Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

ՄԵԿՆԱՐԿՈՒՄ Է 12-ՐԴ «ՈՍԿԵ ԾԻՐԱՆ» ԵՐԵՎԱՆԻ ՄԻՋԱԶԳԱՅԻՆ ԿԻՆՈՓԱՌԱՏՈՆԸ

Արխիվ 12-16

ՄԵԿՆԱՐԿՈՒՄ Է 12-ՐԴ «ՈՍԿԵ ԾԻՐԱՆ» ԵՐԵՎԱՆԻ ՄԻՋԱԶԳԱՅԻՆ ԿԻՆՈՓԱՌԱՏՈՆԸ


Արդեն 12 տարի  «Ոսկե ծիրան» Երեւանի միջազգային կինոփառատոնն իսկական տոն է պարգեւում հայ արվեստասեր հանրությանը: Ինչպես նախորդ տարիներին, այս տարի եւս փառատոնի շրջանակներում մեկ շաբաթ շարունակ կինոթատրոններում կցուցադրվեն տարբեր ժանրերի ֆիլմեր: 12-րդ «Ոսկե ծիրանը» կանցկացվի  հուլիսի 12-19-ը:

ՀՀ մշակույթի նախարարի տեղակալ Արթուր Պողոսյանն անդրադառնալով «Ոսկե ծիրան» կինոփառատոնի մեկնարկին փաստեց, որ փառատոնը յուրահատուկ է իր տրամաբանությամբ, քանի որ «Ոսկե ծիրանը» միջազգային այն մրցույթն է, որը տարիների ընթացքում դարձել է հայկական մշակույթի խորհրդանիշը.«Փառատոնը միջազգային հարաբերություններում ամենաճանաչված եւ հեղինակավոր ստուգատեսն է: Սա լավագույն օրինակն է պետություն, հասարակական կազմակերպություն եւ մասնավոր սեկտոր համատեղ աշխատանքի: Փառատոնն այս տարի եւս պահպանելու է բոլոր մրցութային  անվանակարգերը, կլինեն նաեւ արտամրցութային անվանակարգեր եւ ծրագրեր, ինչպես նաեւ  վարպետության դասեր, հանդիպումներ»,-նշեց ԱՐԹՈՒՐ ՊՈՂՈՍՅԱՆԸ եւ ավելացրեց, որ փառատոնի մեխերից մեկը լինելու է Հայոց ցեղասպանության 100-րդ տարելիցին նվիրված  ցուցադրությունները: Ըստ նրա`փառատոնի այս տարվա յուրահատկություններից մեկը «Ռեժիսորներ առանց սահմանների»  ծրագիրն է, որին մասնակցելու են մի շարք երկրների մշակույթի նախարարներ եւ փոխնախարարներ.«Համոզված եմ, որ այս տարվա կինոփառատոնը լինելու է լավագույններից մեկը»,-եզրափակեց պարոն Պողոսյանը:

«Ոսկե ծիրան» Երեւանի միջազգային կինոփառատոնի հիմնադիր տնօրեն Հարություն Խաչատրյանի խոսքով`փառատոնի ընթացքում կլինեն շարժական կինոթատրոններ, որոնց շնորհիվ ֆիլմեր կցուցադրվեն Օպերայի եւ Մոսկվա կինոթատրոնի տարածքներում.«Այս տարի ե՛ւ պայծառության ե՛ւ տխրության տարի է, քանի որ նշում ենք Հայոց ցեղասպանության 100-րդ տարելիցը, բայց ուրախ ենք, որ գործում ենք, նկարահանում ֆիլմեր եւ անցկացնում փառատոներ, որովհետեւ քայլում ենք առաջ եւ պահանջում ճշմարտության ընդունում»,-մեկնաբանեց ՀԱՐՈՒԹՅՈՒՆ ԽԱՉԱՏՐՅԱՆԸ:

Երեւանի քաղաքապետի տեղակալ Արամ Սուքիասյանն էլ  ընդգծեց, որ փառատոնի շրջանակներում Երեւանը պատրաստ է ընդունել բազմաքանակ հյուրերի եւ քաղաքում ստեղծել բարձր տրմադրություն.«Բացի դահլիճային միջոցառումներից եւ կինոդիտումներից, բացօթյա կինոդիտումներ կլինեն նաեւ Երեւանի կենտրոնում, որոնք իհարկե նախատեսված չեն ժյուրիի համար: Կարծում եմ փառատոնի հյուրերը եւ մասնակիցները Երեւանից կմեկնեն տպավորված»,-շեշտեց ԱՐԱՄ ՍՈՒՔԻԱՍՅԱՆԸ:

12-րդ  «Ոսկե ծիրանի» առանցքում  կլինեն Հայոց ցեղասպանության մասին ֆիլմերի ցուցադրություններ: Փառատոնի շրջանակում իրականացվող երկու ծավալուն ծրագրերն են «Մենք կանք» եւ «Այլեւս երբեք»: Փառատոնն արդեն ստացել է  1600 հայտ`105 երկրներից: Այս տարի ժյուրիի կազմը կգլխավորեն `«Խաղարկային ֆիլմերի միջազգային մրցույթ»`Ռոբեր Գեդիգյանը, «Վավերագրական ֆիլմերի միջազգային մրցույթ»`Մարեկ Հովորկան,  «Կորիզ» կարճամետրաժ ֆիլմերի մրցույթ`Հովիկ Հաբեշյանը,  «Հայկական համայնապատկեր ազգային մրցույթ»`Ալեքսանդր Գրոզեւը:


ԶՎԱՐԹ ԽԱՉԱՏՐՅԱՆ


Հավանեցի՞ր հոդվածը, կիսվիր ընկերներիդ հետ