Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

ԱՐԱՄ ՍԱՐԳՍՅԱՆ. «ԳԵՐՄԱՆԻԱՅԻ ԴԵՍՊԱՆԻ` ԳԵՅԵՐԻՆ ԱՋԱԿՑՈՒԹՅՈՒՆԸ ՀԱՐՁԱԿՈՒՄ Է ՀԱՅԿԱԿԱՆ ԸՆՏԱՆԻՔԻ ՎՐԱ»

Արխիվ 12-16

ԱՐԱՄ ՍԱՐԳՍՅԱՆ. «ԳԵՐՄԱՆԻԱՅԻ ԴԵՍՊԱՆԻ` ԳԵՅԵՐԻՆ ԱՋԱԿՑՈՒԹՅՈՒՆԸ ՀԱՐՁԱԿՈՒՄ Է ՀԱՅԿԱԿԱՆ ԸՆՏԱՆԻՔԻ ՎՐԱ»

 

Երեւանում Գերմանիայի դեսպանությունը հունիսի 9-ին «Իրավունքի» դեմ դատարան դիմած «Նոր սերունդ» հասարակական կազմակերպության հետ կնքեց պայմանագիր` ֆինանսական աջակցության վերաբերյալ: Աջակցությունը սահմանվել է «Հայաստանում լեսբուհիների, միասեռականների, բիսեքսուալների եւ տրանսսեքսուալների (ԼՄԲՏ) իրավունքների պաշտպանության ոլորտում իրավապաշտպանների ու սկսնակ առաջնորդների գիտելիքների ամրապնդում եւ խթանում» ծրագրի համար: 30.000 եվրո արժողությամբ աջակցային այս ծրագիրը նպատակ է հետապնդում ամրապնդել Հայաստանում լեսբուհիների եւ միասեռականների իրավունքները` պայքարելով բնակչության շրջանում վերջիններիս նկատմամբ դրսեւորվող խտրականության եւ արհամարհանքի դեմ:
Խայտառակ այս որոշումն անընդունելի են համարում Հայաստանի դեմոկրակատական կուսակցության նախագահ Արամ Սարգսյանն ու «Համահայկական ծնողական կոմիտե» ՀԿ-ի ղեկավար Արման Բոշյանը:

 


Ինչո՞ւ Գերմանիայի դեսպանատունը չի աջակցում ավանդական ընտանիքներին` հռետորական հարց է հնչեցնում Արամ Սարգսյանը: «Մենք հազիվ ազատեցինք ու մաքրեցինք Կոմայգին սեռական փոքրամասնություններից: Ի վերջո, ոչ ոք այդ փոքրամասնություններին չի խանգարում իրենց գործը կատարել, բայց նրանք անընդհատ ավելին են ուզում»,- ասաց կուսակցության ղեկավարը:
Գերմանիայի դեսպանի որոշումը, ըստ Դեմկուսի ղեկավարի` լայնածավալ հարձակում է հայկական ընտանիքի, ադաթների ու արժեհամակարգի վրա: Արամ Սարգսյանը կոչ է անում դեսպանին` այդ 30.000 եվրոն տրամադրել Գերմանիայի սեռական փոքրամասնություններին` «էնտեղի գեյերին»:
Բացի դեսպանի այս որոշումից, բանախոսին մտահոգում է նաեւ առաջիկայում խորհրդարան բերվելիք երկու` յուվենալ արդարադատության եւ խտրականության դեմ օրինագծերը: «Սա հստակ ծրագիր է. ցանկանում են հայաթափել Հայաստանը»,- վստահ է քաղաքական գործիչը:
Ասուլիսի մյուս բանախոս, «Համահայկական ծնողական կոմիտեի» հիմնադիր-անդամ Արման Բոշյանն ասաց, որ Գերմանիայի դեսպանատունն իրավունք ունի նման գործունեություն ծավալել Հայաստանում եւ միասեռականների համար գումարներ տրամադրել. «Հայաստանում ոչ միայն թույլատրվում է, այլ որեւէ օրենք չկա, որ արգելի դեսպանատանը` գումար տրամադրել միասեռականների համար, ավելին` նույն բանը կարող է անել Ադրբեջանը կամ Թուրքիան: Այսինքն` որեւէ օրենք չկա, որը վերահսկի դրսից եկող գումարները, որոնք իրականում մեր ազգային անվտանգության դեմ են»:
Ըստ Բոշյանի` եթե Հայաստանն ընդունի օրենք, որը կվերահսկի դրսից եկող գումարները, մեր պետությունը խնդիրներ կունենա Արեւմուտքի հետ, որը Հայաստանին այլեւս ֆինանսապես չի աջակցի:
ՍՈՆԱ ԴԱՎԹՅԱՆ

 

Հավանեցի՞ր հոդվածը, կիսվիր ընկերներիդ հետ