Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԶԱՐՄԱՆՔ

Արխիվ 12-16

Մի զարմանալի եւ տագնապեցնող տեղեկատվություն է հնչեցրել եթերում քայքայիչ աղանդների գծով հայտնի փորձագետ ԱԼԵՔՍԱՆԴՐ ԱՄԱՐՅԱՆԸ: Այն է, որ վերջին 20-25 օրվա ընթացքում Հայաստան տարբեր առիթներով այցելել են խարիզմատ աղանդների տարբեր ղեկավարներ եւ, ըստ շշուկների` Հայաստանում ուկրաինական սցենարով "գունավոր հեղափոխություն" նախապատրաստելու համար: Այստեղ արի ու մի ասա` ախորժակներիդ քացախ: Ախր, եթե աղանդավորական զոմբիացված նախիրը պիտանի լիներ հեղափոխություն իրականացնելու` վաղուց արել էին: Իսկ ինչու դա չի կարող ստացվել` որովհետեւ առանց այդ էլ աղանդավորներն իրենց կպչուն քարոզչությամբ այնքան են զզվեցրել մեր ժողովրդին, որ եթե հանկարծ համարձակվեն փողոց դուրս գալ (ինչ պահանջով էլ դա լինի) կդառնա իսկը թումանյանական հեքիաթի պատմությունը` տուր թե կտաս շան ճակատին: Բայց, միգուցե, իրականում այդ էմիսարների այցի նպատակը ոչ թե հեղափոխությունն է, այլ հենց ծեծուջարդ սադրե՞լը:
Իսկ բավականին զարմանալի բաներ հնչեցին "Հիմնադիր խորհրդարանի" ասուլիսում: Նախ` զավեշտի պես էր հնչում "ռեժիմի խուճապի մասին" ամեն մի պնդում, իսկ առանձին-առանձին այդ շարժման ներկայացուցիչները մեկը մյուսից զարմանալի բաներ էին ասում: Այսպես, ըստ ԺԻՐԱՅՐ ՍԷՖԻԼՅԱՆԻ. "Նրանց հաջողվեց խափանել մոբիլիզացիան, քանի որ մենք անազատության մեջ էինք, բայց չհաջողվեց խափանել մեր առաջընթացը": Ախր, ինչ առաջընթացի մասին է խոսքը... Սակայն էլ ավելի զարմանալի բաներ հայտարարեց "Հիմնադիր խորհրդարանի" ղեկավար կազմից Գեւորգ Սաֆարյանը` որ, եթե երիտասարդությունը կարող է տասնյակ հազարներով հավաքվել որեւէ համերգի, ապա ինչո՞ւ ինքն իրեն մի քանի ամիս հաճույքներից չզրկի եւ չհավաքվի բողոքի ակցիաների: Զարմանալի է, մի՞թե պարոն Սաֆարյանը հանրահավաքը չի զանազանում աշխարհահռչակ խմբերի համերգներից: Ախր, երիտասարդները գան իրենց հանրահավաքներին, որ ի՞նչ անեն` Գլուլնազ տատի հեքիաթները լսեն, թե ինչպես են շուտով քշում "ռեժիմին": Ախր, կարգին հեքիաթասաց էլ չեն... Նույն Գեւորգ Սաֆարյանն էլ հայտարարեց, որ ամսի 30-ի հանրահավաքին "հակագրոհի" են անցնելու: Ճիշտ է, նա պարտիզանի պես լռեց հակագրոհի պլանի մասին, բայց ակամա հիշեցինք հին խորհրդային անեկդոտը, թե ինչպես ձախորդի մեկն ընկնում է փոսը, մինչեւ երեկո ապարդյուն փորձում է դուրս գալ, իսկ վերջում ասում. "Մի հատ էլ կփորձեմ, եթե չստացվի կգնամ տուն":
Իսկ մայրաքաղաքում շաբաթօրյակներ են, եւ քաղաքապետարանում վարչական շրջանների ղեկավարների հերթական խորհրդակցության ժամանակ հայտարարվեց, որ աղբը չնախատեսված վայրերում թափելու դեպքերի մասին 51 ԱՐՁԱՆԱԳՐՈՒԹՅՈՒՆ է կազմվել: Պատկերացնո՞ւմ եք, 51 արձանագրություն, որոնք երեւի թե պետք է ահավոր վախեցնեն այն երեւանցիներին ու մայրաքաղաքի հյուրերին, ովքեր սեփական վարքագծով քիչ են տարբերվում խոզերից: Զարմանալի է, ինչ օգուտ այդ արձանագրություններից, եթե դեռեւս չի հրապարակվել մի դեպք, որ որեւէ մեկին քաղաքն աղտոտելու համար մի լավ տուգանել են... Ախր, ցանկության դեպքում սխալ տեղում նետած աղբը ուսումնասիրելով` կարելի է դյուրությամբ աղբատիրոջն էլ գտնել: Ինչո՞ւ չեք անում, այ ձեր հոգուն ղուրբան, մի քանիսին եթե լավ պատժեք, մյուսները մի շաբաթում կդառնան մաքրասեր:
Սակայն անցնենք նաեւ պոզիտիվ պահերին: Ինչքան էլ զարմանալի լինի, տեղեկատվական անվտանգության փորձագետ ՏԻԳՐԱՆ ՔՈՉԱՐՅԱՆԻՆ հաջողվեց պոզիտիվ պահ գտնել անգամ Եվրազիբիլ, կներեք, Եվրատեսիլ մրցույթում. "Բոլորս արդեն գիտենք, որ երգն է հաղթել քվեարկության արդյունքում: Իրական քվեարկության արդյունքում: Հանդիսատեսի քվեարկության արդյունքում: Այո, իտալացիների երգը: Երգ, որտեղ կար մեղեդի: Որտեղ 3 քսան տարեկան երգիչները հոգի դրեցին շատ գեղեցիկ երգի մեջ: Մի երգ, որտեղ հին, մեր բոլորի կարոտած Եվրոպան երգեց: Այն Եվրոպան, որով միշտ հպարտացել է աշխարհը: Մոցարտի, Բախի, Վերդիի, Ռաֆայելի, Տիցիանի, Բիզեի, Դյումայի ու Շիլլերի Եվրոպան: Հին քրիստոնյա Եվրոպան, որը փորձում են բռնաբարել` նրա վզին փաթաթելով խորթ արժեքները: Եվ այս երգի համար քվեարկությունը, այդ հին, իսկական Եվրոպայի ճիչն էր ամբողջ աշխարհին: Աշխարհ, արվեստը սա է, երաժշտությունը սա է, խոսքերը սա են": Բայց ինչ փույթ, որ իտալացիք իսկական արվեստ են ներկայացրել... Ախր, այդ մրցույթում արվեստ ներկայացնելը նույնն է, ինչ խոզերի առաջ մարգարիտներ շաղ տաս: Խոզերին կոմբիկեր տվեք, եթե ափսոս չէ, իսկ մարգարիտները պահեք մարդկանց համար, իսկ ինչպես հայտնի է, ոչ ամեն երկոտանի է մարդ:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ

Հավանեցի՞ր հոդվածը, կիսվիր ընկերներիդ հետ