Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

«ՍԱՀՄԱՆԱԴՐԱԿԱՆ ԲԱՐԵՓՈԽՈՒՄՆԵՐԻ ՀԱՐՑՈՒՄ ՉԵԶՈՔՈՒԹՅՈՒՆԸ ԿԱՐՈՂ Է ՄԻՆՈՒՍ ԼԻՆԵԼ ՔԱՂԱՔԱԿԱՆ ՈՒԺԵՐԻ ՀԱՄԱՐ». ՊԱ

Արխիվ 12-16

«ՍԱՀՄԱՆԱԴՐԱԿԱՆ ԲԱՐԵՓՈԽՈՒՄՆԵՐԻ ՀԱՐՑՈՒՄ ՉԵԶՈՔՈՒԹՅՈՒՆԸ ԿԱՐՈՂ Է ՄԻՆՈՒՍ ԼԻՆԵԼ ՔԱՂԱՔԱԿԱՆ ՈՒԺԵՐԻ ՀԱՄԱՐ». ՊԱՏԳԱՄԱՎՈՐ

 

Սահմանադրական բարեփոխումների հարցի վերաբերյալ այդպես էլ լուրջ քննարկումներ չեղան ԱԺ-ում: Ավելին` սահմանադրական բարեփոխումների հարցը փորձում է ավելի շատ ստվերում թողնել ընդդիմության մի մասը: Այս եւ այլ հարցերի շուրջ «Իրավունքը» զրուցեց ԱԺ ՀՅԴ խմբակցության պատգամավոր Արծվիկ Մինասյանի հետ:

 

 

- Պրն Մինասյան, ընդդիմությունը կարծես թե փորձում է Սահմանադրական բարեփոխումների հարցը թողնել ստվերում: Լուրջ քննարկումներ կարծես թե չեն եղել ընդդիմադիրների կողմից: Ինչո՞ւ:

- Այդ հարցն ուղղեք իրենց: Սահմանադրական բարեփոխումների հարցը թիվ մեկ քաղաքական հարցն է: Այդ հարցի շուրջ քաղաքական ուժերը պետք է հայտնեն իրենց տեսակետը: Կարեւորն այն է, որ այդ քննարկումները լինեն ոչ թե ձեւական, ոչ թե ասեն` դեմ ենք, որ իշխանությունն է նախաձեռնել, այլ բովանդակային քննարկում լինի, առարկություններ էլ հնչեցվեն:

- Հնարավո՞ր է, որ աշնանը ընդդիմության մի հատվածը փորձի սահմանադրական բարեփոխումների գործընթացը տապալել:

- Չեմ կարծում: Որեւէ լիազորություն կամ ազդեցություն չկա, որ փորձեն գնալ այդ գործողությանը: Տապալել` նշանակում է հակասահմանադրական ընթացքի մեջ լինել կամ առնվազն լինել չեզոք դիրքում: Վերջինը կարող է իրենց համար մինուս լինել:

- Սահմանադրական բարեփոխումներին դեմ ընդդիմադիրները միգուցե քաղաքական դիվիդենտնե՞ր են ցանկանում շահել` բարեփոխումների գործընթացի դեմ խոսելով:

- Դա իրենց հարցրեք: Ես  ուզում եմ, որ մեր երկրում սահմանադրական բարեփոխումների շնորհիվ ձեւավորվի այնպիսի համակարգ, որը իրական հնարավորություն կընձեռի իշխանափոխության համար:

- Այնուամենայնիվ, մենք ականատես եղանք խորհրդարանում Ձեր եւ ընդդիմադիր երկու ուժերի` ՀԱԿ-ի եւ ՕԵԿ-ի բանավեճին: Այնքա՜ն բան պարզ դարձավ այդ բանավեճից:

- Դե, հիմա ես ի՞նչ ասեմ:

- Դե ինչ ասեք, Դուք պետք է ասեք:

- Ես կարծում եմ, որ նրանք, ովքեր դրական նախաձեռնությունները փորձում են վերածել նեղ, խմբային, անձնական ձեռքբերումների կամ վնասների, քաղաքականության մեջ անելիք չունեն:

- Քաղաքական դաշտում երկու նոր կուսակցություն է  ձեւավորվել` «Ալյանս», «Քաղաքացիական պայմանագիր»: Այս համատեքստում քաղաքական  ի՞նչ աշուն եք կանխատեսում: «Թեժ աշուն» բառակապակցությունն արդիակա՞ն կլինի:

- Նորմալ, քննարկումների աշուն եմ կանխատեսում սահմանադրական փոփոխությունների օրակարգային հարցում:

- Քաղաքական ուժերն աստիճանաբար կարծես թե հաջորդ ընտրություններին են պատրաստվում: ՀՅԴ-ում  այս մասին քննարկումներ կամ խոսակցություններ եղե՞լ են:

- Կարծում եմ`վաղ է դրա մասին խոսելը: Կարեւոր են սահմանադրական փոփոխությունները, ընտրական օրենսգրքի մշակումն ընտրական նոր համակարգով: Միայն դրանից հետո կարելի է խոսել 2017 թ-ի  ընտրությունների ձեւաչափի մասին մտածել: Իսկ առհասարակ ցանկացած քաղաքական ուժ ապագայում մտածում է  իր դերակատարության մասին:

- ՀՅԴ-ն «Ալյանս», «Քաղաքացիական պայմանագիր» կուսակցությունների հետ համագործակցությունը հնարավոր  համարո՞ւմ է:

- Այս պահին չկա այդպիսի բան, բայց ասել ենք` ցանկացածի հետ պատրաստ ենք համագործակցել, եթե իրենց տեսակետները համընկներ մեր մոտեցումների հետ: Բայց մի պայմանով կհամագործակցենք`եթե տեսակետների համընկնումը լինի  համոզմունք, ոչ թե իրավիճակային հարց:

 


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ