Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

Զարմացած

Արխիվ 12-16

Զարմանալի, նույնիսկ մազալու անձնավորություն է ՀԱԿ խմբակցության անդամ, նախկին զինդատախազ ԳԱԳԻԿ ՋՀԱՆԳԻՐՅԱՆԸ: Ոչ, այս անգամ չենք հիշատակելու նրա` 1995-ին կազմակերպած ահավոր ընտրակեղծիքները, ոչ էլ զինդատախազ եղած ժամանակվա հանցավոր դրվագները, այլ ընդամենը կանդրադառնանք զուտ պատգամավորական գործունեությանը: Զարմանալի է, բայց փաստ` այս ամռան շոգին Ջհանգիրյանի սիրտը արտահերթ նոր նստաշրջան է ուզում: Նա առաջարկում է ընթացիկ նստաշրջանում օրենքներն ընդունել առաջին ընթերցմամբ, իսկ 2-րդ եւ 3-րդ ընթերցումների համար մինչեւ արձակուրդները նոր արտահերթ հրավիրել, եւ ավելին. «Կարծում եմ, որ ճիշտ կլիներ, որ [արտահերթ նիստերում] առնվազն փոքր օրակարգում ընդգրկված օրինագծերը ներառվեին, ինչը ենթադրում է, որ դրանք հանձնաժողովներում գոնե քննարկված կլինեին»:

 

 


Այն, որ ամռան շոգին կարող են բավականին բուռն քաղաքական կրքեր եռալ, հաստատեց եւ ՀՀԿ խմբակցության ղեկավար ՎԱՀՐԱՄ ԲԱՂԴԱՍԱՐՅԱՆԸ` անդրադառնալով ԵԽԽՎ համազեկուցողների հայտարարությանը` սահմանադրական բարեփոխումների վերաբերյալ. «Համազեկուցողների առաջ քաշած բոլոր կետերի հետ էլ համաձայն ենք: Այս հայտարարությունից հետո սահմանադրական բարեփոխումների վերաբերյալ մասնագիտական հանձնաժողովն ավելի մեծ ուշադրություն կդարձնի այդ կետերի վերաբերյալ: Արդեն հուլիսին բուռն քննարկումներ են սպասվում քաղաքական ուժերի միջեւ` սահմանադրական բարեփոխումների վերաբերյալ»: Դե ինչ, զարմանալի է, բայց փաստ` շոգ ու կրակ հուլիս ամսին քաղաքականությամբ զբաղվողները ոչ թե ծովափ կամ հով տեղեր են մեկնելու, այլ Սահմանադրություն են քննարկելու: Ինչեւէ, հուսանք, որ այդ քննարկումների «գրադուսը» չափազանց բարձր չի լինի, թե չէ հանրությունը սովոր չէ ամառային ակտիվ քաղաքական գործընթացների:
Անշուշտ, Հայաստանն ահավոր բռնապետություն է, քանզի կայացրեց զարմանալի, սոսկալի բռնապետական որոշում` բավարարել ՇԱՆԹ ՀԱՐՈՒԹՅՈՒՆՅԱՆԻ դիմումը` անվտանգության նկատառումներով իրեն առանձին խուց տեղափոխելու վերաբերալ: Թե ինչ վտանգներ են երեւացել Շանթի աչքին` չգիտենք, սակայն առավել զարմանալի է այն, ինչն իրականացրեց նրա որդին Հայաստան-Պորտուգալիա ֆուտբոլային խաղի ժամանակ: Ապշեցուցիչ արագավազություն դրսեւորելով` նա «Ազատություն Շանթ Հարությունյանին եւ բոլոր քաղբանտարկյալներին» անգլալեզու պաստառով կարողացավ խուսափել ոստիկաններից եւ այդ պաստառը պարզել մարզադաշտի ուղիղ կենտրոնում: Դե ինչ, զարմանալով հանդերձ, մնում է արձանագրել, որ պատանի Շահենը շատ լավ մարզական տվյալներ ունի: Ու թերեւս նա շատ ավելի մեծ հաջողություններ արձանագրի, եթե ընտրի սպորտը, այլ ոչ թե քաղաքականությունը:
Իսկ այն, ինչ տեղի է ունեցել Լոնդոնի կենդանաբանական այգում, այնքան զարմանալի է, որ ակամա սկսում ես մտածել` Չարլզ Դարվինն իրավացի էր, երբ պնդում էր, որ մարդը կապիկից է առաջացել: Այդտեղ ԿԱՊԻԿԸ հաջողացրեց բջջային հեռախոսով սելֆի (ինքնալուսանկար) անել: Ըստ Դարվինի` կապիկը զարգանալով` մարդ դարձավ: Բայց հիմա էլ որոշ երիտասարդներ եւ ոչ միայն երիտասարդներ սելֆի անելու մոլուցք ունեն: Հոգեբան մասնագետներից ոմանք պնդում են, որ դա վկայում է հոգեբանական լուրջ խնդիրների եւ բարդույթների առկայության մասին, բայց մենք այդ երեւույթի մեկ այլ զարմանալի կողմը կդիտարկենք: Միգուցե էվոլյուցիային, որի արդյունքում կապիկը մարդ դարձավ, այժմ փոխարինելու է եկել հակաէվոլյուցիայի փուլը, երբ արդեն մարդը պետք է կապիկ դառնա: Չնայած սելֆի անողները լրիվ անշառ են, երբ վերհիշում եք որոշ քաղաքական գործիչների հրապարակային մեյմունությունները:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ

Հավանեցի՞ր հոդվածը, կիսվիր ընկերներիդ հետ