Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

«ՌՈԲԵՐՏ ՆԱԶԱՐՅԱՆԸ ԱՍՊԵՏՈՒԹՅՈՒՆ ՈՒՆԵՆԱՐ ԿԱՍԵՐ. «ԳԻՆԸ ՎԵՐԱՆԱՅԵԼ ԵՆՔ, ՊԵՏՔ Է ՈՉ ԹԵ ԲԱՐՁՐԱՑՎԻ, ԱՅԼ` ԻՋԵՑ

Արխիվ 12-16

«ՌՈԲԵՐՏ ՆԱԶԱՐՅԱՆԸ ԱՍՊԵՏՈՒԹՅՈՒՆ ՈՒՆԵՆԱՐ ԿԱՍԵՐ. «ԳԻՆԸ ՎԵՐԱՆԱՅԵԼ ԵՆՔ, ՊԵՏՔ Է ՈՉ ԹԵ ԲԱՐՁՐԱՑՎԻ, ԱՅԼ` ԻՋԵՑՎԻ»». ՓՈՐՁԱԳԵՏ

 

Որքան էլ թղթի վրա տարբեր կոմբինացիաներով կատարված հաշվարկներն առաջին հայացքից «հիմնավոր» թվան, այնուամենայնիվ դժվար է պատկերացնել, որ փոքրիկ Հայաստանում, ուր կան էլեկտրաէներգիա արտադրող ամենատարբեր «օջախներ»՝ Ատոմակայան, ՀԷԿ-եր, ՋԷԿ-եր,փոքր ՀԷԿ-եր և այսպես ասած էներգիա արտադրող կոգեներացիա կոչվող հաստատություններ, կարող է հայտնվել էներգետիկ ճգնաժամի առջև: Մեր երկրում արտադրվող էլեկտրաէներգիան այնքան շատ է, որ նույնիսկ բաժին է ընկնում հարևան երկներին, բայց ինչու՞ է հանկարծ այնպես ստացվում, որ չգիտես որտեղից ինչ-որ ահռելի պատքեր են կուտակվում ու ամեն տարի աղիողորմ կեցվածքով դրանք ներկայացվում ժողովրդին, թե՝ ժողովուրդ հասի, մեր կերածի պարտքը տուր, թե չէ՝ առանց լույսի կմնա մի ամբողջ երկիր:

Պատկերացնելու համար, թե որտեղ է իրականում թաղված շան գլուխը «Իրավունք»-ի թղթակիցը զրուցեց էներգետիկ - փորձագետ Էմիլ Սահակյանի հետ, ով 40 տարի աշխատել է «Հայէներգո» ՓԲԸ-ում և ղեկավարել տարբեր բաժիններ: Նա բավականին լավատեղյակ է, թե որտեղ և ինչ եղանակով է արտադրվում էլեկտրաէներգիան, ով ումից է գնում և վերջապես ինչու Հանրային ծառայությունները կարգավորող հանձնաժողովը չի կարողանում զսպել հոսանք արտադրողների և մատակարարողների ախորժակը:

Պարզվում է էլեկտրաէներգիա արտադրողից մինչև սպառող շղթան այսպիսին է՝ արտադրողներ, Բարձրավոլտ էլեկտրացանցեր (ԲԷՑ), Հայաստանի էլեկտրական ցանցեր (ՀԷՑ) և սպառողներ: Արտադրված էլեկտրաէներգան ԲԷՑ-ը գնում է արտադրողներից, դրան մի փոքր ավելացնում է իր ծախսերը, ապա այն վաճառում է ՀԷՑ-ին, ՀԷՑ-ը մի մեծ կշռաքարի չափով գին է ավելացնում ԲԷՑ-ի գնին, այնտեղ ներառելով իր կորուստները, ծախսերը, այդ թվում նաև իր քեֆերի և այլ խնջույքների վրա ծախսած գումարները և ստացված կլորիկ գումարով այն վաճառում է սպառողներին: Էներգետիկ -փորձագետ Էմիլ Սահակյանի տեղեկացմամբ էլեկտրաէներգայի սակագնի մակարդակը բնորոշվում է ջերմաէլեկտրակայանների կողմից արտադրված էլեկտրաէներգիայի սակագնով: «ՋԷԿ-ի արտադրած էլեկտրաէներգիան ամենաթանկն է, քանի որ այն գազ է օգտագործում: Սակայն, խնդիրն այն է, որ մեզ մոտ արտադրվող էլեկտրաէներգիայի արժեքի սահմանման մեթոդաբանությունը հստակ ներկայացված չէ և այդ է պատճառը, որ դաշտում անորոշություն է տիրում, իր հետևանքներով հանդերձ»,- ասում է Է.Սահակյանը: Փորձագետի խոսքով՝ այսօրվա դրությամբ բոլոր արտադրողների կողմից արտադրված էլէեկտրաէներգի միջին սակագինը մաքսիմում կարելի է գնահատել 25 դրամ, և եթե բոլոր կողմերի ախորժակը բավարարելու համար դրան էլ գումարվի ևս 10 դրամ, ապա կարող է հասնել 35 դրամի և ոչ ավելին: «Բայց պետք է ասել, որ Հանրային ծառայությունները կարգավորող հանձնաժողովը այս հարցի շուրջ թողտվության մթնոլորտ է ստեղծել արտադրողների, տեղափոխողների և բաշխողների միջև և այդ պատճառով էլ մենք այսօր եկել և հասել ենք հիվանդության 4-րդ սատդիային»,- ասում է Է. Սահակյանը:

Պարզվում է, որ պետական կառույցի «կառուցած» մեխանիզմը, որը կոչված է արգելակել, սզպել, գնաճը իրականում չի գործում, իսկ մենք ամեն տարի ազգովի ուզում ենք կատարել հանձնաժողովի գործը, որն ինչպես փորձագետն է նշում հասել է հիվանդության 4-րդ աստիճանի: «ԱԺ-ից մինչև կառավարություն բոլորը միասին կատարում են Հանձնաժողովի չկատարած գործը: Եվ հիմա համոզված եմ, որ Ռոբերտ Նազարյանը չի էլ կարող հոսանքի գինը 17 դրամով բարձրացնել: Նա ավանդաբար, կգործի նույն սցենարով, որը դարձել է սովորույթ: Շուտով մամուլով ու հեռուստատեսությամբ կհայտարարի, որ հոսանքի գինը ընդամնենը բարձրացնում ենք օրինակ՝ 7,42 դրամով, իբրև թե հաշվել են: Բայց դա կլինի հերթական 100 տոկոսանոց սուտը: Իսկ եթե Ռոբերտ Նազարյանն ասպետություն ունենար կասեր, որ գիտեք ինչ, մենք գինը վերանայել ենք և այն պետք է ոչ թե բարձրացվի, այլ՝ իջեցվի, քանի որ վերլուծույթունները դա են ցույց տալիս, մանավանդ, որ նվազել է գազի գինը»,- ասում է Է. Սահակյանը:

Ինչպես ասում են ախորժակն ուտելուց է բացվում, ու այս դեպքում էլ ախորժակն այնքան է բացվել, որ դիմացն առնելը անհնարին է թվում: Այստեղ, այնուամենայնիվ մեկ հարց շատ հետաքրքիր է, որ եթե էլեկտրաէներգիայի արժեքի սահմանման մեթոդաբանությունը հստակ չէ, ապա այդ դեպքում Ռ. Նազարյանն ի՞նչ 4 հազար էջանոց «փաստաթուղթ» է ուսումնասիրում, գուցե կորուստները «թաքցնելու» նոր մեթոդներ մշակելով է զբաղված, որ այս անգամ էլ նոր «գյուտեր» անի:

 

ԱՐՄԻՆԵ ԳՐԻԳՈՐՅԱՆ

Հավանեցի՞ր հոդվածը, կիսվիր ընկերներիդ հետ