Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

"ԵՐԵԽԱՅԻՍ ՄԱՇԿԸ ՊԱՏՎՈՒՄ Է ԵՂՆՋԱՑԱՆՈՎ"

Արխիվ 12-16

"ԵՐԵԽԱՅԻՍ ՄԱՇԿԸ ՊԱՏՎՈՒՄ Է
ԵՂՆՋԱՑԱՆՈՎ"


- Հարգելի բժիշկ, դուստրս 13 տարեկան է, ջրային պրոցեդուրաներից հետո (օճառով կամ առանց` կապ չունի) մաշկը պատվում է եղնջացանով, կա քորի զգացողություն: Ի՞նչ է սա:


Հարցին պատասխանել է մաշկաբան ՎԱՐԴԱՆ ՆԵՐՍԻՍՅԱՆԸ.

- Ձեր աղջկա մոտ եղնջացանի` (ալերգիկ հիվանդություն), հազվադեպ հանդիպող տարատեսակներից է` ջրային եղնջացան (Aquagenic urticaria): Տվյալ դեպքում ջուրը հանդիսանում է որպես ալերգեն, այսինքն գործոն, որն առաջացնում է ալերգիկ ռեակցիա:
Եղնջացանը դրսեւորվում է մաշկի մակերեւույթից բարձրացող կարմիր, վարդագույն կամ մարմնագույն, քորով ուղեկցվող պնդավուն, այտուցային օջախներով (նման եղնջի հետ շփումից հետո առաջացած օջախների): Դրանք կարող են տարբեր չափերի եւ ձեւերի լինել, միանալ իրար` առաջացնելով բազմաձեւ օջախներ:


Հիվանդների որոշ մասի մոտ եղնջացանը կարող է ուղեկցվել Կվինկեի այտուցով, որի դեպքում այտուց է դիտվում նաեւ կոկորդում` բերելով շնչառության դժվարացման, հեւոցի` կյանքին վտանգ սպառնացող վիճակի ձեւավորմամբ: Ուստի շատ կարեւոր է եղնջացանի դեպքում ալերգոլոգի կոնսուլտացիան եւ համապատասխան բուժումների ընդունումը: Հիվանդությունն ալերգիկ բնույթի է: Սրացման պատճառներ կարող են հանդիսանալ բազմաթիվ ալերգիկ եւ ոչ ալերգիկ գործոններ, մասնավորապես ալերգիայի սրացում առաջացնող սննդամթերքը, դեղորայքը, ծաղկափոշին. կան եղնջացանի ջերմային, ցրտային, արեւային, վիբրացիոն (ճնշումից), ջրային ձեւերը:
Հարգելի նամակագիր, հիվանդությունը վարակիչ չէ: Կլինիկական պատկերի հիման վրա այն հեշտությամբ կարելի է ախտորոշել սրացման շրջանում: Կան որոշ հետազոտություններ, որոնք պետք է կատարվեն բժշկի ցուցումով, եւ դրանցից կարեւոր են ալերգիկ փորձերը` պարզելու համար, թե կոնկրետ որ ալերգենի նկատմամբ է գերզգայուն օրգանիզմը:
Կանխարգելման արդյունավետ միջոցը տվյալ ալերգենի հետ շփման բացառումն է: Քանի որ այս դեպքում գործ ունենք հազվադեպ հանդիպող ջրային ալերգիայի հետ, շփման բացառումն իրատեսական չէ: Առաջին հերթին պետք է հասկանալ` դա իրականում ջրային եղնջացա՞ն է, թե պատճառ են հանդիսանում օճառները կամ լողանալու գելերը, որոնք գունա եւ հոտավետ նյութեր են պարունակում, կարող են ալերգիկ ռեակցիաների պատճառ հանդիսանալ: Այդ իսկ պատճառով առաջին հերթին պետք է դիմել համապատասխան մասնագետի, որի կողմից ախտորոշման հաստատման դեպքում, կտրվեն նաեւ մի շարք պրակտիկ խորհուրդներ, որոնք կնվազեցնեն եղնջացանի հավանականությունը:
Կրկնման հավանականություն կա: Վերջնական բուժման հարցը որոշվում է կոնկրետ դեպքի համար` համապատասխան մասնագետի կողմից:

ՎԼԱԴ ՄՈՒՐԱԴՅԱՆ

 

Հավանեցի՞ր հոդվածը, կիսվիր ընկերներիդ հետ