Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

ԵՎՐԱԴԱՏԱՐԱՆԻ ՎՃԻՌՆԵՐԸ ՉԵՆ ԱՌՆՉՎՈՒՄ ԼՂՀ ԿԱՐԳԱՎԻՃԱԿԻՆ

Արխիվ 12-16

ԵՎՐԱԴԱՏԱՐԱՆԻ ՎՃԻՌՆԵՐԸ ՉԵՆ ԱՌՆՉՎՈՒՄ ԼՂՀ ԿԱՐԳԱՎԻՃԱԿԻՆ

ՄԻԵԴ-ի Մեծ պալատն օրեր առաջ հրապարակել է «Չիրագովը եւ մյուսները ընդդեմ Հայաստանի» եւ «Սարգսյանը ընդդեմ Ադրբեջանի» երկու գործերով վճիռները, համապատասխանաբար, Լեռնային Ղարաբաղի Բերձորի (Լաչին) շրջանից ազգությամբ քուրդ Չիրագովների ընտանիքի եւ Ադրբեջանի վերահսկողության տակ գտնվող Շահումյանի շրջանի Գյուլիստան գյուղից Սարգսյանների ընտանիքի` իրենց տները վերադառնալու եւ ունեցվածքի նկատմամբ իրավունքները վերականգնելու կամ արդար փոխհատուցում ստանալու վերաբերյալ: ՄԻԵԴ-ի վերոնշյալ վճիռների մասին «Իրավունքը» զրուցեց ՀՀԿ պատգամավոր, պետաիրավական հարցերի մշտական հանձնաժողովի, ԵԽԽՎ-ի անդամ ԱՐՓԻՆԵ ՀՈՎՀԱՆՆԻՍՅԱՆԻ հետ: «ՄԻԵԴ-ի կայացրած վերոնշյալ վճիռները չեն առնչվում ԼՂ-ի կարգավիճակին: Խոսքը վերաբերում է քաղաքացիների սեփականության իրավունքին եւ եվրոպական կոնվենցիայով նախատեսված այլ իրավունքներին»,- ասաց պատգամավորը:

 

 


Արփինե Հովհաննիսյանը հիշեցրեց` վերոնշյալ վճիռների մասին ՄԻԵԴ-ում Հայաստանից ընտրված արդեն նախկին դատավոր Ալվինա Գյուլումյանը եւ այլ դատավորներ ներկայացրել են հատուկ կարծիք, եւ Հայաստանի տարաձայնությունները, որոնք հիմնականում վերաբերում են Հայաստանի կողմից ԼՂ-ի վրա ունեցած քաղաքական, տնտեսական ազդեցությանը: «ՀՀ-ի տարաձայնությունները հատուկ կարծիքով կցվում են վճիռներին, որոնք հետագայում կարող են ուղղորդող դեր ունենալ»,- մանրամասնեց Արփինե Հովհաննիսյանը, ապա հավելեց, որ ՀՀ-ի ասելիքն ու անելիքը տեղ հասցնելու խնդիր էլ կա:
Որքա՞նով կարող են ՄԻԵԴ-ի այս վճիռները կյանքի կոչվել եւ իրականություն դառնալ, մասնավորապես խոսքը վերաբերում է երկու ընտանիքների` իրենց բնակարանները վերադառնալուն: «ՄԻԵԴ-ն առաջնորդվել է այն սկզբունքով, որ որեւէ քաղաքացի դուրս չմնա կոնվենցիայով նախատեսված իրավունքների դաշտից»,- պատասխանեց Արփինե Հովհաննիսյանը:
ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ