ԱՐԱՄ ՀԱՐՈՒԹՅՈՒՆՅԱՆԸ` ՀՈՍԱՆՔԻ ԹԱՆԿԱՑՄԱՆ ՈՒ ՀԾԿՀ-Ի ՈՐՈՇՄԱՆ ՄԱՍԻՆ
Արխիվ 12-16ԱՐԱՄ ՀԱՐՈՒԹՅՈՒՆՅԱՆԸ` ՀՈՍԱՆՔԻ ԹԱՆԿԱՑՄԱՆ ՈՒ
ՀԾԿՀ-Ի ՈՐՈՇՄԱՆ ՄԱՍԻՆ
Ջրային տնտեսության պետական կոմիտեի (ՋՏՊԿ) նախագահ Արամ Հարությունյանն խորհրդարանում ներկայացրեց ջրային տնտեսության ոլորտում կատարված աշխատանքների ու նախորդ տարվա բյուջեի կատարողականը: Պրն Հարությունյանը հավաստիացրեց, որ այս ջրամբարները ջրով լցված են, արդյունքները գոհացուցիչ են: «Կարծում եմ` փոքր ՀԷԿ-Ը գոհ կլինեն»,- ասաց Արամ Հարությունյանը:
«Իրավունքը» Արամ Հարությունյանից պարզեց` եթե ջրամբարները ջրով լի են, ինչպես հասկանալ ՀԾԿՀ-ի այսօրվա որոշումը, ըստ որի` փոքր ՀԷԿ-երի, հողմային էլեկտրակայանների և կենսաբանական զանգվածից էլեկտրաէներգիա արտադրող կայանների կողմից արտադրվող և առաքվող էլեկտրական էներգիայի վաճառքի գինը 2,4-ից մինչև 4,4 դրամի սահմաններում բարձրացվել է:
Արամ Հարությունյանը չմեկնաբանեց ՀԾԿՀ-ի այդ որոշումը, քանի որ ՀԷԿ-ի հետ ՋՏՊԿ-ն առնչվում է այնքանով, որքանով դրանք չեն խանգարում ոռոգման ջրագծերին ու համակարգերին: «ՀՀ-ում այսօր գործում են 130 ՀԷԿ, որոնց մի մասն են միայն ջրային համակարգերի վրա»,- մանրամասնեց պաշտոնյան, ապա ասաց, որ հիմնավորումներ ու տեղեկատվություն չունի ՀԾԿՀ-ի այսօրվա որոշման մասին:
ՍՈՆԱ ԴԱՎԹՅԱՆ
