Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

Զարմացած է

Արխիվ 12-16

Ի՞նչ կարծիքի եք, կան արդյոք հայեր Հյուսիսային բեւեռում: Մի շտապեք ժխտական պատասխան տալ, քանզի նախ` հայեր կան ամենուրեք, եւ երկրորդը` կա հայ նավապետ ՎԱԼԵՆՏԻՆ ԴԱՎԻԴՅԱՆՑ, ում հիմնական գործերից մեկն էլ ատոմային սառցահատով զբոսաշրջիկներին Հյուսիսային բեւեռ հասցնելն է: Եվ ահա նրա վկայությամբ. «Հետաքրքրությունը միշտ էլ մեծ է եղել, այն դեպքում, որ ուղեգրերը բավականին թանկ են` միջինը 30 հազար դոլար: Փոխվել է զբոսաշրջիկների կազմը: Երբ 1990թ.-ին «Ռոսիա» սառցահատն առաջին անգամ զբոսաշրջիկներ տեղափոխեց Հյուսիսային բեւեռ, ապա այնտեղ հիմնականում թոշակային տարիքի ամերիկացիներ էին»:

Բայց նավապետի վկայությամբ` ամենուրեք ներկա լինելու հանգամանքով մենք մրցակիցներ ունենք` ի դեմս չինացիների. «Իսկ վերջին տարիներին, իմ կարծիքով, այցելում են գործարարները, հիմնականում` Ասիայի հարավ-արեւելքից, շատ են չինացիները: Առաջին չինացիները տարեցներ էին, իսկ հիմա նրանք էլ չեն այցելում: Այժմ հիմնականում երիտասարդներն են: Ասեմ, որ չինացիները գնում են ամենաթանկ ուղեգրերը: Նրանց տնտեսությունը դինամիկ կերպով զարգանում է: Կարող են իրենց նման հաճույք թույլ տալ»:Այժմ իշխանափոխությանը ոչ ոք չի հավատում: Բացառությամբ մի զարմանալի անձնավորության` ԵՐՋԱՆԻԿ ԱԲԳԱՐՅԱՆԻ: Այդ քյառթու ՀՀՇ-ականը իրոք երջանիկ է, քանզի պնդում է իշխանափոխությունը եւ հավատում իր պնդումներին. «Շտապ պետք է իրականացվի իշխանափոխություն: Ժողովրդի դեմ այսպիսի հանցագործություններ կատարող եւ կատարած իշխանությունն արդեն իր էությունը ցուցադրել է»: Դե ինչ, թեեւ Երջանիկ Աբգարյանի դիրքորոշումը մեզ զարմացնում է, սակայն լավ է, որ նա կա իր տեսակետով: Չէ՞ որ ամենուրեք անհրաժեշտ են վերջին մոհիկանները, եւ քաղաքական դաշտն այդ առումով բացառություն լինել չի կարող:Ի դեպ, զարմանալիորեն արագ իշխանափոխության գաղափարին սկսել են այնքան էլ չհավատալ այդ ուղղության ծայրահեղ ներկայացուցիչները` ի դեմս «Հիմնադիր խորհրդարանի»: Սույն աստվածահաճո հիմնարկության նախագահ ԳԱՐԵԳԻՆ ՉՈՒԳԱՍԶՅԱՆԸ հայտարարել է. «Կոնկրետ ժամանակահատված չկա իշխանություններից ազատվելու համար, մենք կարծում ենք, որ դա կլինի այս տարվա ընթացքում: Մենք սկսել են քաղաքական կոնսուլտացիաների շրջան բոլոր այն ուժերի հետ, որոնք այս ընթացքում աջակցել են մեզ»: Դե ինչ, դարձավ ճիշտ ու ճիշտ ժողովրդական ասացվածքը` էշ մի սատկիր, գարուն (ավելի ճիշտ աշուն) կգա:
Իսկ Տնտեսագիտական համալսարանի փիլիսոփայության ամբիոնի վարիչ, Նժդեհագետ Արամ Սարգսյանը պնդում է, որ մեր վերնախավում լեփ-լեցուն են այնպիսիք, ովքեր ՆԺԴԵՀԻՆ համարում են ռասիստ եւ ֆաշիստ. «Ցավալի է, բուհերից մեկում մենք ուզում ենք Նժդեհի ցեղակրոնությունը մտցնել հատուկ ուս: Որպեսզի այդ հատուկ ուսը մտցնենք, պետք է հաստատենք գիտական խորհրդում: Գիտական խորհրդում այդպես էլ չկարողացանք հաստատել, որովհետեւ մեծամասնությունն այն կարծիքին է, թե Նժդեհը ռասիստ է, ֆաշիստ է, եւ ճիշտ չէ Նժդեհի միջոցով երիտասարդությանը ռասիզմ եւ ֆաշիզմ քարոզելը»: Եթե գիտնականը չի չափազանցնում, ապա զարմանքով եւ դառնությամբ պետք է արձանագրենք, որ մեր գիտությունը սխալ ձեռքերում է, եւ ընդհանրապես պարզել` այդ խորհրդի անդամները արդյո՞ք իրական հայ են, թե` ոչ: Սակայն, անգամ եթե պնդումը չափազանցություն չէ, բարեբախտաբար, նույնիսկ այդպիսի որոշում ընդունողներն ի զորու չեն համացանցի եւ տեղեկատվության ազատ փոխանակման դարում Նժդեհի գաղափարների դեմն առնել, առավել եւս, որ դա ոչ միայն իշխող կուսակցության պաշտոնական գաղափարախոսությունն է, այլեւ ակտիվ երիտասարդները Նժդեհով շատ են հետաքրքրվում:

 

Զարմացած է
ՀՈՎՀԱՆՆԵՍ ԳԱԼԱՋՅԱՆԸ

Հավանեցի՞ր հոդվածը, կիսվիր ընկերներիդ հետ