Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՀՐԱԶԴԱՆԻ ԱՎՏՈԿԱՅԱՆԻ ՏԵՂՈՒՄ ՌԵՍՏՈՐԱՆ ՉԻ ԿԱՌՈՒՑՎՈՒՄ. ՆԱԽԱՐԱՐՈՒԹՅՈՒՆԸ ՀԵՐՔՈՒՄ Է…

Արխիվ 12-16

ՀՐԱԶԴԱՆԻ ԱՎՏՈԿԱՅԱՆԻ ՏԵՂՈՒՄ ՌԵՍՏՈՐԱՆ ՉԻ ԿԱՌՈՒՑՎՈՒՄ. ՆԱԽԱՐԱՐՈՒԹՅՈՒՆԸ ՀԵՐՔՈՒՄ Է…


 

«Իրավունքը», մայիսի 15-ին հղում տալով իր աղբյուրներին, գրել էր, որ   Հրազդան քաղաքի  գլխավոր բժիշկը` «Հրազդանի բժշկական կենտրոն» ՓԲԸ տնօրեն Ռոբերտ Սահակյանը գնել է Հրազդանի  ավտոկայանը եւ  պատրաստվում է ռեստորանային համալիր կառուցել: Բժշկական կենտրոնի նախագահը  հերքել էր այդ լուրերը, իսկ Հրազդանի քաղաքապետը  հստակ պատասխան չէր տրվել, միայն ասել էր, որ ավտոկայանը պատկանում է տրանսպորտի եւ կապի նախարարությանը, եւ  այնտեղից  կարող ենք պարզաբանում ստանալ: «Ես նման լուրեր չեմ լսել, ու  ռեստորանային համալիր կառուցելու մասին փաստաթուղթ չենք ստացել»,- «Իրավունքի» հետ զրույցում ասել էր Հրազդանի քաղաքապետը:

Խնդրի առնչությամբ «Իրավունքը» գրավոր հարցումներ էր ուղարկել տրանսպորտի եւ կապի, քաղաքաշինության նախարարություններ`խնդրելով տրամադրել մանրամասն տեղեկատվություն:

Տրանսպորտի կապի նախարարության «Հայավտոկայան» ՓԲ ընկերությունից մեզ պատասխանել են, որ  Հրազդանի ավտոկայանը գտնվում է «Հայավտոկայան» ՓԲ ընկերության կազմում։ Ավտոկայանն արդեն  շուրջ 10 տարի է, որ օբյեկտիվ պատճառներով ամբողջությամբ չի շահագործվում, ինչի հետևանքով հայտնվել է վատ վիճակում՝ ջրաթափանց տանիք, կիսաքանդ միջնորմային պատեր, շարքից դուրս եկած սանհանգույց, կոտրված ապակիներ և այլն։

Ավտոկայանը նման վիճակից դուրս բերելու, պահպանության և հարկային պարտավորություններն ապահովելու համար «Հայավտոկայան» ընկերությունն ավտոկայանի մի մասը ժամանակավորապես տվել է վարձակալության։

Վարձակալման պայմանագիրն անհատ ձեռնարկատեր Կ. Հակոբյանի հետ կնքվել է 17.03.2015թ., որը վավերացվել է նոտարի կողմից և ունի պետական գրանցում։ Ավտոկայանի վարձակալված հատվածում անհատ ձեռնարկատիրոջ միջոցներով  կատարվում են շինվերանորոգման և ներքին հարդարման աշխատանքներ։ Հիշյալ գործարքը ընկերությանը  հնարավորություն է ընձեռում որոշակի ժամանակահատվածից հետո ունենալ վերանորոգված ավտոկայան։ Հրազդանի ավտոկայանի տարածքից որևէ մաս չի վաճառվել անհատի  կամ այլ կազմակերպության՝ ռեստորանային համալիր կառուցելու համար։ Ընկերությունը գործել է իր կանոնադրության համաձայն, որը թույլատրում է ժամանակավորապես չօգտագործվող տարածքները տալ վարձակալության։

Հրազդանի ավտոկայանի վարձով չտրված տարածքը լիովին բավարարում է ուղևորափոխադրման ներկա ծավալների սպասարկմանը և ավտոմեքենաների կայանատեղիի ապահովմանը։

Փաստորեն, տրանսպորտի եւ կապի նախարարությունը հերքում է, որ ավտոկայանը վաճառվել է «Հրազդանի բժշկական կենտրոն» ՓԲԸ տնօրեն Ռոբերտ Սահակյանին` ավտոկայանը վաճառքի ու այն  ռեստորանային համալիր կառուցելու մասին լուրերը:

Քաղաքաշինության նախարարությունն էլ ի պատասխան մեր հարցման, տեղեկացնում է` խնդիրը դուրս է քաղաքաշինության նախարարության իրավասություններից: Շինարարության թույլտվությունը համայնքում տրամադրվում է համայնքների ղեկավարների կողմից, հետեւաբար շինթույլտվության պատճենները եւս պետք է խնդրել համայնքի ղեկավարից:



ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ