Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

«ԹԱՏՐՈՆ X-Ը» ՄԵԿՆԱՐԿԵՑ «ՄԱՍՆԱԳԻՏԱԿԱՆ ԽՈՍՔԻ ՍՊԱՍՈՒՄՈՎ»

Արխիվ 12-16

«ԹԱՏՐՈՆ X-Ը» ՄԵԿՆԱՐԿԵՑ

«ՄԱՍՆԱԳԻՏԱԿԱՆ ԽՈՍՔԻ ՍՊԱՍՈՒՄՈՎ»


«Թատրոն X» 8-րդ թատերական բաց փառատոնն այս տարի մեկնարկեց այլ ձեւաչափով` հավատարիմ մնալով իր սկզբունքներին` քննադատական խոսքին, փառատոնը մեկնարկեց ոչ թե ներկայացումների քնարկումներով, այլ ոլորտի խնդիրների բարձրաձայնմամբ: Այն ընթացավ երեւանյան տապից հեռու` Բյուրականի նորաբաց Արվեստի ակադեմիայում: «Մասնագիտական խոսքի սպասումով» խորագրով քննարկումն իր մեջ ընդգրկել էր մի քանի ոլորտներ` թատերագիտություն, երաժշտություն եւ գրականություն:


«ՔԱՅԼ ԱՌ ՔԱՅԼ ԽՈՐՏԱԿՎՈՒՄ Է ՄԱՍՆԱԳԻՏՈՒԹՅԱՆ ԸՆԿԱԼՈՒՄԸ»


Փառատոնի նախագահ, թատերագետ ԱՐԱ ԽԶՄԱԼՅԱՆԸ «Իրավունքի» հետ ամփոփելով քննարկումը` այն համարեց կայացած:

- Մեծ ցանկությունն էր, որ փառատոնի մեկնարկը դառնա առիթ` ոչ միայն թատերական ոլորտի խնդիրների մասին խոսելու, այլ առհասարակ մշակույթի ոլորտում առկա արմատական խնդիրների: Այստեղ ամենակարեւորն այն էր, որ ոչ թե մեղադրվեցին ինչ-որ պաշտոնյաներ, քաղաքականություն, այլ խնդիրը դրվեց առավել լուրջ գլոբալ եւ խորքային` մեր մտածողության խնդրի վրա: Այս հանդիպումը, որ հավաքել էր մեր միջավայրի ամենաբանիմաց, հեղինակավոր մարդկանց, կարծես այդ բոլոր հարցերը ուրվագծվեցին եւ ստացան մի ամբողջական թեզ: Կարծում եմ` վաղը այդ հարցերի ամբողջությունը կունենա իր ռեալ, շոշափելի արդյունքները:

- Ի վերջո, որտեղի՞ց պիտի սկսել` ոլորտի խնդիրները լուծելու համար:

- Մի կետ կա, որ կարծես բոլորը համաձայնեցին ինձ հետ` բարեփոխումների ակունքը պիտի լինի կրթական համակարգը: Այնքան ենք կրկնել կրթություն, կրթական համակարգ, որ այս բառերը արժեզրկվել են: Սրա ռեալ որոշակի շոշափելի իմաստը այլեւս չենք ընկալում: Բայց չի կարող դերասանը, ստեղծագործող անհատը` առանց մտավոր պաշարի, հետաքրքիր լինել: Ցավոք, այսօր ամենամեծ աղետը, որ քանդում է ե՛ւ թատրոնը, ե՛ւ գեղարվեստական իրականությունը, այն է, որ ամեն ինչ շատ հեշտ է դարձել: Հեշտ է լինել դերասան, ռեժիսոր, հեշտ է գրել ներկայացման մասին, հեշտ է ընդունվել թատերական ինստիտուտ եւ ավարտել այն: Այսինքն` քայլ առ քայլ խորտակվում է մասնագիտության ընկալումը, մինչդեռ` տարիներ շարունակ ինքս փորձում եմ հասկանալ թատրոնի առեղծվածը: Այս քննարկումն ապացուցեց դրա լրջությունը, որովհետեւ բոլոր բանախոսները այդ բոլոր խնդիրները հաղթահարած մարդիկ էին, ովքեր տեղյակ են ե՛ւ ժամանակակից գեղագիտական մտքին, ե՛ւ փիլիսոփայության պատմությանը, ե՛ւ հոգեբանությանը, ե՛ւ արվեստի տեսությանը: Այնպես որ, քննարկումով հաստատեցինք գեղարվեստական իրականության լրջությունը:


«ՄԵԿՆԱՐԿԸ ՏԵՂԱՓՈԽԵՑԻՆՔ ԼՈՒՐՋ ԶՐՈՒՅՑԻ ԵՎ ԵՐԿԽՈՍՈՒԹՅԱՆ ՈԼՈՐՏ»


- Իսկ հաջորդ տարիներին կպահպանվի՞ այս ձեւաչափը:

- Ձեւաչափը, բոլոր անցած 8 տարիների համեմատությամբ, ինձ համար նախընտրելի է, այստեղ ես զգում եմ հարմարավետություն, լրջություն: Միշտ էլ բոլոր փառատոների հանդիսավորությունը, այդ թվում` եւ մեր, ներքին վերապահությամբ եմ ընդունել: Քանի որ տարին մեզ համար խորհրդավոր էր` 100-րդ տարելիցն էր, հրաժարվեցինք հանդիսավորությունից եւ մեկնարկը տեղափոխեցինք լուրջ զրույցի եւ երկխոսության ոլորտ: Սա այն էր, ինչ միշտ ցանկացել եմ:

- Ընդհանրապես, փառատոնը տեւում էր մեկ ամիս, այս տարի այն կրճատվել է, կրճատվել է նաեւ ներկայացումների քանակը:

- Դա պայմանավորված է պետական բյուջեի բաշխումով, կարեւոր տարի էր, ու բոլոր միջոցներն ուղղել են տարբեր միջոցառումներին: Փորձել են տեղավորվել այն միջոցների մեջ, որոնք հատկացրել են: Ներկայացումների խնդիրը չէ միայն, նաեւ իրազեկության խնդիր կա, որովհետեւ բոլորը գիտեն` «Թատրոն X-ը» սկսվում է գարնանը, բայց հետաձգեցինք, քանի որ ունեինք լրջագույն միջոցառումներ` կապված տարվա խորհրդի հետ:


ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ