Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

«ԿԱՐԾՈՒՄ ԵՄ` ԼԵՎՈՆ ՏԵՐ-ՊԵՏՐՈՍՅԱՆԻ ՓՈՐՁԸ ՔՈՉԱՐՅԱՆԸ ՀԱՇՎԻ ԿԱՌՆԻ»

Արխիվ 12-16

«ԿԱՐԾՈՒՄ ԵՄ` ԼԵՎՈՆ ՏԵՐ-ՊԵՏՐՈՍՅԱՆԻ ՓՈՐՁԸ ՔՈՉԱՐՅԱՆԸ ՀԱՇՎԻ ԿԱՌՆԻ»

 

Ակնհայտորեն հայրենի քաղաքական ընդդիմությունը տվել է հաջորդ խորհրդարանական ընտրությունների ոչ պաշտոնական մեկնարկը, եւ ամառը դեռ հորով-մորով չարած` պատրաստվում է քաղաքական աշնան նոր վերադասավորումներին: Իսկ թե նոր քաղաքական վերադասավորումներում ի՞նչ դերակատարություն կամ ազդեցություն կարող է ունենալ ՀՀ երկրորդ նախագահ Ռոբերտ Քոչարյանը, «Իրավունքը» պարզեց ԱԺ ՀՀԿ խմբակցության պատգամավոր ԼԵՌՆԻԿ ԱԼԵՔՍԱՆՅԱՆԻ տեսակետը.

- Իհարկե, Ռոբերտ Քոչարյանը փորձված քաղաքական գործիչ է, բայց բոլոր դեպքերում այսօր քաղաքական գործիչը պետք է ունենա կուսակցություն, իսկ նա չունի այդ տիպի կուսակցություն: Ինչքան էլ ասենք, թե «Բարգավաճ Հայաստանը» Քոչարյանին է, ԲՀԿ-ում հավաքված են մարդիկ, որոնք տարբեր գաղափարական հայացքներ ունեն եւ բոլորը չէ, որ այսօր կգնան նրա հետեւից: Բացի այդ, Ռ. Քոչարյանը, համենայն դեպս, հրապարակային քաղաքականություն մտնելու հայտ չի ներկայացրել:

- Այնուամենայնիվ, եթե Ռ. Քոչարյանը փորձի հրապարակային քաղաքականության գործընթացին մասնակցել, կկարողանա՞ որոշակի ռեսուրս հավաքել իր շուրջ:

- Արդյունքը շատ դժվար է կանխատեսել, բայց ինքն ունի իր ռեսուրսները, ազդեցությունը, ի վերջո, ՀՀ նախագահ է եղել եւ բոլոր դեպքերում կուսակցություններ կան, որոնք հարաբերությունների մեջ են նրա հետ: Ամեն դեպքում, Քոչարյանը փորձառու է եւ եթե նույնիսկ ցանկություն էլ ունենա քաղաքականություն վերադառնալու, իր ուժերը կհաշվի, թե որքանով կարող է հաջողություն ունենալ: Նույն ՀՀ հիմնադիր նախագահ Լեւոն Տեր-Պետրոսյանը ես, որպես ՀՀ քաղաքացի, չէի ուզենա, որ մտներ քաղաքական պայքարի մեջ եւ իր շուրջ ստեղծված պսակը քանդեր ու այսօր գնար, ինչ-որ կուսակցության երկրորդ մարդ դառնար: Նա հեղինակություն ուներ, բայց այն կորցրեց սխալ հաշվելու արդյունքում: Հետեւաբար, կարծում եմ` Լեւոն Տեր-Պետրոսյանի փորձը Քոչարյանը հաշվի կառնի: Կյանքն է ցույց տվել, որ անկախ լավ ու վատից, ընդհանրապես, դժվար է երկրորդ անգամ քաղաքականության մեջ հաջողության հասնել: Եվ անկեղծ ասած, չեմ ուզում, որ մեր երկրի երկրորդ նախագահը, ճիշտ չհաշվարկի ու մտնի քաղաքականություն: Քաղաքականությունը միակ ոլորտն է, որտեղ սխալվելու իրավունք չկա, դրա համար էլ վերջինս հայտ չի ներկայացնում:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ