր մշակույթը ոտնձգություններից փրկելու համար:
«ԱԶԳԱԳՐԱԿԱՆ ՊԱՐԻ ՏԵՍԱԿՆԵՐ ԿԱՆ, ՈՐՈՆՔ ՊԵՏՔ Է ՊԱՀՊԱՆԵԼ»

«Հովիկ ստուդիո» ազգային պարի ակադեմիայի ղեկավար ԻՇԽԱՆ ԳԱՍՊԱՐՅԱՆ.
- Մենք հայկական հինավուրց շատ պարեր ունենք, որոնք, իմ կարծիքով, խիստ պահպանության կարիք ունեն: Ազգագրական պարի այնքան տեսակներ կան, որոնք պետք է պահպանել: Այսօր Ռուսաստանի Դաշնությունը այն եզակի երկրներից է, որտեղ հայկական համայնքները պահպանում են բոլոր տեսակի ավանդույթները: Որովհետեւ որպես ազգ, մեր ինքնագիտակցությունը, ինքնությունը եւ հայ մնալու կարեւորությունը գիտակցում ենք:

 

Ներկայացրեց ԶՎԱՐԹ ԽԱՉԱՏՐՅԱՆԸ

 

Հավանեցի՞ր հոդվածը, կիսվիր ընկերներիդ հետ