Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

Հուլիսի 1-ից կբարձրանան զինվորական կենսաթոշակների չափերը

Արխիվ 12-16

Հուլիսի  1-ից  կբարձրանան զինվորական կենսաթոշակների չափերը

 

 

ՀՀ աշխատանքի և սոցիալական հարցերի նախարար Արտեմ Ասատրյանի  ներկայացմամբ ՀՀ կառավարության 10.06.2015թ. նիստում ընդունվել է «Հայաստանի Հանրապետության կառավարության 2010 թվականի դեկտեմբերի 30-ի N 1734-Ն որոշման մեջ փոփոխություններ կատարելու մասին»  ՀՀ կառավարության որոշումը,  ըստ որի հուլիսի 1-ից կավելանան զինվորական կենսաթոշակները (նախորդ անգամ բարձրացել էին 2014թ. հուլիսի 1-ից):

 

Հուլիսի 1-ից զինվորական կենսաթոշակի չափը հաշվարկելու համար հիմնական կենսաթոշակի չափը կսահմանվի 16000 դրամ` նախկին 14000 դրամի փոխարեն, իսկ զինվորական ծառայության ստաժի մեկ տարվա արժեքը` 1500 դրամ` 1300 դրամի փոխարեն:

 

Կենսաթոշակի չափի ավելացումը կախված է զինվորական ծառայության ստաժից և զբաղեցրած վերջին պաշտոնի համար օրենքով սահմանված գործակցից:

 

Արդյունքում, օրինակ` 20 տարվա զինվորական ծառայության ստաժ ունեցող կենսաթոշակառուի կենսաթոշակը, ում վերջին պաշտոնի համար օրենքով սահմանված գործակիցը 6 է, 110000 դրամից (14000x6+20x1300) կդառնա 126000 դրամ (16000x6+20x1500):

Ընդհանուր առմամբ, ըստ հաշվարկների, սպայական անձնակազմի զինվորական կենսաթոշակի միջին չափը կկազմի 89953 դրամ՝ 78909 դրամի փոխարեն (աճը՝ 14.0 տոկոս):

Հուլիսի 1-ից կավելանան նաև`

1)   պարտադիր ժամկետային զինվորական ծառայության շարքային կազմի զինծառայողի հաշմանդամության զինվորական կենսաթոշակի չափերը`

-   առաջին խմբի հաշմանդամի համար՝ 36000 դրամ (31500 դրամի փոխարեն),

-  երկրորդ խմբի հաշմանդամի համար՝ 26000 դրամ (23100 դրամի փոխարեն),

-  երրորդ խմբի հաշմանդամի համար՝ 18000 դրամ (15750 դրամի փոխարեն),

2)   պարտադիր ժամկետային զինվորական ծառայության շարքային կազմի մահացած (զոհված) զինծառայողի ընտանիքի անդամի`

-   կերակրողին կորցնելու դեպքում զինվորական կենսաթոշակի չափը`  24000 դրամ (21000 դրամի փոխարեն),

-  երկու ծնողին կորցրած՝ 18 տարին չլրացած երեխայի դեպքում՝ 80000 դրամ (70000 դրամի փոխարեն):

 

Հարկ է նշել, որ զինվորական կենսաթոշակների ավելացման համար անհրաժեշտ միջոցները կձևավորվեն ՀՀ 2015 թվականի պետական բյուջեով հատկացված միջոցների, ինչպես նաև ներքին խնայողությունների հաշվին` սոցիալական պաշտպանության ոլորտին հատկացված չափաքանակների շրջանակներում: Վերջին տարիներին կենսաթոշակառուներին մատուցվող ծառայությունների արդյունավետության բարձրացման ուղղությամբ իրականացվող աշխատանքները, տեղեկատվական համակարգերի միջև տեղեկատվության փոխանակման  ընթացակարգերի  կատարելագործումը  նվազագույնի են հասցնում կոռուպցիոն ռիսկերը, պատահական և միտումնավոր սխալների հավանականությունը: Արդյունքում, բարձրանում է վճարումների հասցեականությունը` հնարավորություն ստեղծելով  խնայել բյուջետային միջոցներ, որոնք էլ ուղղվում են կենսաթոշակների բարձրացմանը:

Հավանեցի՞ր հոդվածը, կիսվիր ընկերներիդ հետ