Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԴԱՎԻԹ ՀԱՐՈՒԹՅՈՒՆՅԱՆ. "ԵԹԵ ՈՒԶՈՒՄ Է "LEXUS" ՔՇԵԼ, ԹՈՂ ՔՇԻ, ՄԻԱՅՆ ԸՆԿԵՐՈՒԹՅԱՆ ՇԱՀՈՒՅԹԻ ՀԱՇՎԻՆ"

Արխիվ 12-16

ԴԱՎԻԹ ՀԱՐՈՒԹՅՈՒՆՅԱՆ.
"ԵԹԵ ՈՒԶՈՒՄ Է "LEXUS" ՔՇԵԼ, ԹՈՂ ՔՇԻ, ՄԻԱՅՆ ԸՆԿԵՐՈՒԹՅԱՆ ՇԱՀՈՒՅԹԻ ՀԱՇՎԻՆ"

 


ԻՍԿ ԵԹԵ ԳՈՂՈՒԹՅԱՆ ՀԱՇՎԻ՞Ն ԵՆ "LEXUS" ՔՇՈՒՄ.
..

Էլեկտրաէներգիայի թանկացման մասին երեկ բավականին հեռու տանող մտքեր առաջացնող հայտարարություններով հանդես եկավ ՀՀ կառավարության աշխատակազմի ղեկավար-նախարար Դավիթ Հարությունյանը:
Այսպես, պատասխանելով այն չարաբաստիկ հարցին, թե, ի վերջո, ինչու պետք է հոսանքը թանկանա ՀԷՑ-ի հայտնի պարտքերի, այսինքն` անարդյունավետ աշխատանքի կամ գողությունների պատճառով, պարոն Հարությունյանը նկատեց. "Եթե անջուր տարի է, ունենք քիչ էլեկտրաէներգիա, ապա սպառողը պետք է ստիպված վճարի: Մյուս դեպքում` ոչ...":


Միանգամայն ընդունելի տեսակետ է: Բայց նաեւ փաստենք. անջուր տարի ասվածը վերաբերում է նախանցած տարվան, որից հետո ՀՀ հանրային ծառայությունները կարգավորող հանձնաժողովը նախ պատճառ բերելով, թե Որոտանի եւ Հրազդանի հէկ-երի համակարգը ջրի սակավության պատճառով քիչ հոսանք են արտադրել, ու դա էլ գումարվել է ատոմակայանի նախատեսվածից երկար կանգառին, ու արդյունքում ՀԷՑ-ը պարտքեր է կուտակել: Բայց այդ պակաս ջրի ու ատոմակայանի պարապուրդի թեմաները ոչ մի կերպ չեն կարող նորից գալ օրակարգ. անցած տարի այդ նպատակով հոսանքն արդեն իսկ մոտ 4 դրամով թանկացրել են, որը, դժվար չէ հաշվել, որ լիուլի բավարար էր այդ ֆինանսական պակասորդը փակելու համար:
Սակայն ՀԷՑ-ի պարտքերի թեման նորից օրակարգում է, ու, համենայնդեպս, այս պահին չկա որեւէ փաստարկ, որ դրա պատճառը սակավաջրությունը կամ նման այլ օբյեկտիվ գործոններ են: Եթե նման պատճառաբանություններ առաջիկայում կհնչեն, այլ բան: Իսկ քանի դեռ չկան, մնում է առաջնորդվել պարոն Հարությունյանի "Մյուս դեպքում` ոչ..." տրամաբանությամբ: Ընդ որում, այդ "մյուս դեպքեր" ասվածը վերաբերում է նաեւ ՀԷՑ-ից գողությունների մասին խոսակցություններին, որին եւս Դ. Հարությունյանը տվեց ոչ պակաս հետաքրքիր բացատրություն. "Եկեք բացենք փակագծերը եւ հասկանանք, թե ինչի մասին է խոսքը: Յուրաքանչյուր նման ընկերություն ունենում է առեւտրային կորուստներ, որը որոշ տեղերում կարող է լինել գողություն, որը մենք հաշվարկել չենք կարող: Բայց սա սեփականատիրոջ գրպանից կատարվող գողություն է: Թող առաջին հերթին սեփականատերը մտածի": Միգուցե, առավել եւս, որ խոսք գնաց նաեւ այդ գողությունների արտացոլում համարվող ՀԷՑ-ի բարձրաստիճան (եւ ոչ միայն) ղեկավարների շքեղությունների թեմային, որն այս հարցուպատասխանի ժամանակ կենտրոնացավ թանկարժեք "Lexus"-ների տեսքով, ինչի հետ կապված` կրկին Դ. Հարությունյանի ասածն ընդունելի է. "Եթե ուզում է "Lexus" քշել, թող քշի, միայն ընկերության շահույթի հաշվին": Բայց ցանկացած անձ, որ գոնե մի անգամ անցել է ՀԷՑ-ի կենտրոնական գրասենյակի, ասենք նաեւ` մասնաճյուղերի կողքով, հաստատ տեսել է այն թանկարժեք մեքենաների շարանները, որոնց ցանկում "Lexus"-ը նույնիսկ էժանագին ապրանք կարելի է համարել: Այսինքն` գողանում են, ու դա, եթե նույնիսկ ՀԷՑ-ի սեփականատերերին հետաքրքրում է, ապա որոշիչ քայլեր նրանք չեն ձեռնարկում: Բայց նաեւ այդ նույն գողության արդյունքում է, որ ռազմավարական նշանակություն ունեցող ցանցերը հայտնվել են նման խայտառակ վիճակում: Վաղը-մյուս օրը սույն գողերը հաստատ կարող են հանգիստ վեր կենալ ու փախչել Հայաստանից, ու մենք կմնանք դեմ առ դեմ մեր ավերված ցանցերի հետ: Ու նորից նույն հարցն է առաջ գալու. եթե ուզում ենք տներում գոնե լույս ունենալ, ուրեմն պետք է հոսանքը թանկացնել:
Ուզում ենք ասել, որ հենց այս պահին պետք է գողերի ձեռքը բռնել, անկախ այն բանից, որ ՀԷՑ-ի տերերն այդ "Lexus"-ները միգուցեեւ չեն էլ տեսնում:

ՔԵՐՈԲ ՍԱՐԳՍՅԱՆ

 

Հավանեցի՞ր հոդվածը, կիսվիր ընկերներիդ հետ