Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՌՈՒԲԼՈՒ ՓՈԽԱՐԺԵՔԸ ՆԱԵՎ ՀԱՅԱՍՏԱՆՅԱՆ ՏՈՒՐԻԶՄԻ ՎՐԱ Է ԱԶԴԵԼ

Արխիվ 12-16

ՌՈՒԲԼՈՒ ՓՈԽԱՐԺԵՔԸ ՆԱԵՎ ՀԱՅԱՍՏԱՆՅԱՆ ՏՈՒՐԻԶՄԻ ՎՐԱ Է ԱԶԴԵԼ

Նորից սկսվում է հանգստի եւ զբոսաշրջության եռուն շրջանը, եւ Հայաստանի քաղաքացիները, հասկանալի է՝ նրանք, ովքեր գոնե նվազագույն հնարավորություն ունեն, հերթական անգամ մտածում են՝ տեղում հանգստանալո՞ւ, թե, այնուամենայնիվ, դուրս մեկնելու մասին: Եվ, կարծես թե, նորից դրսի կողմնակիցները շատ են եւ հին բացատրությամբ. մասնավորապես վրացական ծովափ մեկնելն ավելի մատչելի եւ որակյալ է, քան հայաստանյան ամենահետամնաց հանգստավայրը: Բայց ահա ՀՀ էկոնոմիկայի նախարարության զբոսաշրջության վարչության պետ ՄԵԽԱԿ ԱՊՐԵՍՅԱՆԸ միանգամայն լավատեսական տրամադրություններ ուներ.

Տարեցտարի Հայաստանում զբոսաշրջության դինամիկ աճ է նկատվում: Օրինակ՝ 2014թ. նախորդող տարվա համեմատ 11,3 տոկոս աճ ենք ունեցել. դեպի Հայաստան զբոսաշջրիկների թիվը կազմել մոտ 1,2 միլիոն մարդ: Ներքին զբոսաշրջությունը եւս դինամիկ զարգանում եւ աճում է: Այդ աճը հատկապես շեշտակի եղավ 2013 եւ 2014 թվականերին ¥համապատասխանաբար՝ 30,1 եւ 28,1 տոկոսով¤: 2015թ. առաջին եռամսյակում մոտ 4 տոկոս անկում արձանագրվեց, սակայն նման օրինակ մենք ունեցել ենք՝ 2009թ., բայց այդ ժամանակ այդ անկումը բացասաբար չազդեց տարեկան ցուցանիշի վրա, եւ տարեվերջին ունեցանք ավելի քան 11 տոկոս աճ: Հուսով ենք, որ այս տարի եւս տարեկան ցուցանիշը աճ կլինի:  
Իսկ ահա այս տարվա առաջին եռամսյակում զբոսաշրջիկների նվազումը պայմանավորված է ռուսական ռուբլու փոխարժեքի անկմամբ, հուսով ենք, որ առաջիկայում այդ խնդիրը եւս կլուծվի, քանի որ արդեն իսկ ՌԴ-ում ռուբլու կայունացում է նկատվում:
- Թեեւ խոսում եք պատկառելի աճերից, սակայն մեկ փաստ կա. մեր հայրենակիցները այլ երկիր հանգստանալու մեկնելիս` սկսել են ավելի ու ավելի հաճախ օգտվել վրացական գործակալությունների ծառայություններից: Պարզապես՝ Վրաստանից ավելի մատչելի գներով են տոմսեր գնում: Ինչո՞ւ մեզ մոտ չենք կարողանում մատչելի գներ ապահովել:
- Ինչ խոսք՝ համամիտ եմ Ձեզ հետ: Նման տարբերակների եւ, առհասարակ, մրցունակ ավիափոխադրումներ ունենալու ուղղությամբ աշխատանքներ կան: Անցյալ տարի կառավարությունը հայտարարեց բաց երկնքի քաղաքականություն, որը ենթադրում է, որ, այո, սահմանափակումներն ավիաչվերթների քանակի եւ ուղղությունների առումով վերանում են: Բայց դա միայն հայտարարելով չի, դա առաջին քայլն է, որին հաջորդում է արդեն բանակցային գործընթացը` տարբեր երկրների համապատասխան օղակների, մասնվոր կառույցների հետ: Այսինքն՝ բաց երկնքի քաղաքականությունը գործում է այն երկների միջեւ, ովքեր ունեն երկկողմ համապատասխան համաձայնագրեր, որից հետո պետք է սկսեն ակտիվանալ մասնավոր հատվածի ներկայացուցիչները` այլ երկրների ավիաընկերությունները պետք է սկսեն մուտք գործել երկիր:

«ՀԱՅԱՍՏԱՆՈՒՄ
ՀԱՆԳՍՏԱՎԱՅՐԵՐԻ ԳՆԵՐԸ ԱՎԵԼԻ ՄԱՏՉԵԼԻ ԵՆ,
ՔԱՆ ՎՐԱՍՏԱՆՈՒՄ»

-Հայտնի է, որ շատ երկրներ հնարավոր ու անհնարն են անում՝ հնարավորինս մեծ թվով զբոսաշրջիկներ ներգրավելու համար: Օրինակ` ՌԴ-ն մինչեւ իսկ ավիատոմսերի մեծ զեղչեր է սահմանել, որ մարդիկ նախընտրեն Ղրիմը: Իսկ մենք ունե՞նք նմանատիպ պետական ծրագրեր, որոնք կնպաստեն, որ օտարերկրյա զբոսաշրջիկը շահագրգռվի ու հասնի Հայաստան, եւ դեռ մի բան էլ՝ մտածի նաեւ Ղարաբաղ այցելելու մասին:
-  Իհարկե ոչ այնպես, որ կես գներ առաջարկենք եւ այլն, բայց կան պետական ամենամյա ծրագրեր, որոնց շրջանակներում Հայաստանը հնարավորինս գովազդվում է միջազգային շուկայում: Կան նաեւ ծրագրեր, որտեղ Հայաստանը ներկայացվում է` որպես գրավիչ ուղղություն ավիաընկերությունների համար եւ այլն:
Իսկ եթե Ձեր բերած օրինակով մենք եւս, ասենք, ցանկանանք, որ մասնավոր ավիաընկերությունները տոմսերը կես գնով վաճառեն, պետությունը պետք է սուբսիդավորի դա: Բայց ես չեմ կարծում, որ դա նպատակահարմար է այսօր: Ավելի լավ է դրա փոխարեն մենք աշխատենք ավելի բարելավել մեր զբոսաշրջության ոլորտը, ավելի մրցունակ դարձնել այն: Ինչ խոսք, էդպիսի մեխանիզմներ կարելի քննարկել, բայց ժամանակին, եւ եթե դա կտա իր ցանկալի արդյունքը:
- Բայց ամեն դեպքում, հանրության մեջ ձեւավորված է այն համոզմունքը, որ Հայաստանում շատ ավելի թանկ են հանգստյան գոտիներում հանգստանալը, քան, ասենք, Վրաստանում:
- Շատ շնորհակալ ենք, որ այդ հարցը տվեցիք: Թյուր կարծիք է ձեւավորվել հանրության շրջանում, թե մեզ մոտ հանգիստն անցկացնելն ավելի թանկ է, քան ցանկացած այլ երկրում: Մարդիկ պետք է համեմատեն համեմատելի պրոդուկտները եւ հետո միայն թանկի ու էժանի մասին խոսեն: Այո, հայերը գնում են Վրաստան հանգստանալու եւ լավ են անում. ես դեմ եմ, երբ ասում են, թե, տեսեք, հայը գնում է Վրաստան կամ Եգիպտոս: Դա մարդու իրավունքն է, եւ, ի վերջո, եկենք անկեղծ լինենք. այո, մենք ունենք չնաշխարհիկ Սեւան, բայց դա ծով չի եւ չի էլ կարող համեմատվել, ասենք, Բաթումիի հետ: Դա չի նշանակում, որ եթե հայը գնում է դրսում հանգստանալու, ուրեմն մեր երկրի թշնամին է. դա մեր ներքին տուրիզմի հաշվին չէ: Մենք ծով չունենք, բայց շատ սիրում ենք ծով: Իսկ Վրաստանը ծովային հանգիստ առաջարկող երկրների մեջ ամենամտչելին է:
ԻԼՈՆԱ ԱԶԱՐՅԱՆ

 

Հավանեցի՞ր հոդվածը, կիսվիր ընկերներիդ հետ