Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

Զարմացած է

Արխիվ 12-16

Վաղուց ձայնը չէինք լսել, եւ ահա Քաղաքագետների միության նախագահ ՀՄԱՅԱԿ ՀՈՎՀԱՆՆԻՍՅԱՆԸ հանկարծ որոշեց հանրությանը պարգեւել իր խոհափիլիսոփայական մտքերը կուսակցությունների մասին: Հայոց դեմոկրատիայի հայր եւ մտքի գիգանտ սույն կերպարը մասնավորապես ասաց. «Այսօր մեզանում հացի խնդիրը գնալով սրվում է: Ճիշտ ժամանակն է մտածել նոր կուսակցությունների ստեղծման մասին` ապահովագրվելով համաժողովրդական ընդվզման հասունացող վտանգից: Չէ՞ որ կուսակցությունները կոչված են ոչ թե համախմբելու, այլ մասնատելու ժողովրդին»: Անշուշտ, երբ հացի խնդիրը սրվում է, կարիք է զգացվում ծաղրածուների, այլ ոչ թե կուսակցությունների: Ու թեեւ կան կուսակցություններ, որոնք ոտ ու գլխով ծաղրածու են, այնուամենայնիվ, զարմանալով հանդերձ, չպետք է մոռանալ, որ ինքը` Հմայակը, ավելի շատ է կուսակցություն փոխել, քան շապիկ մաշել: Ուստի մնում է գալ զարմանալի եզրակացության` որ, եթե Հովհաննիսյանն իրավացի է, ապա, անպայմանորեն, ժողովրդին պառակտելու հսկայական փորձ պետք է կուտակած լինի բոլոր կուսակցություններում, որոնց հասցրել է անդամակցել:

Իսկ խորհրդարանում որոշ ընդդիմադիր ժողընտրյալներ այնպես էին հարձակվել գլխավոր դատախազի վրա, այն էլ` ոչ այնքան պառլամենտական ձեւով, որ ԱԺ նախագահ ԳԱԼՈՒՍՏ ՍԱՀԱԿՅԱՆԸ ստիպված վերհիշել էր իր նախկին մասնագիտությունը` մանկավարժությունը, եւ մի ամբողջ դասախոսություն կարդաց պատգամավորի պահվածքի մասին` եզրափակելով. «Ամոթ է, բերեք մի քիչ էլ բերեք մեր լեքսիկոնը, բառապաշարը ըմբռնելի դարձնենք հասարակությանը: Ես գիտեմ` հասարակությունն այսօր այնպիսի վիճակում է, որ հակված է լսել թալանել եւ այլն, եւ այլն: Բայց դա նրանից չի, որ սիրահարված պրոցեսների մեջ է գտնվում, ընդամենը ձեռքները թափ են տալիս ու ասում` ոչ սրանք են մի բան, ոչ էլ` նրանք: Այնպես որ, գնահատեք այս աննախադեպ հաղորդումը Ազգային ժողովում»:
Ինչ կարծիքի եք, ԱՄՆ Կոնգրեսը օրենսդիր մարմի՞ն է, թե մեխի գլուխ: Հանկարծ չասեք, որ մեծ հեղինակությամբ օժտված ներկայացուցչական մարմին է: Հունիսի 8-ին ԱՄՆ ԳԵՐԱԳՈՒՅՆ ԴԱՏԱՐԱՆԸ մի սենսացիոն որոշում ընդունեց, համաձայն որի` ԱՄՆ Կոնգրեսը ոչ թե լուրջ մարմին է, այլ հենց մեխի գլուխ: Դատարանի որոշմամբ` Կոնգրեսն իրավունք չունի որոշում ընդունել ճանաչելու այս կամ այն պետությունը, դա դառնում է բացառապես ԱՄՆ նախագահի մենաշնորհը: Դե, եթե հիշենք, որ Օբամայից բեթար եւ ծայրահեղ ցածր ինտելեկտով նախագահներ է ունեցել այդ գերտերությունը... Կարճ ասած, եթե վաղը հանկարծ կոնգրեսականները որոշեն պաշտոնապես ճանաչել Արցախը, նրանց ընդունած որոշումը կհամարվի ոչ թե ԱՄՆ օրենք, այլ` աղբարկղ նետելու ենթակա մի թղթի կտոր: Իսկ դուք ասում եք ժողովրդավարություն, բռնապետությունը հո պոզով-պոչով չի լինում:
Երեկ պատահմամբ հայտնաբերեցինք համասեռամոլների լոբբիստների մեր ցուցակի մեջ ընդգրկված միհոգավորի` ոմն ՎԱՀԵ ԳԵՎՈՐԳՅԱՆԻ զեղումները, այն էլ ինչի՞ շուրջ` օրենքի օրինականության եւ այլ բարձր մատերիաների մասին: Սույն սուբյեկտը կռվարար ՀՀՇ-ական ակտիվիստ է, եւ ահա առանց աչք թարթելու հայտարարում է. «Նույնասեռականների դեմ պայքարող անձանց ես երբեւէ չեմ տեսել ռեժիմի դեմ պայքարելիս: Նրանք պարզապես խոցելի խումբ են գտել եւ փորձում են այդ խմբի վրա ինքնահաստատվել»: Զարմանալի է, մի՞թե սույն կերպարանքը չգիտի, որ սուտ ասել չի կարելի նույնիսկ այնպիսի մերժվածներին, ինչպիսիք են համասեռամոլության պաշտպանները: Իսկ որ նա ստել է, դա միանշանակ է: Ինչ է, ձեռք չի՞ տալիս հիշել, թե քանի անգամ էին գործ տվել թունդ հակաիշխանական «Հայազն» կուսակցության տղերքի վրա` այն բանի կապակցությամբ, որ այդ երիտասարդները փողոցում ծիածանագույն պարզելու փորձ անողներին դաստիարակել էին ավանդական հայկական ձեւով: Ճիշտ է, համոթ մեր ոստիկանությանը, այդ գործերին նույնիսկ ընթացք է տրվել, բայց փաստը մնում է փաստ, որ համասեռամոլներին ու հատկապես նրանց պաշտպաններին, մեղմ ասած, շատ վատ են վերաբերվում բոլոր նորմալ մարդիկ, անկախ նրանից` օրվա իշխանությունը նրանց աչքի լույսն է, թե` աչքի գրողը:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ

Հավանեցի՞ր հոդվածը, կիսվիր ընկերներիդ հետ