Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

«ԹԱՆԳԱՐԱՆԱՅԻՆ ԳԻՇԵՐ» ԾՐԱԳՐԻ ՇՐՋԱՆԱԿՈՒՄ ԲԱՑՎԵԼ Է «ԳՈՐԳԻ ՎԻՐՏՈՒԱԼ ԹԱՆԳԱՐԱՆ» ԿԱՅՔԷՋԸ

Արխիվ 12-16

«ԹԱՆԳԱՐԱՆԱՅԻՆ ԳԻՇԵՐ» ԾՐԱԳՐԻ ՇՐՋԱՆԱԿՈՒՄ ԲԱՑՎԵԼ Է «ԳՈՐԳԻ ՎԻՐՏՈՒԱԼ ԹԱՆԳԱՐԱՆ» ԿԱՅՔԷՋԸ


ՀՀ կառավարության 2013 թվականի որոշմամբ` կառավարության գործունեության մշակութային քաղա­քականության գերակա ուղղություն էր ընդունվել հայկական գորգարվեստի հանրահռչակումը: Այդ համատեքստում, 2013 թվականին իրականացվել են մի շարք միջոցառումներ` հայկական գորգա­գործա­կան մշակույթի վերաբերյալ տեղեկատվության, պատմության, ավան­դույթների տարածման եւ ոլորտի զարգացման ուղղությամբ, այդ թվում` տրվել էր «Գորգի վիրտուալ թանգարան» կայքէջի ստեղծման մեկնարկը:

Մայիսի 16-ին, «Թանգարանային գիշեր» ծրագրի շրջա­նակում` Հայաստանի պատմության թանգարանում տեղի է ունեցել հայկական «Գորգի վիրտուալ թանգարան» կայքէջի շնորհանդեսը: Կայքում տեղ են գտել նմուշներ Հանրապետության վեց թանգարանների, մասնավորապես` Հայաստանի պատմության թանգարանի, Հայաստանի ազգային պատկերասրահի, Երևանի պատմության թանգարանի, Հովհ. Շարամբեյանի անվան ժողովրդական ստեղծագործության կենտրոնի, Սարդարապատի Հայոց ազգագրության թանգարանի եւ Մայր Աթոռ Սուրբ Էջմիածնի Գանձարանի գորգերի հավաքածուներից: Կայքի ստեղծման նպատակն է՝ հայկական գորգերի տեղեկատվու­թյան բազայի ամբողջացումը, որն առաջին հերթին կարող է ծառայել որպես սկզբնաղբյուր` գիտական ուսումնասիրությունների համար:

Գորգերից բացի, կայքում կտեղադրվեն նաև հայկական գորգարվեստին նվիրված տարբեր հետազոտություններ, գրքեր եւ հոդվածներ, որոնք հնարավորու­թյուն կտան արտասահմանցի գիտնականներին խորացնել իրենց գիտելիքներն այս ոլորտում, վերանայել իրենց կարծիքներն ու գիտական պնդումները գորգի ծագումնաբանության եւ սկզբաղբյուրների վերաբերյալ:

Կայքն ունի կարևոր առանձնահատկություն. յուրաքանչյուր անձ, ով ունի հայկական գորգ կամ կարպետ, կարող է գրանցվել կայքում, մուտքագրել իր գորգի լուսանկարը եւ լրացնել համապատասխան տեղեկությունները: Կայքի ադմինիստրատոր-մասնագիտական խորհրդի կողմից տեղեկատվության հաստա­տու­մից հետո այն կհայտնվի կայքի կատալոգում եւ կդառնա գորգերի հանրագիտարանի մաս:

Կայքը մշտապես կհամալրվի նաև այլ թանգարանների եւ կառույցների գորգերի հավաքածուներով, ինչպես նաև Արցախի թանգարանների եւ ցուցասրահ­ների գորգերով:

http://www.armeniancarpets.am/

ԶՎԱՐԹ ԽԱՉԱՏՐՅԱՆ

 

 



Հավանեցի՞ր հոդվածը, կիսվիր ընկերներիդ հետ