Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

«ԱԶԳԱՅԻՆ ՊԱՏԿԵՐԱՍՐԱՀ» ՄԻՋԱԶԳԱՅԻՆ 11-ՐԴ ՓԱՌԱՏՈՆԸ ԿԶԱՐՄԱՑՆԻ ԻՐ ՀԱՆԴԻՍԱՏԵՍԻՆ

Արխիվ 12-16

«ԱԶԳԱՅԻՆ ՊԱՏԿԵՐԱՍՐԱՀ» ՄԻՋԱԶԳԱՅԻՆ 11-ՐԴ ՓԱՌԱՏՈՆԸ ԿԶԱՐՄԱՑՆԻ ԻՐ ՀԱՆԴԻՍԱՏԵՍԻՆ


«Արվեստների պատկերասրահ» մշակութային հիմնադրամը`ՀՀ մշակույթի նախարարության աջակցությամբ հունիսի 18-ից հուլիսի 4-ը ներկայացնում է «Ազգային պատկերասրահ» միջազգային 11-րդ փառատոնը: 2008 թվականից փառատոնն ընդգրկվել է ՀՀ մշակույթի նախարարության`մշակութային միջոցառումների պետական աջակցության ծրագրում: «Ազգային պատկերասրահ» մշակութային հիմնադրամի նախագահ ՄԱՐԻԱՄ ՇԱՀԻՆՅԱՆԻ խոսքով` փառատոնը լինելով ավանդապահ, այս տարի եւս իր ծրագրերով եւ նոր մասնակիցներով կզարմացնի հանդիսատեսին. «Փառատոնի հանդիսավոր բացման համերգը այս տարի նվիրված է Հայոց ցեղասպանության 100-րդ տարելիցին: Համերգը կներկայացնի Հայաստանի պետական կամերային նվագախումբը`դիրիժոր Հարություն Արզումանյանի ղեկավարությամբ, մենակատարներ դաշնակահարուհի Սվետլանա Նավասարդյան, օպերային թատրոնի մեներգիչներ Արծվիկ Դեմուրչյանը եւ Քրիստինե Սահակյանը»,-նշեց Մ. Շահինյանը, ով կարեւորեց փառատոնի առաջին համերգը, որի ծրագիրը հետաքրքիր է: Նա նաեւ տեղեկացրեց, որ փառատոնի շրջանակներում տեղի կունենա հինգ համերգ, որոնք իրարից  տարբերվում են ե′ւ ծրագրով ե′ւ մասնակիցներով.«11-րդ փառատոնում կունենանք մասնակիցներ, ովքեր ելույթ կունենան առաջին անգամ: Կլինեն հյուրեր Ամերիկայից, Շվեյցարիայից եւ Ռուսաստանից: Հունիսի 21-ին կլինի նաեւ մեկ գեղեցիկ երեկո`նվիրված երաժշտության համաշխարհային օրվան»,-շեշտեց Մարիամ Շահինյանը: Ըստ նրա` փառատոնը կարող է շարունակական լինել , եթե մշտապես լինի ֆինանսական աջակցություն, դրա բացակայության պարագայում ցանկացած գաղափար կմնա որպես գաղափար:

Դիրիժոր ՀԱՐՈՒԹՅՈՒՆ ԱՐԶՈՒՄԱՆՅԱՆԸ փաստեց, որ փառատոնն իր համար առանձնանում է իր առանձնհատուկ մթնոլորտով.«Փառատոնի մթնոլորտը ձեւավորվում է պատկերասրահի որմնանկարների սրահում: Առանձնահատուկ մթնոլորտին հուսով եմ ականատես կլինեն շատերը, քանի որ հունիսի 18-ին այստեղ ելույթ կունենան Սվետլանա Նավասարդյանը, Արծվիկ Դեմուրչյանը, Քրիստինե Սահակյանը»,-ընդգծեց Հ. Արզումանյանը:

 


ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ