Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՆԻԿՈԼ ՓԱՇԻՆՅԱՆԸ` ԳԵՎՈՐԳ ԿՈՍՏԱՆՅԱՆԻՆ. « ՁԵՐ ՑՈՒՑԱՄԱՏԸ ՁԵԶ ՊԱՀԵՔ»

Արխիվ 12-16

ՆԻԿՈԼ ՓԱՇԻՆՅԱՆԸ` ԳԵՎՈՐԳ ԿՈՍՏԱՆՅԱՆԻՆ. « ՁԵՐ

ՑՈՒՑԱՄԱՏԸ ՁԵԶ ՊԱՀԵՔ»

 

ՀԱԿ խմբակցության պատգամավոր Նիկոլ  Փաշինյանն այսօր խորհրդարանում  կոշտ քննադատության ենթարկեց ՀՀ գլխավոր դատախազ Գեւորգ Կոստանյանին: «Սուրիկ Խաչատրյանը 2013 թ-ին իր տան մոտ տեղի ունեցած արյունալի իրադարձությունների ժամանակ քնած է եղել եւ ինչպես Գեւորգ Կոստանյանն էր հայտարարել, չի եղել Ավետիք Բուդաղյանի հետ տեղի ունեցած  վայրում: Այդ ողջ իրադարձությունները տեսաձայնագրվել են Սուրիկ Խաչատրյանի տան տեսախցիկների կողմից: Եվ ուսումնասիրելով այդ տեսաձայնագրությունները` սեպտեմբերի երեսունին  Գեւորգ Կոստանյանին հարց ուղղեցի, թե արդյոք նախաքննությունը պարզել է` ժամը 23: 08 րոպեին ո՞վ է ձայն տալիս Ավետիք Բուդաղյանին: Այդ ո՞ւմ ձայնի վրա է  ետ շրջվում Բուդաղյանը եւ ստանում մահացու  հարված»,- հիշեցրեց  ՀՀ գլխավոր դատախազ,  երկու տարի առաջ զինվորական դատախազի պաշտոնը ստանձնած  Գեւորգ Կոստանյանին:

Այս հարցին, Նիկոլ Փաշինյանի խոսքով, Գեւորգ Կոստանյանը պատասխանել եւ ընդունել է, որ կանչ եղել է, բայց թե ով է կանչել, ով չի կանչել` էական չէ:

Անդրադառնալով Սուրեն Խաչատրյանի հեռախոսը գաղտնալսելու մասին  որոշմանը` ՀԱԿ պատգամավորն ասաց, որ խոսքը չի վերաբերում Սուրեն Խաչատրյանին, այլ նրա մերձավորների հեռախոսները գաղտնալսելուն:  «Գաղտալսման կոնտեքստում  Սուրեն Խաչատրյանն առանցքային օբյեկտ է, որը հիմնավորվում է  դատարանի որոշմամբ: Դատարանի կայացրած որոշմամբ  չի խոսվում թույլատրվում է  գաղտնալսել այսինչ կամ  կամ այնինչ  մարդուն: Դատարանի որոշման մեջ ասվում է` թույլատրվում է   գաղտնալսել Սուրեն Խաչատրյանի վարորդներին, որոնք դարձել են նրա հեռախոս բռնողները»,- մանրամասնում է պրն Փաշինյանը:

Նիկոլ Փաշինյանի խոսքով` դե եթե  գաղտնալսումը չի կատարվել տեխնիկական պատճառով, քանի՞  կոպեկի արժեք ունի դատարանի որոշումը:  «Բայց երբ հերթը հասնում է ընդդիմադիր  գործիչներին,  տեխնիկական ոչ մի բարդութուն չեք ունենում: Ու էսքանից  հետո  Գեւորգ Կոստանյանն ասում է, որ եթե Սուրիկ Խաչատրյանը հանցանք գործի կամ ապացույց լինի, նրան դատի կտամ ես:  Դե ոնց պետք է ապացուցեք, եթե ապացույցների վրա նստած` ապացույց եք ման գալիս: Բա տեխնիկական, լսողական, քաղաքական բարդություն ունեք, իրավագիտության բարդություն ունեք, ոնց եք ապացուցելու»,- ասաց քաղաքական գործիչը:

«Քաղաքացիական պայամանագիր» կուսակցության անդամ Նիկոլ Փաշինյանն իր  ելույթում անդրադարձավ նաեւ Սուրեն Խաչատրյանի որդու` Երեւանի Մաշտոցի պողոտայի  մայթերով «Բրաբուս» մակնիշի մեքենայով երթեւեկելուն. «Սյունիքի մարզի դատարանը հինգ ամիս չի կարողանում հայտնաբերել Սյունիքի  մարզպետ Սուրեն Խաչատրյանի որդուն` Տիգրան Խաչատրյանին, ով  Երեւանի մայթերով «Բրաբուս» մակնիշի մեքենայով  երթեւեկում է: Միաժամանակ ոստիկանությունը որոշում է բերման ենթարկել Սուրեն Խաչատրյանի որդուն, տուգանային հրապարակ տանելով: Ոստիկանությունն էնքան ոգեւորված է իր  դարակազմիկ համարձակությունից, որ  լրատվական արտահոսքեր են կազմակերպում, թե տեսեք` ոստիկանությունն ինչ դուխով է»,- շարունակեց իր խոսքը  ՔՊԿ-ի անդամը:

Որպես իր զրույցի եզրափակում` Փաշինյանը խորհուրդ տվեց ՀՀ գլխավոր  դատախազ Գեւորգ Կոստանյանին ժեստերով չխոսել. «Տպավորությունն այնպիսին է, որ Ձեզ հաշիվ չեք տալիս, թե որտեղ եք գտնվում: Ազգային ժողոը մի մարմին է, որը նշանակում է  գլխավոր դատախազին: Կարգի՛ հրավիրեք Ձեզ:  Ձեր ցուցամատը Ձե՛զ պահեք եւ այն օգտագործեք` ըստ նշանակության: Եթե  շարունակեք ձեզ էսպես պահել, ամեն անգամ էստեղ գալուց հոգեբանի կարիք եք ունենալու»:


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ