Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԼՈՒՍԻՆԵ ԶԱՔԱՐՅԱՆԻ ԲՆԱԿԱՐԱՆԸ ԹԱՆԳԱՐԱՆԻ ՎԵՐԱԾԵԼՈՒ ՀԱՐՑԸ ԿԼՈՒԾՎԻ ՍԵՊՏԵՄԲԵՐԻՆ (տեսանյութ)

Արխիվ 12-16

ԼՈՒՍԻՆԵ ԶԱՔԱՐՅԱՆԻ ԲՆԱԿԱՐԱՆԸ ԹԱՆԳԱՐԱՆԻ ՎԵՐԱԾԵԼՈՒ ՀԱՐՑԸ ԿԼՈՒԾՎԻ ՍԵՊՏԵՄԲԵՐԻՆ (տեսանյութ)


Բազմաթիվ հրապարակումներից, արձագանքներից հետո Ե. Կողբացի 42 հասցեում գտնվող մեծատաղանդ երգչուհի Լուսինե Զաքարյանի ու նրա ամուսնու` ԵՊՀ լուսահոգի դասախոս, արվեստաբան Խորեն Պալյանի բնակարանի հարցը, 3 տարի անց էլ մնում է անլուծելի եւ կամաց-կամաց մոռացության մատնվում: Իսկ բնակարանը եւ խոնավությունից բորբոսի մեջ կորած իրերը փրկելու լավագույն տարբերակը բնակարանը թանգարանի վերածելն է, ինչն էլ հնարավոր է իրականացնել միայն ժառանգների թույլտվությամբ: Հայտնի է, որ լուսահոգի ամուսիններն իրենց սեփական ժառանգները չունեն, այսօր ժառանգորդ են համարվում Խ. Պալյանի եղբոր որդիները, ովքեր բնակվում են ԱՄՆ-ում, եւ նրանց առանձնապես չեն հուզում բնակարանն ու իրերը: Համենայնդեպս, երկար ժամանակ ժառանգների ու ՀՀ մշակույթի նախարարության միջեւ կապն անհնար էր դարձել:

«Իրավունքը» նույնպես բազմիցս փորձել է կապ հաստատել ամերիկաբնակ ժառանգների հետ, սակայն` ապարդյուն, վերջիններս կտրականապես չէին պատասխանում հայաստանյան զանգերին:

Բայց, ինչպես ասում են, պարզվում է` ամեն ինչ այդքան էլ անհույս չէ: Երեք տարվա պայքարից հետո ՀՀ մշակույթի նախարարությանը հաջողվել է երկխոսության մեջ մտնել Խ. Պալյանի հարազատների հետ: «Պարբերաբար շփվում ենք հարազատների հետ, վերջերս կապ հաստատեցինք, մի քանի ամիս առաջ զրուցեցինք հարազատների հետ, ասացին, որ ընտանիքում խնդիրը լուծում են եւ խոստացան, որ մինչեւ այս տարվա սեպտեմբեր արդեն որոշակի առաջարկով հանդես կգան պետության առջեւ: Կարեւորն այն է, որ երկխոսությունը մեզ մոտ արդեն դինամիկ ընթանում է, անընդհատ կապի մեջ ենք, եւ իրենք իրենց ներքին հարցերը լուծելուց հետո արդեն իրավիճակը կփոխանցեն պետությանը»,- «Իրավունքին» ասաց ՀՀ մշակույթի նախարար ՀԱՍՄԻԿ ՊՈՂՈՍՅԱՆԸ:

 


ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ