ԹՈՒՐՔԸ ՇԱՐՈՒՆԱԿՈՒՄ Է ԻՐ ԱՏԵԼՈՒԹՅՈՒՆԸ ՑՈՒՅՑ ՏԱԼ` ՀՈՒՇԱՐՁԱՆՆԵՐՆ ԱՎԵՐԵԼՈՎ
Արխիվ 12-16ԹՈՒՐՔԸ ՇԱՐՈՒՆԱԿՈՒՄ Է ԻՐ ԱՏԵԼՈՒԹՅՈՒՆԸ
ՑՈՒՅՑ ՏԱԼ` ՀՈՒՇԱՐՁԱՆՆԵՐՆ ԱՎԵՐԵԼՈՎ
Թուրքի "ձեռքը" հիմա էլ հասել է Արեւմտյան Հայաստանի տարածքում գտնվող Մշո Առաքելոց վանքի կիսականգուն մնացած եկեղեցուն, որը շարունակվում է ենթարկվել գանձագողերի վայրագություններին: Մշո Առաքելոց վանքում բարբարոսները քանդել են կիսականգուն մնացած միակ եկեղեցու պատերն ու փորել եկեղեցու հարեւանությամբ գտնվող հայերի 23 գերեզման. հանգուցյալների ոսկորները դուրս են նետվել, իսկ եկեղեցում 5 մետր երկարությամբ եւ 6 մետր լայնությամբ փոս է արվել եւ տարվել եկեղեցու սալիկներից մեկը: Այդ մասին թուրքական լրատվամիջոցներում ահազանգել է Սասունի հայերի միության նախագահ Ազիզ Դաղջըն ու ասել, որ դիմել է Մուշի նահանգապետարան: Ուսումնասիրություններից հետո հաստատվել է այն:
Սասունի հայերի միության նախագահը փաստել է, որ վերջին տարիներին գանձագողերի թիրախում գտնվող Մշո Առաքելոց վանքը որքան մեծ նշանակություն ունի հայերիս համար:Իսկապես, հայերիս համար յուրաքանչյուր մշակութային ժառանգություն ունի իր պատմությունն ու նշանակությունը: Բայց չմոռանանք, որ բոլոր ժամանակներում էլ թուրքը մնում է թուրք ու որքան էլ միջազգային ատյաններում փորձեն ձեւացնել, թե իբր հանդուրժող են, միեւնույնն է, 100 տարի անց էլ, շարունակում է հայերի հանդեպ ունեցած ատելություն ցուցաբերել` իրենց հափշտակած տարածքում 100 տարի "թարսի պես" կանգուն մնացած մշակութային կոթողների` հայերիս համար սրբավայր դարձած հուշարձաններն ավերելով:
Կույտը մշակեց
ԼԻԼԻԹ ԵՂԻԱԶԱՐՅԱՆԸ
Հավանեցի՞ր հոդվածը, կիսվիր ընկերներիդ հետ
