Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

«ԿԱՐԳԱՎՈՐԵՔ ԴԻՄՈՐԴԻ ՌԵԺԻՄԸ` ՀԱՆԳՍՏԻ ԵՎ ՊԱՐԱՊԵԼՈՒ». Հոգեբան

Արխիվ 12-16

«ԿԱՐԳԱՎՈՐԵՔ ԴԻՄՈՐԴԻ ՌԵԺԻՄԸ` ՀԱՆԳՍՏԻ ԵՎ ՊԱՐԱՊԵԼՈՒ». Հոգեբան

 

Հոգեբանները կարող են օգտակար լինել դիմորդներին, եթե, իհարկե, ժամանակին են դիմել մասնագետի օգնությանը: Այդ մասին այօր «Ազդակ» լրագրողական ակումբում կայացած ասուլիսի ժամանակ ասաց ԵՊԲՀ բժշկական հոգեբանության ամբիոնի ավագ դասախոս, հ.գ.թ., հոգեսոցիալական կարգավորման կենտրոնի հոգեբան ՍՈՆԱ ՀԱՐՈՒԹՅՈՒՆՅԱՆԸ.

Ըստ նրա` «Անհրաժեշտ է, առարկաներին պատրաստվելուն զուգընթաց, ձեռքբերել նաեւ որոշակի հոգեբանական գիտելիքներ` մասնակցել հոգեբանական թրեյնինգների, որտեղ կսովորեցնեն` ինչպես կառավարել սեփական հույզերը»,- ասաց բանախոսը:

Իր իսկ խոսքերով` սթրեսը մեծ ազդեցություն է ունենում ե՛ւ հուզական ոլորտի, ե՛ւ իմացական գործոնի, ե՛ւ ուշադրության կենտրոնացման, ե՛ւ հիշողության, ե՛ւ մտածողության վրա:

«Կան տարբեր հոգեշտկման տեխնիկաներ` շնչառական, լարվածությունը թոթափող, ուշադրության կենտրոնացման, հիշողության արդյունավետությանը նպաստող վարժություններ»,- նկատեց է մասնագետը:

Հոգեբանը նշեց, որ մեծ դեր ունի նաեւ ինքնագնահատականը, որի անկումը նկատելի կդառնա ծնողների կողմից: Այս դեպքում մասնագիտական աջակցության կարիք կա:

«Պետք է հաշվի առնել նաեւ դիմորդի անձնային առանձնահատկությունները: Տեսեք` նույն առարկայի քննության պատրաստվելու համար տարբեր ընդունակությունների տեր մարդիկ տարբեր պահանջներ են ունենում: Այսինքն` մեկը կարող է շատ երկար աշխատել իր վրա, մյուսը` ճիշտ հակառակը. շուտ է հոգնում»,- ասաց նա:

Ս. Հարությունյանը խորհուրդ տվեց կարգավորել դիմորդի ռեժիմը` հանգստի եւ պարապելու: «Եթե նա պարապելու ընթացքում չի հանգստանում, գերծանրաբեռնված է` կորցնում է իր արդյունավետության գործակիցը»:

Հոգեբանը հորդորեց նաեւ ուշադրություն դարձնել սննդակարգին, այն պետք է հարուստ լինի վիտամիններով: Մեծ նշանակություն ունեն` ֆիզիկական ակտիվությունը, մաքուր օդին լինելը, զբոսանքները...

«Պակաս կարեւոր չէ ընտանեկան մթնոլորտը: Առավել եւս, եթե խոսքը ընդունելության քննությունների մասին է: Այն ավելի պատասխանատու գործընթաց է, քան ընթացիկ քննություն հանձնելը. դիմորդը, այսպես ասած, պատասխանատու է ե՛ւ ծնողի, ե՛ւ դասախոսի (կրկնուսույցի) առջեւ, հետեւաբար, մեծանում է սթրեսի գործակիցը»,- զգուշացրեց նա, ապա հավելեց, որ հանդիպում են  ծնողների, ովքեր շատ ավելի տագնապային են ու անհանգիստ, քան նա, ով նախապատրաստվում է քննության: Ծնողների նման վարքագիծն, ըստ նրա, ակամայից  կարող է փոխանցվել երեխային, ինչի արդյունքում երեխան կարող է դառնալ անվստահ ու տագնապային:

 

Վ. ՄՈՒՐԱԴՅԱՆ

Հավանեցի՞ր հոդվածը, կիսվիր ընկերներիդ հետ